Kapitali 94

Qinunerup maniguunnerullu pingaaruteqassusiat

SIOR­NAGUT Jesus Judæamiitil­luni, qinusaqat­taar­nis­sap pisariaqas­susia ersersil­lugu as­sersuusior­poq. Maan­na naggataamik Jerusalemiliar­til­luni erseq­qis­saq­qip­paa qinusaqat­taar­neq qanoq pingaaruteqar­tigisoq. Suli Samariamiin­ngik­kuni Galilæamiip­poq, ajoqersuk­kaminut ima as­sersuusiorami:

„Il­lor­palim­mi eq­qar­tuus­sisoqar­toq taas­suma Guuti mianerin­ngik­kaa inum­mil­lu it­toorisaqar­nani. Il­loqarfim­mili tas­saniit­toq uil­lar­neq, taas­suma or­nip­paa oqarluni: ’Saqitsaasin­nut in­narler­naveersin­nga!’ Piuman­ngim­mersor­porli. Kingor­nali im­mini oqaluler­poq: ’Un­nit Guuti mianerin­ngik­kiga inum­mil­lu it­toorisaqar­nanga, taamaat­toq uil­lar­nerup taas­suma erloqisim­manga in­narler­naveersis­savara, — taamaan­ngip­pam­mi naggataagut or­nis­savaanga kiin­nak­kul­lu persut­tarlunga.’“

Nangil­luni as­sersuusiaq Jesusip nas­suiar­paa: „Tusarsiuk eq­qar­tuus­sisoq iluaatsoq qanoq oqar­toq! Guutil­li qinik­kani ul­luk­kul­lu un­nuak­kul­lu torlorfigisini in­narler­naveersis­san­ngin­ner­pai, taak­kulu kamajuif­figis­san­ngin­nerlugit?“

Jesusip taamaalil­luni ersersin­nian­ngilaa Jehova Guuti eq­qar­tuus­sisutut iluaatsutut taas­sumatut it­tuusoq. Akerlianil­li isumaqar­poq al­laat eq­qar­tuus­sisoq iluaatsoq ilungersor­tumik qin­nuigineqaraangami qisuariar­tar­pat, qular­nan­ngil­luin­nar­tumik Guutip, naaper­tuil­luarluin­nar­tup ajun­ngitsuusul­lu, kif­fami qinusaqat­taar­nerat tusarumaaraa. Taamaat­tumik Jesus nangip­poq: „Oqarfigaas­si: [Guutip] in­narler­naveersin­nasuas­savai.“

Inuit piitsut nikanar­tul­lu naaper­tuil­luar­tuliorfigineqar­neq ajorajup­put, pis­saaneqar­tul­li pisuul­lu sal­liutin­neqar­tarlutik. Guutil­li inuit ajor­tut naaper­tuil­luar­tumik pil­lar­tiin­nas­san­ngilai; aam­mat­taarli kif­fami naaper­tuil­luar­tuliorfigineqar­nis­saat isumagis­savaa, inuunermik naas­saan­ngitsumik tunis­sagamigit. Inuil­li qas­sit Guutip im­min­nut naaper­tuil­luar­tulior­titsinasuar­nis­saanut isumal­luarluin­nar­pat?

Qinunerup sun­niuteqarsin­naas­susianik up­perin­nin­neq eq­qarsaatigalugu Jesus aperaaq: „Inuup er­nera tikiuk­kuni up­per­nermik nunami nas­saarumaar­ner­pa?“ Apeq­qut taman­na akineqan­ngik­kaluar­poq, paasineqarsin­naan­nguatsiar­porli Kristus Naalagaaf­fiup pis­saaneqar­nerani tikiup­pat up­per­neq taamaat­toq nalingin­naaval­laar­navian­ngitsoq.

Jesusip tusar­naar­taasa ilaat up­perluar­niar­torujus­suup­put. Im­min­nut iluar­tuutin­niar­tuup­put, al­lat nikagalugit. Im­maqa Jesusip ajoqersugaasa ilaat al­laat taamaap­put. Taamaat­tumik inuit taamaat­tut eq­qarsaatigalugit ima as­sersuusior­poq:

„Inuit marluk naalaf­fim­mut majuar­tut qinujar­torlutik; aap­paa farisæeriusoq aap­paalu ilan­ngaaserisoq. Farisæeri im­mik­kut qeqar­poq ima qinul­luni: ’Guuti! Qutsavigaak­kit inut­tut al­latut in­ngin­nama, arsaasutut, iluaatsutut, ar­naaneqar­tutut, uumatul­luun­niit ilan­ngaaserisutut. Sapaatit akun­neran­ni marloriarlunga iisin­ngin­niar­tar­punga, pis­sarsiamalu tamarmik qulingi tun­niut­tarlugit.’“

Kik­kut tamarmik tak­kuan­ni farisæerit iluar­tuunermin­nik perroorutigin­nit­tutut al­lanit malugeq­qusaar­tar­tutut ilisimaneqar­put. Ataasin­ngor­nik­kut sisaman­ngor­nik­kul­lu iisin­ngin­niar­tar­neq ileq­qulius­simavaat, al­laal­lu naatitat min­nerusut qulingi akiliutigisarlugit. Qaam­matit ikit­tut tamatuma sior­na, nal­lius­siviup tupiusaliorfiup nalaani, inun­nik nalingin­nar­nik narrugin­nin­nerat ersarip­poq oqarmata: „Inuit uku inatsisinik [tas­sa farisæerit inatsisinik nas­suiaasar­neran­nik] nalusut perloq­qunarsis­sap­put.“

Jesusip as­sersuusior­nini nangip­paa inuk ’perloq­qunarsisoq’ taama it­toq oqalut­tuaralugu: „Ilan­ngaaserisorli alisimal­luni qeqar­poq isini qilam­mut aarlor­tik­kumanagit al­laat, kisian­ni sakis­samigut til­lup­poq oqarluni: ’Guuti! Saam­maan­nga ajor­tiliusunga!’“ Ilan­ngaaserisup maniguuteqaluni ajor­tuliani nas­suerutigim­magit, Jesus nangip­poq: „Oqarfigaas­si: Taan­na iluar­tuutitaal­luni uter­poq, aap­paali pin­nani; akitsiniar­tormi nikanarsis­saaq, nikanar­tit­torlu akitsis­saaq.“

Taamaalil­luni maniguun­nerup pisariaqas­susia Jesusip erseq­qis­saq­qip­paa. Jesusip ajoqersugai inuiaqatigiin­ni, farisæerit im­min­nut iluar­tuutin­niar­tut sun­niuteqangaarfigisaan­ni tamatigul­lu inuit akimas­susian­nik pingaar­titsif­fiusumi, perorsagaagamik tupin­nan­ngilaq nam­min­ner­taaq farisæerit pis­susiat­tut pis­suseqariar­tas­sap­pata. Maniguun­nerup pingaaruteqas­susianik ilumut Jesus ilin­niar­titsil­laq­qik! Lukas 18:1-14; Johannes 7:49.

▪ Eq­qar­tuus­sisup iluaatsup sooq uil­lar­nerup qin­nutaa akueraa, as­sersuusiarlu taman­na qanoq ilin­niutigisin­naavar­put?

▪ Tikiuteq­qik­kuni up­per­neq qanoq it­toq Jesusip ujas­savaa?

▪ Farisæeri ilan­ngaaserisorlu pil­lugit as­sersuusiamini kik­kut pivai?

▪ Farisæerit pis­susiat suna pin­ngitsoor­tariaqar­par­put?