Kapitali 105

Ulloq pingaaruteqaqisoq aallartippoq

ATAASIN­NGOR­NERMI un­nuk­kut Jesus Jerusalemimit Betaniamukar­poq, Uuliap qaq­qaata kangimut sivingar­naniit­tumut. Ul­lut siul­liit marluk Jerusalemimi naggataarutaasumik oqaluus­sif­figisai naareer­put, qular­nan­ngitsumil­lu ikin­ngum­mini Lazarusimi un­nueq­qip­poq. Tal­liman­ngor­nermi Jerikomit tikis­simagami maan­na sisamas­saa Betaniami un­nuivoq.

Marlun­ngor­nermi nisanip 11-ani ul­laarorlutik Jerusalemimut ingerlaq­qiler­put. Paasinarsis­saaq ul­loq taman­na Jesusip kif­far­tor­nerani pingaaruteqaqisoq, maan­namut pisoqarfiuner­paaq. Ul­loq taman­na naggataamik naalaf­fim­miip­poq, eq­qar­tuus­sisunul­lu sas­sar­tin­neqan­ngin­nermini toqutaan­ngin­nerminilu naggataamik tamanut oqaluus­sil­luni.

Ip­pas­saq aq­qutigisimasar­tik atorlugu Jesus ajoqersugaalu Uuliap qaq­qaatigoorlutik Jerusamiliar­put. Or­pik Jesusip ip­pas­saam­mat perloq­qusimasaa Betaniamut aq­qutaani Peterip takuler­paa: „Rabbi! Fiigequs­suaq perloq­qusat [toqusimavoq].“

Sooq Jesusip fiigequs­suaq toqutip­paa? Akis­sutaani paasinar­poq: „Ilumut oqarfigaas­si: Up­persuseqarus­si nakimanasilu, taava fiigequs­suaan­naq taamaaliorfigisin­naan­ngilarsi; qaq­qamul­li uumun­nga [Uuliap qaq­qaanut nikorfaf­figisamin­nut] oqarus­si: ’Qangat­tarit, im­mamul­lu nak­karit,’ taava taamaalis­saaq. Tamaasalu up­perlusi qin­nutis­sigut piumasarisasi pis­savasi.“

Or­piup toqutin­neratigut Jesusip ajoqersuk­kaminut paasiuminarluar­tumik takutip­paa Guutimut up­per­nis­sap qanoq pingaaruteqar­tiginera. Oqar­poq: „Sunaluun­niit piumal­lugu qin­nutigigus­siuk piumaaris­si up­persin­naritsi, taava pis­savarsi.“ Tas­sani pingaaqisumik un­nersuun­neqar­put, ingam­mik misilin­neqar­nerit an­ner­tuut misigiumaagas­saat eq­qarsaatigalugit! Fiigequs­suul­li toqunera up­per­nerlu al­latut­taaq im­min­nut at­tuumas­suteqar­put.

Israelip in­nut­tai fiigequs­suar­tut ilumuun­ngitsumik isik­koqar­put. Inuiaqatigiit taak­ku angerutsik­kut Guutimut at­taveqar­put im­maqalu qal­lik­kut taas­suma inatsisaanik maleruaasorinarlutik. Paasinarsisimavorli up­pin­ngitsuusut, ajun­ngitsunik inerititaqan­ngivis­suusut. Up­pis­suseqan­ngin­ner­tik pis­sutigalugu al­laat Guutip nam­mineq er­nera narrugalugu iliuuseqaler­put! Fiigequs­suup paar­naqan­ngitsup toqutin­neratigut inuiaat inerititaqan­ngitsut up­pin­ngitsul­lu taak­ku naggataatigut qanoq pineqar­nis­saat Jesusip takusas­siaraa.

Sivitsun­ngitsoq Jesus ajoqersugaalu Jerusalemimut apuup­put, pisar­nermis­sul­lu naalaf­fim­mukar­put. Tas­sanilu Jesus ajoqersuiler­poq. Qular­nan­ngitsumik ip­pas­saam­mat Jesusip aningaasanik taarsiisunut iliuuserisimasaa suli eq­qarsaatigalugu palasiunerit inuil­lu utoq­qaaner­taasa unam­mil­ler­paat: „Qanoq it­tumik pigin­naas­suseqarlutit taamaalior­pit? Kialu pigin­naas­suseqar­tip­paatit?“

Jesus akivoq: „Uangat­taaq ataatsimik aperis­savas­si; tamatumin­nga oqarfigigus­singa uangat­taaq oqarfigiumaar­pas­si qanoq it­tumik pigin­naas­suseqarlunga taamaalior­tunga. Johan­nesip kuis­sutaa sumit piva, qilam­mit inun­nil­luun­niit?“

Palasit utoq­qaaner­tal­lu qanoq akis­sanerlutik im­min­nut apersoqat­taap­put. „Qilam­mit pisimanerarutsigu oqas­saaq: ’Soormi taava up­perin­ngilisiuk?’ inun­nil­lu pisimanerarutsigu inuit ersinas­sap­put, tamarmik Johan­nes pruf­fiitiusorim­mas­suk.“

Qanoq akis­sanerlutik nalugamik­ku Jesusimut oqar­put: „Naluar­put.“

Taava Jesus oqar­poq: „Taamaat­tumik uangat­taaq oqarfigis­san­ngilas­si qanoq it­tumik pigin­naas­suseqarlunga taamaalior­tunga.“ Mattæus 21:19-27; Markus 11:19-33; Lukas 20:1-8.

▪ Marlun­ngor­neq nisanip 11-at qanoq im­mik­kooruteqar­pa?

▪ Jesusip fiigequs­suarmik toqutitsinermigut suna takusas­siaraa?

▪ Qanoq it­tumik pigin­naas­suseqar­nerminik apeq­qutil­liisut Jesusip qanoq akivai?