Kapitali 37

Uillarnerup aliasunnera nuannaarnin­ngortoq

JESUS sak­kutuut naalagaata kif­faanik ajorun­naarsitsereersimatsiaan­narluni il­loqarfim­mut Nainimut, Kaper­naumip kujataata kitaani 30 kilometerisut ungasitsigisumiit­tumut, aal­lar­poq, inup­pasuil­lu malip­paat. Un­nuk­kiar­tuler­neraniun­nguatsiar­toq il­loqarfiup avataa qanil­liar­tor­til­lugu toqungasumik akiar­tut naapip­paat. Angut inuusut­toq toqungasoq akiarlugu il­loqarfim­mit an­nip­paat iliar­torlugu.

Anaanamut qimagaasumut pisimasoq alianaqaaq, uil­lar­neruvormi taan­nalu er­nituaralugu. Uini toqum­mat, er­nini tup­pal­lersaatigisimavaa. Neriugisai, kis­saatigisai anguniagaalu tamarmik er­neranut at­tuumas­suteqarsimap­put. Maan­nali tup­pal­lersaasus­saqan­ngilaq. Il­loqarfim­miunik ingiaqateqarluni iliveqarfiliar­nermini aliasoqaaq.

Jesusip ar­naq takugamiuk aliasungaar­neranit kil­litsip­poq. Taamaat­tumik saamal­luni taamaat­torli neriulersitsisumik aalajaal­luni oqarfigaa: „Qianak!“ Periaasia pis­susilersor­neralu inuit maluginiar­torujus­suuaat. Siuarluni toqungasumik akiutaat at­tormagu akiar­tut unip­put. Qanoq iliuler­nersoq tamarmik eq­qarsaatigigunar­paat.

Jesusimik malin­nitut takusimagaluar­paat tupin­nar­tuliorluni inup­pas­suit nap­paataan­nik ajorun­naarsitsisoq. Qular­nan­ngitsumil­li takusiman­ngisaan­nar­paat toqungasumik makititsisoq. Ilumut taamaaliorsin­naaner­pa? Inuusut­toq toqungasoq Jesusip oqarfigaa: „Inuusut­toq uumaa, oqarfigaak­kit: makigit!“ Inuusut­torlu mas­sip­poq! Oqaluler­poq, ar­naanul­lu Jesusip tun­niup­paa.

Inuit takugamik­ku toqugaluar­toq ilumut uumasoq, oqar­put: „Pruf­fiitersuaq akor­natsin­ni makis­simavoq.“ Al­lat oqar­put: „Guutip in­nut­tani [sam­milersimavai, NV].“ Suliaq taman­na tupin­nangaar­toq pil­lugu nutaarsias­saq Judæami tamarsuarmi eq­qaanilu inuit tusaamaler­paat.

Johan­nes Kuisisoq suli par­naarus­saaq­qavoq, Jesusil­lu suliai pil­lugit paasisaqar­nerorusup­poq. Suliaanik tamak­kunin­nga tamanik Johan­nes ajoqersugaasa oqalut­tuup­paat. Qanoq qisuariar­pa? Lukas 7:11-18.

▪ Jesusip malit­taasalu il­loqarfik Nain tikilerlugu inuit susut naam­mat­toor­paat?

▪ Jesusip takusaminit qanoq kil­litsip­pa, qanorlu ilior­pa?

▪ Jesusip tupin­nar­tuliaanut inuit qanoq qisuariar­pat?