3

Ilisimassummik asseqanngitsumik aallerfissaq

1, 2. Sooq Biibili misis­sor­tariaqar­par­put?

¹ Biibili ilisimas­sum­mik as­seqan­ngitsumik imaqar­pa? Inuunerup siuner­taa pil­lugu apeq­qutivut ilumoor­tunik akisin­naavai?

² Biibili misis­sugas­saq­qil­luin­nar­tuuvoq, atuak­kanit al­lan­neqarsimasunit tamanit im­mik­korluin­naq it­tuunera pis­sutigalugu. Atuak­kanit al­lanit tamanit al­laanerul­luin­nar­tuuvoq. Paasis­sutis­sat tul­liut­tut eq­qarsaatigeriak­kit.

Atuagaq pisoqaanerpaaq siammarsimanerpaarlu

3, 4. Biibili qanoq pisoqaatigaa?

³ Biibili atuak­kanit al­lan­neqarsimasunit tamanit pisoqaaner­paar­taavoq. Ilaa ukiut 3500-t matuma sior­na al­lan­neqarsimavoq. Atuak­kanit il­ler­nar­titaasunit al­lanit tamanit ukiunik hundredelin­nik arlalin­nik pisoqaaneruvoq. Atuagar­taasa 66-iusut siul­lersaat Buddha Kungfutselu ukiunik tuusintit mis­saan­niit­tunik sioq­qul­lugit Muhamedilu ukiunik 2000-it mis­saan­nik sioq­qul­lugu al­lan­neqarsimavoq.

⁴ Inuiaat pileq­qaar­nerat qanorlu ilil­luni inuup maani nunarsuarmi pin­ngor­titaasimanera oqalut­tuarisaanermi Biibilip imarisaani nas­suiar­neqar­put. Al­laat inuup pin­ngor­tin­neqan­ngik­kal­lar­nerani pis­sutsit nunarsuul­lu pin­ngor­tin­neqarsimanera pil­lugit paasis­sutis­siivoq.

5. Al­lagaatitoq­qanut as­sam­mik al­latanut up­perisarsiormut tun­ngan­ngitsunut naleq­qiutis­sagaan­ni Biibilit as­sam­mik al­latat qas­sit nas­saas­saap­pat?

⁵ Atuak­kat al­lat pisoq­qat up­perisalerisut up­perisalerisuun­ngitsul­lu as­sam­mik al­lan­neqarsimasut ikit­tuin­naat amiak­kuuler­put. Biibilip tamarmi ilaan­naataluun­niit as­sam­mik al­lan­neqar­neri hebriiarisuut griikerisuul­lu 13.000-it mis­singi nas­saas­saap­put, taak­kualu ilaat ukiunut Biibilip al­lan­neqaq­qaarfigisaanut  qanit­tuararsuul­lutik. Aniguisimap­put, naak Biibilip nungutin­nis­saa ilungersuutigineqar­tarsimagaluaqisoq.

6. Biibili qanoq siam­marsimatigaa?

⁶ Aam­mami Biibili oqalut­tuarisaanermi atuak­kat siam­marsimaner­paar­taraat. Biibilit ilaan­naal­luun­niit mil­liardit pingasut mis­saan­niit­tut oqaatsinut tuusintit marluk mis­saan­niit­tunut siaruarsimap­put. Oqar­toqar­tar­poq nunarsuup inuisa 98 procentiisa Biibili nam­min­neq oqaatsimin­ni atuarsin­naagaat. Atuak­kamik al­lamik taama amerlatigisunik naqitersimasoqaranilu siam­marsimatigisoqan­ngilaq.

7. Biibilip eq­qoq­qis­saas­susia qanoq oqaatigineqarsin­naava?

⁷ Kiisalu atuak­kat itsar­nitsat arlaan­naal­luun­niit eq­qoq­qis­saas­suseq eq­qarsaatigalugu Biibilimut sanil­liun­neqarsin­naan­ngilaq. Ilisimatuut, oqalut­tuarisaanermik paasisimasal­lit, itsarsuar­nisarsior­tut, nunap pis­susiinik ilisimatuut, oqaatsinik ilisimatusar­tut al­lal­lu Biibilimi oqalut­tuarineqar­tunik ilumoor­neraajuar­tarsimap­put.

Ilisimatuus­sutsikkut eqqorluartoq

8. Ilisimatuus­sutsimut tun­ngasut pineqaraangata Biibili qanoq eq­qorluar­tigisar­pa?

⁸ Biibili ilisimatuus­sutsimut ilin­niutitut al­lagaan­ngilaq, ilisimatuus­sutsimul­li tun­ngasut tikik­kaangamigit ilisimatuus­sutsimut ilumoor­tumut naaper­tuut­tar­poq. Atuak­kat il­ler­nar­titaasut al­lat ilisimatuus­sutsik­kut isumaliutersuutinik eq­qun­ngitsunik, eq­qoq­qis­saan­ngitsunik al­laam­mi aam­ma ilumuun­ngitsunik imaqar­tar­put. Biibilip ilisimatuus­sutsik­kut eq­qorluar­tuuneranut as­sersuutis­sar­pas­suit ilaan­naat sisamat malugeriak­kit:

9, 10. Nunarsuup qanoq ilil­luni silaan­narsuarmi atanera Biibilimi qanoq oqaatigineqar­pa?

⁹ Nunar­suaq qanoq ililluni atasoq. Itsaq, Biibilip al­lan­neqar­nerata nalaani, Nunarsuaq qanoq ilil­luni atanersoq isumaliutersuutigineqar­tarsimaqaaq. Soorlu ilaat isumaqarsimap­put nagguaatsunit sisamanit saanilorujus­suup imarmiut­tap qaavaniit­tunit akiar­neqar­toq. Aristoteles, griikereq filosof­fi ilisimatoorlu, isumaqarsimavoq Nunarsuaq im­minik silaan­narsuarmi atanavian­ngil­luin­nar­toq. Ul­loris­sat qalerus­sanut aalaak­kaasunut qaarajut­tunut akimut ersit­tunut iluleriiaanut aalajangigaanerarsimavai. Qalerus­samigooq ilorlermi Nunarsuaq ip­poq, aval­ler­nilu ul­loris­sat tamarmik il­lutik.

¹⁰ Takorluuk­kersaarutil­li ilisimatuus­sutsimut naaper­tuutin­ngitsut tamak­ku Biibilip al­lan­neqar­nerata nalaani nalingin­naasimasut Biibilimi nas­saas­saan­ngil­lat. Erseq­qil­luin­nar­tumik Biibilimi ima al­las­simasoqaan­nar­poq (1473-imilu u.n.s. taman­na al­lan­neqarsimavoq): ’Guutip nunarsuaq nivin­ngar­paa silaannaasup qulaanut.’ (Job 26:7) Oqaaseq hebriiarisut al­lan­neqaq­qaarfiani ator­neqar­toq tas­sani „silaan­naasup“-mik nutser­neqar­toq isumaqar­poq „soqan­ngil­luin­nar­toq“, oqaaserlu taman­na Biibilip ilaani al­lami ator­neqan­ngilaq. Nas­suiaat taman­na  — nunarsuaq silaan­narsuarmit avatanger­neqarsimasoq — paasisimasaqar­palaas­sutsitut as­seqan­ngitsutut ilisimatuunit taaneqar­poq, ingam­mik itsaq al­lan­neqarsimanera eq­qarsaatigalugu. Atuak­kami qinerlerfis­siami Theological Wordbook of the Old Testament-imi ima al­las­simasoqar­poq: „Job 26:7-imi silarsuaq taamanik­kut ilisimaneqar­toq silaan­narsuarmiit­tutut maluginiar­nar­tumik al­laatigineqar­poq, taamaalil­lunilu ilisimatuus­sutsik­kut siunis­sami paasiumaagas­sat sioq­qul­lugit nas­suiaal­luni.“

11, 12. Job 26:7-imi al­las­simasutut in­nera qanga inuit paasiler­paat?

¹¹ Biibilip nas­suiaataa eq­qorluar­toq Aristoteles ukiunik 1100-nit amerlanerusunik sioq­qul­lugu saq­qum­miun­neqarsimavoq. Taamaak­kaluar­torli Aristolesip isumaa taas­suma toqunerata kingor­na ukiut 2000-it mis­siliorlugit qaangiun­neran­ni al­laat ilumoor­tutut saq­qum­miun­neqar­tarsimavoq! Aatsaat 1687-imi u.n.k. sir Isaac Newtonip paasisani saq­qum­miup­paa, tas­sa Nunarsuaq ul­loris­sanit al­lanit nusus­simaneqar­nermigut, oqimaas­sutsip nukinga pis­sutigalugu, silaan­narsuarmi aalajangersimasumik inis­sisimasoq. Taman­nali aatsaat saq­qum­miun­neqar­poq Biibilip nunarsuup „silaan­naasumi“ ataneranik erseq­qif­faarim­mik paasis­sutis­siinera ukiunik 3200-ngajan­nik kingoq­qul­lugu!

¹² Aap, ukiut 3500-ingajaat matuma sior­na Biibilimi al­lan­neqarsimavoq Nunarsuaq takus­saasumik toq­qaveqan­ngitsoq, taman­nalu oqimaas­sutsip nukinganut aalanermul­lu inatsisinut inuit kingunerujus­suatigut aatsaat paasisaan­nut naaper­tuup­poq. „Jobip qanoq ilil­luni ilumoor­toq taman­na paasisimaneraa apeq­qutaavoq Biibilip isumas­sarsiarititaaneranik up­periuman­nin­ngitsunut akiuminaatsoq,“ ilisimatooq taama oqarsimavoq.

13. Ukiut hundredelip­pas­suit matuma sior­na inuit nunarsuaq qanoq iluseqarsorisimagaluar­paat, qanorli ilil­luni isumaat al­lan­ngor­pa?

¹³ Nunarsuup ilusaa. The Encyclopedia Americana-mi ima al­las­simasoqar­poq: „Nunarsuaq pil­lugu inuit takorluugaat pisoqaaner­paaq tas­sa saat­tukujuujusoq man­ngersoq silaan­narsuup qeq­qaniit­toq. . . . Aatsaat ukiuni nutaan­ngoq­qif­fiusuni (1400-1500-kkun­ni) nunarsuaq am­malor­tutut isigineqaler­poq.“ Al­laat umiar­tor­tut Nunarsuaq toq­qis­suin­naasoralugu sinaatigut nak­kar­nis­sar­tik an­nilaan­ngatigisarsimavaat. Sam­mivis­siut (pujorsiut) ator­toris­saarutil­lu al­lat iluaqutigalugit kingor­na ungasin­nerusumut umiar­tor­toqarsin­naalersimavoq. „Ilisimasas­sarsiorluni angalaner­ni“ tamak­kunani „paasinarsisimavoq nunarsuaq am­malor­tuusoq, amerlaneril­lu isumaqar­nerigaluat­tut toq­qis­suunani,“ qinerlerfis­siami al­lami taama al­las­simavoq.

14. Nunarsuaq Biibilimi qanoq iluseqar­nerar­neqar­pa, oqaatsil­lu taak­ku qanga al­lan­neqarsimap­pat?

¹⁴ Angalaneril­li tamak­ku sioq­quterujus­suarlugit, tas­sami ukiut 2700-t matuma sior­natigul­li, Biibilimi ima al­las­simasoqar­poq: ’Tamas­sa nunap kaajaluin­nerata qulaani ineqar­toq.’ (Isaiap agdlagai 40:22) Oqaaseq hebriiarisooq tas­sani ’kaajaluin­nera’-nik nutser­neqar­toq qinerlerfis­siat as­sigiin­ngitsut naaper­tus­sagaan­ni aam­ma isumaqar­poq „sfære“ (am­malor­toq). Taamaat­tumik Biibilimik nutsik­kani al­lani nutser­neqarsimavoq ’Nunarsuaq arsatut it­toq’ (Lindberg) aam­ma „nunarsuaq am­malor­toq“. — Moffatt.

15. Sooq Biibili Nunarsuaq pil­lugu isum­manik ilisimatuus­sutsimut naaper­tuutin­ngitsunik sun­nersimaneqan­ngila?

¹⁵ Al­latut oqaatigalugu Biibili Nunarsuup ilusaa qanorlu ilil­luni atanera pil­lugit itsaq isum­manit ilisimatuus­sutsimut naaper­tuutin­ngitsunit sun­nersimaneqan­ngilaq. Pis­sutaasoq unaagin­nar­poq: Biibilip atuak­kior­tua tas­saavoq silarsuup avataaniit­tul­lu Pin­ngor­titsisaat. Taas­suma Nunarsuaq pin­ngor­tis­simavaa, taamaat­tumik nalun­ngilaa qanoq ilil­luni atasoq qanorlu isik­koqar­toq. Taamaam­mat isumas­sarsisitsinik­kut Biibili al­latsik­kamiuk isum­mat ilisimatuus­sutsimut naaper­tuutin­ngitsut, taamanik­kut al­lanit  qanorluun­niit akuersugaatigigaluar­tut, al­lan­neqar­tunut akuliutitin­neqan­ngin­nis­saat isumagisimavaa.

16. Uumas­susil­lit sananeqariaasiat qanoq ilil­luni Biibilimi oqaatigineqar­tunut naaper­tuup­pa?

¹⁶ Uumas­susillit sumit sanaajusut. „Taava Guuti [Jehova] inulior­poq is­sumit,“ 1 Moses 2:7-imi taama al­las­simasoqar­poq. Qinerlerfis­siami The World Book Encyclopedia-mi al­las­simavoq: „Uumas­suseqar­tut sananeqaataat kemiimut atasut tamarmik aam­ma uumas­suseqan­ngitsuni nas­saas­saap­put.“ Tas­sa sananeqaatsit kemiimut atasut uumas­suseqar­tut tamarmik, aam­ma inuup, sananeqaatigisaat aam­ma nunami nas­saas­saap­put. Taman­na Guutip inuit uumas­suseqar­tul­lu al­lat pin­ngor­tik­kamigit sumik ator­toqar­neranik Biibilimi oqaatigineqar­tumut naaper­tuup­poq.

17. Uumas­suseqar­tut pin­ngorsimanerat eq­qarsaatigalugu suna ilumoor­tuua?

¹⁷ „Assigiinngitsukkuutaarlugit“. Biibilimi oqaatigineqar­poq Guutip inuit aap­pariit siul­liit pin­ngor­tis­simagai, inuil­lu al­lat tamarmik taak­ku nagguigigaat. (1 Moses 1:26-28; 3:20) Tas­sani aam­ma oqaatigineqar­poq uumas­suseqar­tut al­lat, soorlu aalisak­kat, tim­mis­sat miluumasul­lu taamatut­taaq pin­ngor­tin­neqarsimasut „as­sigiin­ngitsuk­kuutaarlugit“. (1 Moses 1:11, 12, 21, 24, 25) Taman­na ilisimatuut pin­ngor­titarsuarmi paasisin­naasimasaan­nut naaper­tuul­luin­nar­poq — uumas­suseqar­tut tamarmik im­mik­kut as­simin­nik naggueqar­tuusut. Tamatigut taamaap­poq. Fysikimik ilisimatooq Chet Raymo taman­na pil­lugu oqar­poq: „Inuuneq inuunermik pilersitsisar­poq; cel­leni uumas­susilin­ni tamani taman­na piuaan­nar­poq. Uumas­suseqan­ngitsul­li qanoq ilil­lutik uumas­suseqalersitsisimas­sap­pat? Apeq­qutit biologiimut tun­ngasut akineqarsiman­ngitsut an­ner­paat taman­na ilagaat, man­nalu tikil­lugu biologit taamaal­laat eq­qoriaaner­nik saq­qum­mius­sas­saqar­tarsimap­put. Uumas­suseqan­ngitsoq qanoq ilil­luni piner­poq uumas­suseqalersimas­saaq. . . . Eq­qor­toq oqaatigis­sagaan­ni im­maqa Mosesimik al­lak­kanik siul­ler­nik atuak­kior­toq ilumoorsimas­saaq.“

Oqaluttuarisaanikkut eqqorluartoq

18. Eq­qar­tuus­sis­suserisoq qanoq oqarsimava Biibilip oqalut­tuarisaanik­kut eq­qorluas­susia pil­lugu?

¹⁸ Oqalut­tuarisaaneq Biibilip imarisaa atuak­kanit itsar­nitsanit tamaniit­tunit eq­qorluar­ner­paavoq. Atuak­kiami A Lawyer Examines the Bible-mi (Eq­qar­tuus­sis­suserisup Biibili misis­sor­paa) Biibilip oqalut­tuarisaanermik al­laatigin­nin­nermigut eq­qorluas­susia ima oqaatigineqar­poq: „Oqalut­tualiani, oqalut­tualiani up­per­niutitalin­ni ilisiman­nit­tul­lu nalunaajaataan­ni eq­qun­ngitsuni pisut eq­qar­tor­neqar­tut sumiugaluar­nersoq ungasis­sumi qangar­piaagaluar­nersorlu pisutut eq­qar­tor­neqaq­qis­saar­tar­put, taamaalil­lutil­lu eq­qar­tuus­sil­luar­nermut najoq­qutas­sat eq­qar­tuus­sis­suserisup ilin­niagai siul­liit unioq­qutit­tarlugit, tas­sa ’ilisiman­nit­tup nas­suiaanermini pif­fis­saq sumiif­fil­lu ilan­ngut­tariaqarai’. Biibilimili pisimasut eq­qar­tor­neqar­tut pif­fii sumiif­fiilu oqalut­tuareq­qis­saar­neqar­tar­put.“

19. Oqalut­tuarisaanermut tun­ngasutigut Biibilip an­nikitsualutsigut al­laat eq­qorluas­susia qinerlerfis­siami qanoq maluginiar­neqar­pa?

¹⁹ Qinerlerfis­siami The New Bible Dictionary-mi ima al­las­simavoq: [apustilit suliáinik agdlagkat-nik al­lat­tup] oqalut­tuani taamani oqalut­tuarisaanermut naaper­tuut­tumik saq­qum­miup­pai; il­loqarfin­ni siut­tuusunut, nunanut naalagaatitanut, kun­ngiutitanut as­sigisaan­nul­lu in­nersuus­sutinik atuak­kap qup­per­neri ulik­kaar­put, eq­qar­tuk­kal­lu tamak­ku sumi qangalu pisimaneragaaneri naaper­tuul­luin­nar­tuup­put.“

20, 21. Oqalut­tuarisaanermik Biibilip oqalut­tuaa pil­lugu Biibilimik paasiniaasar­toq qanoq oqarsimava?

²⁰ Atuak­kami The Union Bible Companion-imi  S. Austin Al­libone ima al­las­simavoq: „Sir Isaac Newton . . . aam­ma al­lagaatitoq­qanik naliliiniar­neq eq­qarsaatigalugu kak­kal­luin­nar­tuusimavoq, aam­malu Al­lak­kanik Il­ler­nar­tunik misis­sueq­qis­saar­tarsimavoq. Taak­kunin­nga qanoq naliliiva? ’Testamentitoqaq silamiut oqalut­tuarisaanermik al­lagaataan­nut al­lanut sanil­liul­lugu un­neq­qaris­sutsimut takus­sutis­sanik amerlaner­nik nas­saarfigaara,’ oqarsimavoq. Dr. Johnson oqar­poq iivangkiiliulersaarutini oqalut­tuarineqar­tutut Jesusip Golgatami toqusimaneranut up­per­narsaatis­sat Julius Cæsarip Capitoliumimi toqusimaneranut up­per­narsaatis­sanit amerlanerusut. Ilumum­mi amerlanerujus­suup­put.“

²¹ Nangip­poq: „Iivangkiiliulersaarutit ilumuus­susian­nik qularin­nit­tut tamaasa aperik­kit Cæsarip Capitoliumimi toqusimanera up­peris­sal­lugu imaluun­niit Kaalersuup ukiumi 800-mi paavimit Leo III-mit kitaani kaasarin­ngor­titaasimanera up­peris­sal­lugu sunik pis­sutis­saqar­nersut . . . Qanoq ilil­luni paasineqarsin­naava angut soorlu Charles I [Englandimeersoq] ilumut inuusimanersoq, niaquigaasimanersoq, Oliver Cromwellimil­lu kingoraar­neqarsimanersoq? . . . Sir Isaac Newton oqimaas­sutsip nukinganik paasisaqaq­qaarsimasutut ataq­qiniar­neqar­tar­poq . . . Angutinut taak­kunun­nga up­per­narsaatis­sat maani ilan­ngun­neqarsimasut tamaasa up­peraavut, up­peraavut oqalut­tuarisaanik­kut eq­qor­tuuneran­nut up­per­narsaatis­saqarat­ta. . . . Up­per­narsaatis­sanik taamaat­tunik paasisaqareeraluarlutik suli up­peruman­ngitsut sianiitsutut as­sor­tuiniakujuin­nar­tutul­lu imaluun­niit ilisimasaqan­ngil­luin­nar­tutut taajumasar­pavut.“

22. Sooq Biibilip ilumuus­susia ilaasa up­periuman­ngilaat?

²² Isum­manilu ima iner­paa: „Taava naak Al­lak­kat Il­ler­nar­tut ilumoor­tuuneran­nut up­per­narsaatis­sar­pas­suaqareeraluar­toq suli qularun­naarsin­neqarsiman­ngin­nerar­tut qanoq oqaatigis­savavut? . . . Ilumoorluta oqarsin­naavugut uum­matimik­kut, niaq­qumik­kuun­ngitsoq, ajoquteqarsimas­sasut — pingaar­nias­sutsimin­nik at­tuisumik al­latul­lu inooriaaseqalis­sutigisariaqak­kamin­nik up­perin­nin­nis­sar­tik kis­saatigin­ngik­kaat.“

Ataqatigiissuseq unneqqarissuserlu

23, 24. Biibilip imaasa im­min­nut naaper­tuus­susiat sooq taama tupin­nar­tigaa?

²³ Takorlooriaruk Romamiut nalaan­ni atuak­kamik al­lat­toqalersoq, ukiuni akul­ler­ni suli al­lan­neqarluni, aatsaal­lu 1900-kkun­ni mak­kunani al­lan­neqar­nera iner­neqarluni. Takorlooriak­kil­lu al­laqataasor­pas­suit qanoq as­sigiin­ngitsigisut: sak­kutuut, kun­ngit, palasit, aalisar­tut, savanik paarsisut nakorsal­lu. Taava ilimagis­sagaluar­piuk atuak­kap imai im­min­nut naaper­tuul­lutil­lu ataqatigiis­sasut? Im­maqa naamik. Biibilil­li al­lan­neqar­nerani taamaap­poq. Taamaak­kaluar­torli imarisai tamarmik im­min­nut naaper­tuup­put, an­nerusutiguin­naan­ngitsoq aam­mat­taarli an­nikitsualutsigut.

²⁴ Biibili atuak­kanit 66-init katitigaavoq ukiul­lu 1600-t ingerlaneran­ni angutinit 40-t mis­saan­niit­tunit al­lan­neqarsimal­luni. Ukiumi 1513-imi u.n.s. al­lan­neqalersimavoq 98-imilu u.n.k. nam­mas­sineqarsimal­luni. Al­lat­tut inuiaqatigiin­ni as­sigiin­ngeqisunik tunuliaqutaqar­put, ilar­pas­suilu im­min­nut at­taveqan­ngil­lat. Taamaak­kaluar­torli Biibili ataatsimik pingaar­nerutitaasumik eq­qar­tugaqar­poq, ataasiin­narmik atuak­kior­toqar­pasil­luni. Naak inup­pas­suit taama isumaqaraluar­tut Biibili kitaamiut pilersitarin­ngilaat, kangiamiunil­li al­lan­neqarsimal­luni.

25. Biibilimik al­laqataasut un­neq­qaris­susiat sumut up­per­narsaaqataava?

²⁵ Itsaq atuak­kior­tut amerlanersaasa ajugaasar­nitik ajun­ngequtitil­lu kisiisa al­laatigisaraluaraat Biibilimik al­laqataasut kuk­kunitik iser­tuaratik al­laatigisarsimavaat, aam­malu kun­ngimik siut­tumil­lu kuk­kulut­tor­neri al­laatigis­sal­lugit qunusarsimanatik. Mosesimik al­lak­kat sisamaat 20:1-13-imi aam­ma Mosesimik al­lak­kat tal­limaat 32:50-52-imi Mosesip kuk­kulut­tor­tar­neri oqalut­tuarineqar­put, aali nam­mineq al­lagaani. Jona 1:1-3-mi Jona 4:1-imilu Jonas qanoq kuk­kulut­tor­tarsimasoq oqalut­tuarineqar­poq, aam­ma tas­sani Jonas nam­mineq al­lat­tuuvoq. Matîuse 17:18-20-mi; Mat 18:1-6-imi; Mat 20:20-28-mi aam­ma Mat 26:56-imi Jesusip ajoqersugaasa pis­susii pitsaan­ngitsut oqalut­tuarineqar­put. Biibilimik al­laqataasut un­neq­qaril­lutil­lu peq­qusersuis­susiat Guutimit isumas­sarsisin­neqarsimaneran­nut up­per­narsaataal­luar­poq.

Ilisarnaataa immikkut innerpaaq

26, 27. Biibilip ilisimatuus­sutsik­kut al­latigul­lu eq­qorluas­susia sumik pis­suteqar­pa?

²⁶ Ilisimatuus­sutsik­kut, oqalut­tuarisaanik­kut al­latigul­lu eq­qorluar­tuunerminut suna pis­sutaanersoq Biibilip nam­mineq nas­suiar­paa. Takutip­paa Atuak­kior­tuini tas­saasoq Ajugaqan­ngitsoq, silarsuup Pin­ngor­titsisaa. Biibilimik al­lat­tut al­latsiin­narmisut atorsimavai, nukini sulis­sutigin­nit­tar­toq atorlugu isumas­sarsiarititaminik al­latsit­tarsimal­lugit.

²⁷ Apustili Paulus Biibilimi al­las­simavoq: „Al­lak­kat il­ler­nar­tut tamarmik Guutip sun­niineratigut isumas­sarsiarititaap­put iluaqutaal­lutik  ajoqersuutaal­lutil­lu iner­teq­qutaal­lutik, iluarsiar­tuutaal­lutik, iluar­nermut perorsaataal­lutik, inuk Guutip pigisaa ajun­ngitsulior­ner­nut tamanut pik­koril­luaq­qul­lugulu piuk­kun­narsagaal­luaq­qul­lugu.“ Aam­ma ima al­las­simavoq: ’Guutip oqaasia uatsin­nit tusagarsi taamani pigilerlugu ilas­sigas­siuk inun­nut oqaaseritin­nagu Guutimul­li oqaaseritil­lugu (mas­salu ilumut taamaap­poq).’ — 2 Timûtiuse 3:16, 17, NV; 1 Tásalûníkamiut 2:13.

28. Taamaam­mat Biibili sumin­ngaan­neer­pa?

²⁸ Tas­sa Biibilip Atuak­kior­toq ataasiin­naq pilerfigaa — Guuti. Pis­saanermil­lu taama atsigisumik pigisaqarami al­lan­neqar­tut nalitsin­nut al­laat al­lan­ngun­ngil­luin­nar­nis­saat isumagis­sal­lugu sapin­ngil­luin­nar­paa. Biibili as­silil­lugu as­sam­mik al­lak­kanik ilisimasaqarluar­toq, sir Frederic Kenyon, 1940-mi taman­na pil­lugu ima oqarsimavoq: „Biibilip atuagar­taasa al­lan­neqaq­qaarsimanermit­tungajak al­lan­neqarsimal­lutik uagutsin­nut apuus­simaneran­nut qularutis­satuariligar­put maan­na peer­neqar­poq.“

29. Guutip at­taveqarfigin­nis­sin­naas­susia sumut as­sersuun­neqarsin­naava?

²⁹ Inuit radiok­kut TV-kkullu nalunaarutinik aal­lak­kaatitsisin­naap­put isorar­toorujus­suak­kut, al­laat Qaam­mam­mit Nunarsuarmut. Avataarsualiar­titat misis­suutit ul­loris­sani kilometerinik hundredemil­lionilik­kuutaanik ungasitsigisumiit­tuni uut­tuk­kamin­nik as­silisamin­nil­lu nas­sitsisar­put. Soorunami inuup Pin­ngor­titsisaa radiop maligaasaanik pin­ngor­titsisimasoq tamak­kunan­nga tupin­nar­nerungaar­tunik iliuuseqarsin­naavoq. Taas­sumun­ngami ajor­nan­ngil­luin­narsimavoq nukini ajugaqan­ngitsoq atorlugu oqaatsit as­silis­sal­lu inuit isumaan­nut pisis­sal­lugit Biibilimil­lu al­latsis­sal­lugit.

30. Inuit pil­lugit sumik siuner­taqar­nini inun­nut paasitis­sal­lugu Guutip soqutigaa?

³⁰ Aam­ma Nunarsuarmi tas­sanilu inuunermi sor­pas­suit takutip­paat inun­nut soqutigin­nit­tuusoq. Taamaat­tumik pis­susis­samisoor­poq kinaanerminik taak­kunun­ngalu siuner­taminik paasin­nin­nis­saan­nik ikiorumam­magit atuak­kami — al­lagaatini ataavar­tus­sani — nas­suiaanermigut.

31. Sooq tusarlius­saq isumas­sarsiarititaasoq al­lataq oqaatsik­kut oqalut­tuarsiamit pitsaaneroqaa?

³¹ Eq­qarsaatigiut­taaq qanoq pitsaanerutigisoq Guutimit atuagaateqas­sal­luni oqaatsik­kut ingerlateq­qitanik paasis­sutis­sin­neqar­nermin­ngar­nit. Kinguaariin­nit oqaatsik­kut oqalut­tuarsiat tutsuiginar­tan­ngil­lat, pif­fis­sam­mi ingerlanerani inuit nam­min­neq nas­suiaatimin­nik ilaar­tor­tarmatigik. Inuit nam­min­neq paasin­nit­taaser­tik naaper­torlugu ingerlateq­qit­tar­paat. Al­lak­katigul­li oqalut­tuarin­nin­neq ataavas­saaq kuk­kusumil­lu ilaar­tor­neqan­ngin­nis­saa qular­naan­nerus­sal­luni. Aam­mami atuagaq sanaq­qin­neqarsin­naal­lunilu nutser­neqarsin­naasar­poq, taamaalil­luni imarisaa inun­nut atuar­tunut as­sigiin­ngitsunik oqaasilin­nut nuan­naarutaas­sal­luni. Taamaat­tumik ilimagisariaqan­ngin­ner­pa Pin­ngor­titsisup paasis­sutis­siiniar­nerminut atuak­kamik tusagas­siuuteqar­nis­sani qinersimas­sagaa? Iluamil­li oqaatigis­sagaan­ni taman­na ilimagisariaqaan­nan­ngilaq, ilumut taamaap­poq, taamator­piarmi iliuuseqarsimal­luni Pin­ngor­titsisoq oqar­poq.

Siulittuutit eqquussimasut

32-34. Biibili atuak­kat al­lat imarin­ngisaan­nik sunik imaqar­pa?

³² Kiisalu Biibilip Guutimit isumas­sarsiarititaaneranut as­seqan­ngitsumik takus­sutis­saqar­poq: Siulit­tuutinik eq­quus­simasunik sulilu qularisas­saan­ngitsumik eq­quus­sor­tunik imaqarami.

³³ Soorlu Tyrusitoq­qamik aseruineq, Babylonip suujun­naarsitaanera, Jerusalemip qarmaq­qin­neqar­nera kiisalu Mediamiut Persiamiul­lu ataatsimoorlutik aam­malu griikerit kun­ngiisa atuutiler­neri up­pin­nerilu an­nikitsualut­taat al­laat ilan­ngul­lugit Biibilimi siulit­tuutigineqarsimap­put. Siulit­tuutit ima eq­qorluar­tigisar­put isor­nar­torsiuisut  ilaat oqar­niar­taraluarlutik pereer­nerisa kingor­na aatsaat al­lan­neqarsimasut. — Jesaja 13:17-19; 44:27–45:1; Hesekiel 26:3-6; Daniel 8:1-7, 20-22.

³⁴ Jerusalemip ukiumi 70-imi aseror­nis­saanik Jesusip siulit­tuutai eq­quul­luin­narsimap­put. (Lúkarse 19:41-44; 21:20, 21) Aam­ma ’ul­lus­sat kin­ngul­liit’ pil­lugit Jesusip apustilil­lu Paulusip siulit­tuutaat an­nikitsualut­tamin­nut al­laat ul­lumik­kut nalitsin­ni eq­quus­sor­put. — 2 Timûtiuse 3:1-5, 13; Matîuse 24; Mákorse 13; Lúkarse 21.

35. Sooq Biibilimi siulit­tuutit al­lamit pin­natik taamaal­laat Pin­ngor­titsisumin­ngaan­neersuusin­naap­pat?

³⁵ Al­laat inuup qarasaata silas­sorin­ner­paap siunis­sami pisus­sat taama eq­qorluar­tigisumik siulit­tuutigisin­naan­ngilai. Silarsuup avataaniit­tul­lu Pin­ngor­titsisaat ajugaqan­ngitsoq ilisimatungaar­torlu kisimi taamatut pigin­naaneqar­poq, soorlu Pîtrusip agdlagaisa áipait 1:20, 21-mi al­las­simasoq: ’Pruf­fiitip oqaaserisaa al­lak­kaniit­toq im­minit nas­suiaatis­saqar­navian­ngilaq. Inuum­mi piumasaagut pruf­fiitip oqaaserisaa pin­ngisaan­nar­poq, anersaal­li il­ler­nar­tup pisim­matik inuit Guutimit oqalup­put.’

Akissutissaqarpoq

36. Biibilip sunik paasitip­paatigut?

³⁶ Tas­sa Biibilip tas­saanera Guutip oqaasia isumas­sarsiarititaasoq arlalip­pas­suar­tigut takus­sutis­sar­taqar­poq. Taamaat­tumik tas­sani oqaatigineqar­poq sooq inuit piusut, sooq taama naal­liun­neqar­tigisoq, siunis­sar­put qanoq it­tuus­sasoq qanorlu ilil­luni pis­sutsit pitsan­ngor­tin­neqarumaar­tut. Uagutsin­nut saq­qum­mersip­paa Guuteqar­toq ajugaqan­ngitsumik aalajangersimasumik siuner­taqarluni inun­nik nunarsuarmil­lu pin­ngor­titsisimasumik, siuner­tarlu taman­na naam­mas­sineqarumaar­toq. (Jesaja 14:24) Biibilimi aam­ma saq­qum­mersin­neqar­poq up­perisarsior­neq sorleq ilumoor­tuusoq qanorlu ilil­luta nas­saarisin­naagip­put. Taamaalil­luni Biibili tas­saavoq ilisimas­sum­mik as­seqan­ngitsumik aal­lerfis­saq, ilisimas­sum­mik aal­lerfis­saq inuunermi apeq­qutinut pingaar­tunut tamanut akis­sutis­sarsif­figisin­naasatuar­put. — Tus­siaat 146:3; Us­satit 3:5; Jesaja 2:2-4.

37. Kristumiuuneraqatigiit pil­lugit qanoq aperisariaqar­pa?

³⁷ Naal­li Biibilip piviusuuneranut up­per­narsaatis­sar­pas­suaqaraluar­toq tamatumin­nga up­perin­nin­nerar­tut tamak­kerlutik tamatuma ajoqersuutaanik maleruaanis­saat ilimanan­ngilaq. Inuiaat kristumiuunerar­tut — nunat ataatsimut kristumiuuneraqatigiin­nik taaneqar­tut — as­sersuutigiin­nariar­tigik. Taak­ku ukiuni hundredelip­pas­suar­ni Biibili pigisimavaat. Oqar­toqarsin­naavali eq­qarsaataat iliuusiilu Guutip ilisimas­sutaanut as­seqan­ngitsumut naaper­tuut­tut?

[Atuaqqissaarnermi apeqqutit]

[Qupp. 11-mi assiliartat]

Sir Isaac Newtonip paasilersimavaa Nunarsuaq ul­loris­sanik al­lanik nusus­sisimaqateqar­neq iluaqutigalugu silaan­narsuarmi atasoq

Nunarsuup am­malor­tuul­luni silaan­narsuarmit avatangersimaneqarluni ataneranik Biibilip eq­qar­tuinera paasisimasaqar­palaas­sutsitut as­seqan­ngitsutut ilisimatuunit taaneqar­poq, ingam­mik itsarsuaq al­lan­neqarsimasuunera eq­qarsaatigalugu

[Qupp. 12-mi assiliartaq]

Imarsior­tut nunarsuaq toq­qis­suin­naasoralugu sinaatigut nak­kar­nis­sar­tik an­nilaan­ngatigisarsimavaat

[Qupp. 13-mi assiliartaq]

Jesus Kristusip inuusimaneranut up­per­narsaatis­sat Julius Cæsarip, Kaalersuup, Oliver Cromwel­lip paavil­lu Leo III-p inuusimaneran­nut up­per­narsaatis­sanit amerlanerup­put

[Qupp. 15-mi assiliartaq]

Jerusalemip ukiumi 70-imi suujun­naarsin­neqar­nera pil­lugu Jesusip siulit­tuutaasa eq­quus­simanerat Titusip qilaan­ngusaasaani Romamiit­tumi up­per­narsar­neqar­poq