Kapitali 121

Sanhedrinimut taavalu Pilatusimut

UN­NUAQ qaangiutiler­poq. Peterip pingasoriarluni Jesus miserratigisimavaa, Sanhedrinimul­lu ilaasor­tat eq­qar­tuus­siusar­ner­tik naam­mas­sereersimavaat aniareersimal­lutil­lu. Tal­liman­ngor­nermili ul­laan­nguler­nerani katersuuteq­qip­put, tamatumuuna inersuarmi ataatsimiif­figisar­tak­kamin­ni. Qular­nan­ngitsumik un­nuak­kut eq­qar­tuus­sisimanermik inatsisinut naaper­tuut­tutut isik­koqaler­nis­saa kis­saatigaat. Jesus im­min­nut sas­sar­tin­neqarmat un­nuaam­mat oqaaserisimasamit­tut oqar­put: „Kristusiuguit oqarfigitigut!“

„Oqarfigigaluarus­si, up­peris­san­ngilas­singa,“ Jesus akivoq. „Apersoraluarus­silu akis­san­ngilas­singa.“ Jesusil­li kinaanini oqaatigis­sal­lugu qunugin­ngilaa: „Matumali kingor­na Inuup er­nera Guutip pis­saanerata taler­piata tungaani is­sias­saaq.“

„Taan­naavim­mi Guutip er­nera?“ tamarmik aperip­put.

„Soorlu oqar­tusi: taan­naavunga,“ Jesus akivoq.

Akis­sut taman­na angutinut toqutserusut­tunut taak­kunun­nga naam­map­poq. Guutimut mital­lersutut isigaat. „Nalunaajaam­mik al­lamik pisariaqar­ner­pugut? Nam­minermi qar­nanit tusareer­par­put.“ Taava Jesus qilersor­paat, aal­larul­lugu Romamiul­lu nunamut naalagaatitaan­nut, Pontius Pilatusimut, tun­niul­lugu.

Judas, Jesusimik kil­luus­sisoq, eq­qar­tuus­sinermut najuus­simavoq. Takugamiuk Jesus pisuusutut eq­qar­tuun­neqar­toq, peq­qis­similer­poq. Aningaasat sølvit 30-t uter­tin­niarlugit palasiunerit utoq­qaaner­tal­lu or­nip­pai, nas­suiaal­lugil­lu: „Ajor­tulior­punga pin­ngitsup aava pisik­kak­ku.“

„Sus­sar­put? Il­lit pisuuvutit,“ misigit­taaqalutik akip­put. Taava Judasip aningaasat sølvit naalaf­fim­mut nalup­pai qimagul­lunilu im­minut qimeriar­poq. Or­piul­li kanaar­taa al­lunaasap pitus­simaf­fia qular­nan­ngitsumik napivoq nak­karamilu qaarsumut tuk­kami qaar­poq.

Aningaasat sølvit qanoq pis­sal­lugit palasiunerit nalor­nis­sutigaat. „Mak­ku naalaf­fiup akis­saasivianut ilil­lugit iluan­ngilaq, aam­mut akigisaam­mata,“ oqar­put. Isumalioqatigeereeramil­lu marrior­tut nunaataan­nik pisis­sutigaat al­lamiut iliveqarfiliuuk­kumal­lugit. Taamaat­tumik nunaat taman­na taaneqar­poq „Aat­talik“.

Suli ul­laaralaan­nguusoq Jesus nunap naalagaata il­lorsuanukaan­neqar­poq. Juutil­li ingerlaqataasut iseruman­ngil­lat, isumaqaramik Guutimik nalusumik taamatut ilaqarunik mingutsin­neqas­sal­lutik. Taamaat­tumik Pilatusip pinasaarani an­nivigai. „Inuk una sumik un­nerluutiginiar­pisiuk?“ aperaaq.

„Pinerlus­siman­ngip­pat ilin­nut pisin­ngeq­qajaqaar­put,“ akip­put.

Pilatus, akuliuk­kuman­ngin­nerusoq, oqar­poq: „Ilis­si tigusiuk inatsisisilu malil­lugit eq­qar­tuul­lugu!“

Juutit toqutserusus­suser­tik qulaar­paat ima oqaramik: „Inum­mik toqutseq­quneqan­ngilagut.“ Aap, poorskimik nal­liut­torsiutigin­nin­nerup nalaani Jesus toquk­kaluarunik­ku perul­lulior­toqaan­nas­saaq, amerlasuum­mi Jesusimik pingaar­titseqim­mata. Politik­kik­kul­li un­nerluus­sinerup kingunerisaanik Romamiunut toqutaatis­sin­naagunik­ku, inun­nit pisuutin­neqar­navian­ngil­lat.

Un­nuak­kut eq­qar­tuus­sinermi Jesusimik Guutimut mital­lersutut pisuutitsisimaner­tik oqaatsimik ataatsimil­luun­niit taan­ngivil­lugu, maan­na up­perisarsior­nik­kut pisor­tat sal­luliorlutik Jesusimik un­nerluus­siler­put. Pingasunik im­mik­koor­tulim­mik un­nerluutigaat: „Una malugaar­put [1] inuit kil­lormut saatsik­kai [2] akileraarutil­lu kaasarimut tun­niut­taq­qun­ngik­kai [3] oqarami Kristusiul­luni kun­ngiusoq.“

Un­nerluus­sutaat kingul­leq Pilatusip er­numatsaatigaa. Taamaat­tumik il­lorsuarmut iseq­qip­poq, Jesusilu qaaq­qul­lugu aperalugulu: „Il­lit taan­naavit juutit kun­ngiat?“ Tas­sa Pilatusip Jesus aperaa kaasarimut taarsiul­luni im­minut kun­ngitut suaarutiginermigut inatsisinik unioq­qutitsisimanersoq.

Jesusip paasil­luarusup­paa im­minut tun­ngasunik Pilatus qanoq tusagaqar­tigisimanersoq, taamaat­tumik aperaa: „Isuman­nik taama oqar­pit, al­lanil­luun­niit taama tusar­pinga?“

Pilatus nas­suer­poq Jesus nalul­lugu, eq­qor­tul­li paasil­luarusul­lugit. „Juutiuner­punga?“ akivoq. „In­nut­tavit palasiuneril­lu uan­nut pisip­paatsit; qanoq ilioravit?“

Kun­ngitut ataq­qinas­sutsi Jesusip nas­suiar­niarsarin­ngilaa. Maan­nak­kut akis­sutigisaa qular­nan­ngitsumik Pilatusip tupaal­laatigaa. Lukas 22:66–23:3; Mattæus 27:1-11; Markus 15:1; Johannes 18:28-35; Apustilit suliaat 1:16-20.

▪ Sooq Sanhedrinimut ilaasor­tat ul­laak­kut katersuuteq­qip­pat?

▪ Judas qanoq ilil­luni toqua, aningaasal­lu sølvit 30-t qanoq pineqar­pat?

▪ Sooq juutit nam­min­neq Jesusimik toqutsinis­samin­nut taarsiul­lugu Romamiunut toqutsik­kusup­paat?

▪ Juutit Jesus qanoq un­nerluutigaat?