Kapitali 73

Samariamiu tullermut asannittoq

JESUS im­maqa nunaqarfiup Jerusalemimit 3 kilometerit mis­saan­ni ungasitsigisumiit­tup, Betaniap, eq­qaaniip­poq. Angutip Mosesip inatsisaanik ilisimasup Jesus saaf­figaa aperalugulu: „Ajoqersuisoq! Qanoq ilius­saanga inuuneq naas­saan­ngitsoq kingor­nus­sariumal­lugu?“

Jesusip malugaa angutip, nam­mineq inatsisinik ilisimasuusup, akis­sutis­sani soqutiginagu us­ser­niarlunili aperigaani. Siuner­tarisin­naavaa juutit mamiatsaatigisaan­nik Jesusip akis­suteqar­nis­saa. Taamaat­tumik Jesusip aperinermigut inatsisinik ilisimasoq nam­mineq akitip­paa: „Inatsisini qanoq al­las­simava? Qanoq it­tut atuar­pigit?“

Guutip inatsisisai Mosesimik al­lak­kat tal­limaat 6:5-imi aam­ma Mosesimik al­lak­kat pingajui 19:18-imi al­las­simasut is­suaaf­figalugit inatsisinik ilisimasoq akivoq: „’[Jehova] Guutit asas­savat uum­matik­kut iluun­ngarlutit tar­nik­kul­lu iluun­ngarlutit nukisil­lu tamak­kerlugit isumak­kul­lu iluun­ngarlutit,’ ’tul­lil­lu ilit­tut asas­savat.’“ „Akil­luar­putit,“ Jesus nalunaar­poq. „Taamaaliorit, taava inuus­saatit.“

Akis­sul­li taman­na inatsisinik ilisimasup naam­magin­ngilaa. Akis­sut im­mik­kukajaaq it­tuun­ngim­mat naam­magin­ngilaa. Kis­saatigaa nam­mineq isum­mami eq­qor­tuunerat inun­nil­lu al­lanik naaper­tuil­luar­tuliorfigin­nit­tuunini Jesusip up­per­narsas­sagai. Taamaat­tumik aperaaq: „Kinami tul­leraara?“

Juutit isumaqar­put oqaatsimi „tul­leq“-mi juuteqatitik al­lat kisimik pineqar­tut, Mosesimik al­lak­kat pingajui 19:18-imi oqaatsit taama isumaqarsorinarsin­naam­mata. Al­laat apustili Peter kingusin­nerusuk­kut ilaan­ni oqar­poq: „Ilisimavusi angum­mut juutiusumut qanoq ileq­qus­saan­ngitsigisoq inuk al­lamik naggueqar­toq ilan­nguf­figis­sal­lugu or­nis­sal­luguluun­niit.“ Inatsisinik ilisimasoq, im­maqalu Jesusip ajoqersugai, isumaqar­put nam­min­neq nunaqatitik, juutiin­naat inus­siar­nerfigigunik­kik naaper­tuil­luar­tulior­tuus­sal­lutik. Juutiun­ngitsoq tul­lermis­sut isigin­ngilaat.

Jesusip qanoq ilil­luni tusar­naar­tut ajual­latsin­nagit isumaat naq­qis­sin­naavaa? Aap, oqalut­tuamik piviusumik tunuliaqutaqarunar­tumik oqalut­tuup­pai. Oqalut­tuar­poq: „[Juuti, NV] Jerusalemimit Jerikomut samun­nar­toq piiaasut qanin­ngar­paat. Taak­kua mat­tarlugulu unatar­paat; aal­larlutil­lu toqungajat­toq qimal­lugu.“

„Taamaasil­luguli,“ Jesus nangip­poq, „palasiusoq tasamun­nar­poq aq­qut taan­na aq­qutigalugu, taas­sumalu takugamiuk qaangiin­nar­paa. Taamat­taaq levik­kuusoq tas­sunga pigami or­nil­lugulu takugamiuk qaangiin­nar­paa. Samariamiul­li ingerlatil­luni taas­sumun­nga pisup takugamiuk, nal­ligiler­paa.“

Palasit naalaf­fim­milu kif­far­tuuteqar­tut levik­kuusut amerlasuut Jerikomi najugaqar­put. Jerusalemimi naalaf­fim­mit kif­far­tuuteqarfim­min­nit angerlar­niarlutik aq­qut navianar­toq ingerlavigisariaqar­tar­paat, aq­qut 23 kilometerit iluan­ni 900 meterinik isorar­tus­suseqar­toq. Palasip levik­kuusul­lu juutimik ajor­tumeer­neqarsimasumik ikiuinis­saat ilimagineqarsin­naagaluar­poq. Taamaaliun­ngil­lal­li. Samariamiumil­li juuti ikior­neqar­poq. Juutit Samariamiunik ima uumis­suitigaat qanit­tuk­kut Jesus „Samariamiu“-mik taasimal­lugu — akerar­tuutitut sak­kor­tuutut atorlugu.

Samariamiup juuti qanoq ikior­paa? „Or­nil­lugulu,“ Jesus oqar­poq, „ikii mat­tuser­pai uuliamil­lu viin­nimil­lu kuil­lugit, nersutaatiminul­lu qaqil­lugu akun­nit­tarfim­mut pisip­paa paaq­qil­lugulu. Aqaguanilu aningaasan­nguit (denarit) marluk tiguai akun­nit­tarfiup inuanut tun­niul­lugit oqarfigalugulu: ’Paaq­qiniaruk, an­nermil­lu ator­titaqaruit kingumut uteruma akilerumaar­pak­kit.’“

Taman­na oqalut­tuarereerlugu Jesusip inatsisinik ilisimasoq aperaa: „Taak­kua pingasut ilaat sorleq taas­suma piiaasut qanin­ngagaata tul­leraa?“ Inatsisinik ilisimasup Samariamiu nersorusun­ngin­namiuk, ima akiin­nar­poq: „Nal­lit­tor­tini.“ „Il­lit­taaq taamaalioriar­torit!“ Jesus naggasiivoq.

Jesusip toq­qaan­nar­tumik inatsisinik ilisimasoq oqarfigigaluar­pagu juutiun­ngitsoq aam­ma tul­lerigaa, angutip taas­suma kisimiun­ngitsoq akueriumanavian­ngik­kaluar­paa. Jesusimik oqal­liseqateqar­nerani aam­mat­taaq tusar­naar­tut amerlanersaasa angut taan­na il­lersus­sagunaraluar­paat. Oqalut­tual­li piviusorsior­tup ilumoor­toq nalor­ninaal­lisip­paa: Tul­ler­put tas­saan­naan­ngilaq naggueqater­put nunaq­qater­pul­luun­niit. Jesusip ajoqersuinerata pitsaal­luin­nas­susia! Lukas 10:25-37; Apustilit suliaannik allakkat 10:28; Johannes 4:9; 8:48.

▪ Inatsisinik ilisimasup Jesus qanoq apersor­paa, sunalu pil­lugu aperaa?

▪ Juutit tul­ler­tik kinaasoraat, sunalu pil­lugu ajoqersuk­kat aam­ma taama isumaqarunar­pat?

▪ Jesusip qanoq ilil­luni inatsisinik ilisimasoq eq­qarsaler­nar­tumik apersorlugu miserratis­saan­ngitsumik eq­qor­tumil­lu akis­sutis­saanut pisip­paa?