Kapitali 113

Poorskimi kingullermi maniguunneq

JESUSIP peq­qusineratut Peter Johan­nesilu poorkisior­nis­samut piareersaajar­torlutik Jerusalemimukarsimap­put. Ualisoq Jesus nam­mineq apustilimi ilaat qulit qular­nan­ngitsumik ilagalugit malin­naal­luni Jerusalemimukar­poq. Uuliap qaq­qaatigut ater­til­lugit seqineq kil­lingusaamut tarriler­poq. Toqun­ngin­nermini makin­ngin­nerminilu qaq­qamit tas­san­nga naggataamik il­loqarfik ul­lup qaamar­nani isigin­naar­paa.

Jesus ingerlaqataalu er­niin­naq il­loqarfim­mut apuup­put il­lumul­lu poorskisiorfis­samin­nut iseriar­torlutik. Qaliani inersuarmut majuar­put, kisimiil­lutil­lu poorskisior­nis­samin­nut suut tamarmik piareeq­qasut naam­mat­toorlugit. Jesusip qilanaarsimanini oqaatigaa: „Qilanaaqaanga savaaq­qamik poorskisiutis­samik matumin­nga an­niar­tin­nanga nereqatigiumal­lusi.“

Poorskisior­nermi viin­nit ermutsit sisamat imer­neqar­tar­put. Qular­nan­ngitsumik pingajuat tigugamiuk Jesus qujavoq oqarlunilu: „Tigusiuk imaa ilis­sin­nut agguarlugu! Oqarfigaas­simi, Guutip naalagaaf­fia tikiutserlugu viin­nequtip inerititaanit imis­saas­saanga.“

Neritil­lutik Jesus nikuip­poq an­noraajarlunilu, al­larum­mil­lu tigusil­luni puugutaq imermik im­mer­paa. Pulaat isigaasa asan­nis­saat pulaar­titsisut isumagisaraluar­paat. Tas­sanili pulaar­titsisoq ilaan­ngim­mat inut­tut kif­far­tor­neq taman­na Jesusip isumagaa. Apustilit ilaat kinaluun­niit taamaalior­niarsimasin­naagaluar­poq, qular­nan­ngitsumil­li akor­nan­ni pingaar­neruniut­toqar­poq, arlaan­naal­luun­niim­mi taamaalior­nis­saminik neqeruun­ngilaq. Maan­na Jesusip isik­katik asalermagit peq­qusiileqiler­put.

Jesusip tikim­mani Peter akerliliivoq: „Isik­kak­ka uf­fan­ngil­luin­nas­savatit.“

„Uf­fan­ngik­kuk­kit pis­sarseqatigis­san­ngilarma,“ Jesus oqar­poq.

„Naalagaq!“ Peter akivoq, „Isik­kak­ka piin­nar­nagit as­sak­kalu niaqoralu pis­sagitit.“

„Uf­farsimasoq,“ Jesus akivoq, „isigaan­narmigut uf­farsimaguni minguerluin­narsimas­saaq. Ilis­silu minguersimavusi, tamak­kerasili.“ Taama oqar­poq nalun­ngin­namiuk Judas Iskariotip kil­luutilersaaraani.

Aq­qaneq-marluk tamarmik, aam­ma Judasip im­minik kil­luus­siniar­tup, isigaat asareeramigit an­noraaleq­qip­poq ingeq­qil­lunilu. Taava aperaaq: „Sugis­si paasivisiuk? Ajoqersor­tis­sin­nik Naalak­kas­sin­nil­lu taasar­pas­singa, oqarluarlusilu, taan­naagama. Uanga taava isik­kasi uf­farak­kit, naak naalagaralungalu ajoqersor­tigigis­singa, taamat­taaq ilis­si isik­kas­sin­nik uf­faqatigiis­saasi. Maligas­samim­mi pivas­si imaalioq­qul­lusi soorlu ilis­sin­nut ilior­tunga. Ilumut, ilumut oqarfigaas­si: kif­faq naalak­kaminit an­nerun­ngilaq, aal­lar­titarluun­niit aal­lar­titsisiminit an­nerun­ngilaq. Taman­na ilisimagus­siuk taamaaliorlusi pil­luas­saasi.“

Maniguun­nermik ilin­niagas­siis­sutip torral­lagaas­susia! Apustilit an­nerunis­sar­tik angunias­san­ngilaat isumaqas­sanatil­lu ima pingaar­tigigamik al­lanit kif­far­torfigineqar­tus­saal­lutik. Jesusip maligas­siaa malit­tariaqar­paat. Imaagin­nan­ngilaq ileq­qulersuutitut isik­kanik asaasas­sasut. Aap, sulias­samik sumil­luun­niit, qanorluun­niit nikanar­tigigaluar­tumik nuan­niitsigigaluar­tumil­luun­niit, naam­mas­sin­nin­nis­samin­nut piumas­suseqarluar­tuusariaqar­put. Mattæus 26:20, 21; Markus 14:17, 18; Lukas 22:14-18; 7:44; Johannes 13:1-17.

▪ Ingerlaqatinilu Uuliap qaq­qaatigut ater­til­lutik toqun­ngin­nermini makititaan­ngin­nerminilu Jesusip suna naggam­mik isigin­naar­paa?

▪ Viin­nit ermutsit sisamat poorskimi imer­neqar­tar­tut ilaat sorliugunar­toq Jesusip qujareerami apustiliminut aq­qaneq-marlun­nut ingerlaar­tip­paa?

▪ Jesusip nalaani pulaat qanoq iliorfigineqar­tarsimap­pat — sooq Jesusip apustiliminik poorskisioqatigin­nin­nerani pulaar­titsisumit taamaaliorfigineqan­ngil­lat?

▪ Jesusip ajoqersuk­kat isigaan­nik asaanermigut sumik ilin­niar­tin­niar­pai?