Jehovap Nalunaajaasuisa suut upperaat?

’Qanoq isumaqar­tutit ilin­nit tusarumagaluar­pugut, [kristumiut] taak­ku tamagin­ni as­sor­tor­neqar­tut ilisimagatsigik.’ (apustilit suliait 28:22) Ukiuni hundredilin­ni siul­ler­ni il­loqarfim­mi Romami pisor­taasimasut taama oqar­nermik­kut maligas­siuil­luarsimap­put. Avataani isorin­nit­tar­tut piin­nar­nagit, aam­mat­taarli isorineqar­tut nam­min­neq paasiniaaf­figerusup­paat.

Aam­ma ul­lumik­kut Jehovap Nalunaajaasui as­sor­tor­neqar­tar­put aam­malu ilimagisin­naan­ngilar­put nalunaajaanermin­ni ilumuus­susiat isor­nar­torsiuisar­tuinit ilisimalis­sal­lugu. Taamaat­tumik nuan­naarutigalugu up­perisat­ta pingaar­nerusut ilaat matumuuna nas­suiar­niar­pavut.

Bibeli, Jesus Kristus, aamma Guuti

Up­peraar­put ’al­lak­kat il­ler­nar­tut tamarmik Guutip sun­niineratigut isumas­sarsiarititaasut iluaqutaal­lutil­lu’. (2 Timûtiuse 3:16, New World-ip nutser­nera malil­lugu) Oqar­toqaraluar­poq uagut kristumiuun­ngitsugut, taman­nali ilumuun­ngivip­poq. Jesus Kristus pil­lugu apustilip Peterip nalunaajaataa uagut aalajangiul­luin­nar­par­put: ’Atermik al­lamik an­nas­sutis­satsin­nik qilaap ataani inun­ni tun­nius­saasoqan­ngilaq.’ — apustilit suliait 4:12.

Kisian­nili, Jesus oqarsimam­mat ’Guutip er­nerigaani’ aam­ma ’Ataatap aal­lar­tik­kaani’, Jehovap Nalunaajaasui up­perisaqar­put Guuti Jesusimit an­nerusoq. (Juánase 10:36; 6:57) Jesusip nam­mineq taman­na miserratigin­ngilaa, oqarami: ’Ataataq uan­nit an­neruvoq.’ (Juánase 14:28; 8:28) Up­perisaqan­ngilagut Jesusip Ataataq naligigaa, soorlu Guutip ataasiul­lunilu  pingasuus­susianik ajoqersuum­mi ajoqersuutigineqar­toq. Uagul­li up­perisaqar­pugut Jesus Guutimit pin­ngor­titaasoq taas­sumun­ngalu naalat­tus­saasoq. — Kulorsamiut 1:15; 1 Korintumiut 11:3.

Guutip aq­qa kalaal­lisoorlugu tas­saavoq Jehova. Bibelimi al­las­simavoq: „Il­lit, Jehovamik atilik, il­lit kisivit Qutsin­nerus­saar[putit] nunarsuarmi tamarmi.“ (Tugsiaut 83:18, NW; kalaal­lisuum­mi versi 19) Tamatumuuna nalunaarutigineqar­toq najoq­qutaralugu Guutip aq­qa Jesusip as­sut pingaar­tip­paa, ajoqersuk­kani ajoqersorlugit iman­nak qinusas­sasut: ’Ataatar­put qilam­miusutit, aq­qit il­ler­narsili.’ Nam­minerlu Guutimut qinul­luni oqarsimavoq: ’Inuit uan­nut tun­nius­satit . . . ater­nik nalujun­naarsip­pak­ka.’ — Matîuse 6:9; Juánase 17:6.

Jehovap Nalunaajaasui up­perisaqar­put Jesus malis­sagitsik inuit al­lat Guutip aq­qanik siuner­taanil­lu nalujun­naar­niarlugit. Taamaat­tumik „Jehovap Nalunaajaasui“ taaguutigaar­put, Jesus, ’nalunaajaasoq ilumoor­toq’, malin­niaratsigu. (sarĸúmersitat 1:5; 3:14) Naleq­qul­luar­tumik Isaia 43:10-mi (NW) Guutip in­nut­tai sin­niisui iman­nak oqarfigineqar­put: „’Ilis­si nalunaajaasigaas­si,’ Jehova oqar­poq, ’kif­faraas­silu qinigaralusi.’“

Guutip naalagaaffia

Jesusip ajoqersuk­kani ajoqersor­pai ima qinusas­sasut: ’Naalagaaf­fiit tikiul­li,’ Naalagaaf­fik taan­na ajoqersuutigisami pingaar­ner­paatil­lugu. (Matîuse 6:10; Lúkarse 4:43) Jehovap Nalunaajaasui up­perisaqar­put Naalagaaf­fik taan­na ilumut naalak­kersuisoqarfiusoq qilam­miit­toq, qilam­min­ngaan­niit aqutsisuul­luni, nunamut naalak­kersuiumaar­tus­saq, aam­ma Jesus Kristus tas­sani takus­saanani Kun­ngitut iver­titaasoq. ’Taas­suma naalagaas­sutsi tuimiugaa,’ Bibelimi al­las­simavoq. Naalagaas­susiata al­liar­tor­nera eq­qis­sinerlu soraarfeqas­san­ngil­lat.’ — Isaia 9:6, 7.

Guutil­li naalak­kersuisuutitaani Jesus Kristus kun­ngituaas­san­ngilaq. Qilam­mi amerlasuunik naalak­kersueqateqas­saaq. ’Nikal­lujuik­kut­ta kun­ngioqatigiumaar­par­put­taaq,’ apustili Paulus al­las­simavoq. (2 Timûtiuse 2:12) Bibelimi takutin­neqar­poq  inuit Kristusimik qilam­mi naalak­kersueqataanis­samin­nut makititaasut ima amerlas­suseqaan­nas­sasut ’hundrede og fireogfyrre tuusintit nunamit im­mik­koor­til­lugit pisiaasut’. — sarĸúmersitat 14:1, 3.

Soorunami naalak­kersuisut tamarmik in­nut­taqar­tar­put, Jehoval­lu Nalunaajaasui up­perisaqar­put qilam­mi naalak­kersuisus­sat taak­kua saniatigut inuit arlalin­nik mil­liardil­lit naas­saan­ngitsumik inuus­suteqarumaar­tut. Naggataatigut nuna paratiisin­ngor­tin­neqarumaar­poq alianaatsoq Guutip naalagaaf­fianut in­nut­taasunik tas­sani inuunermut naleq­qul­luar­tunik ulik­kaar­toq, Kristusip naalak­kersueqataasalu aqutsineran­nut naalat­tus­saasunik. Jehovap Nalunaajaasuisa qularin­ngil­luin­nar­paat nunarsuaq aserun­ngisaan­nas­sasoq aam­ma Bibelimi neriorsuutigineqar­toq una eq­qor­tin­neqarumaar­toq: ’Iluar­tut nuna kingor­nus­saris­savaat, naas­saan­ngitsumil­lu nunagis­savaat.’ — Tugsiaut 37:29; 104:5.

Qanorli ilil­luni Guutip naalagaaf­fia tikiutis­sava? Inuiaat tamarmik kajumin­nermin­nit Guutip naalak­kersuisuutitaanut naalatsigitin­nerisigut? Naagga. Bibelimi piviusut naaper­torlugit takutin­neqar­poq Guutip nunamut at­tuumas­suteqar­tunut toq­qaan­nar­tumik akuliun­nis­saatigut aatsaat Naalagaaf­fik tikiutis­sasoq: ’Qilaap Guutiata naalersik­kumaar­paa naalagaaf­fik aserus­san­ngil­luin­nar­toq, naalagaaf­fius­susiatalu . . . naalagaaffiit ikku tamaasa sequmisillugillu soraarsissavai, taman­nali aalas­sas­san­ngilaq naas­saanani. — Dâniale 2:44.

Guutip naalagaaf­fia qaqugu tikiutis­sava? Bibelimi siulit­tuutit maan­nak­kut eq­quut­tar­tut tun­ngavigalugit, Jehovap Nalunaajaasui up­perisaqar­put ungasin­ngitsuk­kut tikiutis­sasoq. Kajumis­saarumavatsigit pis­sutsit aaq­qis­suus­saanerisa matuma ’ul­luini kingul­ler­ni’ piumaar­tus­sanik siulit­tuutit ilaan­nik misis­sueq­qul­lutit. Matîuse 24:3-14-imi, Lúkarse 21:7-13,  25-31-mi aam­malu Timûtiusimut agdlagkat áipait 3:1-5-imi al­las­simap­put.

’Jehova Guuter­put uum­matitsigut, tar­nitsigut isum­matsigul­lu iluun­ngarluta nukivul­lu tamak­kerlugit tul­ler­pul­lu im­mitsitut asagatsigik,’ in­nutaaqatigiius­sutsik­kut, am­mit­ta qalipaataatigut in­nut­taaqatigiius­sutsik­kul­lu im­mik­koor­titaan­ngilagut. (Mákorse 12:30, 31) Asan­nin­neq kristumiutut qatan­ngutit­ta inuiaqatigiin­ni tamaniit­tut akor­nan­ni nit­tagaasoq tamani tusaamasaas­sutigaar­put. (Juánase 13:35; 1 Juánase 3:10-12) Taamaat­tumik inuiaqatigiit as­sigiin­ngitsut naalak­kersuinerinut akuliun­niar­neq ajor­pugut. Jesusip ajoqersugai siul­ler­paat malin­niar­pavut, taak­ku pil­lugit oqarmat: ’Silarsuup inuisa ilagin­ngilaat, soorlu uangat­taaq silarsuup inuisa ilagin­ngik­kaan­nga. (Juánase 17:16) Silarsuup inuisa ilagin­ngim­matigut kan­ngunar­tulior­nerit ul­lumik­kut takor­nar­taajun­naarsimasut pin­ngitsoor­niar­tariaqar­pavut, mak­kuusut: Sal­luneq, til­lin­neq, inuunerlun­neq, al­lasior­neq, angutit anguteqatimin­nik ar­nal­lu ar­naqatimin­nik atoqateqar­tar­nerat, aam­mik ator­nerluineq, guutipilus­sior­neq taamaaqataal­lu tamarmik Bibelimi ajor­neragaasut. — 1 Korintumiut 6:9-11; Evfisumiut 5:3-5; apustilit suliait 15:28, 29.

Siunissami neriugisarput

Maan­nak­kut silarsuarmi inuuneq inuunermut tun­ngasunik tamanik pis­sarsiviusin­naasutut isumaqarfigin­ngilar­put. Up­perisaqar­pugut Jehovap Jesus nunamut aal­lar­tis­simagaa aani inuus­sutaasoq uter­titsis­sutis­satut tun­niuk­kiar­toq­qul­lugu, inuit Guutimut iluarisaasumik pis­suseqalersin­naaq­qul­lugit pis­sutsinil­lu aaq­qis­suus­sinis­sami nutaas­sami naas­saan­ngitsumik inuus­suteqarsin­naaq­qul­lugit. Soorlu Jesusip apustiliisa ilaat oqarsimasoq: ’Maan­na aavagut iluar­tuutitaavugut.’ (Rûmamiut 5:9; Matîuse 20:28) Jehovap Nalunaajaasuisa Guuti er­neralu qujamasuf­figeqaat uter­titsis­sum­mik siunis­sami inuus­suteqarsin­naatitsisumik periarfis­siim­mata.

Jehovap Nalunaajaasuisa qularin­ngil­luin­nar­paat siunis­sami inuuneqarumaar­toq, Guutip naalagaaf­fiata ataani toqusut makitin­neqar­nis­saat neriuutigigamik­ku. Up­peraar­put, soorlu Bibelimi ajoqersuutigineqar­toq, inuk toqugaangami suujun­naar­tar­toq, ’taavalu isumalior­nersui tam­marsimas­sasut’.  (Tugsiaut 146:3, 4; Hisĩkiale 18:4; akugdlîs­sup oĸausê 9:5) Toqungasut inooq­qik­kumaar­nis­saata Guutip toqusunik eq­qaaman­nin­nera makititsinis­saalu tun­ngavigaa. — Juánase 5:28, 29.

Aam­ma qularin­ngil­luin­nar­par­put maan­nak­kut inuusut ilar­parujus­sui amiak­kuul­lutik inuujumaar­tut Guutip naalagaaf­fiata naalak­kersuisunik maan­nak­kut atuut­tunik tamanik soraarsitsinis­saagut. Taavalu, soorlu Noatut ilaqutaasul­lu ulersuarmi an­nas­simasutut, taak­ku inuujuarumaar­put nunami minguiagaasumi naas­saan­ngitsumik inuus­sal­lutik. (Matîuse 24:36-39; 2 Pîtruse 3:5-7, 13) Kisian­nili up­peraar­put Jehovap pin­ngitsoorani piumasaanik naam­mas­sin­nit­tut kisimik an­nak­kumaar­tut, soorlu Bibelimi al­las­simasoq: ’Silarsuaq pilerinar­tuilu nungujar­tor­put; Guutil­li peq­qusaanik naam­mas­sin­nit­toq naas­saan­ngitsumik atas­saaq.’ — 1 Juánase 2:17; Tugsiaut 37:11; sarĸúmersitat 7:9, 13-15; 21:1-5.

Jehovap Nalunaajaasuisa up­perisaasa tamarmik naqitigaaq­qami uani sam­mineqar­nis­saat soorunami ajor­naqaaq, kajumis­saarumavatsigil­li aam­malu paasiniaaq­qeq­qul­lutit.

Al­lat taaneqan­ngik­kaangata Bibelimit is­suak­kat tamarmik kalaal­lisuun­ngor­titaq ator­tus­saatitaasoq tun­ngavigalugu is­suagaasar­put.

[Qupp. 4-mi issuagaq]

„Jehovap Nalunaajaasui“ taaguutigaar­put Jesus malik­katsigu