Kapitali 47

Qianeq qiimmatsangaar­ninngorpoq

JAIRUSIP ar­naq aaqar­tuarsimagaluaq ajorun­naarsitaasoq takugamiuk, Jesusip tupin­nar­tuliorsin­naaneranut tatigin­ninera an­neruliin­nar­poq. Panini asasani aq­qaneq-marlun­nik ukiulik toqulersoq ikioq­qul­lugu ul­loq taan­na siusin­nerusuk­kut Jesus qaaq­qusimavaa. Maan­nak­kul­li Jairusip siooraginer­paasaa pivoq. Jesusip ar­naq suli oqaloqatigigaa angutit ilaasa Jairus or­nip­paat nipikitsumil­lu nalunaarfigalugu: „Paniit toquvoq, sooq ajoqersuisoq suli pisaris­sersor­piuk?“

Jairus nikal­lungaar­poq. Angut, il­loqarfim­mi sun­niuteqangaar­toq, panini toqum­mat naak­kinarsil­luin­nar­poq. Jesusil­li oqaaserineqar­tut tusar­pai, qiim­maal­lan­nar­tumil­lu Jairus oqarfigalugu: „Siooranak, up­persin­naat!“

Angut aliasut­toq taan­na angerlarsimaf­fianut Jesusip ingerlaqatigaa. Apuum­mata uier­neqaqaaq; amerlasuut qis­sap­put upit­torsuul­lutil­lu. Inup­pas­suit aliasun­nermit im­min­nut patit­tar­tut katersuus­simap­put. Jesus iserami aperaaq: „Sooq per­palul­lusilu qiavisi? Meeraq toqun­ngilaq, siniin­nar­poq.“

Inuit taman­na tusaramik­ku Jesus asis­sorlugu il­laruaatigiler­paat, nalun­ngin­namik­kumi niviarsiaraq toqungasoq. Jesusil­li siniin­nar­nerar­paa. Guutimit pis­saanini ikior­tigalugu takutin­niar­paa soorlu itisuumik sinit­tut iter­tin­neqarsin­naasut taamat­taaq ajor­nan­ngitsigisumik inuit toqusunit uter­tin­neqarsin­naasut.

Jesusip isersimasut tamaasa aniatip­pai, Peter, Jakob, Johan­nes niviarsiaq­qal­lu toqusup anaanaa ataataalu kisiisa pin­nagit. Taak­kulu tal­limat meeq­qap nalaf­fianut iseqatigai. As­saa tiguutigalugu Jesus oqar­poq: „Talitaʹ kum,“ nutserlugu imaap­poq: „Niviarsiaraq, oqarfigaak­kit, makigit!“ Er­niin­narlu niviarsiaraq makip­poq angalaalerlunilu! Angajoq­qaavi qiim­matsangaar­nermit paatsiveerup­put.

Jesusip Jairus nulialu niviarsiaq­qamik nerisas­seeq­qoreeramigit pisimasoq na-  lunaarutigeq­qunagu oqarfigai. Pisimasorli nunap ilaani tamaani sumi tamaani tusagaaler­poq. Makitisineq taman­na Jesusip toqusimasumik aap­pas­saanik makititsineraa. Mattæus 9:18-26; Markus 5:35-43; Lukas 8:41-56.

▪ Jairus qanoq tusarler­neqar­pa, Jesusil­lu qanoq ilil­luni qiim­mas­sar­paa?

▪ Jairusip il­luanut apuum­mata inuit sup­pat?

▪ Sooq Jesusip meeraq siniin­nar­nerar­paa?

▪ Inuit tal­limat kik­kut Jesusip makititsineranut takun­nit­tuup­pat?