Kapitali 80

Savanik paarsisoq savallu inaat

JESUS Jerusalemimut tikis­simavoq. Tamaani naalaf­fik atoq­qeq­qaarfis­sior­neqar­poq, „chanuk­ka“ nal­lius­sineqar­poq, tas­sa Jehovap naalaf­fianik atulersitseq­qin­neq nal­liut­torsiutigineqarluni. Ukiut 200-t mis­saan­niit­tut tamatuma sior­na, ukiumi 168-imi u.n.a.s., Antiochos IV Epifanesip Jerusalem tiguarsimavaa naalaf­fik tamatumalu tunisivia il­ler­nas­susiiarlugit. Ukiul­li pingasut qaangium­mata Jerusalem uter­tin­neqar­poq naalaf­fil­lu atulerseq­qin­neqarluni, taamanimiil­lu ukiut tamaasa naalaf­fiup atulerseq­qin­neqarfia nal­liut­torsiorfigineqar­taler­poq.

Nal­liut­torsuaq taman­na juutit ul­lorsiutaat naaper­torlugit qaam­matip kislevip ul­luisa 25-ian­ni pisar­poq, tas­sa ul­lorsiutit maan­na atuut­tut naaper­torlugit novemberip naaler­nerata decemberil­lu aal­lar­tin­nerata nalaani. Tas­sa ul­lut hundredet sin­nilaarlugit qaan­ngiup­pata poorski pingaar­toq ukiumi 33-mi pis­saaq. Ukiul­lu qanoq ilinerata silaa nil­ler­toq pis­sutigalugu Johan­nes al­lap­poq „ukiuusoq“.

Jesus maan­na as­sersuusior­poq savat inaat pingasut nam­minerlu savanik ’paarsisutut ajun­ngitsutut’ atorfini eq­qar­torlugit. Savat inaat siul­leq eq­qar­tugaa tas­saavoq Mosesik­kut angeruseq tun­ngavigalugu inatsisitigut aaq­qis­suus­saaneq. Inuiaat eq­qaamiuusut Guutimik im­mik­kut angeruseqan­ngitsut iliuusiinit ajor­tunit juutit avis­saarsimatin­niarlugit inatsisit as­siaqutitut atuup­put. Jesus nas­suiaavoq: „Ilumut, ilumut oqarfigaas­si: iser­tarfik­kut pin­nani al­lak­kut savat inaan­nut iser­niar­toq til­lit­tuul­lunilu piiaasuuvoq. Iser­tarfik­kul­li iser­toq savat paarsisigaat.“

Al­lat Mes­siasiuneraraluar­put, Kristusiunerarlutil­luun­niit, arlaan­naal­luun­niil­li tas­saan­ngilaq savanik paarsisoq ajun­ngitsoq, Jesusip nangil­luni oqaatigisaa: „Iser­tarfiup paarsisaata taan­na map­piut­tar­paa, nipaalu savat tusar­tar­paat; taas­sumalu savaatini aq­qisigut qaaq­qusar­pai anisit­tarlugil­lu. . . . Takor­nar­tarli malit­tarin­ngilaat, qimarratigalugulu, takor­nar­tap nipaa ilisarin­ngin­namik­ku.“

Savat inaata siul­liup ’paarsisaa’ tas­saavoq Johan­nes Kuisisoq. Iser­tarfiup paarsisaatut taas­suma Jesus map­pius­simavaa savanut as­sersuutaasunut ivigalim­mut siulersor­taasus­satut tik­kuarlugu. Savat taak­ku Jesusip aq­qisigut qaaq­qusai siulersugaalu naggataatigut savat inaata aap­paan­nut iser­tin­neqarumaar­put. Ima nalunaar­poq: „Ilumut, ilumut oqarfigaas­si: uanga savanut iser­tarfiuvunga,“ tas­sa savat inaata aap­paan­nut iser­tarfik. Jesusip ajoqersuk­kaminut angerusisaaq pilersim­magu ul­lormilu piinsimi qilam­mit anersaamik il­ler­nar­tumik kuim­magit, savat inaan­nut nutaamut tamatumun­nga isersin­naaler­put.

Jesusip atorfini nangil­luni nas­suiar­paa: „Uanga iser­tarfiuvunga; uak­kut iser­toq an­nak­kumaar­poq, iserlunilu anil­lunilu inuus­sutis­sarsis­saaq. . . . uanga tikiup­punga inuus­sum­mik naam­mal­luin­nar­tumil­lu pis­saqaq­qul­lugit. . . . Uangaana paarsisoq ajun­ngitsoq, pik­kalu ilisaraak­ka, pimalu ilisaraan­nga, soorlu Ataatap ilisarigaanga, uangalu Ataataq ilisarigiga; inuuneralu iperar­para savat pil­lugit.“

Tamatuma siunin­nguani Jesusip ajoqersuk­kani tup­pal­lersarsimavai: „Siooraqinasi, savar­pan­nguususi ukorsii! Ataatas­si iluarim­magu Naalagaaf­fik ilis­sin­nut tun­niuk­kumal­lugu.“ Savar­pan­nguit taak­ku, naggaataatigut 144.000-iulersus­sat, savat inaan­nut nutaamut, savat inaasa aap­paan­nut, iser­tin­neqar­tus­saap­put. Jesus nangip­poq: „Al­lanil­lu savaateqar­punga inimit matuman­nga pin­ngitsunik; taak­kut­taaq aggius­sas­saraak­ka, nipigalu tusas­savaat; imaas­saarlu savaatit ataatsit, paarsisoq ataaseq.“

’Savat al­lat’ taak­ku „inimit matuman­nga“ pin­ngin­namik, al­lami ineqarsimas­sap­put, tas­sa savat inaasa pingajuan­ni. Savat inaan­ni marlun­ni kingul­ler­ni eq­qar­tor­neqareersuniit­tut as­sigiin­ngitsunik siunis­sami atugas­saqar­put. ’Savar­pan­nguit’ savat inaata aap­paan­nit­tut Kristus qilam­mi naalak­kersueqatigis­savaat, ’saval­lu al­lat’ inimi kingul­lermiit­tut nunami paratiisiusumiis­sap­put. Savat inini marlun­ni as­sigiin­ngitsuniik­kaluarlutik im­min­nut sin­ngagiin­ngil­lat, im­mik­koor­tutul­lu misiginatik, ’savaatit ataasiugamik paarsisup ataatsip’ ataani.

 Savanik paarsisup ajun­ngitsup, Jesus Kristusip, inuunini savat tamaasa pil­lugit pil­liutigaa. Oqar­poq: ’Inuunera . . . isuman­nik iperar­para. Iperarsin­naal­lugulu kingumut pigilersin­naavara. Taama Ataatama peq­quaanga.’ Taama oqarmat juutit isumaqatigiik­kun­naar­put.

Tusar­naar­tut oqar­put: „Anersaapiloqar­poq silaarul­lunilu; sooq tusar­naar­pisiuk?“ Al­lal­li akip­put: „Anersaapilulik taama oqaaseqaraan­ngilaq. Anersaapiluup tap­piitsut isaat uisis­sin­naaner­pai?“ — qular­nan­ngitsumik Jesusip angum­mik tap­piil­luni er­niusimasumik ajorun­naarsitsisimanera eq­qaal­lugu. Johannes 10:1-22; 9:1-7; Lukas 12:32; sarĸúmersitat 14:1, 3; 21:3, 4; Tussiaat 37:29.

▪ Atoq­qaarfis­sior­nermik nal­liut­torsiorfik sunaava, qaquguk­kul­lu pisar­pa?

▪ Savat inaat siul­leq sunaava, kinalu iser­tarfianik paarsisuua?

▪ Qanoq ilil­luni iser­tarfiup paarsisaata savanik paarsisoq map­piup­paa, taamaalior­neratigul­lu savat sumut isersin­naan­ngor­pat?

▪ Savanut inini marlun­niit­tut kik­kuup­pat, savaatit qas­siup­pat?