Ikiuukkusuppugut
Ikiuukkusuppugut
Atuagaaraq una allanneqarpoq Jehovap Nalunaajaasuisa suliaannik Bibelilu pillugu qaammarsaanermik periarfissiornerinik paasisaqartinniarlutit. Immaqa Jehovap Nalunaajaasuisa pulaartarpaatsit, imaluunniit aqqusinermi allamiluunniit oqaloqatigisimavatit. Immaqa ilaata Bibelimik atuaqqissaaqatigisarpaatit.
Nalunngikkaluarpiuk Guutip naalagaaffianik tusarliussaat silarsuarmi tamarmi oqaluussissutigineqartoq? Suna pillugu? Guutip, Pinngortitsisitta, kissaatigaa inuit inuiaqatigiinnit tamaneersut aaqqiagiinngornissaat pallorfigaluni. Uagut nalitsinni piumaartussaq pillugu ima siulittuisimavoq: „Inuiaqatigiillu amerlasuut aggerumaarput oqarlutik: ’Qaagitsi, Jehovap qaqqaanut majuarta, Jakobip Guutiata illuanut; aqqutigeqqusaminik ajoqersorumaarpaatigut, aqqusernisigullu ingerlassaagut.’“ — Isaia 2:2, 3, NW. *
Guutip aqqutigeqqusaanik oqaluutiginninnermik Jehovap Nalunaajaasuisa sulinerat siulittuummik tamatuminnga eqquutitsivoq. Quppernerni tulliuttuni nassuiarneqassaaq suna pissutigalugu suliassaq tamanna taama pingaartigisoq illillu qanoq iluaqutigisinnaagit.
[Quppernerup ataani ilanngussaq]
^ imm. 3 NW isumaqarpoq New World Translation of the Holy Scriptures.