7

Guutip siunertaa naammas­sineqangajalerpoq

1, 2. Sooq qularin­ngis­sin­naavar­put Guuti akuliuk­kumaar­toq ajus­suserlu naal­liuutil­lu peerlugit?

¹ Naak Guutip naam­mal­luin­nan­ngis­sutsimik naal­liuutinil­lu ilagin­naagal­lar­nera inuit isaan­nit sivisugaluar­toq, pis­sutsit ajor­tut atuun­nerat naas­saan­ngitsus­samut ilagin­nar­navian­ngilai. Biibilimimi takutin­neqar­poq pif­fis­sami aalajangersimasumiin­naq atuutitin­neqaral­las­sasut.

² „Suut tamarmik aalajangersimasumik pif­fis­saligaap­put.“ (Nalunaajaasup oqaasii 3:1) Pif­fis­saq ajus­sutsimik naal­liuutinil­lu akuerin­nik­kal­larfini qaangiup­pat Guuti inuit akor­nan­ni pis­sutsinut akuliutis­saaq. Ajus­suseq naal­liuutil­lu kipitis­savai siuner­tanilu naam­mas­sil­lugu — nunarsuaq inuian­nik kinguaariin­nik naam­mal­luin­narlutil­lu pil­luar­tunik, pis­sutsini paratiiser­palaar­tuni eq­qis­sinermik piviusumik atugarisatigul­lu toq­qis­sisimanermik nuan­naarutigin­nis­sin­naasunik, ulik­kaar­til­lugu.

Guutip eqqartuussutai

3, 4. Guutip akuliun­nerata iner­neri Us­satit-ni qanoq al­laatigineqar­pat?

³ Biibilimi siulit­tuuter­pas­suit Guutip akuliun­nerata — eq­qar­tuus­sutaasa kingunerata — inuian­nut qanoq nas­sataqarumaar­nis­saanik takutitsisut ilaat malugeriak­kit:

⁴ „Peq­qusersuitsut nunami najugaqar­tuas­sap­put, as­suar­naatsut aam­ma tamaaniis­sap­put. Kisian­ni guutiitsut piiagaas­sap­put tunus­sisul­lu nunamin­nit aal­larun­neqarlutik.“ — Us­satit 2:21, 22.

5, 6. Guuti akuliup­pat susoqar­nis­saa Tus­siaat 37-mi qanoq ersersin­neqar­pa?

⁵ „Ajor­tum­mi piiagaasus­saap­put, [Jehovamul­li] neriut­tut nuna kingor­nutis­savaat. Guutiitsoq er­niin­naq peerut­tus­saavoq, . . . Kisian­ni qanilaar­tut nuna kingor­nutis­savaat, pil­luangaarlutil­lu inuus­sap­put.“ — Tus­siaat 37:9-11.

⁶ „[Jehova] neriuf­figuuk aq­qutigeq­qusaalu atuarlugu, taava nunamik kingor­nus­sisus­san­ngor­tik­kumaar­paatit, takujumaar­pal­lu guutiitsut piiagaanerat. Peq­qusersuitsoq malugiuk, as­suar­naatsoq  isiguuk! Qanilaar­toq siunis­saqarumaar­poq. Ajor­tulior­tul­li tamarmik piiagaas­sap­put, guutiitsul­lu siunis­saqar­titaan­ngil­lat.“ — Tus­siaat 37:34, 37, 38.

7. Guutip oqaasiani sumik siun­nersor­neqar­pugut?

⁷ Pin­ngor­titsisup ajugaqan­ngitsup inun­nut naalak­kersuisuusus­saaneranik akuerin­nit­tut siunis­saat nuan­ningaar­toq eq­qarsaatigalugu ima kajumis­saar­neqar­pugut: „Inas­sutik­ka uum­matin­ni pigiliul­lugit! Taak­kuami ul­lunik ukiunil­lu amerlasuunik inuuf­fis­saqar­tis­savaatsit an­nerusumil­lu pil­luaateqalersil­lutit.“ Aap, Guutip piumasaanik ilior­nis­saq qineraan­ni ukiut inuuf­figisat naas­saan­ngitsumut sivitsor­neqas­sap­put! Taamaat­tumik Guutip oqaasiata ima siun­nersor­paatigut: „[Jehova] tunaariuk uum­matik­kut iluun­ngarlutit, nam­minerlu silaqas­sutsit tatigeqinagu! Eq­qarsaatiguar­taruk sumiik­kaluaraangavil­luun­niit, taava ingerlavis­satit nalim­matsis­savai.“ — Us­satit 3:1, 2, 5, 6.

Guutip qilammit aqutsinera

8, 9. Suna ikior­tigalugu Guutip nunarsuaq salis­savaa?

⁸ Guutip inun­nut naalak­kersuisuusin­naasut pitsaaner­paat ikior­tigalugit nunarsuaq salis­savaa. Naalak­kersuisut taak­ku qilam­mior­palut­tumik ilisimas­suseqar­put Guutip siulersuinerata ataaniil­lutik qilam­mit naalak­kersuigamik. Qilam­miil­lu naalak­kersuisut taak­kua, Guutip naalagaaf­fiata, nunarsuarmi inuit naalak­kersueriaasii tamaasa piias­savaat. Inuit Guutimut at­taviitsuul­lutik nam­min­neq naalak­kersuinis­samin­nut periarfis­seq­qin­neqan­ngisaan­nas­sap­put.

⁹ Taman­na pil­lugu siulit­tuut Daniel 2:44-miit­toq imaap­poq: „Naalagaaf­fin­nguit taak­kua kun­ngii [ul­lumik­kut naalak­kersuisut] inuutil­lugit Guutip qilam­miusup naalagaaf­fik qaqugumul­luun­niit atasus­saq [qilam­mi] pilersik­kumaar­paa, kingor­nalu inuiaat al­lat [Guutimut at­taviitsuul­lutik] naalagaaf­fim­mik pilersitsisin­naas­san­ngil­lat. Guutip naalagaaf­fiata naalagaaf­fiit taak­ku tamaasa [ul­lumik­kut atuut­tut] aserus­savai sequmisil­lugit, nam­minerli soraajuitsumik atas­saaq.“ — Takuk­kit­taaq sarĸúmersitat 19:11-21; 20:4-6.

10. Qanoq ilil­luta qularin­ngis­sin­naavar­put Guutip naalagaaf­fia naalak­kersuiler­pat peq­quserlut­tumik naalak­kersuisoqas­san­ngitsoq?

¹⁰ Tas­sa peq­quserlut­tar­tunik nunarsuarmi qaqugumul­luun­niit naalak­kersuisoqaq­qis­san­ngilaq, Guutim­mi aaq­qis­suus­saaneq maan­nak­kut atuut­toq atorun­naarsereer­pagu inun­nik Guutimut at­taviitsunik naalak­kersuisoqaq­qin­ngisaan­nas­saaq. Naalak­kersuisul­lu qilam­miit­tut peq­quserlut­tun­ngun­ngisaan­nas­sap­put, Guutimit pilersitaagamik Guutimil­lu atatin­neqarlutik. Nunarsuarmi in­nut­taasunut nuan­naarutaasumik iluaqutaasumil­lu ingerlajuaan­nas­saaq. Taava Guutip piumasaa nunarsuarmi qilam­misut pis­saaq. Taamaat­tuminguna  Jesusip ajoqersuk­kani Guutimut ima qinunis­saan­nik ajoqersuus­sin­naasimagai: ’Naalagaaf­fiit tikiul­li; peq­qusat qilam­misut nunamis­saaq pili.’ — Matîuse 6:10.

Qaqugu Guuti akuliutissava?

11. Siulit­tuutit naggatis­samut qanoq qanitsiginitsin­nik takutitsisut Biibilimi sumi nas­saarisin­naavavut?

¹¹ Qaqugu nunarsuarmi ul­lumik­kut aaq­qis­suus­saaneq naam­maginan­ngitsoq naggaser­neqas­sava Guutil­lu silarsuas­saa nutaaq eq­qun­neqarluni? Aam­ma taman­na Biibilimi erseq­qis­sumik siulit­tuutigineqar­poq. Biibilip „pis­sutsit aaq­qis­suus­saanerata naggatis­saa“-nik taasaanut naleq­qiul­lugu pif­fis­sami sumiin­ner­put paasiniarlugu suut alaper­naasis­sagivut Jesusip siulit­tuutigisimavaa. Siulit­tuutaa Matîusip îvangkîliuani kapitali 24-mi 25-milu, Mákorsip îvangkîliua 13-imi aam­ma Lúkarsip îvangkîliua 21-mi al­laatigineqar­poq. Aam­malu Timûtiusimut agdlagkat áipait-ni, kapitali 3-mi, apustilip Paulusip siulit­tuutigaa pif­fis­saq ’ul­lus­sanik kingul­ler­nik’ taaneqar­toq nal­liuk­kumaar­toq, pis­sutsil­lu suut tamatumun­nga ilisar­naataajumaar­tut.

12, 13. Jesus Paulusilu naggatis­saq pil­lugu qanoq oqarsimap­pat?

¹² Jesus oqarsimavoq pif­fis­saq taman­na pisunik mak­kunin­nga aal­laq­qaateqarumaar­toq: ’Inuiaat pikitsitsiumaar­put inuiaqatimin­nut, naalagaaf­fil­lu naalagaaf­feqatiminut; kaan­nersuarlu nal­liut­tarumaar­poq nunalu tamatigut tamaana sajut­tarluni.’ (Matîuse 24:7) Lúkarse 21:11 naaper­torlugu aam­ma oqarsimavoq ’toqorar­neq nal­liut­tarumaar­toq’. Aam­malu mianersoq­qus­sutigisimavaa ’iluaatsulior­nerit amerliumaar­tut’. — Matîuse 24:12.

¹³ Apustili Paulus ima siulit­tuisimavoq: ’Imaat­torli ilisimas­savat: ul­lus­sani kingul­ler­ni ajor­nar­tunik nal­liut­toqas­sam­mat, inuit inuujumaarmata im­min­nik asasut, aningaaserituut, usorsitsaapilut­tut, an­neruniar­tut, mital­lersut, angajoq­qaamin­nut naalan­ngitsut, qujasuitsut, soq­qusaatsut, asan­niuitsut, saam­majuitsut, mamarliisut, nunujuitsut, qiningasut, ajun­ngitsunik uumis­suisut, kil­luus­sisut, isumaatsut, ilisimatuuniar­tut, Guuti kajumiginagu nuan­naarutinut kajumit­tut, Guutimik mianerin­nin­neq ileq­qorisuusaarlugu, pis­saaneqarfigiumanaguli . . . Inuil­li ajor­tut sal­loqit­taapilut­tul­lu ajoriar­torsin­nararaat tam­mar­titsisarlutil­lu tam­mar­titaasarlutil­lu.’ — 2 Timûtiuse 3:1-5, 13.

14, 15. 1900-kkun­ni pisut qanoq ilil­lutik ersersip­paat ul­lus­sani kingul­ler­niit­tugut?

¹⁴ Jesusip Paulusil­lu siulit­tuutaat tamak­ku nalitsin­ni eq­quup­pat? Aap, ilaana. Sorsun­nersuaq siul­leq sorsun­ner­nit tamatuma sior­naniit­tunit tamanit ajor­nerujus­suusimavoq. Tas­saasimavoq sorsun­neq nunarsuaq tamak­kerlugu ingerlan­neqar­toq siul­leq, oqalut­tuarisaanermilu al­lan­ngor­titsil­luin­narsimasoq. Kaan­nersuarmik, nap­paalanersuar­nik ajunaar­nersuar­nil­lu al­lanik malitseqarsimavoq. 1914 aal­lar­nerfigalugu pisar­tut tamak­ku Jesusip oqarsimaneratut tas­saap­put ’eq­qanaar­nar­tup aatsaat aal­laq­qaatai’. (Matîuse 24:8) Tas­saap­put ’ul­lus­sat kingul­liit’ siulit­tuutaasut aal­laq­qaataat, nunarsuarmi kinguaariit Guutip ajus­sutsimik naal­liuutinil­lu akuerin­nin­neranik misigin­nit­tut kingul­liit aal­laq­qaataat.

¹⁵ 1900-kkun­ni mak­kunani pisarsimasut nalugunan­ngilatit. Nalun­ngilat tamak­ku tamarmik uiver­nersuarmik malitseqarsimasut. Inuit hundrede mil­lionit mis­saan­niit­tut sorsun­ner­ni toqutaasimap­put. Inuit hundredemil­lionilik­kuutaat al­lat perlerlutik nap­parsimal­lutil­luun­niit toqusimap­put. Nunap sajun­neri amerlaqisunik eq­quisimap­put. Inuunermik al­lal­lu pigisaan­nik ataq­qin­nin­neq nunguk­kiar­tuin­nar­poq. Pinerlut­toqar­nis­saanut siooraneq ul­luin­nar­ni inuunermut ilaalersimavoq. Ileq­qus­satigut najoq­qutas­sat atorumaneerus­simap­put. Inuit amerliar­tupiloor­nersuat aaq­qin­neqar­neq ajulersumik ajor­nar­torsior­titsivoq. Mingutsitsineq inuuniar­nerup pitsaas­susianik ajor­tun­ngoriar­tor­titsivoq inuunermil­lu navianar­torsior­titsil­luni. Aap, ilumut 1914-imiil­li ul­lus­sani kingul­ler­ni inuuvugut, Biibilimilu siulit­tuutit nalitsin­ni eq­quus­sor­nerisa pingaar­ner­paaf­fis­saat qanil­liar­tuin­nar­par­put.

16. Ul­lus­sat kingul­liit qanoq sivisutigis­sap­pat?

¹⁶ Ul­lus­sat kingul­liit tamak­ku qanoq sivisutigis­sagamik? 1914-imi ’eq­qanaar­nar­tup aal­laq­qaatanik’ misigisaqar­tus­sat pil­lugit Jesus ima oqarsimavoq: ’Kinguaariit uku tamak­ku tamaasa naam­mas­sisin­nagit nungus­san­ngil­lat.’ (Matîuse 24:8, 34-36, NV) Tas­sa pis­sutsit pisul­lu ul­lus­sanut kingul­ler­nut ilisar­naataasus­sat tamak­ku tamarmik kinguaariit ataatsit, kinguaariit 1914-imeersut, inuuneran­ni pis­sap­put. Imaap­poq 1914-imi inuusut ilaat ul­lumik­kut pis­sutsit aaq­qis­suus­saanerat atorun­naarsin­neqar­pat suli inuus­sap­put. Kinguaariit taak­ku maan­na ukioq­qor­tusisimap­put,  taamaat­tumik Guutip ul­lumik­kut pis­sutsit aaq­qis­suus­saaneran­nik atorun­naarsitsinis­saanut ungasigun­naar­poq.

17, 18. Siulit­tuutip suup takutip­paa silarsuup naggatis­saa qanit­tuararsuugip­put?

¹⁷ Siulit­tuut al­la aaq­qis­suus­saanerup tamatuma naggaser­neqar­nis­saata qanit­tuararsuan­ngor­neranik ersersitsisoq apustilimit Paulusimit ima saq­qum­miun­neqarsimavoq: ’Jehovap ul­lus­saa nal­liuk­kumaar­poq soorlu til­lit­toq un­nuak­kut pisar­toq. Oqar­pata: „Eq­qis­sinar­poq, siooranar­toqan­ngilaq,“ taava perlus­sap tas­san­ngaan­naq tikik­kumaar­pai, . . . aniguinavian­ngil­lal­lu.’ — 1 Tásalûníkamiut 5:2, 3; takujut­taaq Lúkarse 21:34, 35.

¹⁸ Sorsun­neq nil­ler­toq ul­lumik­kut taamaatereersimaler­poq, nunarsuarlu tamak­kerlugu sorsun­nis­saq aarlerinarun­naarsorinar­poq. Taamaat­tuminguna im­maqa naalagaaf­fiit isumaqar­tut silarsuarmik aaq­qis­suus­samik nutaamik pilersitsis­samaalerlutik. Ilungersuutitil­li iluatsil­luin­nalersutut isumaqarfigiler­patigik akerlerluin­naanik pisoqas­saaq, isumal­lualer­neram­mi Guutip aseruinis­saata nal­liutiler­neranut ilisar­naataas­saaq. Eq­qaamas­savat politik­kik­kut isumaqatigiin­niar­nerit isumaqatigiis­suteqar­neril­lu inun­nik al­lan­ngor­titsivin­neq ajormata. Inun­nik asaqatigiilersitsineq ajor­put. Silarsuarmilu siut­tut pinerlun­niar­tar­nermik unitsitsisin­naan­ngil­lat, aam­malu nap­paatinik toqumil­lu kipititsinis­sar­tik saperluin­nar­paat. Taamaat­tumik inuit eq­qis­sinermik isuman­naas­sutsimil­lu pilersitsisus­satut tunaareqinagit isumal­luar­nal­luun­niit silarsuup ajor­nar­torsiutini nam­mineerluni aaq­qilerai. (Tus­siaat 146:3) Inuit taamatut isumaqaler­nerat iluamik oqaatigalugu isumaqas­saaq silarsuup naggatis­sani qanit­tuararsuan­ngoraa.

Nutaarsiassaq nuannersoq oqaluussis­sutigineqarpoq

19, 20. Oqaluus­sineq pil­lugu siulit­tuut suna ul­lus­sani kingul­ler­ni eq­quut­toq takusin­naavar­put?

¹⁹ Siulit­tuut al­la 1914-imiilli ul­lus­sani kingul­ler­niilersimanitsin­nik ersersitsisoq man­na Jesusimit saq­qum­miun­neqarsimavoq: ’Iivangkiiliulu inuiaqatigiin­nut tamanut oqaluus­sis­sutigineqaral­las­saaq.’ (Mákorse 13:10) Imaluun­niit soorlu Matîuse 24:14-imi al­las­simasoq: ’Naalagaaf­fim­mil­lu iivangkiiliu taman­na oqaluus­sis­sutigineqas­saaq inuit najugaan­ni tamarsuarmi inuiaqatigiit tamarmik nalujun­naarutis­saan­nik; taavalu naggatis­saq nal­lius­savoq.’

²⁰ Nutaarsias­saq nuan­nersoq — tusarlius­saq silarsuup matuma naggatis­saanut Guutil­lu naalagaaf­fiata ataani silarsuarmik paratiisiusumik pilersitsinis­samut tun­ngasoq — ul­lumik­kut nunarsuaq tamak­kerlugu oqaluus­sis­sutigineqar­poq oqalut­tuarisaanermi aatsaat taama an­ner­tutigisumik. Kik­kun­nit? Jehovap nalunaajaasuinit mil­lionilik­kuutaanit. Taak­ku nunarsuarmi nunani tamavin­ni oqaluus­sip­put.

21, 22. Ingam­mik suup takutip­paa Jehovap nalunaajaasui tas­saasut kristumiut ilumoor­tut?

²¹ Jehovap nalunaajaasui Guutip naalagaaf­fianik oqaluus­sis­sutigin­nin­nermik saniatigut Kristusimut ilumoor­tumik ajoqersugaanermin­nut ersersitsisumik inuup­put. Jesusimi ima nalunaarsimavoq: ’Matuman­nga tamarmik ilisaris­savaasi ajoqersugarigis­si: asaqatigiik­kus­si.’ Aam­malu Jehovap nalunaajaasui asaqatigiin­nerup nimianik kit­torar­titas­saan­ngitsumik nunarsuaq tamak­kerlugu ataqatigiil­luin­nar­put. — Juánase 13:35; takuk­kit­taaq Jesaja 2:2-4; Kulorsamiunut agdlagkat 3:14; Juánase 15:12-14; Juánasip agdlagai sujugdlît 3:10-12; 4:20, 21; sarĸúmersitat 7:9, 10.

²² Jehovap nalunaajaasuisa Biibilimi al­las­simasoq man­na up­peraat: ’Guuti nakerisarsior­tuun­ngilaq, kisian­ni inuian­ni tamani kinaluun­niit mianerin­nitsini naaper­tuil­luar­tumil­lu ilior­toq nuan­naraa.’ (apustilit suliait 10:34, 35, NV) Up­peqatitik nunani tamaniit­tut qanorluun­niit naggueqaraluar­pata qanorluun­niil­lu qalipaateqaraluar­pata anersaak­kut qatan­ngutimis­sut isigaat. (Matîuse 23:8) Silarsuaq tamak­kerlugu qatan­ngutigiis­suar­nik taama it­tunik peqar­nera Guutip siuner­taata naam­mas­sineqangajaler­neranik qularun­naarsitsineroq­qip­poq.

[Atuaqqissaarnermi apeqqutit]

[Qupp. 26-mi assiliartaq]

Guutip qilam­mi naalagaaf­fia naam­mal­luin­nar­toq silarsuas­sami nutaami inun­nut naalak­kersuisutuaas­saaq