Atuagaava ilinnut naleqquttoq?

„Atuak­kiat saq­qum­merar­tut ingasal­luin­nar­put,“ Salomon ukiut 3000-t matuma sior­na taama al­las­simavoq. (Nalunaajaasup oqaasii 12:12) Ul­lumik­kut­taaq taamaap­poq. Atuak­kiat malun­naateqar­nerusut saniatigut ukiut tamaasa atuak­kiat nutaat tuusintilip­pas­suit naqiter­neqar­tar­put. Atuak­kat qiner­neqarsin­naasut taama amerlatigim­mata sooq Biibiler­piaq atuas­savar­put?

INUP­PAS­SUIT atuar­tar­put aliik­kusersor­neqar­niarlutik paasisas­sarsiorlutil­luun­niit. Biibili atuarlugu tamak­ku aam­ma anguneqarsin­naap­put. Ineriar­tor­nar­tuuvoq nuan­nersuul­lunilu. Aam­mali al­lamik imaqar­poq — ilisarsinermik im­mik­kut it­tumik. — Nalunaajaasup oqaasii 12:9, 10.

Inuit itsarli apeq­qutigisar­tagaat Biibilimi akineqar­put — pisimasut, naler­put siunis­sar­pul­lu pil­lugit apeq­qutit. Inup­pas­suit mak­ku eq­qarsaatigisar­paat: Sumit pivugut? Inuuneq sumik siuner­taqar­pa? Qanoq ilil­luni inuunermi pil­luar­neq anguneqarsin­naava? Nunarsuaq inoqar­tuas­sava? Siunis­sar­put qanoq is­sava?

Atuagas­siaaq­qami matumani saq­qum­miun­neqar­tut ersaris­sumik takutip­paat Biibili eq­qorluar­tuul­lunilu ilumoor­tuusoq. Misis­soreer­par­put siun­nersuutit atoriaan­naasut imarisai ikior­tigalugit ul­lumik­kut siuner­taqarluar­tumik pil­luar­nar­tumil­lu inuusin­naasugut. Naler­put pil­lugu nalerisimaar­nar­tumik akis­sutis­saqarmat soorunami pisimasut pil­lugit akis­sutai aam­ma siunis­saq pil­lugu siulit­tuutai misis­sus­sal­lugit pis­sutis­saqarluar­pugut.

Qanoq ililluni pitsaanerpaamik pissarsiffigineqarsinnaasoq

Inuit amerlasuut Biibili atuarlugu aal­lar­tis­simagaluar­put, atuak­kamil­li ilaat paasiuminaatsik­kamik­kik atuarun­naarsimal­lugu. Il­lit taama misigisaqarsimaguit siun­nersuutit tul­liut­tut iluaqutigisin­naavatit.

Ilaasa iivangkiiliuni Jesusip inuuneranik oqalut­tuat aal­lar­niutigisar­paat. Taas­suma ajoqersuutigisai, soorlu Qaq­qami Oqaluusaa, ilisimas­suseqar­palaar­tuup­put, inuul­lu qanoq it­tuuneranik paasisimasaqarluar­neranik ersersitsil­lutik aam­ma inuunit­ta qanoq pitsaanerulersin­naaneranik nas­suiaal­luarlutik. — Takuk­kit Matîuse kapitalit 5-7.

Biibilip aal­laq­qaataanit atuar­nis­saata saniatigut aalajangersimasumut tun­ngasuk­kuutaarlugu misis­sor­nis­saa paasis­sutis­siil­luarsin­naavoq. Im­maqa tupigusuutigis­savat ilik­karuk­ku tar­neq, qilak, nunarsuaq, inuuneq toqulu aam­malu Guutip naalagaaf­fia tamatumalu naam­mas­siumaagai, pil­lugit Biibilimi qanoq al­las­simasoqar­toq. * Jehovap nalunaajaasui akeqan­ngitsumik aalajangersimasumut tun­ngasuk­kuutaarlugu Biibilimik atuaq­qis­saaqatigiis­sitsisar­put. Taman­na pil­lugu paasisaqar­nerusin­naavutit atuagas­siaaq­qamik matumin­nga naqiterisut al­laf­figalugit, adres­sit qup­per­neq 2-miit­tut ilaat atorlugu.

Up­per­narsaatit misis­soreerlugit inup­pas­suit isum­mersimap­put Biibili Guutimeersuusoq, Al­lak­kani „Jehova“-mik taaneqar­tumit. (Tus­siaat 83:19, NV) Im­maqa il­lit qulariun­naarsiman­ngilat Biibili Guutimeersuusoq. Nam­minermi misis­soruk­ku? Qularin­ngilar­put ilisimas­suseq pif­fis­samut aalajangersimasumuin­naq atuutin­ngitsoq tas­saniit­toq ilik­karuk­ku, eq­qarsaatigeq­qis­saareeruk­ku im­maqalu ul­luin­nar­ni atoriaan­naas­susia nam­mineerlutit misigereeruk­ku isum­mis­sasutit Biibili ilumut tas­saasoq atuagaq inun­nut tamanut naleq­qut­toq, aap, atuagaq ilin­nut naleq­qut­toq.

[Quppernerup ataani ilanngussaq]