Ataatsimeer­suarnerni tipaatsunneq Guutimillu unnersiutigin­ninneq

1880-IKKUT aal­lar­tiler­neran­niil­li Bibelimik Atuaq­qis­saar­tut paasiler­paat il­loqarfim­mi ataatsimiin­nerit saniatigut iluaqutigis­sagit­tik up­peqatitik najuk­kani al­laniit­tut ilisariniarunik­kik. Taamaat­tumik Bibelimik Atuaq­qis­saar­tut USA-mi tamarmi, kingor­natigul­lu Canadami, najugaqar­tut ukiumoor­tumik ataatsimeersuar­tar­neri aaq­qis­sor­neqar­taler­put. Ul­luup­put anersaak­kut inuum­maris­sinarfiusut; ul­lut arlal­lit Bibeli tun­ngavigalugu peq­qis­saar­tumik ajoqersor­neqar­tar­put, tamarmil­lu nuan­nersumik kajumis­saaqatigiil­lutik. Up­per­tun­ngorlaat kuisin­nerat ataatsimeersuar­ner­ni pisar­poq. Aam­mat­taaq ataatsimeersuar­nerit iluatsil­lugit inuin­naat an­ner­tunerusumik nalunaajaaf­figineqar­tar­put. — Rûmamiut 1:11, 12.

Ul­lumik­kut Jehovap Nalunaajaasui ataatsimeersuar­tar­put. Ilagiit 18-iniit 25-nut amerlas­susil­lit ilageeqatigiin­ngorlutik nak­kutil­liil­lutik angalasar­tunit kif­far­torfigineqar­tar­put. Ukiumut marloriarlutik ilageeqatigiik­kuutaarlutik, imaluun­niit ilageeqatigiit ilaan­naak­kuutaarlutik, arfinin­ngor­nermi sapaam­milu ataatsimeersuar­tar­put.

Ukiumut ataasiarluni an­nerusumik ataatsimeersuar­neqar­tar­poq ul­lunik pingasunik sisamanil­luun­niit sivisus­suseqar­tumik, tas­sa nunap im­mik­koor­toqarfiini ataatsimeersuar­nerit nalunaajaasut ilaatigut tuusintik­kuutaarlutik katersuus­simaf­fii. Jehovap Nalunaajaasuisa inuil­lu al­lat nalunaajaasut suliaan­nik soqutigin­nit­tut ataatsimeersuar­nerit anersaak­kut ineriar­tuutigisar­paat, aam­mat­taarli ataatsimeersuar­nerit inuin­nar­nut nalunaajaataal­luar­tar­put.

Ataatsimeersuar­ner­ni saq­qum­mius­sas­sat Jehovap Nalunaajaasuisa siulersuisoqatigiivinit piareersagaal­lutik suliarineqar­tar­put nunarsuarmi tamarmi nalunaajaasut maan­nak­kut pisariaqar­titaat tun­ngavigalugit. Saq­qum­mius­sas­sat oqalugiar­ner­tigut, oqaloqatigiiner­tigut piviusutul­lu il­luin­nar­tumik takutitsiner­tigut, nak­kutil­liil­lutik angalasar­tunit Nalunaajaasunil­lu al­lanit piuk­kun­narluar­tunit saq­qum­miun­neqar­tar­put. Aam­mat­taaq as­sigiin­ngitsut misilit­tagalik­kersaar­tar­put silarsuarmi guutiitsumi kristumiutut inuuniarluni anguniagaq ilungersunar­toq anguniarlugu qanoq ilil­lutik iluatsis­simal­lutik, imaluun­niit oqaluus­sisar­nik­kut angusimasatik oqalut­tuaralugit. Ataatsimeersuar­ner­ni an­nerusuni saq­qum­miun­neqar­tar­tut al­lat saniatigut isigin­naar­titsineqar­tar­poq — Bibelimi oqalut­tuarineqar­tut imaluun­niit ul­lumik­kut pisar­tut isigin­naar­titsis­sutigineqar­tar­put, takutin­niarlugu kristumiut ajor­nar­torsiutit ul­lumik­kut naapit­tak­katik qanoq ilil­lutik anigorluarsin­naagaat.

Sun­ngik­kal­larfiini nerisas­sat tuman­nguersaatil­lu akikitsumik pisiarineqarsin­naap­put. Sutor­til­lutik tamarmik nuan­nersumik peqatigiin­nis­samut pif­fis­saqar­tar­put. Ataatsimeersuar­titsiner­nut atatil­lugit sulias­sat tamaasa Jehovap Nalunaajaasuisa kajumin­nermin­nit akis­sarsiaqaratik suliarisar­paat. Ataatsimeersuar­tarfim­mik taamaaqataanil­lu at­tar­tor­nermut al­lanul­lu aningaasar­tuutit kajumin­nermit tunis­sutinit akiler­neqar­tar­put. Iser­neq akeqan­ngilaq, aningaasanil­lu katersuisitsineq ajor­put.

Jehovap Nalunaajaasuisa ilagiis­saat ataatsimeersuar­nis­sat qaqugu sumilu pinis­saan­nik paasiniaaf­figisin­naavatit. Ataatsimeersuar­nis­samut angalaqatigiis­sitsineqarumaar­nis­samik aam­malu il­loqarfim­mi ataatsimeersuarfiusumi inis­saqar­niar­nis­samik Nalunaajaasut paasiniaaf­figisin­naavatit.

Ataatsimeersuar­nerit iluatsil­lugit Jehovap Nalunaajaasuisa ilagisar­tagaasalu tamarmik ilagiit at­tavigisatik an­nerusup ilaatut isigisin­naan­ngor­paat qatan­ngutigiis­sutul­lu peqatigiit silarsuarmi tamarmi it­tut pingaar­tilersin­naal­lugit. — 1 Pîtruse 2:17.

• Bibelimik Atuaq­qis­saar­tut siul­liit ataatsimeersuar­nitik sutigut iluaqutigisar­paat?

• Ilageeqatigiit ataatsimeersuar­nerisa nunal­lu im­mik­koor­toqarfiini ataatsimeersuar­nerit an­nerusut qanoq aaq­qis­sor­neqar­nerat nas­suiaruk, saq­qum­mius­sas­sal­lu oqalut­tuarik­kit.

 [Qupp. 18-mi assiliartat]

Bibelip oqalut­tuaa isigin­naar­titsis­sutigineqar­toq

Nunanit tamalaanit aggersut Polenimi ataatsimeersuar­tut

Nunanit tamalaanit aggersut Argentinami ataatsimeersuar­tut

Japanimi ilageeqatigiit ataatsimeersuar­nerat

Ataatsimeersuaqataasut atuagas­sanik pisior­tor­tut, Schweizimi

Ataatsimeersuar­nermi Afrikami Kujal­lermi pisimasumi kuisin­neq

Atuagaq nutaaq Canadami saq­qum­mersin­neqar­toq

Ataatsimeersuaqataasut erinarsoqatigiip­put Spaniami