Kapitali 122

Pilatusimit Herodesimut utimullu

JESUSIP kun­ngiunini Pilatusimut toq­qor­tor­niarsarin­ngilaa, nas­suiaap­paali naalagaaf­fini Romamut navianar­torsior­titsisuun­ngim­mat. „Naalagaaf­figa silamit matuman­nga pin­ngilaq,“ oqar­poq. „Naalagaaf­figa silamit matuman­nga pisimap­pat kif­fama il­lersoq­qajar­paan­nga juutinut pisitaaq­qunanga; maan­nali naalagaaf­figa silamit pin­ngilaq.“ Taamaalil­luni Jesusip pingasoriarluni oqaatigaa naalagaaf­feqarluni, nunamiin­ngitsumil­li.

Pilatus qanil­lat­tuineruvoq: „Aarim­mi, kun­ngiuvutit ilaa?“ Paaserusup­paa Jesus kun­ngiunersoq naak naalagaaf­fini silamit matuman­nga pin­ngik­kaluar­toq.

Eq­qor­tumik paasin­nis­simaneranik Jesusip Pilatus paasitip­paa. Akivoq: „Soorlu oqar­tutit, kun­ngiuvunga. Inun­nguutigalugulu nunamut pis­sutigaara sal­lusuis­sut nalunaajaatigis­sal­lugu. Sal­lusuis­sum­mit pisup nipiga tusararaa.“

Aap, Jesusip nunamiin­neranut siuner­taasoq tas­sa ’sal­lusuis­sum­mik nalunaajaatigin­nin­nis­saa’, ingam­mik sal­lusuis­sum­mik naalagaaf­fim­minut tun­ngasumik. Jesus sal­lusuis­sum­mut tamatumun­nga aalajaat­tuaan­narumavoq, inuunerminik akeqas­sagaluar­pal­luun­niit. „Sunaana sal­lusuis­sut?“ Pilatus aperaaq, akineqar­nis­sani soqutiginagu. Eq­qar­tuus­sutimimi nalunaarutiginis­saanut naam­mat­tunik paasisaqareer­poq.

Inup­pas­suit il­lorsuup silataani utaq­qisut Pilatusip an­nivigeq­qip­pai. Qular­nan­ngitsumik Jesus sanianiip­poq palasiunerit ilaalu oqarfigim­magit: „Inuk taan­na patsisaasumik nas­saarfigin­ngilara.“

Aalajanger­neq taman­na kamaatigalugu inup­pas­suit malar­titas­saanatik nil­liap­put: „Inuit pikit­torsuan­ngor­tip­pai, ajoqersuigami Juutit Nunaan­ni tamarsuarmi galilæamit pilerluni tamaangalu al­laat.“

Juutit tap­piil­lutik ingasaas­sinias­susiat Pilatusip tupaal­laatigisimas­savaa. Palasiunerit utoq­qaaner­tal­lu nil­liaan­nalermata, Jesus saap­paa aperalugulu: „Tusan­ngilatit qanoq atsigisumik un­nerluutigigaatsit?“ Jesusili im­minut il­lersor­nian­ngilaq. Taama ingasatsigisunik pasil­ler­neqaraluarluni taama eq­qis­sisimatiginera Pilatusip tupigusuutigaa.

Pilatusip paasigamiuk Jesus Galilæameersuusoq, akisus­saatin­neqan­ngin­nis­saminut periarfis­samik eq­qaasaqar­poq. Galilæami naalagaasoq, Herodes Antipas (Herodesersuup er­nera), poorsker­nera pil­lugu Jerusalemimiip­poq, taamaat­tumik Pilatusip Jesus taas­sumun­ngaatitip­paa. Herodes Antipasip Johan­nes Kuisisoq niaquersis­simavaa, Jesusil­lu tupin­nar­tuliai tusaramigit an­nilaangaler­poq, isumaqarami tas­saasoq Johan­nes toqusunit makis­simal­luni.

Herodes nuan­naar­torujus­suan­ngor­poq Jesus takusus­san­ngoramiuk. Imaan­ngitsoq Jesusip atugaris­saar­nis­saa soqutigigamiuk imaluun­niit taas­sumun­nga un­nerluus­sutaasut eq­qor­tuunersut eq­qor­tuun­ngin­nersul­luun­niit paaserusuk­kamiuk. Aap, alaper­naagin­nar­poq neriul­lunilu Jesus tupin­nar­tuliorumaar­toq.

Herodesili alaper­naas­susiagut Jesusip nalerisimaar­tik­kuman­ngilaa. Herodesim­mi kil­lisiormani oqaatsimik ataatsimil­luun­niit oqaaseqan­ngilaq. Herodesip pigaar­tuisalu pakatsil­lutik Jesus mitaatigiin­naler­paat. Kusanar­tumik atisitip­paat mitaatigalugulu. Taava Pilatusimut uter­tip­paat. Tamatuma kingunerisaanik Herodes Pilatusilu ikin­ngutigiiler­put, mas­sa sior­natigut akerariis­simagaluarlutik.

Jesus uter­tin­neqarmat Pilatusip palasiunerit, juutit pisor­taat inuil­lu katersor­tip­pai oqarlunilu: „Inuk una uan­nut pisip­parsi inun­nik kil­lormut saatsitsinerarlugu; atalu, najor­til­lusi kil­lisioraluariga, patsisaasumil­lu taas­sumun­nga un­nerluus­sis­sutigisas­sin­nik inuk taan­na nas­saarfigin­ngilara. Herodesil­luun­niit naami, taas­sumami uan­nut uter­tip­paa. Atalu toqoq­qusis­sutis­samik qanoq iliun­ngilaq. Taamaat­tumik pil­latsiarsin­narlugu iperas­savara.“

Maan­na Pilatusip aap­pas­saanik Jesus pin­ngitsutut nalunaarutigaa. Iperar­nialersaar­paa, nalun­ngil­luin­naramiuk palasit sin­ngagiin­narlugu tigusaritis­simagaat. Aam­malu Jesusip iperar­nis­saanut Pilatus aam­ma al­lamik pis­sutis­sarseriataar­poq. Eq­qar­tuus­sisup is­siavianiitil­luni nuliaminit ima oqariar­tor­titsivigineqar­poq: „Iluar­toq taan­na sunaveeruk, uatsiaq sin­nat­torlunga [qular­nan­ngitsumik Guutimit sin­nat­tor­titaal­luni] erloqis­sutigeqigak­ku.“

Qanorli ilil­luni Pilatusip iliuuserisariaqaraluak­kamisut inuk pisuus­suteqan­ngitsoq taan­na iperagaatin­nias­savaa? Johannes 18:36-38; Lukas 23:4-16; Mattæus 27:12-14, 18, 19; 14:1, 2; Markus 15:2-5.

▪ Kun­ngiunerluni aperineqarami Jesus qanoq akiva?

▪ „Sal­lusuis­sut“ Jesusip nunamiin­nermini nalunaajaatigisaa sunaava?

▪ Eq­qar­tuus­sinerup iner­nera suna Pilatusip nalunaarutigaa, inuit qanoq qisuariar­pat, Pilatusil­lu Jesus sumun­nar­tip­paa?

▪ Herodes Antipas kinaava, Jesusimik naapitsinis­sani sooq taama nuan­naarutigitigaa, qanorlu pivaa?

▪ Sooq Pilatusip Jesus iperagaatilersaar­paa?