Kapitali 29

Sabbatimi ajunngitsuliat

UKIUMI 31-mi uper­naajuvoq. Judæamit Galilæap tungaanut ingerlaar­til­luni puilasuliap eq­qaani Samariamiit­tumi Jesusip ar­namik oqaloqatigin­nin­neranit qaam­matialuit ingerlareersimap­put.

Galilæami sumi tamaani an­ner­tuumik ajoqersuereerluni Jesus aal­lar­poq Judæamul­lu ingerlaq­qil­luni, tas­sani naalagiar­tarfin­ni oqaluus­sis­sal­luni. Jesusip Galilæami kif­far­tor­neranik Bibelip eq­qar­tuinerinut naleq­qiul­lugit Judæami tikeraar­nermini tamatumani poorskil­lu kingor­na qaam­matini arlalin­ni taavaniin­nermini suliarisimasai eq­qar­tor­neqar­pian­ngil­lat. Qular­nan­ngitsumik Judæami oqaluus­sinera Galilæami oqaluus­sinerata ilas­sil­luar­neqar­neratul­li ilas­sil­luar­neqar­tigisiman­ngilaq.

Katsor­na Jesus Judæami il­loqarfiit an­nersaan­nut, Jerusalemimut, ukiumi 31-mi poorskisioriar­torluni aal­lar­poq. Jerusalemimi Savat Isaaf­fiata eq­qaani tasiliaqar­poq Betesdamik (imaluun­niit Betzatamik) taaguutilim­mik, inup­pas­suit nap­parsimasut, tap­piitsut nukil­laarsimasul­lu or­nit­tagaan­nik. Up­peraat imeq aalanerani aq­qarfigigunik­ku ajorun­naarsin­naal­lutik.

Sabbatiuvoq, angul­lu ukiuni 38-ni nap­parsimasimasoq tasiliap eq­qaaniit­toq Jesusip takuaa. Nalun­ngilaa angut sivisuumik nap­parsimasimasoq, imalu aperaa: „Ajorun­naarumagaluar­pit?“

„Naalagaq! Imeq aalatin­neqaraangat tatsimut aatsisis­saqaraan­ngilanga,“ akivoq, „ikiar­tor­niaraluar­til­lungalu al­lap ingiararaanga.“

Taava Jesusip oqarfigaa: „Makil­lutit in­nan­ngaviit tiguuk angalaarlutil­lu!“ Angut tas­suuguin­naq ajorun­naar­poq, in­nan­ngavini tiguaa pisulerlunilu!

Juutil­li angut takugamik­ku oqar­put: „Ul­lumi sabbatiuvoq. Iluan­ngilaq in­nan­ngaviit nam­mak­kak­ku.“

Angutip akivai: „Ajorun­naarsitsisima oqarfigaanga: ’In­nan­ngaviit tiguuk angalaarlutil­lu!’“

„Kinaava ilin­nut oqar­toq: ’In­nan­ngaviit tiguuk angalaarlutil­lu’?“ aperip­put. Inup­pas­suit us­sagar­tut pis­sutigalugit Jesus al­lamukarsimavoq, ajorun­naarsitaatalu Jesusip aq­qa ilisiman­ngilaa. Kingor­nali angutip taas­suma Jesus naalaf­fim­mi naapip­paa paasil­lugulu kia ajorun­naarsis­simagaani.

Taava angut ajorun­naarsitaasimasoq taan­na juutinukar­poq oqalut­tuul­lugil­lu im­minik ajorun­naarsitsisoq tas­saasoq Jesus. Juutit taman­na tusaramik­ku Jesus ujaler­paat. Suna pis­sutigalugu? Paasiniar­niarlugu qanoq ilil­luni taama nuan­ner­tigisunik suliaqarsin­naasoq? Naagga, sabbatimi taamaaliorsimam­mat isor­nar­torsior­niaan­narlugu taamaalior­put. Al­laat malersuler­paat! Lukas 4:44; Johannes 5:1-16.

▪ Jesusip kingul­lermik Judæamut tikeraarsimaneranit pif­fis­saq qanoq sivisutigisoq ingerlareersimava?

▪ Sooq tasiliaq Betzata taama or­nigar­neqar­tigisar­pa?

▪ Tasiliap eq­qaani Jesusip suna tupin­nar­tuliaraa, tamatumun­ngalu juutit qanoq qisuariar­pat?