5

Inuunerup siunertaa nuanningaartoq

1, 2. Qanoq ilil­luta paasisin­naavar­put Guutip soqutigigaatigut, inuunerlu pil­lugu apeq­qutinut an­ner­tuunut akis­sutis­sarsiumagut­ta sumut ujarler­tariaqar­pugut?

¹ Nunarsuup aaq­qis­sugaanera uumas­suseqar­tul­lu ilusilersugaanerat takus­sutis­saap­put Pin­ngor­titsisup Guutitut asan­nit­tuul­luni pin­ngor­titaminut soqutigin­nit­tuuneranut. Oqaasiani, Biibilimi, taman­na up­per­narsar­neqar­poq, apeq­qutinum­mi mak­kunun­nga pitsaaner­paamik atuak­kap taas­suma akis­sutis­saqar­tip­paatigut: Sooq maani nunarsuarmiip­pugut? Siunis­sami qanoq pis­saagut?

² Akis­sutis­sat nas­saariumagutsigik Biibili misis­sor­tariaqar­par­put. Tas­sani Guuti ima oqaatigineqar­poq: „Ujarus­sin­ni nanisik­kumaar­poq, tunuk­kus­sin­nili aam­ma ilis­si tunus­savaasi.“ (2 Israelik­kut 15:2) Guutip oqaasiani ujaasigut­ta suna nanis­savar­put? Guutip uagutsin­nik siuner­taa tas­sani qanoq oqalut­tuarineqar­pa?

Sooq Guutip inuit pinngortissimagai

3. Sooq Guutip nunarsuaq pin­ngor­tis­simavaa?

³ Biibilimi ersersin­neqar­poq Guutip nunarsuaq inuit im­mik­kut eq­qarsaatigalugit pin­ngor­tis­simagaa. Jesaja 45:18-imi oqaatigineqar­poq Guutip nunarsuaq ’soqan­ngitsus­san­ngor­nagu, kisian­ni inoqar­tus­san­ngorlugu pin­ngor­tis­simagaa’. Pilersorsimavaalu inuit pisariaqar­titaan­nik tamanik, inuusin­naanis­saan­naat pin­nagu aam­mali inuunermin­nik tamak­kiisumik nuan­naarutigin­nin­nis­saat eq­qarsaatigalugu. — 1 Moses, kapitali 1 aam­ma 2.

4. Sooq Guutip inuit siul­liit pin­ngor­tis­simavai?

⁴ Guutip oqaatsimini inun­nik siul­ler­nik, Adamimik Evamil­lu, pin­ngor­titsineq oqalut­tuaraa, inuil­lu qanoq pilersaaruteqarfigigini saq­qum­mersil­lugu. Oqarsimavoq: „Inun­nik pin­ngor­titsisa im­mitsin­nik as­silil­luta uatsitut it­tus­sanik, naalagaasus­sanik aalisak­kanut im­mamiit­tunut tim­mis­sanul­lu qilaap ataaniit­tunut nersutaatinul­lu nersutinul­lu nujuar­tanut nunamiit­tunut tamanut nunamilu paarmor­tunut tamanut.“ (1 Moses 1:26) Inuit tas­saasus­saasimap­put ’nunarsuarmut tamarmut’ tas­sanilu uumasunut nak­kutil­liisuunerit.

5. Guutip inuit siul­liit sumut inis­sis­simavai?

⁵ Guuti kangiani qiterlermi naatsiivis­sualiorsimavoq Edenimik taaneqar­tumik. Taava ’inuk naatsiivim­mut Edenimut pisis­simavaa taas­sumun­nga naggoris­saq­qul­lugu paareq­qul­lugulu’. Naatsiivis­suaq paratiisiusimavoq inuit siul­liit nerisas­sanik pisariaqar­titaan­nik tamanik ulik­kaar­toq. Naasor­pas­suit uumasor­pas­suil­lu soqutiginar­tut saniatigut ’or­peqarsimavoq tamalaanik takoran­nersunik nerif­figiuminar­tunil­lu’. — 1 Moses 2:7-9, 15.

6. Inuk timik­kut sianis­sutsik­kul­lu sunik pigin­naas­susiligaava?

⁶ Inuit siul­liit timik­kut naam­mal­luin­narlutik pin­ngor­titaap­put naparsimalersus­saanatik, utoq­qaliar­tor­tus­saanatik toqusus­saanatil­luun­niit. Aam­ma sianis­sutsik­kut pigin­naaniligaap­put, ilaatigut nam­mineq qinersisin­naas­sutsimik. Mosesimik al­lak­kat siul­liit 1:27-mi ima al­las­simavoq: „Guutip inuk pin­ngor­tip­paa im­minik as­silil­luni; im­minik as­silil­luni pin­ngor­tip­paa. Pin­ngor­tip­pai tas­saatil­lugit angut ar­narlu.“ Guuti as­silil­lugu pin­ngor­titaaner­put isumaqaan­nan­ngilaq timik­kut sianis­sutsik­kul­lu pigin­naaneqar­tugut, aam­mali ileq­qus­satigut anersaak­kul­lu pisariaqar­titaqar­tugut pil­luarluarsin­naas­sagut­ta matus­sutis­sin­neqar­tariaqar­tunik. Pisariaqar­titat tamak­ku Guutip isumagiumavai, soorlu silaan­narmik, imermik inuus­sutis­sanil­lu pisariaqar­titavut matus­sutis­sit­tarai. Soorlu Jesus oqarsimasoq ’timiusaan­naq inuup inuus­sutigis­san­ngik­kaa, oqaaserli sunaluun­niit Guutip qar­nanit anisoq inuus­sutigis­sagaa’. — Matîuse 4:4.

7. Inuit aap­pariit siul­liit sumik sulias­sin­neqar­pat?

⁷ Tamatuma saniatigut Guutip inuit siul­liiit Edenimiin­neran­ni sulias­samik nuan­nersumik sulias­sis­simavai: „Kinguaas­siorlusi amerliar­toritsi  nuna tamak­kerlugu.“ (1 Moses 1:28) Aap, amerliar­torsin­naas­suseqar­put naam­mal­luin­nar­tunil­lu meeq­qiorsin­naal­lutik. Amerliar­tor­til­lutil­lu Edenimi naatsiivis­suaq paratiiser­palaar­toq nuan­naarutigalugu al­liar­tuaar­tis­sin­naas­savaat. Taava naggataatigut nunarsuaq tamarmi paratiisin­ngus­saaq, naam­mal­luin­nar­tunik pil­luar­tunil­lu naas­saan­ngitsumik inuusin­naasunik inulik. Biibilimi oqaatigineqar­poq Guutip tamak­ku tamaasa aal­lar­nereeramigit ’pin­ngor­titani tamaasa isigisimagai ilumul­lugooq ajun­ngingaar­put’. — 1 Moses 1:31; aam­ma takuuk Tus­siaat 118:17.

8. Inuit qanoq nunarsuaq isumagisus­saasimavaat?

⁸ Erseq­qip­poq inuit nunarsuaq naalagaaf­figisar­tik nam­min­neq iluaqutis­samin­nut ator­tus­saagaat. Taamaalior­tus­saap­pul­li akisus­saas­suseqar­tumik. Nunarsuaq nak­kutigisus­saavaat pis­sarsiorfis­sai ataq­qil­lugit, aseror­ter­nagit. Nunarsuarmik aseror­terineq ul­lumik­kut takusin­naasar­put Guutip piumasaanut akerliuvoq, taamaalil­lutil­lu nunarsuarmik ingasaas­sil­lutik pis­sarsiorfigin­nit­tut nunarsuarmi inuunermik siuner­tarineqar­tup akerlianik ilior­put. Pil­laatisias­sar­tik pisariaqas­savaat, Biibilimimi oqaatigineqar­poq Guutip ’nunamik aseruisut aserus­sagai’. — sarĸúmersitat 11:18.

Suli Guutip siunertaraa

9. Sooq Guutip siuner­taa naam­mas­sineqarumaar­toq tatigisin­naavar­put?

⁹ Tas­sa aal­laq­qaataaniil­li Guutip siuner­tarisimavaa inuiaat naam­mal­luin­nar­tut nunarsuarmi paratiisiusumi naas­saan­ngitsumik inuus­sasut. Taman­nalu suli siuner­taraa! Siuner­taq taman­na qularutis­saan­ngil­luin­nar­tumik naam­mas­sineqas­saaq. Biibilimi al­las­simavoq: „Katersaarsuit Naagalaat [Jehova] up­per­narsaavoq oqarluni: ’Ilumut eq­qarsaatik­ka eq­qorlugit pisoqas­saaq, pilersaarutik­kalu pin­ngitsoor­natik naam­mas­sineqas­sap­put.’“ „Oqatsiaan­naruma taamaalisis­savara, eq­qarsatsiaan­naruma pilersaarutiga naam­mas­sis­savara.“ — Jesaja 14:24; 46:11.

10, 11. Jesusip, Peterip tus­siaasior­tul­lu Davidip Paratiisi qanoq eq­qar­torsimavaat?

¹⁰ Jesusip paratiisi Guutip nunarsuarmi pilerseq­qitas­saa eq­qaasimavaa taamani angum­mut siunis­sami neriuuteqarusut­tumut ima oqarami: ’Paratiisimeeqatigiumaar­pak­kit.’ (Lúkarse 23:43) Aam­ma apustilip Paulusip silarsuas­saq nutaaq eq­qar­torsimavaa ima siulit­tuigami: ’Un­nersuutaali  [Guutip] naaper­torlugu ilimagisaqar­pugut qilas­sanik nutaanik nunas­samil­lu nutaamik iluarsuseqarfis­sanik.’ — 2 Pîtruse 3:13.

¹¹ Taamatut­taaq tus­siaasior­tup Davidip silarsuas­saq nutaaq qanorlu sivisutigisumik atanis­saa al­laatigisimavai ima siulit­tuil­luni: „Iluar­tut nuna kingor­nutis­savaat najugaqas­sal­lutil­lu tas­sani naas­saan­ngitsus­samut.“ (Tus­siaat 37:29) Taamaat­tuminguna Jesus ima neriorsuisin­naasimasoq: ’Pil­luar­put qanilaar­tut, nuna pigis­sagamik­ku.’ — Matîuse 5:5.

12, 13. Guutip inun­nik siuner­taa naatsumik oqaatigalugu suua?

¹² Eq­qarsaatigeriaruk siunis­saq qanoq nuan­nerunar­tigisoq: Naas­saan­ngitsumik inuusin­naal­luni nunarsuarmi paratiisiusumi, ajor­toqaranilu pinerlut­toqaranilu nap­parsimasoqaranilu aliasut­toqaranilu an­niar­toqan­ngitsumi! Biibilip atuagar­taasa kingul­lersaan­ni Guutip oqaasiisa siulit­tuutaasut siuner­taq nuan­ningaar­toq taman­na ataatsimut eqik­karlugu nalunaarutigaat ima: ’[Guutip] qul­liit tamaasa isaan­nit al­lar­terumaar­pai, toqulu peqarun­naas­savoq, aliasut­toqarun­naarlunilu nil­liasoqarun­naarlunilu an­niar­toqarun­naas­savoq, siul­liit peermata.’ Nangil­luni al­las­simavoq: ’Is­siavis­saarsuarmi is­siasoq oqar­poq: „Ata, suut tamaasa nutaan­ngor­tip­pak­ka.“ Uan­nul­lu oqar­poq: „Al­lagit, oqaatsit tamak­ku sal­lusuil­lutil­lu ilumoormata.“’ — sarĸúmersitat 21:4, 5.

¹³ Aap, Guuti nuan­ningaar­tumik siuner­taqar­poq. Pilersin­neqas­saaq silarsuaq nutaaq naaper­tuil­luas­suseqarfiusoq, naas­saan­ngitsumik paratiisiusus­saq, neriorsuutigisaminik naam­mas­sin­nis­sin­naal­lunilu naam­mas­sin­nik­kumaar­tumit siulit­tuutigineqarsimasoq, taas­sumami oqaasii ’sal­lusuil­lutil­lu ilumoor­put’.

[Atuaqqissaarnermi apeqqutit]

[Qupp. 20, 21-mi assiliartat]

Inuit nunarsuarmi paratiisiusumi naas­saan­ngitsumik inuunis­saat Guutip siuner­tarisimavaa. Taman­na suli siuner­taraa

[Qupp. 22-mi assiliartaq]

Il­lumik pigin­nit­tup at­tar­tor­tut il­lumik paarinerluisut akisus­saanis­saat piumasarisin­naavaa