Atuagaq ullumikkut inuunermi atoriaannaasoq

Atuak­kat siun­nersuutinik imal­lit ul­lumik­kut atuarumaneqar­torujus­suup­put. Kisian­ni er­niin­naq pisoqalil­lutil­lu al­lan­ngor­titer­neqar­tar­put imaluun­niit al­lanik taarser­neqar­tarlutik. Biibilimi? Ukiut 2000-n­ngajaat matuma sior­na al­lan­neqarsimavoq. Oqariar­tuutaali al­lan­ngor­tin­neqarsiman­ngil­lat. Atuagaq taamaat­toq ilumut siun­nersuutinik ul­lutsin­nut atoriaan­naasumik imaqarsin­naava?

ILAAT naggaarumas­sap­put. „Ul­lumik­kut kemiimut tun­ngasunik ilin­niar­titsis­sagaan­ni atuagaq kemiimut ilin­niut 1924-meersoq ator­neqarumanavian­ngilaq,“ Dr. Eli S. Chesen taama al­las­simavoq nas­suiar­niarlugu sooq Biibili pisoqalisimasutut isigigini.¹ Oqaasii tun­ngavis­saqarluar­palus­sin­naap­put. Tas­sami Biibilip al­lan­neqar­nerata kingor­na sianis­sutsik­kut peq­qis­suseq inuil­lu ileq­qui pil­lugit ilik­kagaqarsimaqaagut. Taamaat­tumik atuagaq taama pisoqaatigisoq qanoq ilil­luni ul­lutsin­ni atorsin­naas­sava?

Najoqqutassiat atortuujuartussat

Naak pis­sutsit al­lan­ngorsimagaluar­tut inuit pisariaqar­titaat tun­ngaviusut al­lan­ngorsiman­ngil­lat. Oqalut­tuarisaanermi inuit asan­nin­neq pisariaqar­tit­tuarsimavaat. Pil­luar­nis­sar­tik siuner­taqarluar­tumil­lu inuunis­sar­tik kis­saatigiuarsimavaat. Aningaasatigut ajor­nar­torsiutit qanoq iliuuseqarfiginis­saat, aap­pariit­tut ingerlal­luar­nis­saq ileq­qus­satigul­lu najoq­qutas­sanik pitsaasunik meeq­qanik ajoqersuinis­saq pil­lugit siun­nersor­neqar­nis­sar­tik atorfis­saqar­tit­tuarsimavaat. Pisariaqar­titat tun­ngaviusut tamak­kua pil­lugit Biibilimi un­nersuus­suteqar­poq. — Nalunaajaasup oqaasii 3:12, 13; Rûmamiut 12:10; Kulorsamiut 3:18-21; 1 Timûtiuse 6:6-10.

Biibilimi un­nersuus­sutit inuup pis­susiinik ilisimasaqarluar­tumeersuup­put. Najoq­qutas­siat ator­tuujuar­tus­sat ilaat ul­lumik­kut inuunermi atoriaan­naasut misis­soriar­tigik.

Aappariinnut siunnersuutit atoriaannaasut

Atuagas­siami UN Chronicle-mi al­las­simavoq: „Ilaqutariin­neq tas­saavoq inuit aaq­qis­suus­saanerisa pisoqaaner­paar­taat tun­ngaviuner­paar­taal­lu; tas­saavoq kinguaariit akor­nan­ni atas­sut pingaar­ner­paaq.“ ’Atas­sut pingaar­ner­paaq’ taman­na ajoraluar­tumik aseror­neqariar­tor­poq. Atuagas­siami nangil­luni al­las­simavoq: „Ul­lumik­kut silarsuaq tamak­kerlugu ilaqutariip­pas­suit ingerlasin­naajumal­lutik, aap, al­laat aniguiumal­lutik, unam­miniar­nar­tunik an­ner­toorujus­suar­nik aq­qusaagas­saqar­tar­put.“² Ilaqutariit aniguisin­naanis­saan­nut Biibili sunik un­nersuus­suteqar­pa?

Siul­lermik Biibilimi al­las­simasor­pas­suaqar­poq uiusut nuliaasul­lu im­min­nut qanoq pis­suseqarfigisariaqar­neran­nut tun­ngasunik. As­sersuutigalugu, uiusut pil­lugit al­las­simavoq: ’Taama angutit nuliatik asasariaqar­paat soorlu timitik. Nuliaminik asan­nit­toq im­minik asasaraaq. Inum­mi uinim­minik qin­ngarsuin­ngisaan­nar­poq, nerisit­tarluguli paaq­qisar­paa.’ (Evfisumiut 5:28, 29) Nuliaasorlu siun­nersor­neqar­poq ’uini ataqqingaaqqullugu’. — Evfisumiut 5:33, (NV).

Eq­qarsaatigeriaruk un­nersuus­sutit Biibilimeersut tamak­kua maleruar­neqar­pata qanoq kinguneqas­sasoq. Uiusup nuliani ’timimisut’ asaguniuk uumigis­san­ngilaa peq­qar­niitsuliorfigis­sanagulu. Nakuuserfigis­san­ngilaa, aam­ma oqaatsik­kut misigis­sutsik­kul­lu ator­nerlus­sanagu. Akerlianil­li im­misut ataq­qis­savaa isumas­sus­sal­lugulu. (1 Pîtruse 3:7) Tamatuma kinguneris­savaa nuliata asaneqar­tutut toq­qis­sisimasutul­lu misiginera.  Taamaalil­lunilu uiusoq ar­nat qanoq pis­suseqarfigisariaqar­neran­nik meeq­qaminut maligas­siuil­luas­saaq. Aam­malu nuliaasup uini ’ataq­qingaaruniuk’ isor­nar­torsior­tuas­san­ngilaa nikas­sar­tuas­sanagulu taamaalil­lunilu ataq­qinaataajas­sanagu. Uiusoq ataq­qineqaruni tatigineqar­tutut, akuerineqar­tutut pingaar­tin­neqar­tutul­lu misigis­saaq.

Un­nersuus­sutit taamaat­tut ul­lumik­kut atorsin­naap­pat? Soqutiginar­poq ul­lumik­kut ilaqutariin­nik im­mik­kut ilisimasal­lit as­singusumik isum­mersimam­mata. Ilaqutariin­nik siun­nersuisar­tunut siulersuisoq ima oqarsimavoq: „Ilaqutariin­ni ingerlal­luar­ner­paani nalun­ngisan­ni anaanaasoq ataataasorlu im­min­nut qanit­tumik asan­nit­tumil­lu at­taveqar­put . . . At­taveqar­neq patajaatsoq tun­ngaviusoq taman­na meeq­qat toq­qis­sisimaneran­nik kinguneqar­tan­nguatsiar­poq.“³

Ukiut ingerlaneran­ni paasinarsisimavoq Biibilip aap­pariin­nut un­nersuus­sutai ilaqutariin­nik siun­nersuisar­tor­pas­suit ajun­ngitsumik siuner­taqaraluar­tut siun­nersuutaan­nit atorsin­naaneroqisut. Ukiualuit matuma sior­na im­mik­kut ilisimasal­lit amerlasuut avin­nis­saq aap­pariit ajor­nar­torsiutaan­nut aaq­qiis­sutis­satut suk­kaner­paatut ajor­nan­ngin­ner­paatul­lu siun­nersuutigisarsimavaat. Ul­lumik­kul­li siun­nersuisar­tut amerlasuut inuit kajumis­saar­tar­paat ajor­nan­ngip­pat aap­pariigin­naq­qul­lugit. Aatsaal­li an­ner­toorujus­suarmik ajoqusiineqareermat isumar­tik al­lan­ngor­tip­paat.

Tamatumun­nga akerliusumik Biibilimi aap­pariin­neq pil­lugu tatiginar­tumik oqimaaqatigiis­sumil­lu un­nersuus­suteqar­poq. Al­las­simavoq pis­sutsit ajorluin­nar­til­lugit avin­nis­saq akuerineqarsin­naasoq. (Matîuse 19:9) Kisian­ni pingaaruteqan­ngitsut pis­sutigalugit avin­neq as­suarineqar­poq. (Malaki 2:14-16) Aam­ma al­lasior­neq avoq­qaarineqar­poq. (Eprîarit 13:4) Aap­pariin­nerup akisus­saaf­fim­mik nas­sataqar­nera erseq­qis­sar­paa: „Taman­na pil­lugu angutip ataatani anaananilu qimal­lugit nuliani attavigissavaa, uinin­ngus­sap­pul­lu ataaseq.“ * — 1 Moses 2:24; Matîuse 19:5, 6.

 Biibilip aap­pariin­neq pil­lugu un­nersuus­sutai al­lan­neqarsimanerata nalaanisul­li ul­lumik­kut pingaaruteqar­tigip­put. Uiusoq nuliaasorlu asaqatigiil­lutil­lu ataq­qeqatigiip­pata aap­pariin­nerlu at­taveqar­ner­tut im­mik­kut it­tutut isigip­pas­suk, aap­pariigin­nar­nis­saat — ilaqutariil­lu ataan­nar­nis­saat — ilimanar­nerus­saaq.

Angajoqqaanut siunnersuutit atoriaannaasut

Ukiut qulil­lit arlal­lit matuma sior­na angajoq­qaar­pas­suit — meeq­qanik perorsaanermik „isumas­sarsiat nutaat“ pis­sutigalugit — isumaqaler­put „iner­teq­quteqar­nis­saq iner­teq­qutaasoq“.⁸ An­nilaan­ngatigaat meeq­qat kil­lilersor­neqarunik ajoquser­neqas­sasoralugit tar­nimik­kul­lu ikiler­neqas­sasoralugit. Meeq­qanik perorsaanermut tun­ngasunik siun­nersuisar­tut ajun­ngitsumik siuner­taqarlutik inas­sutigaat angajoq­qaat meeq­qamin­nik taamaal­laat qajas­suus­sil­luin­nar­tumik naveersisas­sasut. Maan­nak­kul­li im­mik­kut ilisimasal­lit perorsaatis­siisar­neq al­lamik isumaqarfigilersimavaat, angajoq­qaal­lu isumakulut­tut taman­na pil­lugu ersarin­nerusumik paasisaqarusup­put.

Biibilimili meeq­qanik perorsaaneq pil­lugu erseq­qis­sunik silatusaar­tunil­lu un­nersuus­suteqar­tuarsimavoq. Ukiut 2000-ngajaat matuma sior­na tas­sani al­las­simavoq: ’Ilis­si angajoq­qaat, qitor­nasi narrutsatseqinasigik, paariniarsigil­li perorsarlugit iner­ter­tarlugil­lu Naalak­kamit.’ (Evfisumiut 6:4) Griikerit oqaasiat ’perorsar­paa’-mik nutser­neqar­toq isumaqar­poq „perorsaatis­siineq, ilin­niar­titsineq, un­nersuus­sineq“.⁹ Biibilimi al­las­simavoq angajoq­qaat taamatut perorsaatis­siigaangamik un­nersuus­sigaangamil­luun­niit meeq­qamin­nut asan­nin­ner­tik takutit­taraat. (Us­satit 13:24) Meeq­qat ileq­qus­satigut najoq­qutas­saqar­ner­tik aam­ma suna ajun­ngitsuunersoq sunalu ajor­tuunersoq pil­lugit ersaris­sumik kil­lis­saqar­titaaner­tik iluarisar­paat. Perorsaatis­sin­neqarunik nalus­san­ngilaat angajoq­qaamik soqutigigaatik inut­tul­lu qanoq ineriar­tor­ner­tik eq­qumaf­figigaat.

Angajoq­qaal­li oqar­tus­saanerat, „unataat anusin­ngorsaataasoq“-mik taaneqar­toq, peqqar­niitsumik ator­neqan­ngisaan­nas­saaq. * (Us­satit 22:15; 29:15) Angajoq­qaat Biibilimi ima mianersoq­quneqar­put: „Angajoq­qaat ukorsii, qitor­nasi naveer­tuaan­naqinasigik nikal­lorluin­nar­teqinavasi.“ (Kulorsamiut 3:21, Phillips) Miserratigineqan­ngilarlu timik­kut pil­laaneq tas­saan­ngitsoq ilin­niar­titseriaaseq pitsaaner­paaq. Us­satit 17:10-mi al­las­simavoq: „Sianisooq ap­pisaluun­neqar­toq an­nermik kil­lin­neqar­tar­poq silaatsumit hundrederiarluni unatar­tit­tumit.“ Biibilimi siun­nersuutigineqar­por­taaq pinaveer­saar­titsil­luni perorsaanis­saq. 5 Moses 11:19-imi angajoq­qaat kajumis­saar­neqar­put ul­luin­nar­ni qasuk­karsimanar­tunik iliuuseqar­nermin­ni meeq­qamin­nut ileq­qus­satigut ajoqersuisaq­qul­lugit. — Takuut­taaq 5 Moses 6:6, 7.

Biibilip angajoq­qaanut un­nersuus­sutai ator­tuujuaan­nar­tus­sat ersaris­suup­put. Meeq­qat aalajangersimal­luin­nar­tumik asan­nit­tumil­lu perorsar­neqar­tariaqar­put. Misilit­tak­kat takutip­paat taamatut perorsaaneq kinguneqarluar­tar­toq. *

Inunnik avissaartuutsitsisinnaasut qaangerneqarsinnaapput

Ul­lumik­kut inuit naggueqatigiis­sutsik­kut inuiaqatigiis­sutsik­kul­lu avis­saar­tuus­simap­put. Silarsuaq tamak­kerlugu inup­pas­suit pisuus­suteqan­ngitsut avis­saar­tuun­nerit tamak­ku pis­sutigalugit sorsun­ner­ni toqutaasarsimap­put. Oqalut­tuarisaanermi pisimasut eq­qarsaatigalugit angutit ar­nal­lu naggueqatigiin­nit inuiaqatigiin­nil­lu as­sigiin­ngitsuneersut siunis­sami naligiis­sutut im­min­nut isigiler­nis­saat iliorfigeqatigiit­taler­nis­saal­lu ilimanar­pal­laan­ngilaq. Afrikami naalak­kersuinermik suliaqar­toq oqarsimavoq: „Aaq­qiis­sutis­saq uum­matitsin­niip­poq.“¹¹ Inuil­li uum­matik­kut pis­susiat al­lan­ngor­tik­kuminaatsuuvoq.  Eq­qarsaatigiul­li Biibilip oqariar­tuutaa qanoq uum­matinik kil­liisar­toq inuil­lu im­min­nut naligiis­sutut isigiler­neran­nik kinguneqar­tar­toq.

Biibilimi ajoqersuutigineqar­poq Guutip ’inooqatigiis­sor­pas­suit tamaasa nunap tamarmi qaani ineqar­tik­kai aam­mit ataatsimit naggueqar­til­lugit’, taamaat­tumil­lu naggueqatigiit aalajangersimasut al­lanit pitsaanerusin­naan­ngil­lat. (apustilit suliait 17:26) Imaap­poq, ataasiin­narmik naggueqatigeeqar­poq — inuit. Biibilimi kajumis­saar­neqar­pugut ’Guuti malin­niaq­qul­lugu’, taan­nalu pil­lugu al­las­simavoq: ’Inuup kinaas­susia Guutip pin­ngilaa, kisian­ni inuiaqatigiin­ni tamani kinaluun­niit mianerin­nitsini iluar­nermil­lu sulisoq nuan­narigaa.’ (Evfisumiut 5:1; apustilit suliait 10:34, 35) Biibilimik ilumoorus­sisut tas­sanilu ajoqersuutigineqar­tunik maleruaaniarsarisut tamatumin­nga ilisiman­nin­nerup ataasius­suseqar­tit­tar­pai. Inuup uum­mataanut sun­niuteqar­tar­poq, inun­nik avis­saar­tuutsitsisut inuit pilersis­simasaat peerlugit. Tamatumun­nga as­sersuut misis­soriar­tigu.

Hitler Europami sorsun­neqar­titsim­mat kristumiut im­mik­kooqatigiit ataatsit — Jehovap Nalunaajaasui — inun­nik pisuus­suteqan­ngitsunik toqoraanermut peqataajuman­ngil­luin­narsimap­put. Inoqatimin­nut ’panamik silugus­siuman­ngil­lat’. Taamaalior­put Guutimut iluarisaajumagamik. (Jesaja 2:3, 4; Mika 4:3, 5) Biibilimi ajoqersuutigineqar­toq — inuiaqatigiit naggueqatigiil­luun­niit aalajangersimasut al­lanit pitsaanerun­ngitsut — up­peraat. (Galâsiamiut 3:28) Jehovap nalunaajaasui eq­qis­sinermik nuan­narisal­lit tigusanut inis­siarsuar­nut pisin­neqar­tut siul­liit ilagisimavaat. — Rûmamiut 12:18.

Biibilimil­li maleruaanerar­tut tamak­keratik taama aalajangius­sisimap­put. Sorsun­nersuup kingul­liup kingunin­ngua Mar­tin Niemöl­ler, tyskeq palasi naaggaar­tuusoq, ima al­las­simavoq: „Kialuun­niit Guuti [sorsun­nermut] pisuutik­kuniuk Guutip oqaasia ilisiman­ngilaa, imaluun­niit ilisimajuman­ngilaa! . . . Ukiut ingerlaneran­ni kristumiut oqaluf­feqarfiisa sorsun­nerit, sak­kutuut sak­kus­sial­lu pil­luaq­qujuar­tarsimavaat . . . kristumior­palaan­ngitsumil­lu akeq­qamik sorsun­nermi suujun­naarsitaanis­saat qin­nutigisarsimal­lugu. Siuaasavut uagul­lu tamak­kunun­nga pisuuvugut, Guuti pisuun­ngilaq. Ul­lumik­kul­lu kristumiutut kan­ngusut­tariaqar­pugut im­mik­kut up­perusior­tunik taaneqar­tut Biibilimik Atuaq­qis­saar­tar­tut [Jehovap Nalunaajaasui], hundredelip­pas­suit, aap tuusintilip­pas­suit, tigusanut inis­siarsuar­nut pisin­neqarsimam­mata [al­laal­lu] toqutaasimam­mata sorsun­nermut peqataajuman­ngin­ner­tik inun­nil­lu al­lanik aal­laan­nik­kuman­ngin­ner­tik pis­sutigalugu.“¹²

Ul­loq man­na tikil­lugu Jehovap nalunaajaasuisa qatan­ngutigiin­ner­tik tusaamasaas­sutigaat, taak­kua akor­nan­ni Arabiamiut juutil­lu, Kroatiamiut Serbiamiul­lu, hutuk­kut tutsik­kul­lu tamarmik ataasius­suseqar­put. Nalunaajaasul­li nalun­ngilaat inun­nit al­lanit pitsaanerunatik, ataasius­suseqar­nerlu taama it­toq Biibilip oqariar­tuutaata pis­saaneratigut aatsaat anguneqarsin­naasoq. — 1 Tásalûníkamiut 2:13.

Siunnersuutit atoriaannaasut isumakkut peqqinnartut

Inuup isumak­kut misigis­sutsik­kul­lu peq­qis­suunera timik­kut peq­qis­suuneranut aalajangiisuugajup­poq. As­sersuutigalugu, kaman­nerup ajoqutaanera ilisimatuus­sutsik­kut misis­suinerit up­per­narsisis­simavaat. „Up­per­narsaatis­sat amerlanerit takutip­paat inuit kamajasut uum­matik­kut taq­qatigul­lu (al­latigul­lu) nap­paateqaler­nis­saat ilimanaateqar­nerusoq. Taamaan­neranut pis­sutaasut arlaliup­put, ilaatigut inun­nik al­lanik at­taveqar­pal­laan­ngin­namik, kaman­neq timimut sun­niutipiloqar­tarmat, aam­ma peq­qin­nan­ngitsumik inooriaaseqaramik,“¹³ dr. Redford Wil­liams, Duke University Medical Centerimi inuit ileq­quinik misis­suiner­nut direktøriusoq, taas­sumalu nulia Virginia Wil­liams atuak­kiamin­ni Anger Kills-imi (Kaman­neq toqutsisar­poq) al­las­simap­put.

Ilisimatuus­sutsik­kut misis­suinerit taamaat­tut ukiunik tuusintilik­kuutaanik sioq­qul­lugit  Biibilimi paasiuminar­tumik ersaris­sumil­lu takutin­neqar­poq misigis­sutsivut timik­kul­lu peq­qis­suser­put im­min­nut atas­suteqar­tut: „Uip­pal­liaan­neq timip inuum­maris­sis­sutigisar­paa, sin­ngatuuneq saar­nit aseruut­toor­nerat­tut ip­poq.“ (Us­satit 14:30; 17:22) Biibilimi silatuumik siun­nersuuteqar­poq: „Narrutsan­naveersaar­niarit kamat­tarun­naarlutil­lu,“ aam­ma „kamaam­mer­naveersaar­tar­niarit.“ — Tus­siaat 37:8; Nalunaajaasup oqaasii 7:9.

Kaman­nerup qanoq ilil­luni nununeqarsin­naaneranik Biibilimi silatusaar­tumik un­nersuus­suteqar­poq. As­sersuutigalugu, Us­satit 19:11-mi al­las­simavoq: „Inuk silatus­susiata kamajaatsun­ngor­tit­tar­paa, iluaatsuliorfigineqaraluarluni akiniaan­ngin­neq inum­mut ataq­qinaataavoq.“ Hebriiarit oqaasiat ’silatus­sutsimik’ nutser­neqar­toq oqaluum­mik ’pis­sutaasumik ilisiman­nin­neq’-mik isumaqar­tumik naggueqar­poq.¹⁴ Taamaat­tumik ima siun­nersor­neqar­pugut: „Iliuuseqar­tin­nak eq­qarsarit.“ Paasiniar­tarutsigu al­lat oqaasiinut iliuusiinul­lu suna pis­sutaasoq akaarin­nin­nerulersin­naavugut, taamaalil­lutalu kamajan­ngin­nerulerluta. — Us­satit 14:29.

Un­nersuus­sut atoriaan­naasoq al­la Kulorsamiut 3:13-imi atuar­neqarsin­naavoq: ’Im­mis­sin­nut un­nerluutis­saqaraluarus­si kamageqatigiil­lusilu isumak­keerfigeqatigiigitsi.’ Paamin­nar­tut min­nerit inuunermut ilaap­put. Oqaatsip ’kamageqatigiil­lusi’-p takutip­paa al­lat uuminaqutaat akuerineqar­tariaqar­tut. ’Isumak­keerfigin­nin­neq’ tas­saavoq kamaas­siun­naar­neq. Ilaan­nik­kut narrutsas­simanerup qaanger­niar­nis­saa put­tarsisaqar­nermit pitsaanerusar­poq; kamat­tuarut­ta im­mitsin­nut ar­torsin­neruin­nas­saagut. — Takuuk ungalus­saq: „Inuit im­min­nut ajun­ngitsumik at­taveqar­nis­saan­nut siun­nersuutit atoriaan­naasut“.

Ul­lumik­kut un­nersuus­sutit siun­nersuutil­lu sumi tamaani neqeroorutigineqar­tar­put. Biibilili tamatumani im­mik­kut it­tuuvoq. Tamatuma un­nersuus­sutai isumaliutersuutaan­naan­ngil­lat, maleruaraan­nilu ajoqutaan­ngisaan­narlutik. Siun­nersuutai sianisuut tatiginar­tul­lu ’al­lan­ngujuitsuup­put’. (Tus­siaat 93:5) Biibilip un­nersuus­sutai aam­ma ator­tuujuaan­nar­tuup­put. Naak ukiut 2000-ngajaat matuma sior­na al­lan­neqarsimagaluarlutik suli atorluarsin­naap­put. Qanorluun­niit am­mik­kut qalipaateqaraluarut­ta nunamilu sumiluun­niit najugaqaraluarut­ta atorluarsin­naavavut. Biibilip oqaasii aam­ma kimilis­suup­put — inuit ajun­ngin­neruler­nis­saan­nut kil­lit­tar­pai. (Eprîarit 4:12) Atuagaq taman­na atuaruk­ku najoq­qutas­siaalu maleruaruk­kit pitsaanerusumik inuulis­saatit.

[Quppernerup ataani ilanngussat]

[Qupp. 24-mi issuagaq]

Ilaqutariit­tut inuuneq pil­lugu Biibilimi paasinar­tunik silatusaar­tunil­lu siun­nersuuteqar­poq

[Qupp. 23-mi ungalusaq]

Ilaqutariit nukittuut ilisarnaataat

Ukiut arlal­lit matuma sior­na perorsaasup ilaqutariin­nil­lu im­mik­kut ilisimasal­lip misis­suinermini ilaqutariin­nik siun­nersuisar­tut 500-nit amerlanerusut apersorsimavai ilaqutariit „nukit­tuut“ sunik ilisar­naateqar­nersut. Soqutiginar­poq eq­qar­tor­neqar­tut amerlanerit qangarsuarli Biibilimi siun­nersuutigineqareersimam­mata.

At­taveqatigiil­luar­neq, ilaatigut isumaqatigiin­ngis­sutinik aaq­qiil­luarsin­naaneq, tas­saanerar­neqar­poq ilisar­naatit pingaar­nersaat. Ilaqutariit nukit­tuut ilisar­naatigaat ’kamaatsil­lutik in­nan­ngisaan­nar­ner­tik’, misis­suititsisoq taama al­las­simavoq.⁶ Ukiut 1900-t sin­nerlugit matuma sior­na Biibilimi ima siun­nersuuteqar­poq: ’Kamatsil­lusi ajor­tulin­ngin­niaritsi; seqineq tarrisinaveersiuk narrutsas­simanis­sin­ni.’ (Evfisumiut 4:26) Biibilip nalaani ul­loq seqer­nup tarrin­neranit tarrin­neranut naatsorsor­neqar­tar­poq. Nalitsin­ni ilaqutariin­nik misis­suinerit sioq­quterujus­suarlugit Biibilimi pitsaasunik siun­nersuuteqareer­poq: Isumaqatigiin­ngis­sutit ul­loq naatin­nagu aaq­qin­neqar­tas­sasut.

Ilaqutariit nukit­tuut ’aniler­nermin­ni in­naler­nermin­niluun­niit isumaqatigiin­ngis­sutaasin­naasut oqal­lisigineq ajor­paat,’ paasiniaasar­tup paasisimavaa. ’Pif­fis­saq eq­qor­toq’ eq­qaaneqar­tuar­tar­poq.“⁷ Ilaqutariit taak­kua nalugaluarlugu us­sat Biibilimeersoq ukiut 2700-t matuma sior­na al­lan­neqarsimasoq maleruar­paat: „Puugutaasat sølviusut iipiliusar­taat­tut kuultiusutut ip­put oqaatsit oqaaserineqarfissamikkut oqaaserisat.“ (Us­satit 15:23; 25:11) As­sersuum­mi tamatumani pineqarsin­naap­put iipiliusat pin­nersaatit kuultiusut puugutaasami sølviusumiit­tut — kusanar­tut Biibilil­lu nalaani erlin­nar­tutut isigineqar­tut. As­sersuutigineqar­nerata takutip­paa pif­fis­saal­luar­tuk­kut oqaaserineqar­tut qanoq kusanar­tigisut naleqar­tigisul­lu. Tatineqar­nermi oqaatsit eq­qor­tut pif­fis­sak­kut eq­qor­tuk­kut oqaatigineqar­tut nalilerujus­suup­put. — Us­satit 10:19.

[Qupp. 26-mi ungalusaq]

Inuit imminnut ajunngitsumik attaveqarnissaannut siunnersuutit atoriaannaasut

„Kamassimariannguaritsi, kisiannili ajortuliornasi! Nalallusi pilersaarusioriannguaritsi, kisiannili nipangerlusi!“ (Tussiaat 4:4) Min­nerusut isumaqatigiin­ngis­sutaagaangata amerlaner­tigut oqaatsik­kut misigis­sutsik­kul­lu nununeq silatusaar­nerus­saaq.

„Eqqarsariaqqaarnani oqaaserisat panatut kapisisarput, sianisuulli oqaasii katsorsaataasarput.“ (Ussatit 12:18) Oqaaseqar­tin­nak eq­qarsaq­qaar­tarit. Eq­qarsaq­qaar­nani oqaaseqaraan­ni al­lat ajual­latsin­neqarsin­naap­put ikin­ngutigiin­nerlu aseror­neqarsin­naal­luni.

„Akissut sallaatsoq kamakkunnaarsitsisarpoq, oqaatsilli ajuallannartut kamalersitsisarput.“ (Ussatit 15:1) Sal­laatsumik akis­sagaan­ni nunusin­naasariaqar­poq, taamaalior­nik­kul­li ajor­nar­torsiut aaq­qin­neqarsin­naagajup­poq eq­qis­seqatigiin­nerlu siuarsar­neqarajul­luni.

„Saqitsaassinerup assigaa imermik supisitsineq; taamaattumik nipangiinnartarit saqitsaattoqalinnginnerani.“ (Ussatit 17:14) Pis­sutsit kaman­nar­tuup­pata im­minut naalak­kersin­naatil­luni qimagun­neq silatusaar­nerus­saaq.

„Kamaammernaveersaartarniarit sianiitsut kisimik kamaammiasuusarmata.“ (Nalunaajaasup oqaasii 7:9) Misigis­sutsit iliuuseqar­nermit siul­liusar­put. Ajual­lajasoq isumaatsuuvoq, isumaatsunik oqaaseqar­toorlunilu iliuuseqar­toorsin­naagami.

[Qupp. 25-mi assiliartaq]

Jehovap nalunaajaasui tigusanut inis­siarsuar­nut pisin­neqar­tut siul­liit ilagaat