Kapitali 32

Sabbatimi suna akuerisaava?

SABBATIMI al­lami Jesus naalagiar­tarfim­mut Galilæap Tasersuata eq­qaaniit­tumut iser­poq. Angut as­sam­migut taler­pil­lik­kut toqungasoq naalagiar­tarfim­mi isersimavoq. Al­lak­kanik ilisimasut farisæeril­lu Jesus alaper­naaser­paat angut taan­na ajorun­naarsis­sasoralugu. Naggataatigut aperip­put: „Sabbatimi [ajorun­naarsitsinis­saq akuerisaava, NV]?“

Up­perisarsior­nik­kut pisor­taasut isumaqar­put sabbatimi taamaal­laat inuunerup navianar­torsior­nerani ajorun­naar­titsinis­saq akuerisaasoq. As­sersuutigalugu, isumaqar­put sabbatimi nis­sup naf­fakup ik­kuun­neqar­nis­saa pil­lut­toor­tul­luun­niit nimiler­neqar­nis­saa akuerisaan­ngitsoq. Al­lak­kanik ilisimasut farisæeril­lu Jesus taama aperaat un­nerluun­neqaatis­sarsiorlugu.

Kisian­ni Jesusip isumaliutaat nalun­ngereer­pai. Aam­mat­taaq nalun­ngilaa sabbatimi suliarineqaq­qusaan­ngitsut Bibelimik tun­ngaveqan­ngitsumik ingasaas­sisumil­lu taak­kua isumaqarfigigigaat. Taamaat­tumik angum­mut toqungasumik as­salim­mut Jesus oqarami: „Qaal­lutit sas­sarit,“ akerleriin­neq aal­lar­tip­paa.

Maan­na Jesusip al­lak­kanik ilisimasut farisæeril­lu saap­pai oqarfigalugil­lu: „Kia arlas­si savaatituaqar­tup, sabbatimi itersamut nak­kar­pat, tigus­san­ngin­ner­paa qaqil­lugulu?“ Sava aningaasanik naleqarmat qaqin­nis­saa aqaguanut utaq­qisin­navian­ngilaat, nap­parsimalersin­naam­mat naleqas­sutsilu katas­simasin­naam­magu. Aam­mat­taaq Bibelimi al­las­simavoq: „Iluar­tut nersutaatitik isumagisar­paat.“

Jesus nangil­luni as­sersuusior­poq: „Inuk savamit pingaar­nerungaar­poq. Taamaat­tumik sabbatimi [ajun­ngitsulior­nis­saq akuerisaavoq, NV].“ Up­perisarsior­nerup tungaatigut pisor­taat isuma taman­na naak­kin­nit­toq tun­ngavis­saqarluar­torlu akineq sapileramik­ku nipangiin­nar­put.

Uum­mataasa man­nger­torsuun­nerat kamaatigalugulu aliasuutigalugu Jesus qiner­poq. Taava angut oqarfigaa: „As­sat isatsiguk.“ Isatsip­paa, as­saalu kingumut ajorun­naar­poq.

Angutip as­saata iluarsinera nuan­naarutiginaguluun­niit farisæerit anip­put er­niin­narlu Herodesip par­tiianik tapersersuisut ilagalugit isumalioqatigiiler­put Jesus toqutsin­niarlugu. Naalak­kersuinik­kut par­tii taman­na up­perisarsioqatigiin­nit saddukæerinit ilaasor­taaf­figineqan­nguatsiar­poq. Naalak­kersuinik­kut par­tiimut tamatumun­nga ilaasor­taasut farisæeril­lu inuit tamarmik tak­kuan­ni im­min­nut as­sor­tuuk­kajut­tuup­put, Jesusimul­li as­sor­tuinermin­ni isumaqatigiil­luin­nar­put. Mattæus 12:9-14; Markus 3:1-6; Lukas 6:6-11; Ussatit 12:10; Mosesimik allakkat aappaat 20:8-10.

▪ Jesusip qanoq ilil­luni juutit up­persarsior­nik­kut pisor­taat as­sor­tuuteqatigiler­pai?

▪ Juutit up­perisarsior­nik­kut pisor­taasa sabbatimi ajorun­naar­titsineq qanoq isigaat?

▪ As­sersuut suna atorlugu Jesusip taak­kua isumaat eq­qun­ngitsoq naq­qip­paa?