Kapitali 124

Tiguaat qimagullugulu

JESUSIP, al­laat naal­liutsitaanermini, nipaatsumik ataq­qinas­suseqar­nera Pilatusip tupigeqaa, taamaat­tumil­lu iperagaatin­niaq­qik­kaluarlugu. Taman­nali palasiunerit kaman­nerulis­sutigiin­nar­paat. Pilersaarutipilumik sumil­luun­niit akor­nuser­neqan­ngin­nis­saat aalajangiusimal­lugu suaar­taq­qiler­put: „Kikiat­toruk! [Qisum­mut, NV] kikiat­toruk!“

„Ilis­si tigul­lugu [qisum­mut] kikiat­torsiuk,“ Pilatus akivoq. (Ilimanarluin­nar­poq juutit, oqaatigisamik akerlianik, up­perisarsior­nik­kut an­ner­tuumik unioq­qutitsisunik pil­larlugit toqutsinis­samin­nut pigin­naatin­neqar­tut.) „Uanga patsisaasumik nas­saarfigin­ngilara,“ Pilatus oqar­poq. Maan­namut min­ner­paamik tal­limas­saanik Jesus pin­ngitsuunerar­paa.

Juutit paasigamik­ku politik­kik­kut un­nerluutitik kinguneqan­ngitsut, up­perisarsior­nik­kut un­nerluus­seq­qiler­put, Jesus Sanhedrinimut sas­sar­tin­neqarmat Guutimut mital­lersuuneraaner­tik pasil­liuter­tik uteq­qil­lugu. „Inatsiseqar­pugut,“ oqar­put, „inatsisivul­lu tamak­ku malil­lugit toqus­saaq, im­minik Guutimut er­neritik­kami.“

Un­nerluus­sut taman­na Pilatusimut nutaajuvoq, an­nilaanganerulersip­paalu. Paasereer­paa Jesus inuusoq nalingin­naan­ngitsoq; nuliami sin­nat­tuatigut Jesusil­lu qaqutigoorluin­nar­tumik aalajaatsumik pis­suseqar­neratigut taman­na paasisin­naavaa. Kisian­ni ’Guutip er­neraa’? Pilatusip nalun­ngilaa Jesus Galilæameersuusoq. Kisian­ni sior­natigut al­lamik inuuneqarsimasin­naava? Il­lorsuarmut iseqatigeq­qip­paa aperalugulu: „Sumit pivit?“

Jesus oqaaseqan­ngilaq. Pilatus oqalut­tuutereersimavaa kun­ngiul­luni, naalagaaf­finili silarsuarmit matuman­nga pin­ngitsoq. Mas­sak­kut nas­suiaaq­qik­kaluaruni iluaqutaanavian­ngilaq. Jesusil­li akin­ngin­nera Pilatusip pingaar­nias­sutsimigut ajual­laatigaa, Jesusilu saapiloor­paa oqarlunilu: „Akiuman­ngilinga? Naluinga iperarsin­naagik­kit [qisum­mul­lu] kikiat­tor­tis­sin­naal­lutit?“

„Qanoq iliorfigisin­naan­ngeq­qajaqaarma pigin­naanermik pavan­nga tunineqan­ngik­kuit,“ Jesus ataq­qin­nip­palul­luni akivoq. Pisaa tas­saavoq nunami naalagaasut maani nunami pis­sutsinik nak­kutigin­nin­nis­saan­nik Guutip pigin­naas­susilersimagai. Oqaatsinilu ilavai: „Taamaat­tumik uan­nik ilin­nut pisitsisoq an­nermik ajor­tulivoq.“ Aap, palasiuneq Kajfas perlulioqataalu aam­malu Judas Iskariot — Jesusimut eq­qun­ngitsuliorfigin­nin­nermut Pilatusimit an­nerusumik pisuup­put.

Pilatusip Jesus tupigusuutigigalut­tuin­nar­paa, Guutimeersuusin­naaneralu an­nilaan­ngatigiar­tuin­narlugu. Iperagaatin­niaq­qik­kaluar­paalu, juutinil­li suusupagisaal­luni itigar­tin­neqar­poq, taak­kualu peq­qusersuul­lutik politik­kik­kut un­nerluus­seq­qiler­put: „Taan­na iperaruk­ku kaasarip iluaris­san­ngilaatit. Im­minik kun­ngiutin­niar­toq kaasarimut akerar­tormat.“

Naak taamatut sioorasaapajaar­neqaraluarluni Pilatusip Jesus an­niseq­qip­paa akuereq­qusaarlunilu: „Takus­sagis­si kun­ngersi.“

„Peerli, peerli taan­na! [Qisum­mut] kikiat­toruk!“

„Kun­ngersi [qisum­mut] kikat­tus­saner­para?“ Pilatus kamaam­meqaluni aperaaq.

Romamiut naalagaaneran­ni juutit erloqil­lutil­lu naam­magit­taal­lior­taqaat, aap, Romamiunik asis­sueqaat. Maan­nali palasiunerit ilumoor­tuusaarlutik oqaluler­put: „Al­lamik kun­ngeqan­ngilagut, kaasari kisiat kun­ngigaar­put.“

Politik­kik­kut atorfim­mi an­naanis­saa tusaamaneqar­nermilu ajorsinis­saa er­numas­sutigigamigit juutit malar­titas­saanatik piumasaat Pilatusip kiisami nak­kaan­narfigaa. Jesus tigusaatip­paa. Jesusip atugaa aap­pal­laris­soq sak­kutuut peer­paat nam­minerlu atisaanik atisitil­lugu. Jesus kikiat­toriar­tor­neqar­poq, kikiat­tugaaf­fis­saanik pin­ngitsaalil­lugu tigumiar­tin­neqarluni.

Maan­na ul­laap-tungaa qiterar­paa, im­maqa ul­lup-qeq­qariar­tulerluni, tal­liman­ngor­nermi nisanip 14-iani. Sisaman­ngor­nermi ul­laan­nguak­kul­li Jesus itersimavoq, naal­liutsitaasaqat­taarsimaqaarlu. Tupin­nan­ngilarlu qisuup oqimaatsup nam­man­nerani er­niin­naq nukis­saarum­mat. Sanioq­qut­toq, Simonimik atilik Kyrenemi Afrikamiit­tumeersoq, pin­ngitsaalisaal­luni qisum­mik nam­mak­ker­neqar­poq. Ingerlatil­lugit inup­pas­suar­nit ingerlaqasiun­neqar­put, ilaatigut ar­nat aliasun­nermik sakis­samik­kut til­luar­tut Jesusilu upil­lugu qiasut.

Ar­nanut saap­poq oqarlunilu: „Jerusalemip panii ukorsii! Uanga pis­sutigalunga qiaqinasi, im­mis­sin­nil­li pis­sutigalusi qitor­nasilu pis­sutigalugit qiagitsi! Atami ul­lut nal­liuk­kumaarmata, taava oqarumaar­put: ’Pil­luar­put naar­tujuitsut ar­nat er­nisuitsut milutsitsiuitsut.’ . . . Or­pik uum­maasoq taan­na pim­mas­suk qanormi taava toquneq pineqas­sava?“

Jesusip pisaa tas­saavoq inuiaqatigiit juutit „or­piat“, Jesusip taas­sumun­ngalu up­per­tut amiak­kuisa suli najuun­nerat pis­sutigalugu suli uumas­suseqar­toq. Taak­kuli inuiaqatigiit akor­nan­nit peersin­neqar­pata or­pik imaluun­niit inuiaqatigiit anersaak­kut toqungasut, aap, inuiaat toqungasut, kiser­ngorutis­sap­put. Romamiul­lu sak­kutuuisa, Guutip pil­laam­mik naam­mas­sisitsisaasa, inuiaqatigiit juutit aseror­patigik qanorli upin­nis­samut pis­sutis­saqar­tigis­sava! Johannes 19:6-17; 18:31; Lukas 23:24-31; Mattæus 27:31, 32; Markus 15:20, 21.

▪ Jesusimut politik­kik­kut un­nerluus­sutitik kinguneqan­ngim­mata up­perisarsior­nik­kut pisor­tat suk­kut un­nerluutigiler­paat?

▪ Sooq Pilatus an­nilaanganeruler­pa?

▪ Jesusimut eq­qun­ngitsulior­neq kik­kut pisuus­sutiginer­paavaat?

▪ Palasit qanoq ilil­lutik Jesusip toqumut pil­lagaatin­nis­saanut Pilatus nak­kaan­nar­tip­paat?

▪ Ar­nat upit­tut Jesusip qanoq oqarfigai, suna pivaa oqarami or­pik „uum­maasoq“ aam­ma „toquneq“?