8

Nunarsuarmi paratiisusumi inuuneq naassaanngitsoq

1, 2. Guutip naalagaaf­fiata naalak­kersuinerata ataani inuul­luni qanoq is­sava?

¹ Guutip nunarsuarmi ajus­suseq naal­liuutil­lu peer­pagit silarsuas­sanilu nutaaq naalagaaf­fim­mi qilam­miit­tup asan­nit­tumik naalak­kersuinerata ataani pilersip­pagu inuul­luni qanormitaava is­sava? Guuti Biibilimi neriorsuisimavoq ’as­sani am­marumaarlugit pin­ngor­tital­lu tamaasa ajun­ngitsuutiminik qaarsil­lar­tit­tarumaarlugit’. — Tus­siaat 145:16.

² Il­lit sunik kis­saateqar­pit? Pil­luarluni inuuneq, isumalim­mik suliaqar­neq, timik­kut atugaris­saar­neq, alianaatsumik avatangiiseqar­neq, inuit akor­nan­ni eq­qis­sineqar­neq kiisalu naaper­tuil­luan­ngis­sutsimit, nap­paatinit naal­liutinit toqumil­lu aniguisitaaneq kis­saatigis­sagaluar­pigit? Nuan­naar­tumim­mi isigin­nit­taaseqar­neq anersaak­kul­lu paasisimasaqarluar­neq? Tamak­ku tamarmik Guutip naalagaaf­fiata aqutsinerani qanit­tuk­kut piviusun­ngus­sap­put. Malugeriaruk silarsuas­sami nutaami pil­luaq­qus­sutis­sat nuan­ningaar­tut qanoq Biibilimi siulit­tuutigineqar­tut.

Inuit akornanni eqqissineq

3-6. Silarsuas­sami nutaami inuit akor­nan­ni eq­qis­sineqarumaar­neranik qanoq neriorsoq­qis­saar­neqar­pugut?

³ „Nunarsuarmi tamarmi sorsun­nerit [Jehovap] soraarsik­kumaar­pai, pisis­sit nal­lorumaar­pai qalugiusal­lu aseror­terlugit, qamus­suit sorsuutit ikik­karumaar­pai.“ — Tus­siaat 46:10.

⁴ „Saf­fius­savaat panatik as­sal­latserum­mut savis­saliaralugit, qalugiusatil­lu saviliaralugit viin­nequtileris­sutit; inuiaat panamik im­min­nut silugutis­saas­saap­put, sak­kunik atuinis­samut sungiusarun­naas­sal­lutik.“ — Jesaja 2:4.

⁵ „Qanilaar­tut nuna kingor­nutis­savaat, pil­luangaarlutil­lu inuus­sap­put.“ — Tus­siaat 37:11.

⁶ „Nunamiut tamarmik eq­qis­sip­put uneril­lutil­lu, tipaatsun­nermil­lu nipitik anip­paat.“ — Jesaja 14:7.

Inuit uumasullu akornanni eqqissineq

7, 8. Inuit uumasul­lu akor­nan­ni pis­sutsit qanoq ilis­sap­pat?

⁷ „Amaq­qup najus­savaa savaaraq, milakulaal­lu savaasaaraq aqupeqatigis­savaa. Us­siup piaraa løvel­lu piaraa mangiaqatigiis­sap­put, nukap­piaran­nguul­lu paariumaar­pai. Us­sik ar­naviaq nanorlu ikin­ngutigiis­sap­put, piaraat aqupisimaqatigiis­sap­put, løverlu ivigar­torumaar­poq us­sit­tut. Naalungiaq pin­nguas­saaq pulateriaarsuup inaata kil­lingani, milus­saar­tul­lu as­sani isatsik­kumaar­paa pulateriaarsuup toqunar­tul­lip piaq­qif­fianut. Ajor­tumik ilior­toqaranilu ajoqusiisoqas­san­ngilaq.“ — Jesaja 11:6-9.

⁸ „Ul­lormi is­sumani anger­tik­kumaar­pak­ka nersutit nujuar­tat, tim­mis­sat qilaap ataaniit­tut nunamilu paarmor­tut, . . . eq­qis­sinar­tumil­lu najugaqar­tis­savak­ka.“ — Hosea 2:20.

Peqqilluinnarneq, inuuneq naassaanngitsoq

9-14. Silarsuas­sami nutaami inuit peq­qis­sutsik­kut qanoq is­sap­pat?

⁹ „Taava tap­piitsut isaat uisitaas­sap­put, tusilar­tut siutaat am­mar­neqas­sap­put. Tusiat­toq tut­tutut pis­sigarumaar­poq, oqajuitsuugaluaq qiim­mat­tarluni ap­pik­kumaar­poq.“ — Jesaja 35:5, 6.

¹⁰ ’Qul­liil­lu tamaasa isaan­nit [Guutip] al­lar­terumaar­pai, toqulu peqarun­naas­savoq, aliasut­toqarun­naarlunilu nil­liasoqarun­naarlunilu an­niar­toqarun­naas­savoq.’ — sarĸúmersitat 21:4.

¹¹ „Nunatsin­ni ima oqar­toqas­san­ngilaq: ’Nap­parsimavunga!’“ — Jesaja 33:24.

¹² „Taava timaa inuusuk­kal­lar­neranisut nukit­torumaar­poq inuusun­nermi ul­luinisut ileq­qil­luni.“ — Job 33:25.

¹³ ’Guutip saam­maan­nermit tunis­sutaa tas­sa inuuneq naas­saan­ngitsoq Kristus Jesusimi Naalak­katsin­ni.’ — Rûmamiut 6:23.

¹⁴ ’Silamium­mi Guutip ima asatigai er­nitui tun­niul­lugu kinaluun­niit taas­sumun­nga up­per­toq tam­maq­qunagu, naas­saan­ngitsumil­li inuus­suteqaq­qul­lugu.’ — Juánase 3:16.

 Toqusimasut inuunermut utissapput

15-17. Toqusimasut qanoq neriuutis­saqar­pat?

¹⁵ ’Toqusut makik­kumaar­put, iluar­tul­lu iluaatsul­lu.’ — apustilit suliait 24:15.

¹⁶ ’Taava iliver­niit­tut [Guutip eq­qaamasaaniit­tut] tamarmik taas­suma nipaa tusarumaar­paat; anil­lutil­lu makis­sap­put.’ — Juánase 5:28, 29.

¹⁷ ’Im­mal­lu toqusut im­miniit­tut tun­niup­pai, toqul­lu toqusul­lu inaata toqusut im­min­niit­tut tun­niup­paat.’ — sarĸúmersitat 20:13.

Nunarsuaq paratiisiusoq naggorissoq

18-22. Nunarsuaq tamarmi sun­ngor­tin­neqas­sava?

¹⁸ „Pif­fis­saq eq­qorlugu sial­lersitsisas­saanga, sial­lersitsisar­neralu taak­kunun­nga pil­luaataasas­saaq. Narsap or­pii inerititaqar­tis­savak­ka nunalu naatitaqar­til­lugu. Eq­qis­sisimal­lutik nunamin­ni najugaqas­sap­put.“ — Hesekiel 34:26, 27.

¹⁹ „Nunap naatitas­sani naatip­pai; pil­luaq­qutigut, Guuter­put.“ — Tus­siaat 67:7.

²⁰ „Inoqajuitsoq naggorlut­torlu tipaatsus­sap­put. Nuna naasuitsoq qiim­mat­tas­saaq naasunil­lunilu.“ — Jesaja 35:1.

²¹ „Siunis­sin­ni qaq­qat qat­tor­nil­lu nuan­naarlutik suaar­tas­sap­put, narsap or­pii tamarmik ersaar­tas­sap­put. Or­pik­kanut kapinar­tulin­nut taarsiul­lutik naas­sap­put cypresit, kakil­lar­naqutinul­lu taarsiul­lutik myr­tet. — Jesaja 55:12, 13.

²² ’Paratiisimeeqatigiumaar­pak­kit.’ — Lúkarse 23:43.

Tamanut inissaqarniarneq pitsaasoq

23, 24. Kik­kut tamarmik inis­saqar­niar­nik­kut atugaris­saar­nis­saat pil­lugu qanoq neriorsoq­qis­saar­neqar­pugut?

²³ „Il­luliorumaar­put nam­min­neq inigisas­samin­nik . . . Il­lulius­san­ngil­lat al­lamiut inis­saan­nik ik­kus­suis­sanatil­lu takor­nar­tat nerisas­saan­nik . . . qinik­kamalu neris­sam­matigit nam­min­neq suliamik inerititaat. Sulilus­sin­nas­san­ngil­lat qitor­nius­sanatil­lu tas­san­ngaan­naq toqusus­sanik.“ — Jesaja 65:21-23.

²⁴ „Tamarmik eq­qis­sil­lutik inuus­sap­put viin­nequtaatimik or­piutimil­lu figenil­lit ataan­ni kimil­luun­niit an­nilaar­tin­neqaratik.“ — Mika 4:4.

Paratiisimi naassaanngitsumik inuusinnaavutit

25. Qanoq nuan­nersumik siunis­saqar­pugut?

²⁵ Siunis­saq nuan­nerunaq ilaa? Ul­lumik­kut ajor­nar­torsiutit Guutip silarsuas­saani nutaami naas­saan­ngitsus­samut aaq­qil­luin­nar­neqar­nis­saat qularutiginagu inuugaan­ni ilumut inuuneq siuner­taqarluin­nas­saaq. „Pereersut eq­qaamaneerutis­sap­put eq­qaaq­qin­neqar­natil­lu.“ (Jesaja 65:17) Aam­malu taamanik­kus­samut inuuneq naas­saan­ngitsuujumaar­toq paasil­lugu tup­pal­ler­naqaaq: „[Guutip] toqu nungutis­savaa piujun­naarsivil­lugu.“ — Jesaja 25:8.

26. Guutip silarsuas­saani nutaami qanoq ilil­luni inuulersoqarsin­naava?

²⁶ Silarsuas­sap nutaap paratiisiani qanit­tuk­kut atuutilersus­sami naas­saan­ngitsumik inoorusup­pit? Im­maqa aperiumas­saatit Guutip silarsuaq man­na naggaser­pagu akuerisaajumaguit, silarsuas­saanilu nutaamik inuusin­naajumaguit, qanoq ilior­tariaqar­tutit. Jesus Guutimut qinunermini ima oqarsimavoq: ’Tas­saavoq inuuneq naas­saan­ngitsoq: il­lit ilisaralutit kisivit ilumut Guutiusutit, aal­lar­tital­lu Jesus Kristus ilisaralugu.’ — Juánase 17:3.

27. Guutip siuner­tani naam­mas­sip­pagu ilaajumaguit qanoq ilior­tariaqar­pit?

²⁷ Taamaat­tumik biibilimik pis­sarsigit, paasiniarlugulu atuagas­siaaq­qami matumani al­las­simasut ilumoor­nersut. Biibilimik atuaq­qis­saar­tar­tut al­lat tamatumalu ajoqersuutaanik saq­qum­mius­sisar­tut ujak­kit. Up­perisarsior­nerit ilumoor­tuusaar­tut Biibilimut akerliusunik ajoqersuuteqarlutil­lu inooriaaseqar­tut at­taveqarfigiun­naak­kit. Ilin­niaruk qanoq ilil­lutit il­lit, al­lat mil­lionilik­kuutaat Guutip piumasaanik iliulereersimasut ilagalugit, Guuti aalajangersimanermisut inun­nik nunarsuarmi paratiisiusumi naas­saan­ngitsumik inuutitsiler­pat peqataasus­san­ngorsin­naanerlutit. Eq­qaamajul­lu Guuti oqaatsimini isumas­sarsiarititaasumi siunis­saq qanit­toq pil­lugu qanoq siulit­tuisimasoq: ’Silarsuaq pilerinar­tuilu nungujar­tor­put; Guutil­li peq­qusaanik naam­mas­sin­nit­toq naas­saan­ngitsumik atas­savoq.’ — 1 Juánase 2:17.

[Atuaqqissaarnermi apeqqutit]

 [Qupp. 31-mi assiliartaq]

Guutip aalajangereersimanermisut Paratiisi nunarsuarmi er­niin­naq pilerseq­qis­savaa