Allamik atorfeqaratik oqaluussisartut oqaluus­sisar­nikkut siuartut

JEHOVAP NALUNAAJAASUA ilin­nut pulaar­toq siul­leq im­maqa al­lamik atorfeqarani oqaluus­sisar­tuuvoq pioneriusoq, imaluun­niit ajoqersuiar­tor­titaavoq. Jehovap Nalunaajaasuini im­mik­kut kif­far­tuutil­lit akis­sarsiaqaratik oqaluus­sisarmata, im­maqa eq­qarsaatigisimavat qanoq ilil­lutik al­lamik atorfeqan­ngin­namik oqaluus­sisar­nermut peqataasin­naanersut.

Jehovap Nalunaajaasui tun­niul­luin­narsimasut kuisimasul­lu tamarmik oqaluus­sisar­tuup­put, amerlaner­paar­taal­li inoqutimin­nut al­lanul­luun­niit pisus­saas­suseqaramik sapaatip akun­neranut nalunaaqut­tap akun­ner­paaluin­nai oqaluus­sisar­nermut ator­tarsin­naavaat. Kisian­nili silarsuarmi tamarmi Nalunaajaasut tuusintilik­kuutaat ileq­qaar­nerul­lutik inuulersimap­put ul­lup ilaan­naa sulif­figisar­tagaqarlutik inuus­sutigisin­naan­ngorlugu ukiumul­lu nalunaaqut­tap akun­neri 1000-it amerlanerusul­luun­niit oqaluus­sisar­nermut atorsin­naan­ngorlugit.

Al­lamik atorfeqaratik oqaluus­sisar­tut pioneriusut nam­min­neq pisariaqar­titamin­nut akis­saqar­pian­ngil­lat, taamatul­li inooriaatsimik­kut Guutip naalagaaf­fia piniaq­qaarsin­naavaat. Amerlasuunil­li pil­luaq­qusaasar­put. Qaam­matit tamaasa nalunaaqut­tap akun­neri 90-it mis­siliorlugit inuit al­lat Guutip oqaasianik oqaloqatigisin­naal­lugit nuan­nersuin­naavoq. Al­lamik atorfeqarani oqaluus­sisar­toq oqaluus­sisar­nik­kut pik­koris­siar­tuin­nar­poq pif­fis­saqarluar­tarlunilu soqutigin­nit­tut isumagil­luar­niarlugit pulaar­tar­nis­saminut. Taman­na qiim­maal­lan­nangaar­tunik kinguneqar­tar­poq. Timip piisigut pisariaqar­titan­nguatik pisar­paat, pigisamin­nil­lu as­sut pingaar­titsil­lutik. — Matîuse 6:33.

1943-mi februarip qaam­mataani Vagttårnip peqatigiif­fiata Bibelimik atuarfik Gilead pilersip­paa. Atuarfiup siuner­taraa al­lamik atorfeqaratik oqaluus­sisar­tut pioneriusut misilit­tagaqar­tut nunani al­lani ajoqersuiar­tor­titaal­lutik kif­far­tuuteqar­nis­samut sungiusar­neqar­nis­saat. Ilin­niar­titaanerup qaam­matinik tal­limanik sivisus­suseqar­tup nalaani Bibelimik peq­qis­saar­tumik atuaq­qis­saaqatigiin­neq, Bibelip oqalut­tuas­sar­taa, Jehovap peqatigiis­sor­tai, oqaluuserisas­sal­lu tamak­kunun­nga as­singusut nunami al­lami kif­far­tuus­sinis­samut piareersaataasut sam­mineqar­tar­put.

Ajoqersuiar­tor­titap nunamut oqaluus­sif­figisas­saanut angalanera Peqatigiif­fiup akiler­tar­paa, ajoqersuiar­tor­tital­lu angerlarsimaf­fian­ni peq­qin­nar­tunik nerisaqar­tar­nis­saa angin­ngitsumil­lu ineqar­nis­saa akiler­tarlugit. Aam­mat­taaq ajoqersuiar­tor­titat tamarmik qaam­mam­mus­sian­nguaqar­tar­put nam­minerisamin­nik pisariaqar­titamin­nut.  Ajoqersuiar­tor­titat nam­min­neq il­lulerisar­put taar­tigiit­tarlutik pisior­tor­tarlutik, nerisas­sior­tarlutik eq­qiaasarlutil­lu. Tas­suuna naleq­qut­tumik isumagineqar­taramik ajoqersuiar­tor­titat qaam­mam­mut nalunaaqut­tap akun­neri min­ner­paamik 140-t ator­tarsin­naavaat il­lumit il­lumut angalaarlutik oqaluus­sil­lutik inuil­lu soqutigin­nit­tut Bibelimik atuaq­qis­saaqatigisarlugit.

Ajoqersuiar­tor­titat ilar­pas­sui nunanut eq­qarlimin­nit kilometerinik tuusintilip­pas­suar­nik ungasitsigisunut aal­lar­titaap­put. Inuuniar­nermi atugaasut al­laasut inuiaal­lu anersaak­kut timik­kul­lu al­laasunik angusaqarsimasut, nerisat nutaat, silap qanoq is­susia al­la, inuiaqatigiil­lu al­lat oqaasii atorlugit oqalun­niar­neq sungiut­tariaqarsimavaat. Kif­far­tuut taman­na sulis­sutigaat inuit asagamik­kik kis­saatigingaarlugulu ikiorumal­lugit Guutip naalagaaf­fianik ilin­niar­nis­saan­nut.

1943-miil­li 1985-ip tungaanut Vagttårnip Bibelimik atuarfiani Gileadimi atuaqatigiik­kuutaat 80-it ilin­niar­tin­neqarsimap­put, ajoqersuiar­tor­tital­lu 6000-it sin­nerlugit atuarfim­mi tas­sani ilin­niar­titaap­put. Peqatigiif­fiiup nak­kutil­liineratigut ajoqersuiar­tor­titat taak­ku aq­qutis­siuil­lutik Afrikami, Amerikami Qiterlermi Kujal­lermilu, nunani kangil­ler­ni Maneras­suul­lu qeqer­taani Bibelimik ilin­niar­titsineq siuarsarsimavaat, Europamilu an­ner­tuumik naam­mas­sisaqarsimal­lutik.

Jehovap Nalunaajaasui al­lamik atorfeqaratik pioneriul­lutik ajoqersuiar­tor­titaal­lutil­lu oqaluus­sisar­tut aam­mat­taaq ul­lup ilaan­naa oqaluus­sisar­tut tamarmik as­sigiil­lutik kif­far­tuus­siner­tik aningaasatigut iluanaaruteqarfigineq ajor­paat. Pif­fis­sar­tik aningaasatil­lu atorlugit, im­min­nut tunul­liul­lutik, inuit al­lat ikior­niar­paat ilisarsiniar­nis­saan­nut inuunermik naas­saan­ngitsumik kinguneqarsin­naasumut. — Juánase 17:3.

• Jehovap Nalunaajaasuisa ilaat qanoq ilil­lutik al­lamik atorfeqaratik oqaluus­sisar­tuusin­naap­pat, sunalu pil­lugu taamaalior­pat?

• Oqaluus­sisar­tut ajoqersuiar­tor­titaanis­samut qanoq ilil­lutik ilin­niar­tin­neqar­pat?

• Ajoqersuiar­tor­titat nunani al­lani kif­far­tuus­sinermin­ni qanoq pilersugaasar­pat?

[Qupp. 22-mi assiliartat]

Saamerleq: Atuarfim­mi Gileadimi ini atuarfiusoq, New Yorkimi Brooklynimiittoq

Taler­pil­leq: Ajoqersuiar­tor­titaq Papua-Ny Guineami Guutip oqaasianik ajoqersuisoq

[Qupp. 23-mi assiliartat]

Oqaluus­sisar­tut pioneriusut ajoqersuiar­tor­tital­lu nunani as­sigiin­ngitsuni Guutip oqaasianik oqaluus­sis­sutigin­nit­tut

Brasilia

Kunngiitsuuffik Dominica

Spania

Sierra Leone