Kapitali 120

Peterip Jesus miserratigaa

JESUS Naatsiivik Getsemanemi qimal­lugu apustilit al­lat ilagalugit Peter Johan­nesilu qimaatitaagamik maan­na unip­put. An­nasip angerlarsimaf­fianut ingerlan­neqar­nerani Jesus im­maqa angusimavaat. An­nasip Jesus palasiunermut Kajfasimukaatsim­magu Peter Johan­nesilu ungasiar­tumit malin­naap­put. Toqutaanis­sar­tik siooragin­nguatsiar­paat, aam­mali Naalak­kamik qanoq pineqar­nis­saa isumakuluutigeqalugu.

Palasiunermit ilisarisimaneqar­nini iluatsil­lugu Johan­nes Kajfasip il­lorsuata kaajaluisaanut ap­pakaateqataavoq. Peterili matup silataaniigin­nar­poq. Johan­nes aggerasuar­poq matulerisorlu, ar­naq kif­faq, oqaloqatigalugu, Peterilu iser­nis­saminut akuerineqar­poq.

Sila nil­ler­tis­simavoq, il­lumilu kif­fat palasiunerul­lu kif­fai qisun­nit aamalisanit ikumatitaliorsimap­put. Jesusip eq­qar­tuun­neqar­nerata iner­nis­saanut utaq­qiisaa Peter ikumatitap eq­qaanukar­poq uun­nas­sarumal­luni. Ikumatitap qaamar­nani matumik paarsisup, Peterimik am­maas­sisup, Peter takul­luar­nerusin­naavaa. „Il­lit­taaq Jesusip taas­suma Galilæamiup ilagaatit,“ nil­ler­poq.

Ilisarineqar­nini isumatsaatigingaarlugu Peter misiar­poq najuut­tunul­lu tamanut nalunaarluni Jesus ilisarisiman­ngil­luin­narini. „Naluara, oqaatsit [paasin­ngilara, NV],“ akivoq.

Taava Peter isaaf­fiup tungaanukar­poq. Tamaanilu niviarsis­sap al­lap malugaa eq­qaminiit­tunul­lu oqarluni: „Unat­taaq Jesusip taas­suma Nazaretimiup ilagaa.“ Aam­ma Peter misiaq­qip­poq oqarluni: „Inuk taan­na ilisarin­ngilara.“

Peter kaajaluisamiigin­nar­poq sapin­ngisanilu tamaat malugitin­naveersaar­niaraluarluni. Im­maqa taamaalisorlu ul­laan­nguup taar­nerani kuk­kukuup angutivis­sap qarlor­nera tupas­sutigaa. Taamaalinerani Jesusimut eq­qar­tuus­sineq aal­lar­terut­tor­poq, qular­nan­ngitsumik il­lup kaajaluisap qulaata tun­ngaaniit­tor­taani. Peterip al­lal­lu ataani utaq­qisut qular­nan­ngitsumik up­per­narsaasus­sat as­sigiin­ngitsut sas­sar­tin­neqaraangata takusin­naavaat.

Jesusip ilaatut Peterip ilisarineqar­neranit nalunaaqut­tap-akun­nerata mis­saa ingerlareersimavoq. Maan­na eq­qaaniit­tut al­lat taas­sumun­nga or­nigup­put oqalul­lutil­lu: „Ilumut il­lit­taaq taak­kua ilagaatsit, oqaatsivim­mi nalunaar­paatsit.“ Ilaat tas­saavoq Malkusip, Peterip siutaagaata, eq­qarlia. Taan­na oqar­poq: „Naatsiivim­mi ilagigit takungin­ner­pak­kit?“

„Inuk taan­na ilisarin­ngilara,“ Peter malar­titas­saanani akisaraaq. Kuk­kuneran­nik qularun­naarsin­niaraluarlugit al­laat oqaasipilut­taler­poq — tas­sa sal­lusumik oqalus­simaguni perloq­qusaanis­saminik qular­naveeq­quserlugil­lusooq.

Peterip Jesusimik ilisarisiman­nin­nini pingasoriarluni miserratigisimatsiaan­naraalu kuk­kukooq angutsiviaq qarlor­poq. Taamaalisorlu Jesus, qular­nan­ngitsumik aneerasaar­tarfim­mut kaajaluisamut sam­misumut anil­las­simal­luni, taas­sumun­nga qiviar­poq isigilerlugulu. Taman­na nalunaaqut­tap-akun­nialun­nguinik sioq­qul­lugu inimi qalianiit­tumi Jesusip oqaasii Peterip eq­qaaler­pai: „Marloraat angutiviar­taat marlun­nik qarlor­tin­nagu pingasoriarlutit miserratigiumaar­parma.“ Ajor­tuliani aliatsaatigingaarlugu Peter anil­lap­poq qiangaalerlunilu.

Qanoq taama pisoqarsin­naava? Peterip anersaak­kut nukit­tunini taama qularutigin­ngitsigereerlugu qanoq ilil­luni tul­leriigin­nar­nik Naalak­kani miserratigisin­naavaa? Qular­nan­ngitsumik pis­sutsinit piareersimaf­figin­ngisaminit pakasar­neqar­poq. Ilumoor­toq mumisin­neqar­poq Jesusilu pinerlut­tutut navianar­tutut sas­sar­tin­neqarluni. Eq­qor­toq eq­qun­ngitsorlu paarlaan­neqar­put, pin­ngitsorlu pisuutin­neqarluni. Maan­nak­kor­piaq tatineqar­neq Peterip isumak­kut orlutin­neqar­neranik kinguneqar­poq. Tas­san­ngaan­naq ilumoor­nermigut nalor­nisuulersimavoq inun­nul­lu siooranermik nukil­laar­tin­neqarsimal­luni, kingor­natigut peq­qis­simis­sutigingaak­kaminik. Qanor­toq uagut taama pin­ngisaan­nar­ta! Mattæus 26:57, 58, 69-75; Markus 14:30, 53, 54, 66-72; Lukas 22:54-62; Johannes 18:15-18, 25-27.

▪ Qanoq ilil­lutik Peter Johan­nesilu iluatsitsil­lutik palasiunerup il­lorsuata kaajaluisaanut iser­pat?

▪ Peter Johan­nesilu kaajaluisamiitil­lugit il­lumi susoqar­pa?

▪ Kuk­kukooq angutiviaq qas­seriarluni qarlor­pa, Peteril­lu Kristusimik ilisarisiman­nin­nini qas­seriarluni miserratigaa?

▪ Peterip oqaasipilun­nera qanoq paasisariaqar­pa?

▪ Sooq Peterip Jesusimik ilisarisiman­nin­nini miserratigaa?