Kapitali 67

Tigusareriaraluar­neqarnera iluatsinngitsoortoq

TUPIUSALIORFIK suli nal­lius­sineqar­til­lugu up­perisarsior­nik­kut siut­tut kif­fanik aal­lar­titsip­put Jesus tigusareq­qul­lugu. Jesus toq­qor­nian­ngilaq tamanul­li am­masumik ajoqersuinini ingerlatiin­narlugu, oqarlunilu: „Sivikitsumik najoral­las­savas­si, taava aal­lar­titsisin­nut aal­larumaar­punga. Ujarumaar­pas­singa nanis­sanangalu, najuk­kan­nul­lu pisin­naan­ngilasi.“

Juutit taman­na paasin­ngilaat. Taamaat­tumil­lu oqaloqatigiiler­put: „Una sumut aal­lar­niarmat nanis­san­ngilar­put? Grækerini siam­marsimasut or­nilersaar­ner­pai grækerit ajoqersorumal­lugit? Suna piner­paa oqarami: ’Ujarumaar­pas­singa nanis­sanangalu, najuk­kan­nul­lu pisin­naan­ngilasi’?“ Soorunami Jesusip pisaa tas­saavoq toqunis­sani qilam­milu, akeq­qami or­nis­sin­naan­ngisaan­ni, inuunermut makititaanis­sani.

Maan­na tupiusaliorfim­mik nal­lius­siviup ul­luisa arfineq-aap­pas­saraat kingul­lersaralugulu. Nal­lius­siviup ul­laavini tamani palasi tatsimit Siloamimit imer­tar­tarsimavoq tunisivim­mul­lu kuisarsimal­lugu, imerlu taman­na tunisiviup tun­ngaviatigut kuus­simavoq. Ileq­qulersuut taman­na eq­qarsaatigin­nguatsiarlugu Jesus oqar­poq: „Imerusut­toq uan­nut pili imerlunilu! Uan­nut up­per­tup iluanit ’kuuit kuulerumaar­put puilasuvim­mik imil­lit’, soorlu al­lak­kani oqaatigineqar­toq.“ (NV)

Jesusip pisaa tas­saavoq anersaap il­ler­nar­tup kuineqar­nermigut sun­niutis­saa an­ner­tooq. Ukiumi tul­liut­tumi Piinsip ul­luani anersaamik il­ler­nar­tumik kuisineq taman­na pivoq. Ajoqersuk­kat 120-t inun­nut oqaluus­silermata imeq inuunar­toq kuut­torsuan­ngor­porlusooq. Taman­nali sioq­qul­lugu Kristusip ajoqersugai anersaamik ilangeeqataasiman­ngil­lat, tas­sa anersaamik il­ler­nar­tumik tanin­neqarsiman­ngil­lat qilam­milu inuunermut qaaq­quneqarsimanatik.

Jesusip ajoqersuinerata kingunerisaanik inuit ilaat oqar­put: „Taan­na tas­sa ilumut pruf­fiiti.“ Qular­nan­ngitsumik pivaat pruf­fiitimik Mosesimit an­nerusumik tikiut­toqar­nis­saanik neriorsuut. Ilaat oqar­put: „Kristusiuvoq.“ Ilaal­li akerliliip­put: „Kristus Galilæamit pis­sanerami? Al­lak­kat imaan­ngin­ner­pat, Kristus Davidip kinguaanit Betlehemimil­lu Davidip nunaqarfianit pis­sasoq?“

Taamaat­tumik katersuus­simasor­pas­suit akor­nan­ni akerleriin­neqaler­poq. Ilaasa Jesus tigusaaq­quaat, tigusarineqan­ngilarli. Kif­fat Jesus nas­sar­nagu utermata palasiunerit farisæeril­lu aperip­put: „Sooq aggiutin­ngilisiuk?“

„Inum­mik taas­sumatut oqalut­toqan­ngisaan­nar­poq,“ kif­fat akip­put.

Kamal­lutik oqalorujul­lutil­lu il­laruaatigin­nin­nermik­kut, ilumuun­ngitsumil­lu oqalun­nermik­kut up­perisarsior­nik­kut siut­tut im­min­nut nikanarsar­put. Asis­suer­palul­lutik oqar­put: „Ilis­sis­saaq sal­loqit­tagaavisi? Siulersuisul­luun­niit ilaata farisiiaril­luun­niit ilaata up­perfiginer­paa? Kisian­ni inuit uku inatsisinik nalusut perloq­qunarsis­sap­put.“

Taama oqarmata Nikodemusip, farisæeriusup Sanhedrinimut (juutit eq­qar­tuus­sisoqatigiivisa pingaar­nersaat) ilaasor­taasup taamaalil­lunilu juutit siut­tuinut ilaasup, Jesus il­lersuler­paa. Eq­qaamas­sagunar­pat ukiut marluk af­farlu tamatuma sior­nagut un­nuak­kut Nikodemusip Jesus pulaarsimagaa taas­sumun­ngalu up­per­nini oqaatigisimal­lugu. Maan­na Nikodemus oqar­poq: „Inatsisitsigut inuk kil­lisioq­qaar­nagu qanorlu iliorsimasoq siunersigal­lar­nagu eq­qar­tuun­neqar­tar­pa?“

Farisæerit suli kaman­neruler­put ilamik Jesus il­lersoraa tusarlugu. „Il­lit­taaq Galilæamiuuit?“ mital­ler­palul­lutik oqar­put. „Paasinias­sagit, takujumaar­pat Galilæamit pisumik pruf­fiiteqan­ngisaan­nar­toq.“

Bibelimi toq­qaan­nar­tumik oqaatigineqan­ngilaq pruf­fiiti tak­kut­tus­saq Galilæameersuus­sasoq, toq­qaan­nan­ngitsumil­li ersersin­neqar­poq Mes­sias taavan­ngaan­neersuus­sasoq, oqaatigineqarmam­mi ’qaamasoq angisooq’ tamaani takuneqarumaar­toq. Jesusilu Betlehemimi Judamiit­tumi inun­ngor­poq Davidimul­lu kinguaajul­luni. Farisæerit taman­na qular­nan­ngitsumik ilisimam­mas­suk ilimagisariaqar­poq piaaralutik inuit kuk­kusumik Jesusimut isigin­nit­taaseqalersin­niarsimagaat. Johannes 7:32-52; Jesaja 9:1, 2; Mattæus 4:13-17.

▪ Tupiusaliorfiup nal­lius­sineqar­nerani ul­laat tamaasa susoqar­tar­pa, Jesusil­lu taman­na qanoq ilil­luni in­nersuus­sutigin­nguatsiar­paa?

▪ Sooq kif­fat Jesus tigusarin­ngilaat, up­perisarsior­nik­kul­lu siut­tut tamatumun­nga qanoq qisuariar­pat?

▪ Nikodemus kinaava, Jesus qanoq isumaqarfigaa, farisæereqatiminil­lu qanoq pineqar­pa?

▪ Mes­siasip Galilæameersuunis­saanut sunik takus­sutis­saqar­pa?