Guutip siunertaa naammassilersoq

NUNA pin­ngor­tik­kamiuk Guutip siuner­taraa inuit pil­luar­tut pis­sutsinik iluar­tunik atugaqar­tut tas­sani najugaqar­nis­saat. Inuujuas­sagunik inuit Guutip inatsisai maleruar­tariaqar­paat, inuil­li aap­pariit siul­liit naalan­ngilaat ajor­tulior­tun­ngorlutil­lu, toqusus­san­ngorlutik. Tas­suuna kinguaas­saat tamarmik ajor­timik toqumil­lu kingor­nus­sisus­san­ngor­put. — 1 Môrsase 1:27, 28; 2:16, 17; 3:1-19; Rûmamiut 5:12.

Guuti, Jehovamik ateqar­toq, aalajanger­poq naalan­ngin­nerup ajor­til­lu sun­niutaat nunamit peerumaarlugit. Pivorlu nuna qiviaramiuk inun­ni takuleraa angut ilumoor­toq, Abram, taan­nalu Abrahamimik ater­taar­tip­paa. Guutip Abraham neriorsor­paa kinguaas­sai inuiaqatigiin­ngorumaar­tut inuiaqatigiil­lu taak­ku aq­qutigalugit kinguaasas­samik pilersitsiumaarluni, tas­suunalu nunami eq­qarleriit tamarmik pil­luaq­qunarsiumaar­tut. — 1 Môrsase 12:1-3; 18:18, 19; 22:18; tugsiaut 83:18; Eprîarit 11:8-16.

Ukiut 1600-ssaata u.n.a.s. * naajar­tuler­neran­ni, Abrahamip er­nutaata Jakobip, tas­sa Israelip, kinguai naggueqatigiin­ngorsimap­put aq­qaneq-marluk Ægyptenimi inus­siaal­lutik. Jehovap Israelik­kut taak­ku Ægyptenimin­ngaan­niit aniguisip­pai inuiaqatigiin­ngor­til­lugit. Sinajip qaq­qaani Moses aq­qutigalugu inatsisinik, tas­sa inuiaqatigiin­nut taak­kunun­nga inatsisinik tun­ngaviusunik, tunivai. Jehova Kun­ngigaat, Eq­qar­tuus­sisigaat Inatsisilior­tigalugulu. Inuiaqatigiit Israelik­kut Guutip in­nut­tariler­pai qinik­kani, nalunaajaasigalugit, siuner­taanik naam­mas­sin­nin­niar­nis­samin­nut aaq­qis­suus­saasut. Taak­kunan­nga Mes­sias saq­qum­merumaar­tus­saavoq, taas­sumalu naalagaaf­fik it­tuin­nar­toq inuit inuiaqatigiin­nit tamaneersut iluaqutigiumaagas­saat pilersit­tus­saavaa. — 2 Môrsase 19:5, 6; 1 nalunaers­sûtigdlit 17:7-14; 1 kúngit 4:20, 25; Isaia 33:22; 43:10-12; Rûmamiut 9:4, 5.

Ukiut 1500-t qaangium­mata, tas­sa ukiut 2000-it mis­siliorlugit matuma sior­nagut, Guutip er­nituani qilam­min­ngaan­niit nunamut aal­lar­tip­paa, ar­namit inuusut­tumit angum­mit at­tor­neqarsiman­ngitsumit juutiusumit, Mariamit, er­niutil­lugu. Jesusimik atser­neqar­poq naalagaaf­fil­lu siuaasaminut Davidimut Guutip neriorsuutigisimasaa kingor­nus­sarisus­saal­lugu. 30-nik ukioqarami Jesus Johan­nesimut Kuisisumut kuisip­poq Guutil­lu naalagaaf­fia oqaluus­sis­sutigilerlugu. Nap­parsimasunik ajorun­naarsitsisarami takutip­paa qanoq  naalagaaf­fiup tikiuk­kumaar­tus­sap inuiaat pil­luaq­qujumaarai. As­sersuutitigut oqalut­tarluni nas­suiar­paa naas­saan­ngitsumik inoorusut­tut tamarmik sumik piumaf­figineqas­sasut. Taava Jesus nap­pak­kami naal­liut­titaaf­fim­mi toqun­neqar­poq, inut­tul­lu inuunera naam­mal­luin­nar­toq inuian­nik uter­titsis­sutis­san­ngor­poq. — Matîuse 1:18-24; 3:13-16; 4:17-23; 6:9, 10; kapitali 13; 20:28; Lúkarse 1:26-37; 2:14; 4:43, 44; 8:1; Juánase 3:16; apustilit suliait 10:37-39.

Jesusip nas­suiarsimavaa Mes­siasik­kut naalagaaf­fik siunis­sami ungasis­sorsuarmi, pis­sutsit aaq­qis­suus­saanerata naalerfis­saani, pilersin­neqar­tus­saasoq. Taamanik­kus­sami qilam­mi takus­saanani najuuk­kumaar­poq kun­ngiul­luni iver­titaal­luni, najuun­ninilu malun­nar­tik­kumaar­paa nunamik soqutigin­niler­nermigut. Silarsuarmi pisimasut nalunarun­naarsip­paat 1914-imin­ngaan­niil­li ukiut taak­ku inuuf­figigivut. Soorlu Jesusip siulit­tuutigisimagaa, Naalagaaf­fim­mik tusagas­saq nuan­nersoq nunarsuarmi tamarmi inuiaqatigiit tamarmik nalujun­naarutis­saan­nik oqaluus­sis­sutigineqar­poq. Tamatuma kinguneraa inuit inuiaqatigiin­nit tamaneersut Guutip naalagaaf­fia iligilerlugu katersor­neqaler­nerat. Taak­ku pis­sutsit aaq­qis­suus­saanerata maan­nak­kut atuut­tup naggatis­saani amiak­kuul­lutik inuujumaar­put nunamilu Naalagaaf­fiup Mes­siasik­kuusup ataani inuuneq naas­saan­ngitsoq piumaarlugu. — Matîuse, kapitalit 24 25-lu; sarĸúmersitat 7:9-17.

Ul­lumik­kut up­peqatigiit amerlasuut Guutip peq­qusaanik naam­mas­sin­nin­nerar­put. Kisian­nili kristumiut ilagiis­saat ilumoor­tut kik­kuunersut qanoq ilil­luta paasiniarsin­naavavut? Paasiniarsin­naavavut ukiuni 100-lin­ni siul­ler­ni kristumiut ilagiis­saasa Bibelimi al­laatigineqar­neri misis­sorutsigik, taavalu ul­lumik­kut kik­kut maligas­saq taman­na malin­neraat paasiniarlugu.

• Guutip siuner­taata piviusun­ngoriar­tor­nerani Abraham Israelilu qanoq iliuuseqar­pat?

• Jesusip nunami kif­far­tuus­sinermigut toqumigul­lu suut naam­mas­sivai?

• Piumaar­tus­sat suut uagut nalitsin­nut nalunaaq­qutaal­lutik siulit­tuutigineqarsimap­pat?

[Quppernerup ataani ilanngussaq]