Kapitali 78

Piareersimaniaritsi!

JESUSIP inup­pas­suit piumatus­sutsimut mianersoq­qoreeramigit ajoqersuk­kal­lu timip piinik pingaar­titsival­laaq­qunagit siun­nersoreeramigit, qiim­maal­lan­nar­tumik oqar­poq: „Siooraqinasi, savar­pan­nguususi ukorsii! Ataatas­si iluarim­magu Naalagaaf­fik ilis­sin­nut tun­niuk­kumal­lugu.“ Taamaalil­luni takutip­paa naalagaaf­fim­mut qilam­miit­tumut pisus­sat ikikan­nersuusut, (kingusin­nerusuk­kut nalunaarutigineqar­poq 144.000-ius­sasut). Inuunermik naas­saan­ngitsumik tunineqarumaar­tut amerlanersaat nunami Naalagaaf­fiup in­nut­taris­savai.

„Naalagaaf­fik“ tunis­sutaavoq nuan­ningaar­toq! Ajoqersuk­kat tunis­sutisiamin­nik tamatumin­nga qujamasuutigin­nit­tariaqar­nerat Jesusip eq­qar­tor­paa ima kajumis­saarlugit: „Pigisasi akigisigik piitsul­lu tunisarlugit!“ Aap, periarfis­satik tamaasa inuit al­lat anersaak­kut iluaqutis­saan­nut ator­tariaqar­paat taamaalil­lutil­lu ’pequum­mik nungujuitsumik qilam­miit­tumik aningaasaliviliorlutik’.

Maan­na Jesusip ajoqersuk­kat oqaaq­qis­saar­pai tikiuteq­qif­fis­saminut piareersimaq­qul­lugit. Oqar­poq: „Qitis­sigut qiterusersimaniaritsi naneruutisilu ikumalit. Inuil­lu naalak­kamin­nik katit­torsior­tunit aggis­sasumik utaq­qisut as­sigisigik, tikiup­pat kasut­tor­pal­lu map­piuk­kasuarumal­lugu. Pil­luar­put kif­fat naalak­kap tikip­patik eq­qumasut! Ilumut oqarfigaas­si: Qiteruserluni nerrivim­mut ingeq­qujumaar­pai kif­far­torfigiar­torlugil­lu.“

As­sersuusiami tamatumani kif­fat takutip­paat naalak­kamik tikiuteq­qif­fis­saani ilas­sinis­saanut piareersimal­lutik. Taman­na takutip­paat uligus­samik takisuut qul­lar­til­lugit qiterutimin­nik aalajanger­nerisigut qaam­maq­qutil­lu uuliamik ulik­kaarlugit orsersimasut qaam­maq­qutigalugit un­nuarsuarmut suliuar­nermik­kut. Jesus oqar­poq: ’Naalagaq pigaarfiup aap­paani [tas­sa un­nuk­kut nalunaaqutaq qulingiluaniit un­nuap-qeq­qata tungaanut], pigaarfiil­luun­niit pingajuan­ni [un­nuap-qeq­qaniit ul­laas­sak­kut nalunaaqutaq pingasup tungaanut] tikiup­pat — taamalu naapip­patik kif­fat taak­ku pil­luas­sap­put.’

Naalak­kap kif­fani im­mik­kut it­tumik akiler­pai. Nerinis­samut is­saaq­quai, nam­minerlu nerisas­saan­nik isumagilerlugit. Kif­famisut pin­nagit ikin­ngutimisut ilumoor­tutut iliorfigai — uterluni tikiun­nis­saa utaq­qiitigalugu un­nuarsuarmut naalak­kamin­nik kif­far­tuus­siuarsimaneran­nut akis­sarsiaavoq kusanar­toq! Jesus naggasiivoq: „Taamaattumik ilississaaq piareersimaniaritsi; Inuup er­nera ilimagin­ngisas­sigut tikius­sam­mat.“

Maan­na Peter aperaaq: „Naalagaq, as­sersuut taman­na uatsin­nut tamanul­luun­niit oqaaseraajuk?“

Toq­qaan­nar­tumik akinani Jesus as­sersuusioq­qiler­poq: „Kinamitaava ilumoorlunilu silaqarlunilu pilit­taava,“ aperaaq, „naalak­kap kif­faminut paarsisun­ngor­titas­saa nerif­fis­saat nal­liut­taraangat uut­tugarsias­saan­nik tunisaq­qul­lugit? Pil­luar­poq kif­faq taamaalior­toq naalak­kami tikip­pani! Ilumut oqarfigaas­si: pigisaminut tamanut paarsisun­ngor­tis­savaa.“

„Naalagaq“ soorunami tas­saavoq Jesus Kristus. ’Pilit­taq’ tas­saap­put ajoqersuk­kat ’savar­pan­nguusut’ ataatsimoorlutik. ’Kif­fat’ tas­saap­put­taaq ’savar­pan­nguusut’ taak­ku 144.000-iusut naalagaaf­fim­mik qilam­miit­tumik tunineqar­tus­sat, inut­tul­li ataasiak­kaatut isigalugit. ’Naalak­kap pigisai’ pilit­tap ilumoor­tup paarisas­sai tas­saap­put naalak­kap kun­ngitut maani nunami soqutigisai, ilaatigut Naalagaaf­fiup in­nut­tai nunamiusut.

Jesusip as­sersuusiaq nangip­paa tik­kuarlugulu pilit­taqatigiit imaluun­niit kif­faqatigiit taak­ku tamak­keratik im­maqa aalajaat­tuaan­narumaar­tut. Oqar­poq: „Kif­farli in­na uum­mam­migut eq­qarsar­poq: ’Naalagara mulugal­lar­poq,’ kif­fal­lu angutit kif­fal­lu ar­nat unataler­pagit neril­lunilu putumal­lunilu, taava kif­fap taas­suma naalagaa ul­lormi taas­suma ilimasuf­figin­ngisaani tikius­saaq, . . . pisas­saqar­til­lugu [sukan­ner­ner­paamil­lu pil­las­savaa, NV].“

Jesusip nalunaarutigaa tikiun­nermini juutit akor­nan­ni ikual­latsitsisimal­luni — ilaasa tusagas­saq ilas­siumaar­paat al­lal­lu ajat­tus­savaat. Kuisin­neranit ukiut pingasut qaangius­simap­put, maan­nali toqumut kuisin­nis­saa qanil­liar­tor­poq, soorlulu oqar­toq: „Atalu qus­salangaarama taman­na naam­mas­sitin­nagu!“

Ajoqersuk­kani taama oqarfigereeramigit inup­pas­suit saaf­figeq­qip­pai. Kinaanerminik up­per­narsaatit ersaris­sut malar­titas­saanatik akueriuman­ngim­matigik tamatumalu pingaaruteqar­nera paasiniar­nagu as­suarai: „Nuia saman­nga major­toq takusaraangas­siuk er­niin­naq oqararaasi: ’Sial­lis­saaq!’ Taavalu taamaalisaraaq. Niggersorlu takusaraangas­siuk oqararaasi: ’Kiatsis­saaq!’ Taavalu taamaalisaraaq. Taatuuku ilumoor­tuusaar­niar­tut! Nunap qilaal­lu isik­kui ilisimas­sutigisar­pasi; soormi taava ul­lut mak­kua nas­suiarsin­naan­ngilisigik?“ Lukas 12:32-59.

▪ ’Savar­pan­nguit’ qas­sius­sap­pat, sumil­lu tunineqas­sap­pat?

▪ Kif­fami piareersimasariaqar­nerat Jesusip qanoq erseq­qis­sar­paa?

▪ Jesusip as­sersuusiaani ’Naalagaq’, ’pilit­taq’ ’kif­fal­lu’ kik­kuup­pat, Naalagarlu sunik ’pigisaqar­pa’?