Ataatsimiinnerit asanninnermut ajunngit­sulior­nermullu kajumissaarisut

KRISTUMIUT siul­liit naapeqatigiit­tar­put, amerlaner­tigut inuin­naat il­luini ataatsimiit­tarlutik, ajoqersor­neqaq­qul­lutik peqatigiin­nerlu ineriar­tor­nar­toq nuan­naarutigiumal­lugu. Ul­lumik­kut Jehovap Nalunaajaasuisa ilagiis­saat sapaatip akun­neranut pingasoriarlutik ataatsimiit­tar­put. Ataatsimiin­ner­nut tamanut tikil­luaq­qunar­putit. Ataatsimiin­neri naalagiar­ner­tut in­ngil­lat, kisian­ni Guutip oqaasia tun­ngavigalugu ajoqersuineq pingaar­tin­nerusar­paat. Ilagiit tamarmik ataatsimiik­kaangamik erinarsoqatigiin­neq qinoqatigiin­nerlu aal­laq­qaatigisarlugil­lu naggasiutigisar­paat. Iser­neq akeqan­ngilaq, aningaasanil­lu katersuisitsineqar­neq ajorluni. — apustilit suliait 4:23-31; 14:22; 15:32, 35; Rûmamiut 16:5; Kulorsamiut 4:15.

Ataatsimiin­nermut najuuteq­qaaruit im­maqa oqalugiar­neqas­saaq 45 minut­tinik sivisus­suseqar­tumik, Bibelimilu ajoqersuutigineqar­tut imaluun­niit siulit­tuutigineqar­tut, imaluun­niit kristumiut inooriaasis­saan­nik un­nersuus­sutit oqalugiaatigineqas­sap­put. Oqalugiar­toqareer­nerani Bibelimik atuaq­qis­saaqatigiin­neqar­tar­poq Napassuliak Alapernaerssuivfik-mi ilan­ngus­saq ilagiit tamarmik atuaq­qis­saaqatigiin­nis­saan­nut naatsorsuus­saasoq atorlugu. Atuaq­qis­saaqatigiin­neq ima ingerlan­neqar­tar­poq: Napassuliak Alapernaerssuivfik-mi im­mik­koor­toq ataaseq atuf­fas­sis­sutigineqar­tar­poq, aqutsisul­lu atuak­kamut atatil­lugu apeq­qutit taasar­pai, najuut­tul­lu akis­sutis­saqar­tut nap­paasar­put. Amerlaner­tigut im­mik­koor­tut tamarmik arlalin­nik akineqar­tar­put. Ataatsimiin­neq taman­na nalunaaqut­tap akun­neranik ataatsimik sivisus­suseqar­tar­poq.

Sapaatip akun­nerani kingusin­nerusuk­kut ataatsimiin­nerit 45 minut­tinik sivisus­suseqar­tar­tut al­lat marluk pisar­put. Aap­paa tas­sa teokratiimik ilin­niarfik. Tas­sani sungiusar­neqar­put Bibelimut paasinarsaatis­sanik katersuinis­samut sun­niuteqarluar­tumil­lu ilin­niar­titsis­sutigin­nin­nis­samut. Atuar­tunut tamanut oqalugiar­nerup Bibelimilu atuak­kat pingaar­nersior­neqar­nerata katil­lutik 21 minut­tinik sivisus­suseqar­tut kingor­nisigut, atuar­tut as­sigiin­ngitsut saq­qum­mius­sas­satik siumut piareersimasatik oqaluuserisar­paat. Saq­qum­mius­sat tamarmik im­mik­kut oqaluuserineqareer­nerisigut ilin­niar­titsisup atuar­tut siun­nersor­tar­pai qanoq ilil­lutik pik­koris­sarsin­naanis­saan­nik. Arlalin­nik ilin­niuteqar­poq ilin­niarfim­mi tas­sani atugas­saasunik. Ataatsimiin­ner­nut najuut­tar­tut tamarmik piumagunik teokratiimik ilin­niarfim­mi atuar­tun­ngorsin­naap­put, aatsaal­li kristumiunut ileq­qoreq­qusat najoq­qutaralugit inuugunik.

Ataatsimiin­neq tul­liut­toq tas­saavoq oqaluus­sinermut tun­ngasumik ataatsimiin­neq. Pingasunik sisamanil­luun­niit im­mik­koor­toqar­poq,  tamatigul­lu tusagas­samik nuan­nersumik il­lumit il­lumut angalaarluni saq­qum­mius­sinis­saq al­latigul­lu oqaluus­sisar­neq sam­mineqar­tar­put. Oqalugiar­ner­tigut, oqaloqatigiin­ner­tigut, takutitsiner­tigut ilaatigul­lu najuut­tut kik­kul­luun­niit oqaaseqar­nerisigut tamak­ku saq­qum­miun­neqar­tar­put. Saq­qum­mius­sas­sat ilar­pas­suisa tun­ngavigaat ilan­ngus­sat qaam­marsaatis­sal­lu naqitigaaq­qami sisamanik qup­per­nilim­mi Vagttårnip peqatigiif­fiata qaam­mam­mut naqiter­titaani Naalagaaffimmik Kiffartuuteqarneq-mik taaguutilim­mi.

Sapaatip akun­neranut ataatsimiin­nerit pingajus­saat im­mik­kooqatigiin­ni min­nerusuni pisar­poq, amerlaner­tigut inuit il­luini ilagiit najugaan­ni tamatigut tamaani it­tuni. Bibeli atuagarlu nutaanerusoq Peqatigiif­fiup naqiter­titaasa ilaat atuaq­qis­saaqatigiis­sutigineqar­tar­put. Im­mik­kooqatigiit ikin­nerum­mata periarfis­saqar­nerusar­poq tamarmik oqaloqatigiin­nermut peqataanis­saan­nut, najuut­tul­lu ilisareqatigiin­niar­nis­samin­nut periarfis­saqarluar­tar­put.

Ilagiit amerlanersaat rigs­salimi Jehovap Nalunaajaasuisa nam­min­neq sanasimasaan­ni ataatsimiititsisar­put. Sanaar­tor­nermut aningaasar­tuutit Nalunaajaasut nam­min­neq kajumin­nermin­nit tunis­sutaan­nit akiler­neqar­tar­put, amerlaner­tigul­lu kajumin­nermit sulisut akis­sarsiaqan­ngitsumik sanasar­paat. Ataatsimiin­ner­ni tamani aningaasanut nak­kaatitsiveqar­tar­poq tunisiumasut nak­kar­titsif­fis­saan­nik.

Ilagiit ataatsimiititsineri iluatsil­lugit Jehovap Nalunaajaasuisa un­nersuus­sut Eprîarinut agdlagkat 10:24, 25-mi al­las­simasoq maleruarsin­naan­ngor­paat: ’Misis­soqatigiin­niar­talu asan­nin­nermut ajun­ngitsulior­nermul­lu kajumis­saaqatigiil­luta, katisimasarfip­pul­lu qiman­naveer­tigu, ilaat taamaat­tarmata; kisian­ni oqaaq­qis­saaqatigiil­luta pisa; an­nerusumil­li taamaas­saagut ul­lus­saq qanil­lilersoq malugileratsigu.’

• Kristumiut siul­liit ataatsimiin­nerini pisar­tut suut Jehovap Nalunaajaasuisa ataatsimiin­nerini pisar­pat?

• Nalunaajaasut ataatsimiititsisar­nerini tal­limaasuni sam­mineqar­tut pingaar­nersiorlugit oqalut­tuarik­kit.

• Ataatsimiit­tarfitik qanoq pisar­paat?

[Qupp. 14-mi assiliartat]

Utoq­qaaner­taq Napassuliak Alapernaerssuivfik atorlugu atuaq­qis­saaqatigiin­nermik aqutsisoq USA-mi

Teokratiimik ilin­niarfim­mi pisimasoq Savalim­miuni

Inuin­naap il­luani im­mik­koo-qatigiit atuaq­qis­saaqatigiis-sut, Yapimi

Rigs­sali Texasimi New Braunfelsimiit­toq, Jehovap Nalunaajaasuisa ul­lut marluk ingerlaneran­ni sanasaat

[Qupp. 15-mi assiliartat]

Nunani as­sigiin­ngitsuni rigs­salit

Japan

Australia

Østrig

Spania