Kapitali 36

Sakkutuut naalagaat upperluartoq

JESUS qaq­qami oqaluus­sigami, pif­fis­saq tamanut kif­far­tuus­sif­figisani qiteran­nguatsiar­paa. Tas­sa nunami suliarisas­sami naam­mas­sinis­saan­nut ukiumik ataatsimik qaam­matinil­lu qulingiluanik suli pif­fis­saqar­poq.

Jesus il­loqarfim­mut Kaper­naumimut, oqaluus­sinerminik aal­lar­niif­figisaminut, iser­poq. Juutit utoq­qaaner­taasa ilaasa qin­nuteqarlutik saaf­figaat. Angum­mit juutiun­ngitsunik siuaasaqar­tumit, Romamiut sak­kutuuisa naalagaasa ilaan­nit, aal­lar­titaap­put.

Sak­kutuut naalagaat taan­na, centurioniusoq, kif­faqar­poq asasaasumik sualut­tumik nap­paateqarluni toqulersumik. Kis­saatigaa Jesusip kif­fani ajorun­naarsis­sagaa. Sak­kutuut naalagaat sin­nerlugu juutit Jesus ilungersorlutik qin­nuigaat: „Ilin­nit taamaaliorfigineqar­tariaqaraluar­poq; in­nut­tavut asam­magit naalagiar­tarfip­pul­lu sanatim­magu.“

Nangaanani Jesusip angutit malip­pai. Sak­kutuul­li naalagaata il­luata eq­qaanut pim­mata taas­suma ikin­ngutimi ilaat aal­lar­tip­pai oqariar­tor­til­lugit: „Naalagaq, pisaris­sersor­nak, il­lun­nut iser­tis­sal­lutit qin­ngaq­quteqigama. Taman­nalu pil­lugu im­minit­taaq ilin­nut qin­ngaqut­tunga or­nis­sal­lutit.“

Sak­kutuut naalagaata al­lanut peq­qusisar­nermik sungius­sisimasup oqaasii ila maniguup­palum­mata! Taama periaaseqar­nera Jesusimik peq­quteqan­nguatsiar­por­taaq, nalun­ngin­namiuk juutit juutiun­ngitsunik ilaqar­tan­ngitsut. Ilaan­ni Peter oqarsimavoq: „Ilisimavusi angum­mut juutiusumut qanoq ileq­qus­saan­ngitsigisoq inuk al­lamik naggueqar­toq ilan­nguf­figis­sal­lugu or­nis­sal­luguluun­niit.“

Im­maqa sak­kutuut naalagaata kis­saatigin­ngilaa ileq­qup tamatuma unioq­qutin­neqar­nerata kingunis­sai Jesusip misigis­sagai, taamaat­tumil­lu ikin­ngutini ima qin­nuteqarluni aal­lar­tip­pai: „Oqaan­narit, kif­fara taava ajorun­naas­saaq. Uangat­taaq inuugama naalagaqar­titaal­lunga sak­kutuunil­lu naalak­kersugaqarlunga ilaan­nul­lu oqaruma: ’Aal­larit!’ taava aal­lararaaq; al­lamul­lu oqaruma: ’Imaaliorit!’ taava taamaalioraraaq.“

Jesusip taman­na tusaramiuk tupigusoqaaq: „Ilumut oqarfigaas­si: up­per­nermik taama atsigisumik Israelik­kun­niluun­niit nas­saan­ngilanga.“ Sak­kutuut naalagaata kif­faa ajorun­naarsereeramiuk, Jesusip pif­fis­saq iluatsil­lugu oqalut­tuaraa qanoq ilil­lutik juutiun­ngitsut up­per­tut juutit up­pin­ngitsut ajat­torsimasaan­nik pil­luaq­qusaajumaar­tut.

„Amerlasoorsuit,“ Jesus oqar­poq, „pavan­nga saman­ngalu tikiuk­kumaar­put, Abraham, Isak Jakobilu Qilam­miup Naalagaaf­fiani nerrivim­mut ingeqatigalugit. Naalagaaf­fim­milu qitor­nas­saagaluit silataanut taar­nersuarmut ajat­tor­neqas­sap­put, tas­sani qial­lutil­lu qorsaq­qor­tas­sap­put.“

„Naalagaaf­fim­mi qitor­nas­saagaluit“, ’silataanut taar­nersuarmut ajat­tor­neqar­tus­sat’, tas­saap­put uinik­kut juutiusut siul­liul­lutik Kristusimut naalak­kersuisooqataanis­samik periarfis­sin­neqarsimagaluar­tut, tamatumin­ngali ilas­sin­nik­kuman­ngitsut. Abraham, Isak Jakobilu Guutip naalagaaf­fianik aaq­qis­suus­samut as­sersuutaap­put. Jesusip eq­qar­tugaa tas­saavoq juutiun­ngitsut qaaq­quneqarumaar­tut ’nerrivim­mut ingeq­quneqarlutik’ „Qilam­miup Naalagaaf­fiani“ Kristusimik naalak­kersuisooqataasus­satut. Lukas 7:1-10; Mattæus 8:5-13; Apustilit suliaannik allakkat 10:28.

▪ Sooq sak­kutuut naalagaat juutiun­ngitsoq sin­nerlugu juutit Jesus qin­nuigaat?

▪ Suna pis­sutaasin­naava sak­kutuut naalagaata Jesusimik il­luminut iseq­qusin­ngin­neranut?

▪ Jesusip naggataatigut oqaasii qanoq paasisariaqar­pat?