Kapitali 123

„Takussagissi inuk!“

JESUSIP pis­susilersor­nera Pilatusip kak­kagalugu tupigusuutigeqaa paasil­lugulu pin­ngitsuusoq. Taamaat­tumik maan­na al­latut iliorluni Jesus iperagaatin­niarsariler­paa. „Ileq­qoqar­pusi poorskeraangat ataaseq ilis­sin­nut iperas­sagiga,“ inup­pas­suit oqarfigai.

Barabbas, toqutsisoq tusaamasaanerlut­toq, aam­mat­taaq tigusaaq­qavoq, taamaat­tumik Pilatus aperaaq: „Kina par­naarus­saajun­naarseq­quisiuk, Barabbasiluun­niit Jesusiluun­niit Kristusimik taasaq?“

Palasiuner­nit puf­fas­sar­neqarlutik Barabbas iperagaateq­quaat Jesusilu toqutaaq­qul­lugu. Pilatus nak­kaan­nan­ngilaq, apereq­qil­lunili: „Ukua arlaat kina par­naarus­saajun­naarseq­quisiuk?“

„Barabbas,“ suaar­tar­put.

„Qanormi taava Jesus Kristusimik taasaq pis­savara?“ uis­suum­meqaluni Pilatus aperaaq.

Nipis­sar­tik tamaat suaar­tar­put: „Qisum­mut kikiat­tor­tiguk!“ „Kikiat­toruk! Qisum­mut kikiat­toruk!“ (NV)

Pilatusip nalun­ngin­namiuk inuk pisuus­suteqan­ngitsoq toqun­neqaq­qugaat, oqar­poq: „Sumim­mi una ajor­tuliva? Patsisaasumik toqoq­qusis­sutaasumik nas­saarfigin­ngilara; taamaat­tumik pil­latsiarsin­naarlugu iperas­savara.“

Taamaak­kaluar­toq inup­pas­suit kamaqalutik up­perisarsior­nik­kul­lu pisor­tanit kaam­mat­tor­neqarlutik nil­liajuar­put: „[Qisum­mut, NV] kikiat­tor­tin­neqarli!“ Palasit puf­fas­saanerat pis­sutaal­luni inup­pas­suit aam­mik takorusup­put. Qular­nan­ngitsumik ul­lut tal­limat sior­natigut Jesus kun­ngitut siutituumut qimus­serluni Jerusalemimut iseriar­tormat inup­pas­suit tamaaniit­tut ilaat taas­sumin­nga nersueqataasimap­put! Jesusip ajoqersugai najuus­simagunik nipaqan­ngil­lat malugitin­niaratil­lu.

Pilatusip takusin­naagamiuk kajumis­saarutini iluaqutaan­ngitsut, perul­lulior­toqar­nialersorli, inup­pas­suit tak­kuan­ni error­tor­poq, oqarlunilu: „Pin­ngitsuuvunga iluar­tup taas­suma aavanut, ilis­si pisuuvusi.“ Inup­pas­suit akip­put: „Aava uatsin­nut qitor­natsin­nul­lu pili.“

Eq­qor­tumik ilior­nis­saminin­ngar­nit inup­pas­suit iluarisaan­nik ilior­nis­sani Pilatusip soqutiginerugamiuk, nak­kaan­nar­poq Barabbasilu iperagaatil­lugu. Taava Jesus atisaajar­tip­paa iperar­tor­til­lugulu. Romamiut iperar­tueriaasiata im­mik­kut it­tup qanoq ingerlan­neqar­tar­nera The Journal of the American Medical Association-imi al­laatigineqarsimavoq:

„Ator­torineqar­tar­toq tas­saavoq iperaataq naatsoq (flagrum imaluun­niit flagel­lum) am­minik al­lunaasianik as­sigiin­ngitsunik takis­susilin­nik ataasiak­kaanik imaluun­niit perlaasimasunik, akun­nisigul­lu am­malor­tuaq­qanik saviminiusunik imaluun­niit savat saar­ngisa sequm­makuinik in­ngigis­sunik pilersuk­kanik sanaaq. . . . Romamiut sak­kutuuisa nukitik tamaasa atorlugit tigusaq tunuatigut iperar­toraangas­suk am­malor­tuaq­qanit saviminiusunit itisuunik ikiler­titer­neqar­tar­poq, amermil­lu al­lunaasianit saar­ngil­lu aseq­qukuinit amia amiatalu ipiutaasar­tai ilor­pasin­nerusut kiler­titer­neqar­tarlutik. Iperaat­tap nukiit ilor­pasin­nerusut angujar­tuaar­tar­pai kiler­titerlugil­lu, titar­nerusanilu neqi aagasat­toq sajukulaar­tuin­naq qimat­tarlugu.“

Taamatut peq­qar­niitsumik iperar­tor­neqareerluni Jesus nunap naalagaata il­lorsuanut, sak­kutuut katersuuf­figisimasaan­nut, eq­qun­neqar­poq. Tas­sani sak­kutuut aam­maarlutik mitaatigaat kapinar­tulin­nik perlaal­lutik niaqorusiutsil­lugulu. Sul­lor­tuumik as­saasigut taler­pil­lik­kut tigumis­ser­paat qal­lersaam­mil­lu kun­nger­palaar­tumik aap­pal­laris­sumik atisitil­lugu, quias­suaatigalugulu: „Pil­luar­na, juutit kun­ngiat!“ Qitserar­paat­taaq isat­tarlugulu. Sul­lor­tuumil­lu arsaar­paat taas­sumin­ngalu niaquagut anaalerlugu, taamaaliormatalu kapinar­tut in­ngigis­sut „niaqorutaani“ nikanar­tumiit­tut niaquanut suli kap­pus­suun­nerup­put.

Naak naal­liutsitaagaluaqaluni tupin­naan­nar­tumik ataq­qinas­susia nakuus­susialu Pilatusip tupigusuutigingaaramiuk iperagaatin­niaq­qik­kaluar­paa. „Takuarsi, ilis­sin­nut anisip­para ilisimaq­qul­lusi patsisaasumik nas­saarfigin­ngik­kiga,“ inup­pas­suit oqarfigai. Isumaqan­nguatsiar­poq Jesusip naal­liutsitaareer­nermini isik­kua takugunik­ku nal­ligilis­sagaat. Kapinar­tunik niaqoruteqarluni aap­pal­laris­sumil­lu atisaqarluni Jesus inup­pas­suit naak­kit­taatsut saavan­ni qeqar­poq. Kiinaa aagin­naasoq an­niar­paseqaaq Pilatus oqarmat: „Takus­sagis­si inuk!“

Aap, oqalut­tuarisaanermi inuit inuusimasut pingaar­ner­paar­taat tas­sani qeqar­poq! Naak ajor­tumeer­neqarsimagaluaqaluni Jesus nipaatsumik ataq­qinas­suseqar­poq eq­qis­sisimal­lunilu pingaas­sutsimik al­laat Pilatusip miserratigisin­naan­ngisaanik ersersitsisumik. Qular­nan­ngitsumim­mi Pilatusip oqaasii ataq­qin­nip­palul­lutil­lu misigin­neqatigin­nip­palup­put. Johannes 18:39–19:5; Mattæus 27:15-17, 20-30; Markus 15:6-19; Lukas 23:18-25.

▪ Qanoq ilil­luni Pilatusip Jesus iperagaatin­niarsaraa?

▪ Pilatusip akisus­saan­ngin­nis­sani qanoq ilil­luni anguniarsaraa?

▪ Iperar­tor­tin­neq qanoq taasas­sar­taqar­pa?

▪ Iperar­tor­tereerami Jesus qanoq quias­suaatigineqar­pa?

▪ Pilatusip qanoq ilil­luni Jesus iperagaatin­niaq­qik­kaluar­paa?