Kristumiuuneraqatigiit Guuti Biibililu killuutigisimavaat
4
Kristumiuuneraqatigiit Guuti Biibililu killuutigisimavaat
1, 2. Sooq inuit ilaasa Biibili isiginerlulersimavaat, Biibilili qanoq oqarpa?
1 Inuit nunarsuarmi sumi tamaaniittut Biibili orniginagulu isiginerluppaat tamatuminnga maleruaanerartut qanoq pissusilersorneri takusaramikkik. Nunat ilaanni oqartoqartarpoq Biibili sorsunnissamik kaammattuisuusoq, qaqortumik amillit kisimik atuagarigaat atuagaasorlu nunasiaateqarnermik tapersersuisoq. Isummalli tamakku eqqunngillat.
2 Biibili kangiani qiterlermi allanneqarsimavoq, kristumiussutsillu aqqani nunasiaatilerngusaalluni sorsuuttarsimanerit piumatuumillu atornerluiuarsimanerit tapersersunngilai. Biibilili atuaraanni kristumiullu ajoqersuutaat ilumoortoq Jesusip saqqummiussimasaa misissoraanni paasinarpoq Biibilip sorsunneq, kanngunartuliorneq inoqatinillu atornerluineq sakkortunerpaamik avoqqaarigai. Kukkuneq Biibilimiinngilaq, inunniipporli piumatuuni. (1 Korintumiut 13:1-6; Jâko 4:1-3; 5:1-6; 1 Juánase 4:7, 8) Taamaattumik illit inuit namminissarsiortut Biibilip siunnersuutaanut akerliusumik inuusut Biibilimik iluaqutiginninnissannut akornutigeqinagit.
3. Oqaluttuarisaaneq kristumiuuneraqatigiit pillugit qanoq takutitsiva?
3 Inuit kristumiuuneraqatigiit akornanniittut Biibili malinnagu inuusunut ilaapput. „Kristumiuuneraqatigiit“-nik oqarnermi isumagineqartoq tassa silarsuup ilaa kristumiussutsimik ajoqersuutit siammarsimaffigisaat, ingammik silarsuaq killiunerusoq ukiut hundredellit sisamassaasa
u.n.k. nalaanni sallersaalluni ilageeqarnikkut aaqqissuussaalersimasoq. Kristumiuuneraqatigiit ukiuni hundredelikkuutaani Biibili pigisimavaat, palasiilu Biibilip ajoqersuutaanik saqqummiussinerartarput Guutimullu sinniisuunerarlutik. Kristumiuuneraqatigiilli palasiisa ajoqersuiartortitaasalu sallusuissut saqqummiuppaat? Iliuusii ilumut Guutimut Biibilimullu naapertuuppat? Kristumiussuseq kristumiuuneraqatigiinni siammarsimava? Akissut naaggaavoq. Kristumiuuneraqatigiit ukiut hundredellit sisamassaanni nuimanersanngoramilli takutittuartarsimavaat Guutimut Biibilimullu akeraallutik. Aap, oqaluttuarisaanermi pisimasutigut erserpoq kristumiuuneraqatigiit Guuti Biibililu killuutigisimagaat.Ajoqersuutit Biibilimik tunngaveqanngitsut
4, 5. Ajoqersuutit Biibilimik tunngaveqanngitsut suut kristumiuuneraqatigiit saqqummiuttarpaat?
4 Kristumiuuneraqatigiit ajoqersuutaat tunngaviusut Biibilimik tunngaveqaratik oqaluttualiatoqqanik — Grækenlandimeersunik, Egyptenimeersunik Babylonimeersunik nunanillu allaneersunik — tunngaveqarput. Ajoqersuutit soorlu inuk tarneqartoq toqusuitsumik, naassaanngitsumik anniartitsiveqartoq ikualasumik, inneqartoq eqqiarfimmik aamma ataasiullunilu pingasuussuseqartoq (kinaassusillit pingasut Guutimi ataatsimi) tamarmik Biibilimi nassaassaanngillat.
5 Assersuutigalugu taariartigu inuit ajortut anniarfimmi ikualasumi naassaanngitsumik anniartitaanissaannik ajoqersuut. Illit tamanna qanoq isumaqarfigaajuk? Inuppassuit akueriuminaatsippaat. Paasisinnaanngilaat sooq Guutip inuit taama naakkittaatsigisumik anniartinniassagai naalliutsillugillu naassaanngitsumik. Eqqarsaammi diaavulorpaluttoq tamanna Guutip pissusiatut Biibilip eqqartugaanut, ’Guutip asassutaaneranut’, akerliuvoq. (1 Juánase 4:8) Aammami Biibilimi nassuitsumik oqaatigineqarpoq ajoqersuut taama ittoq Guutip ajugaqanngitsup ’eqqarsaatigisimanngikkaaluunniit’. — Jeremia 7:31; 19:5; 32:35.
6. Tarnermik toqujuitsumik ajoqersuut Biibilimi qanoq assortorneqarpa?
6 Ullumikkut upperisarsiornerit ilarpassuisa, aamma kristumiuuneraqatigiit ilagiissaasa, ajoqersuutigaat inuit toqujuitsumik tarneqartut toqunermi qilammut anniarfimmulluunniit ingerlaqqittartumik. Ajoqersuut tamanna Biibilimik tunngaveqanngilaq. Biibilimili erseqqissumik ima allassimavoq: „Uumassuseqartut nalunngilaat toqusussaagamik, toqungasulli sunnguamilluunniit ilisimasaqanngillat. . . . Toqusut inaanni ornikkanni suliassaqanngi[laq] pilersaarusiorfissaqaraniluunniit, ilisimasassanillu ilisimassummilluunniit pissarsiassaqarani.“ (Nalunaajaasup oqaasii 9:5, 10) Tussiaasiortorlu oqarpoq inuk toquguni ’kingumut issunngussasoq, pilersaarutaalu ulloq taanna maangaannassasut’. — Tussiaat 146:4.
7. Adam Evalu Guutip inatsisaa unioqqutikkamikku sumik pillaatisippat?
7 Eqqaamajuttaaq Adamip Evallu Guutip inatsisai unioqqutikkamikkik pillaatisiaat tassaanngitsoq 1 Moses 3:19) Taamaattumik tarneq toqujuitsoq Biibilimi ajoqersuutigineqanngilaq, inuiannilli kristumiuunngitsunit kristumiuuneraqatigiit siornagut inuusimasunit ’tillitaalluni’.
toqujuissuseq. Taamaakkaluarpammi pillaatisiaanavianngilaq, tassaassallunili akissarsiaq! Aap, paasitinneqarput ’issunngoqqissasut issumit pigamik’. Guutip Adam ima erseqqissaaffigisimavaa: „Issumimmi pivutit, issunngussaatillu.“ (8. Kristumiuuneraqatigiit ataasiullunilu pingasuussutsimik ajoqersuutaat Biibilimi qanoq assortorneqarpa?
8 Aamma kristumiuuneraqatigiit ataasiullunilu pingasuussutsimik ajoqersuuteqarput, Guutigooq ataasiullunilu pingasuusoq. Ajoqersuut aamma taanna Biibilimi nassaassaanngilaq. Jesaja 40:25-mi Guuti erseqqissumik ima oqarpoq: „Kina uannut assersuunniarpisiuk uanga naligisattut?“ Akissut soorunami imaappoq: Kialuunniit Guuti naligisinnaanngilaa. Tussiaat 83:18-imi allassimavoq: „Illit kisivit — aqqit tassaasoq [Jehova] — qutsinnerussaartutit nunarsuarmi tamarmi.“ — Takukkittaaq Jesaja 45:5; 46:9; Juánase 5:19; 6:38; 7:16.
9. Biibilip ajoqersuutaa aamma kristumiuuneraqatigiit ajoqersuutaat qanoq oqaatigineqarsinnaappat?
9 Biibilip Guuti taassumalu siunertai pillugit ajoqersuutai erseqqillutillu paasiuminarlutillu sianisuujupput. Kristumiuuneraqatigiit ajoqersuutaat taama oqaatigineqarsinnaanngillat. Aammami allaat Biibilimut akerliupput.
Guutiitsutut iliuutsit
10, 11. Biibilip ajoqersuutaa kristumiuuneraqatigiit ilagiivisa ajoqersuutaannut qanoq akerliua?
10 Eqqunngitsunik ajoqersuuteqarnermik saniatigut kristumiuuneraqatigiit iliuutsimikkut Guuti Biibililu killuutigisimavaat. Palasit ilagiissaasalu ukiuni hundredelikkuutaani ingerlareersimasuni iliuuserisimasaat — nalitsinnilu iliuuseriuagaat — Guutip Biibilillu piumasaannut, kristumiussutsillu tunngaviliisuata Jesus Kristusip oqaaserisimasaanut iliuuserisimasaanullu, akerliulluinnarput.
11 Jesusip ajoqersukkani ilaatigut ajoqersorsimavai silarsuarmi politikkimut akuliutissanngitsut sorsunnernullu peqataasassanngitsut. Aamma ajoqersorsimavai eqqissinermik nuannarisaqartuullutillu inatsisinut naalattuussasut, inoqatitillu paqumisunnatik asassagaat, ima atsigisumik inuarnissamut taarsiullugu allaat namminneq inuunermik pilliutiginissaanut piumassuseqarlutik. — Juánase 15:13; apustilit suliait 10:34, 35; 1 Juánase 4:20, 21.
12. Jesusip kristumiut ilumoortut sumik ilisarnaateqassanerarsimavai?
12 Allaat Jesus oqarsimavoq inunnut allanut asanninneq kristumiut ilumoortut kristumiunit ilumuunngitsunit, ilumoortuusaarniartunit, allaanerussutigissagaat. Imminik malinnittut ima oqarfigisimavai: ’Inassummik nutaamik tunivassi, asaqatigeeqqullusi; soorlu uanga asagissi, taamattaaq ilissi asaqatigiissaasi. Matumannga tamarmik ilisarissavaasi ajoqersugarigissi: asaqatigiikkussi.’ Juánase 13:34, 35; 15:12.
13, 14. Sukkut takuneqarsinnaava kristumiuuneraqatigiit ilagiivi Guutimut sinniisuunngitsut?
13 Taamaakkaluartoq kristumiuuneraqatigiit palasii ukiut hundredelikkuutaat ingerlaneranni politikkimut akuliusimajuarsimapput sorsuttoqarneranilu 1 Juánase 3:10-12, 15) Tassa palasit taakkualu palaseqarfianni innuttaasut kristumiuuneraraluarlutik Jesusip ajoqersukkaminut ’panamik inaanut mangussinissamik’ ajoqersuutaanut akerliulluinnartumik iliorsimapput. — Matîuse 26:51, 52.
nunaminnut tapersersuisarlutik. Allaat nunat kristumiuuneraqatigeeqartut akornanni sorsunnerni illua’tungeriinnik tapersersuisarsimapput, soorlu sorsunnersuarni marlunni ukiuni hundredelinni makkunani pisimasuni. Akersuunnerni tamakkunani palasit illua’tungeriinni tamaniittut ajugaanissamik qinnussisarsimapput, ’uppeqatigiillu’ nunani akerariittuniittut imminnut toqoraattarsimapput. Taamaaliortulli Biibili naapertorlugu tassaapput Diaavulup qitornai, tassaanatik Guutip qitornai. (14 Ukiuni hundredelikkuutaani oqaluffiit politikkikkut pissaanilinnik qanimut suleqateqarsimapput, nunat kristumiuuneraqatigiillit nunasiaateqarnerup nalaani inuiannik allanik tiguaallutillu naqisimannillutillu nikanarsaasartillugit. Afrikami sivisuumik taamaassimavoq. Aamma Kinap tamanna misigisimavaa, taamani naalagaaffiit killiit pissaaneq atorlugu sunniiniartalermata, soorlu 1800-kkunni Kinami opium pillugu sorsunnerit allamiunillu uumissuilluni pikitsitsisarnerit nalaanni.
15. Kristumiuuneraqatigiit sunik suliapiloqarsimappat?
15 Aamma ukiuni akullerni kristumiuuneraqatigiit ilagiivi imminnik isumaqatiginninngitsunik qinuginninnissamut, naalliutsitsinissamut allaallu toqutsinissamut tunuarsimaarsimanngillat. Allanik upperisalinnik killisiuisarnerup nalaani, ukiunik hundredelinnik arlalinnik sivisussuseqartumi, iliuutsit diaavulorpalaartut soorlu naalliutsitsineq inuartarinninnerlu inunnut pisuussuteqanngitsunut assuarnaatsunullu iliuusaasarsimapput. Taamatut suliapilullit tassaasarsimapput palasit palaseqarfiinilu innuttaasut, tamarmik kristumiuunerartut. Taakku allaat Biibili nunguteriaraluarsimavaat inuinnarnit atuarneqarsinnaaleqqunngikkaluarlugu.
Kristumiuunngitsut
16, 17. Sooq oqartoqarsinnaava ilagiit oqaluffeqarfillit kristumiuunngitsut?
16 Aap, kristumiuuneraqatigiit nunaat ilagiivilu kristumiuusimanatillu kristumiuunngillat. Guutip kiffarinngilai. Guutip oqaasii isumassarsiarititaasut inuit taamaattut pillugit imaapput: ’Guuti ilisaralugu oqartarput, suliamikkulli miserratigisarpaat maajunnarlutik naalanngitsuullutillu ajunngitsulianullu tamanut atunngitsuullutik.’ — Títuse 1:16.
17 Jesusip nassuiaatigisimavaa upperisarsiornerit ilumuunngitsut pilersitamikkut, inerititamikkut, ilisarineqarsinnaassasut, ima oqarluni: ’Pruffiitioqqusersunut misissoritsi; taakkua savatut atisaqarlutik ornittarpaasi, ilumikkulli amaruupput kiisortut. Inerititaannit ilisarissavasi. . . . Taama orpik ajunngitsoq nungullugit ajunngitsunik inerititaqartarpoq, orpilli ajortoq ajortunik inerititaqartarpoq. Orpik ajunngitsoq ajortunik inerititaqarsinnaanngilaq, orpillu ajortoq ajunngitsunik inerititaqarsinnaanngilaq. Orpiit ajunngitsunik inerititaqanngitsut tamaasa kipissavaat innermullu igillugit. Taamaattumik inerititaannit ilisarissavasi.’ — Matîuse 7:15-20.
18. Kristumiuuneraqatigiit ajoqersuutaat pissusilersornerilu qanoq kinguneqarsimappat?
18 Tassa kristumiuuneraqatigiit ilagiivisa saqqummiussamikkut pissusilersornermikkullu ersersissimavaat sallullutik Biibili upperineraramikku Guutimillu mianerinnittuuneraramik kristumiuunerarlutillu. Guuti Biibililu killuutigisimavaat. Taamaalillutik inunnut millionikkuutaanut iluarinanngitsunngorsimapput Guutimullu ajugaqanngitsumut uppernissamut assortuisitsilersimallutik.
19. Kristumiuuneraqatigiit pakatsisitsisimammata imaappa aamma Guuti Biibililu pakatsisitsisimasut?
19 Palasit ilagiillu taakkununnga atasut pakatsisitsisimammata, aammalu upperisarsiornerit allat kristumiuuneraqatigiit avataanniittut pakatsisitsisimammata, imaanngilaq Bibili pakatsisitsisimasoq. Aamma imaanngilaq Guuti pakatsisitsisimasoq. Biibilimili oqaluttuarineqarpoq Guuteqartoq, aammalu taanna uagutsinnik siunissatsinnillu soqutiginnittoq. Aamma ersersinneqarpoq inuit unneqqarissut eqqortumik iliorusuttut, nunarsuarmi eqqissineqarnissaanik naapertuilluarneqalernissaanillu kissaatigisaqartut, qanoq ililluni Guutip akilerumaarai. Ersersinneqarportaaq sooq Guutip ajussuseq naalliuutillu ilaginnarallarsimagai qanorlu ililluni inoqatiminnik ajoqusiisartut, ilaatigut imminut kiffaanatik kiffaanerartut, nunarsuarmit peerutitissagai.
[Atuaqqissaarnermi apeqqutit]
[Qupp. 17-mi assiliartaq]
„Inferno“ Dantep allaatigisimasaa
[Suminngaanneernera]
Dantep atuakkiaanut „Isiginnaartitsineq Guutimit pisoq“-mut Dóresip assilialiaasa ilaat
[Qupp. 17-mi assiliartaq]
Kristumiuuneraqatigiit ataasiullunilu pingasuussusiutaat
[Qupp. 17-mi assiliartaq]
Hindusiortut pingasuussusiutaat
[Suminngaanneernera]
The British Museumip akuersaarluarneratigut
[Qupp. 17-mi assiliartaq]
Egyptenimiut pingasuussusiutaat
[Suminngaanneernera]
Museo Egizio, Torino
[Qupp. 18-mi assiliartat]
Jesusip ajoqersuutaanut akerliusumik iliorlutik palasit sorsuuttunik illua’tungeriinnik tapersersuisarsimapput
[Suminngaanneernera]
Foto: U.S. Army