Kapitali 127

Tallimanngornermi ilisaavoq — sapaammi iliveq imaqanngilaq

TAL­LIMAN­NGOR­NERMI ualingaatsiar­poq, ul­lorlu sabbat, nisanip 15-iat, seqer­nup tarrin­nerani aal­lar­tis­saaq. Jesusip timaa toqungasoq qisum­mi nivingavoq, pinerlut­tul­li sanianiit­tut suli uumap­put. Tal­liman­ngor­neq taaneqar­tar­poq „upalungaarsarfik“-mik, ualik­kut nerisas­sanik upalungaarsaasoqar­tarmat, imaluun­niit piareersaasoqar­tarmat, sulias­sal­lu sabbatioreer­nis­saanut utaq­qisin­neqarsin­naan­ngitsut naam­mas­sineqar­tarmata.

Sabbat nal­liutilersoq tas­saan­naan­ngilaq sabbat nalingin­naasoq (sapaatip-akun­nerata ul­luisa arfineq-aap­paat) tas­saal­lunili marloriaam­mik sabbat imaluun­niit ’sabbat angisooq’. Qanoq ilil­luni? Ukiumi 33-mi nisanip 15-iat nalingin­naasumik sabbatiunermi saniatigut, aam­mat­taaq seer­naqan­ngitsunik timiusar­tor­tarfiup ul­luisa siul­leraat (ul­lorlu taman­na sabbatiujuaan­nar­poq, sapaatip-akun­nerata ul­luisa arlaan­niluun­niit pigaluaruni).

Guutip inatsisaani oqaatigineqar­poq timi toqungasoq qisum­mi kikiat­tugaaf­fim­mini un­nuisin­neqas­san­ngitsoq. Taamaat­tumik juutit Pilatus qin­nuigaat kikiat­tugaasut toqujaar­nias­sam­mata niui napeq­qul­lugit. Pinerlut­tut kikiat­tugaasut marluk niui sak­kutuunit napineqar­put. Jesusil­li niui napineqan­ngil­lat, toqoreersiman­nguatsiarmam­mi. Taman­na al­las­simaf­fiup eq­quun­neraa: „Saar­ni tamaasa paarai ataatsimil­luun­niit napisoqaq­qunagit.“

Jesusili ilumut toqusimanersoq qulak­keerluin­narumal­lugu sak­kutuut ilaata qalugiusaminik, imaluun­niit naalik­kaminik, saneraatigut kapivaa. Uum­mataata nalaatigut eq­qor­paa, er­niin­narlu aak imerlu kuuler­put. Apustili Johan­nes, tamatumin­nga takun­nit­toq, oqar­poq tamatumuuna al­las­simaf­fik al­la eq­quut­toq: „Kapisar­tik takujumaar­paat.“

Josef Arimatæamiu, Sanhedrinimut ilaasor­taasoq ataq­qisaasoq, aam­mat­taaq kikiat­tugaasunut najuup­poq. Eq­qar­tuus­sisut naaper­tuil­luan­ngitsumik Jesusimik iliorfigin­nis­simaneran­nut ilaasiman­ngilaq. Josefimi Jesusip ajoqersugaasa ilaagaat, naak tamatumin­nga nas­suerutigin­nin­nis­sani an­nilaan­ngatigisimagaluarlugu. Maan­nali im­minut sapiil­lisariarluni Pilatusimukar­poq qin­nuigalugulu Jesusip timaa tigujumal­lugu. Sak­kutuut naalagaat akisus­saasoq Pilatusip qaaq­quaa, Jesusil­lu toqusimanera taas­suma up­per­narsareermagu timaa Josefimut tun­niup­paa.

Ilisinis­samut piareersaatitut Josefip timi an­noraaminermut im­mup­paa. Nikodemus, aam­ma Sanhedrinimut ilaasor­taasoq, ikiuup­poq. Nikodemusit­taaq atorfim­mi an­naanis­saa an­nilaan­ngatigalugu Jesusimut up­per­nini iser­tuus­simavaa. Maan­nali agger­poq imusaq myrramik aloemil­lu akisuumik 33 kiilut mis­saan­niit­tumik imalik nas­sarlugu. Timip toqungasup ilineqar­nis­saanut juutit piareersaasar­nerat­tut, Jesusip timaa niminik tamak­kunin­nga tipigis­saatitalin­nik nimer­neqar­poq.

Taava timi toqungasoq Josefip iliviutitaavanut, naatsiivim­mi qanit­tumiit­tumi qaarsumut ikut­tarlugu as­sataasumut, ilineqar­poq. Naggataatigul­lu iliveq ujararujus­suarmik matuneqar­poq. Sabbatiun­ngin­nerani ilineqar­nias­sam­mat timip toqungasup piareersar­nerani tuavior­tariaqarsimap­put. Maria Magdalene Marialu, Jabobip Min­nerup im­maqa ikiuus­simasup anaanaa, angerlapal­lap­put tipigis­sunik al­lanik piareersaajar­torlutik. Sabbati qaangiup­pat Jesusip timaa taak­kua atorlugit suliareq­qis­sin­naas­savaat sivisunerusumik atasin­naanias­sam­mat.

Aqaguani, sabbatimi, palasiunerit farisæeril­lu Pilatusimukar­put oqarfigalugulu: „Naalagaq, eq­qaavar­put sal­loqit­taasoq in­na inuugal­larami oqar­toq: ’Ul­lut pingasun­ngor­pata makik­kumaar­punga.’ Taamaat­tumik iliveq ul­lut pingasun­ngorserlugit paareq­qis­saaq­qugiuk; ajoqersugaasa til­lik­kiar­toqinavaat inun­nul­lu oqarlutik: ’Toqusunit makis­simavoq’; taavalu sal­loqit­taaneq kingul­leq siul­lermer­nit ajor­neruleqinaaq.“

„Paarsisus­saqar­tip­pas­si,“ akivai. „Isumas­sin­nik paareq­qis­saar­tik­kiar­torsiuk.“ Taavun­narlutil­lu iliveq isuman­naar­paat ujarak naqis­suserlugu Romamiul­lu sak­kutuuinik paarsisulerlugu.

Sapaam­mi ul­laan­nguaq Maria Magdalene, Maria, Jakobip anaanaa, Salome, Johan­na ar­nal­lu al­lat ilivermukar­put tipigis­sut atorlugit Jesusip timaa toqungasoq suliareq­qik­kiar­torlugu. Taavun­nar­til­lutik apereqat­taap­put: „Kia ujaq­qamik ilerfup paaniit­tumik as­sakar­titseqatigis­savaatigut?“ Taavungali pigamik paasivaat nuna sajus­simasoq Jehoval­lu in­ngiliata ujarak as­sakar­tis­simagaa. Paarsisut peqan­ngil­lat iliverlu imaqan­ngilaq. Mattæus 27:57–28:2; Markus 15:42–16:4; Lukas 23:50–24:3, 10; Johannes 19:14, Joh 19:31–20:1; Joh 12:42; 3 Mosesimik allakkat 23:5-7; 5 Mosesimik allakkat 21:22, 23; Tussiaat 34:21; Zakarja 12:10.

▪ Sooq tal­liman­ngor­neq „upalungaarsarfik“-mik taaneqar­pa, aam­ma ’sabbat angisooq’ suua?

▪ Jesusip timaanut atatil­lugu al­las­simaf­fiit suut eq­quup­pat?

▪ Jesusip ilineqaler­nerani Josef Nikodemusilu sulerip­pat, Jesusimul­lu at­taveqar­nerat qanoq ip­pa?

▪ Palasit Pilatus sumik qin­nuigaat, qanorlu qisuariar­pa?

▪ Sapaam­mi ul­laan­nguak­kut qanoq pisoqar­pa?