Kapitali 68

Ullut arfineq aappaanni ajoqersueqqinneq

TUPIUSALIORFIM­MIK nal­lius­sinerup ul­luisa suli arfineq aap­paraat kingul­lersaralugulu. Maan­na Jesus naalaf­fiup tunisiviisa, inuit tunis­sutis­samin­nik aggius­sivigisar­tagaasa, eq­qaan­ni ajoqersuivoq. Naalaf­fiup ilaani ar­nat silarlian­nik taaneqar­tar­tumiin­nguatsiar­poq.

Tupiusaliorfiup nal­lius­sineqar­nera tamaat im­mik­kut it­tumik nal­liut­torsior­palaar­tumik taman­na qaam­maq­quser­neqarsimavoq. Tas­saniip­put qul­lilerferujus­suit sisamat tamarmik im­mik­kut uuliamik im­mik­kanik sisamanik niaquusarujus­suar­talersuk­kat. Qaamaneq qul­ler­nit taak­kunan­nga, niaquusanit uuliaasivin­nit 16-init qaam­maq­qusersugaasunit, pisoq qaamangaarami ungasiar­tumi al­laat qaam­maq­qutaal­luar­poq. Tamatumin­nga eq­qaasitsisumik maan­na Jesus oqar­poq: „Uanga silamiunut qaamaq­qutaavunga, uan­nik malin­nit­toq taarsius­san­ngilaq, qaam­maq­qul­li inuunar­toq pigis­savaa.“

Farisæerit akerliliip­put: „Im­minik nalunaajaas­sutiginiar­putit; nalunaajaatit ilumuun­ngilaq!“

Jesusip akivai: „Im­minik nalunaajaas­sutigigaluaruma nalunaajaatiga ilumuus­saaq, ilisimagama sumit pisunga sumul­lu pis­sasunga. Ilis­sili ilisiman­ngilas­singa sumit pisunga sumul­lu pis­sasunga.“ Nangil­lunilu: „Uanga tas­sa im­minik nalunaajaas­sutigisunga, Ataatal­lu uan­nik aal­lar­titsisup nalunaajaas­sutigaanga.“

„Naak Ataatat?“ farisæerit paaserusup­paat.

„Uangaluun­niit ataatagaluun­niit ilisiman­ngilatsigut,“ Jesus akivoq. „Uanga ilisimagus­singa Ataatagat­taaq ilisimaq­qajaqaarsi.“ Naak Jesusip tigusaanis­saa farisæerit suli kis­saatigigaluaraat tigusarineqan­ngilaq.

„Aal­larumaar­punga,“ Jesus oqaq­qip­poq. „Or­nigas­san­nut pisin­naan­ngilasi.“

Juutit tupigusuler­put oqarlutil­lu: „Im­minik toqun­nialersaar­nerami, oqarami: ’Or­nigas­san­nut pisin­naan­ngilasi’?“

„Ilis­si saman­nga pivusi,“ Jesus nas­suiaavoq. „Uangali pavan­nga pivunga. Ilis­si silamit matuman­nga pivusi, uangali silamit matuman­nga pin­ngilanga. Uangaasungami up­perin­ngik­kus­singa ajor­tis­sin­ni toqus­saasi.“

Jesusip eq­qar­tugaa soorunami tas­saavoq nunami inut­tut inuun­ngik­kal­larami piunini aam­malu tas­saanini Mes­sias, Kristus, neriorsuutigisaq. Taamaak­kaluar­toq qular­nan­ngitsumik asis­suer­paloqalutik aperaat: „Kinaavim­mi?“

Ajat­tuer­palun­nerat pis­sutigalugu Jesus oqar­poq: „Tamas­saavoq peq­qaataanit ilis­sin­nut oqaluutigisara.“ Nangil­lunili: „Aal­lar­titsisigali ilumoor­poq, taas­suman­nga tusak­kak­ka silamiunut oqaatigaak­ka. Inuup er­nera qangat­tarsimalerus­siuk nalujun­naarumaar­pas­singa uangaasunga isuman­nil­lu qanoq iliun­ngitsunga. Soorlu Ataatama ajoqersoraanga taama oqalup­punga. Aal­lar­titsisimalu najor­paanga. Kisimiitin­ngilaanga iluarisaanik pisarsin­narama.“

Taamatut Jesus oqalutsil­lugu amerlasuunit up­perfigineqaler­poq. Taak­ku oqarfigai: „Oqaatsik­ka at­tavigiuarus­sigik ilumut ajoqersugaris­savas­si, sal­lusuis­sul­lu ilisaris­savarsi, sal­lusuis­sutil­lu inus­siaajun­naarsis­savaasi.“

Maan­na as­sor­tor­taasa kipitip­paat: „Abrahamip kinguaaraatigut, inus­siaatigineqan­ngisaan­nar­pugul­lu; soormi taava oqar­pit: ’Inus­siaajun­naas­saasi’?“

Juutit takor­nar­tanit naalagaaf­figineqar­tarsimaqaat, taamaak­kaluar­torli kinaluun­niit naalak­kamis­sut akueriuman­ngilaat. Inus­siatut taaneqaruman­ngil­lat. Jesusil­li ersersip­paa ilumut inus­siaasut. Qanoq ilil­lutik? Jesus akivoq: „Ilumut, ilumut oqarfigaas­si: ajor­timik ileq­qulik ajor­tip inus­siaatigaa.“

Ajor­timit inus­siaajuman­ngin­nermik­kut juutit im­min­nut navianar­torsior­tiler­put. „Inus­siarlu il­lumiit­tuin­naraan­ngilaq,“ Jesus nas­suiaavoq. „Er­nerli il­lumiit­tuin­nararaaq.“ Inus­siat kingor­nus­sas­saqar­titaaneq ajoramik suk­kul­luun­niit aal­lar­titaariaan­naasar­put. Inoqutigiin­ni inun­ngorsimasut meerarsiar­taarineqarsimasul­luun­niit kisimik „il­lumiit­tuin­naraap­put“, tas­sa inuutil­lutik.

„Taamaat­tumik Er­nerup inus­siaajun­naarsipasi,“ Jesus nangip­poq, „inus­siaajun­naarluas­saasi.“ Sal­lusuis­sut inus­siaajun­naarsitsisar­toq tas­saavoq Er­nermik, Jesus Kristusimik, sal­lusuis­sut. Inut­tut naam­mal­luin­nar­tutut taas­suma pil­liutaata nalinga ikior­tigalugu aatsaat ajor­timit toqus­sutaasumit inus­siaajun­naar­toqarsin­naavoq. Johannes 8:12-36.

▪ Ul­lut arfineq aap­paan­ni Jesus sumi ajoqersuiva? Tamaani un­nuk­kut susoqar­tar­pa, taman­nalu qanoq ilil­luni Jesusip ajoqersuineranut at­tuumas­suteqar­pa?

▪ Jesus sumin­ngaaneer­nerar­pa? Taamaat­tumil­lu kinaava?

▪ Qanoq juutit inus­siaap­pat, sal­lusuis­sutil­li suup inus­siaajun­naarsis­savai?