Isumatsas­simasunut tuppaller­saatissaq

’Pin­ngor­titat tamarmik suli tamas­sa anersaameqatigiil­lutik erloqeqatigiip­put.’ (Rûmamiut 8:22) Taman­na ukiut 1900-t sin­nerlugit matuma sior­na al­lan­neqarmat inuiaat naal­liuutaat an­ner­tusimaqaat. Inup­pas­suaqarsimavoq isumatsas­simasunik. Taamaat­tumik kristumiut ima kajumis­saar­neqarsimap­put: ’Nikal­lor­tut tup­pal­lersarsigik.’ — 1 Tásalûníkamiut 5:14.

Ul­lumik­kut an­nikil­liuutit suli amerlanerungaar­put, aatsaal­lu taama isumatsas­simasoqar­tigaluni. Taman­nali tupaal­laatigisariaqar­par­put? Naamik, Biibilimi naaper­torlugu ul­lut inuuf­figisavut tas­saap­put ’ul­lut kingul­liit, ajor­nar­tut’. (2 Timûtiuse 3:1-5) Jesus Kristus siulit­tuisimavoq ul­luni kingul­ler­ni Jesus Kristus siulit­tuisimavoq ul­luni kingul­ler­ni ’ersinar­tor­suit piumaartut’. — Lúkarse 21:7-11; Matîuse 24:3-14.

Inuit sivisuumik an­nilaangal­lutil­lu ersil­lutil­lu aliasul­lutil­lu as­sigisaan­nil­luun­niit misigigaangamik amerlasuutigut isumatsas­simalersar­put. Asasamik toqusoqar­neq, avin­neq, sulif­feerun­neq imaluun­niit nap­paat katsorsar­neqarsin­naan­ngitsoq tamarmik aliasungaar­nermik kinguneqarsin­naap­put. Aam­ma inuit naleqan­ngitsutut misigileraangamik, al­lat pakatsisil­lugit iluatsitsin­ngitsooraangamik isumatsas­simalersar­put. Kinaluun­niit ajor­nar­torsiorfim­mi er­numasin­naavoq, kisian­ni inuk neriuutaaruk­kuni ajor­nar­torsiutil­lu qaanger­neqar­nis­saat takusin­naanagu isumatsas­simangaalersin­naavoq.

Itsarsuar­taaq inuit taama misigisarsimap­put. Job nap­parsimasorujus­suan­ngorami inut­tut nak­kaal­luin­narsimavoq. Isumaqarami Guutimit qimagaal­luni inoorusuk­kun­naarsimagaluar­poq. (Job 10:1; 29:2, 4, 5) Jakob er­nini toqusimasoralugu nikal­lungaqaluni tup­pal­lersar­neqarumanani toqorusuin­nalersimagaluar­poq. (1 Moses 37:33-35) Ajor­tuliorujus­suarsimanini aliasuutigalugu kun­ngi  David ima kap­pialasimavoq: „Aliasuin­naq angalaar­tuar­punga. Sequmisitaavunga.“ — Tus­siaat 38:7, 9; 2 Korintumiut 7:5, 6.

Ul­lumik­kut inup­pas­suit isumatsas­simalersar­put im­min­nut ar­torsit­taramik, ul­luin­nar­ni inooriaaseq angum­man­niarfigigaluar­til­lugu misigis­sutsik­kut timik­kul­lu ar­tuk­kerlutik. Nalunan­ngitsumik paatsiveerusimasar­nerup eq­qarsaatinik misigis­sutsinil­lu ajor­tunik ilal­lip timi sun­nersin­naasar­paa qaratsamilu ingerlaaseq oqimaaqatigiik­kun­naarsis­sin­naal­lugu, isumatsas­simaler­neq kinguneralugu. — Naleq­qiuguk Us­satit 14:30.

Ikiuut pisariaqartoq

Epafroditus, ukiuni hundredelin­ni siul­ler­ni kristumiu Filip­pimeersoq, ’isumakululersimavoq [isumatsas­simalersimavoq, NV] ikin­ngutimi nap­par­tuni tusarmas­suk’. Epafroditus, Paulusimut pajul­luni ikin­ngutiminit Romamut aal­lar­titaagami nap­parsimalersimavoq, im­maqalu misigisimalerluni ikin­ngutini pakatsisil­lugit taak­kunan­ngalu iluatsin­ngitsoor­tutut isigineqalerluni. (Filípimiut 2:25-27; 4:18) Apustilip Paulusip qanoq ilil­luni ikior­paa?

Epafroditus angerlar­tip­paa ikin­ngutinut Filip­pimiunut ima al­lak­kisar­til­lugu: ’Taava tipaatsungaarlusi Naalak­kami ilas­siniarsiuk, taas­sumatul­lu it­tut ataq­qisarisigik.’ (Filípimiut 2:28-30) Paulusip taama pingaar­titsitigaluni eq­qar­tormani Filip­pimiul­lu asan­nit­tumik inus­siar­nersumil­lu ilas­sim­man­ni qular­nan­ngivis­sumik Epafroditus tup­pal­ler­poq isumatsas­simaninilu anigorlugu.

Nalunan­ngilaq Biibilimi ’nikal­lor­tut tup­pal­ler­sar­neqar­nis­saan­nik’ peq­qus­sut iluaqutaasorujus­suusoq. „Pisariaqar­tip­pat paasis­sal­lugu al­lat inut­tut soqutigigaatsit,“ ar­naq nam­mineq isumatsas­simanermik an­niaateqarsimasoq oqar­poq. „Pisariaqar­tip­pat ima oqar­tumik tusar­nis­sat: ’Paasivara; iluarsis­saq­qaar­putit.’“

Isumatsas­simanermik an­niaateqar­toq nam­mineerluni inum­mik misigin­neqataasumik tatigisin­naasaminil­lu nas­saar­tariaqar­poq. Taan­na tusar­naarluarsin­naasariaqar­poq kamagit­tar­tuul­lunilu. Nikal­lungasoq isor­nar­torsior­naveersaar­tariaqar­paa avoq­qaarliutaasumil­lu ima oqarfiginaveersaarlugu: ’Taama misigis­san­ngilatit’ imaluun­niit, ’Isum­mat eq­qun­ngilaq’. Isumatsas­simanermik an­niaateqar­toq  misigis­sutsik­kut ikiler­tiavoq isor­nar­torsiuinerul­lu taama it­tup im­minut suli ajor­nerusumik misigitis­savaa.

Isumatsas­simasoq naleqan­ngitsutut im­minut misigisar­poq. (Jona 4:3) Eq­qaamasariaqar­paali Guutip inum­mik naliliisar­nera pingaar­ner­paasoq. Inuit Jesus Kristus ’suutis­siman­ngilaat’, Guutil­li isaani naleqas­susia tamatuma al­lan­ngor­tis­siman­ngilaa. (Jesaja 53:3) Aap, qularutigis­san­ngilat soorlu Guutip er­nini asagaa il­lit­taaq asavaatit. — Juánase 3:16.

Jesusip aliasut­tut naak­kigalugit ikior­niar­tarsimavai paaseq­qul­lugu inut­tut pingaaruteqarmata. (Matîuse 9:36; 11:28-30; 14:14) Nas­suiaavoq Guutip qupaloraarsun­nguit taama mikitigisut al­laat pingaar­tik­kai. ’Taak­kua ilaat ataaserluun­niit Guutimi puiugaan­ngilaq,’ oqar­poq. Inuit Guutip piumasaanik ilior­niar­tut suli an­nerungaar­tumik pingaar­tis­savai! Taak­ku Jesusip ima oqarfigai: ’Ilis­simi nutsasiluun­niit tamarmik kisis­simap­put.’ — Lúkarse 12:6, 7.

Soorunami inuup isumatsas­simasup san­ngiis­sutsiminik unioq­qutitsinerminil­lu ar­torsaatigin­nin­nermini Guutip im­minik pingaar­titsinera up­periuminaatsis­sin­naavaa. Im­maqa qularin­ngivip­paa Guutimit asaneqar­nis­saminut isumas­sor­neqar­nis­sanul­lu qin­ngaq­qun­narluni. ’Uum­matit­ta pil­lagas­saatik­kaluar­paatigut,’ Guutip oqaasiani taama al­las­simavoq. Uum­mater­pul­li aalajangiisus­saava? Naamik. Guutip nalun­ngilaa inuit ajor­tiliusut nikal­lor­nar­tunik eq­qarsaateqarsin­naasut al­laal­lu im­minut as­suarisarlutik. Taamaat­tumik oqaatsimini ima tup­pal­lersaavoq: ’Guuti uum­matitsin­nit an­nerungaarmat suul­lu tamaasa ilisimavai.’ — 1 Juánase 3:19, 20.

Aap, Ataatat­ta asan­nit­tup qilam­miusup eq­qun­ngitsuliaan­navut kuk­kuniin­navul­lu takusan­ngilai. Saamaf­figinis­satsin­nut pis­sutaasut, in­nunitsin­ni pisimasut, pis­sutigisavut piumasavul­lu aam­ma nalun­ngilai. Nalun­ngilaa ajor­ti, nap­paatit toqulu inun­nguutsitsin­nik kingor­nus­sarigivut taamaat­tumil­lu pisin­naasavut kil­leqar­torujus­suusut. Im­minut aliasuutigalutalu ajuusaarutigisar­nit­ta im­mini up­per­narsar­paa ajor­tulior­nis­sar­put ingasat­tumil­lu ilior­nis­sar­put kis­saatigin­ngik­kivut. Biibilimi al­las­simavoq piuman­ngik­kaluarluta ’piun­ngitsumut naalatsigititaasugut’. Taamaat­tumik Guutip inis­sisimaf­fip­put avaan­ngunar­toq nalun­ngilaa naak­kigalutalu san­ngiis­suser­put eq­qaamal­lugu. — Rûmamiut 5:12; 8:20.

 „[Jehova] naak­kin­nil­lunilu saam­maasuuvoq,“ taama up­per­narsaaf­figineqar­pugut. „Soorlu kangia kitaanit ungasis­soq, taamatut unioq­qutitsinivut ungasil­lisip­pai uatsin­nit. Nalun­ngilaami qanoq pin­ngor­titaasugut, eq­qaamavaa pujualaan­naasugut.“ (Tus­siaat 103:8, 12, 13) Ilumut, Jehova tas­saavoq ’Guuti tamanik tup­pal­lersaasoq, an­nikil­liuutivut tamaasa pil­lugit tup­pal­lersaraatigut’. — 2 Korintumiut 1:3, 4.

Isumatsas­simasut pisariaqar­titaasa an­ner­paar­taat tas­sa Guutimin­nut naak­kin­nit­tumut qanil­liar­tor­nis­saq Taas­sumalu kajumis­saarutaa malil­lugu ’naner­tuutigisamin­nik Jehovamut tun­nius­sinis­saq’. Taas­suma al­laat ’nikal­lor­tut neriuutaarut­tul­lu’ inuum­maris­sarsin­naavai. (Tus­siaat 55:23; Jesaja 57:15) Guutip oqaasiani ima qinunis­samut kajumis­saar­neqar­pugut: ’Isumakuluutisi tamaasa [Jehovamut] pisis­sigik, isumas­sormasi.’ (1 Pîtruse 5:7) Aap, qinuneq ilungersorlunilu qin­nutit ikior­tigalugit Guuti qanil­liar­torfigisin­naavar­put ’eq­qis­sinerlu Guutip pia sianiner­nit tamanit an­nerungaar­toq’ nuan­naarutigisin­naal­lugu. — Filípimiut 4:6, 7; Tus­siaat 16:8, 9.

Inooriaatsimi al­lan­ngor­titsinerit aam­ma isumatsas­simanerup qaanger­neqar­nis­saanut iluaqutaasin­naap­put. Timik­kut suliniuteqar­neq, peq­qin­nar­tunik nerisaqar­neq, silaan­naris­sar­tar­neq, naam­mat­tumik qasuersaar­tar­neq aam­malu TV-mik isigin­naar­pal­laar­naveersaar­neq tamarmik pingaaruteqar­put. Ar­nap nikal­lungasut ikiorsimavai pisut­tuaqatigisarlugit. Ar­naq al­la nikal­lungasoq ima oqarmat: „Pisut­tuarusun­ngilanga,“ saamal­luni aalajangersimal­lunili ima akisimavoq: „Ilumut, pisut­tuas­saatit.“ Ar­naq oqalut­tuar­poq: ’Kilometerit arfinil­lit pisut­tuar­pugut. Angerlamut apuuk­kat­ta qasuvoq pitsaanerulersimasutul­li misigaluni. Timimik aalatitsinerup qanoq iluaqutaatigis­susia aatsaat misilik­kuk­ku paasilis­savat.’

Taamaat­torli ilaan­nik­kut isumatsas­simaneq ajugaaf­figineqarsin­naaneq ajor­poq al­laat suut tamaasa, aam­ma nakorsamit ikior­neqar­neq, misilik­kaluarlugit. „Suut tamaasa misilis­simavak­ka,“ ar­naq utoq­qasaaq oqar­poq, „isumatsas­simanera taamaagin­nar­poq.“ Taamatut­taaq amerlaner­tigut tap­piitsut, tusilar­tut nukil­laar­nermil­lu nap­paatil­lit maan­nak­kut ajorun­naarsin­neqarsin­naan­ngik­kal­lar­put.  Kisian­ni isumatsas­simasut tup­pal­lersar­neqarlutik neriuutis­saqalersin­naap­put Guutip oqaasia atuar­tarunik­ku, tas­sanimi inuiaat nap­paatimin­nik tamanik ajorun­naarsin­neqarluin­nar­nis­saan­nik neriorsuuteqar­poq. — Rûmamiut 12:12; 15:4.

Isumatsas­simasoqaq­qin­ngisaannassaaq

Jesusip ul­luni kingul­ler­ni pisimasut an­nilaar­nar­tut siulit­tuutigigamigit ima nangip­poq: ’Tamak­kuli piler­pata aarloritsi, niaq­qusilu makitis­sigik, [aniguisin­neqarfis­sarsi, NV] qanil­lim­mat.’ (Lúkarse 21:28) Jesusip Guutip silarsuas­saanut naaper­tuil­luar­tumut aniguisin­neqar­nis­saq tas­sani eq­qar­tor­paa, tas­sa ’pin­ngor­titat aserujasumut kif­faasut kif­faajun­naarsin­neqarumaarmata Guutip qitor­naasa kif­faan­ngis­susiata naalan­naataat pigilis­sal­lugu’. — Rûmamiut 8:21.

Ila, inuiaat pisimasunit erloqinar­tunit aniguisin­neqarunik, ul­lul­lu tamaasa iter­talerunik isumak­kut peq­qil­luin­narlutik ul­lormut sulias­samin­nut nukis­saqarluarlutik, qanoq oqilial­latsitigis­sap­pat! Taamanik­kus­saq kinaluun­niit isumatsas­simanermik ar­torsaateqas­san­ngilaq. Inuim­mi neriorsor­neqar­put Guutip ’qul­liit tamaasa isaan­nit al­lar­terumaarai, toqulu peqarun­naas­sasoq, aliasut­toqarun­naarlunilu nil­liasoqarun­naarlunilu an­niar­toqarun­naas­sasoq, siul­liit peermata.’ — sarĸúmersitat 21:3, 4.

Al­lat taaneqan­ngik­kaangata Bibelimit is­suak­kat tamarmik nutsik­kat kalaal­lisuun­ngor­titat ator­tus­saatitaasut 1900-meersoq, 1936-meersoq 1990-imeersorlu tun­ngavigalugit is­suagaasar­put.