Ilagiit Guutip naalagaaffianik oqaluussis­sutigin­ninnermut aaqqissugaasut

NUNAMIIK­KAL­LARAMI Jesus Kristusip Guutip naalagaaf­fia oqaluus­sis­sutigaa, nunaqarfim­miit nunaqarfim­mut il­loqarfim­miil­lu il­loqarfim­mut angalaarluni. Aam­mat­taaq ajoqersuk­kani sungiusar­pai aal­lar­til­lugil­lu sulias­saq taan­naasoq suliariar­toq­qul­lugu. Qilaliar­tin­nani malitsini peq­quai inun­nik inuiaqatigiin­nit tamaneersunik ajoqersugan­ngor­titseq­qul­lugit. Pilersin­neqaq­qaar­nermin­niil­li kristumiut ilagiis­saat tusagas­samik nuan­nersumik oqaluus­sis­sutigin­nin­nis­samin­nut aaq­qis­sugaap­put. Ajoqersuk­kat sumut pigaluarunil­luun­niit Guutip naalagaaf­fianik oqaluus­sis­sutigin­nit­tut naapitas­saap­put. — Matîuse 4:17, 23; 10:1-16; 28:19, 20; Lúkarse 4:43, 44; 8:1; 10:1-9; apustilit suliait 1:8; 4:31; 5:42; 8:12; 19:8; 28:23, 30, 31; Rûmamiut 10:9, 10, 14.

Pis­sutsit aaq­qis­suus­saanerata naalerfisaa pil­lugu siulit­tuutimini Jesus oqar­poq: „Naalagaaf­fim­mil­lu tusagas­saq nuan­nersoq taman­na oqaluus­sis­sutigineqas­saaq nunarsuarmi inuit najugarisaan­ni tamarsuarmi inuiaqatigiit tamarmik nalujun­naarutis­saan­nik; taavalu naggatis­saq nal­liutis­saaq.“ Ul­lumik­kut kristumiut ilagiis­saasa pisus­saaf­fiisa pingaar­nersaasa tamatumin­nga oqaluus­sis­sutigin­nin­neq ilagaat. — Matîuse 24:14, NW; Mákorse 13:10.

Silarsuarmi tamarmi Jehovap Nalunaajaasuisa ilagiis­saat tamarmik aaq­qis­sugaap­put oqaluus­sif­figisamin­ni tamani Guutip naalagaaf­fianik tusagas­saq nuan­nersoq aaq­qis­suul­luak­kamik oqaluus­sis­sutigis­sal­lugu. Tamatuma torersumik naam­mas­sineqar­nis­saa siuner­taralugu Vagttårnip peqatigiif­fiata nunani ataasiak­kaani im­mik­koor­tor­taqarfiisa ilagiit tamaasa im­mik­kut oqaluus­sif­figisas­saan­nik pis­saqar­tit­tar­paat. Taava ilagiit oqaluus­sif­figisas­saq im­mik­koor­titer­paat, aggor­nerilu oqaluus­sisar­tunut tun­niun­neqar­tar­put, taak­kualu inuit tas­sani najugaqar­tut tamarmik pulaar­neqar­tar­nis­saat isumagisar­paat. — 1 Korintumiut 14:33, 40.

Amerlaner­tigut nalunaajaasut inuit atas­suteqarfiginiar­tar­paat il­lumit il­lumut angalaarlutik. Ilagiit ataatsimiin­nerini Jehovap Nalunaajaasuisa sungiusarlutik ilin­niarsimavaat il­lunut or­nigul­lutik Naalagaaf­fim­mik  tusarlius­samik Bibeli is­suaaf­figisarlugu saq­qum­mius­siniar­nis­saq. Nalunaajaasut atuak­kat atuagas­sial­lu Bibelilersaarutaasut nas­sar­tar­paat inun­nul­lu Guutip oqaasianik paasin­nik­kusut­tunut tun­niut­tarlugit.

Oqaluus­sif­figisas­samin­ni najugaqar­tut tamaasa Naalagaaf­fim­mik tusarlius­samik pingaarutilim­mik tusar­nis­saan­nut periarfis­sik­kumal­lugit, nalunaajaasut il­lumit il­lumut angalaar­nermin­ni peq­qis­saar­tumik al­lat­tuisar­put, il­lut suut inoqan­ngitsut al­laluun­niit pis­sutigalugu iluamik nalunaajaaf­figineqan­ngitsut al­lat­torlugit, taava kingusin­nerusuk­kut taak­kunun­nga or­nigut­tarlutik. Soqutigin­nit­tut­taaq al­lat­tor­neqar­tar­put, nalunaajaasul­lu pulaaq­qit­tar­put Bibeli ilisimatitsis­sutigeq­qik­kumal­lugu. Piumasarineqar­pat Bibelimik atuaq­qis­saaqatigiit­tar­neq pilersin­neqarsin­naavoq. Tamak­ku tamarmik akeqan­ngitsumik ingerlan­neqar­tar­put.

Aam­mat­taaq Jehovap Nalunaajaasui atuagas­sianik aq­qusinermi saneq­qut­tunut tuniniaasar­put. Taamaaliorlutik inup­pas­suit il­lumin­ni isersiman­ngitsut naapit­tar­paat. Tamaviaar­tar­put tusar­naarusut­tut tamaviisa anguniarlugit. — apustilit suliait 17:17; sarĸúmersitat 14:6, 7; 22:17.

Suna pil­lugu Nalunaajaasut il­lunut pulaar­taqat­taar­tuar­pat, inuit amerlanerit soqutigin­nin­ngik­kaluar­tut? Inuit pis­susii al­lan­ngorarmata paasineqarsimavoq pulaaq­qin­nerini ilas­sil­luar­neqarsin­naasar­tut imaluun­niit inoqutigiit arlaat soqutigin­nit­toq naapin­neqar­tar­toq.

Jesusip ajoqersuk­kani oqarfigai: „Taava naalagaaf­fik iluar­nerlu [Guutip] pia piniaq­qaar­tuaan­narsigik.“ Guutip naalagaaf­fianik oqaluus­sis­sutigin­nin­neq Naalagaaf­fim­mik piniaq­qaar­nitsin­nut ilaavoq pingaar­toq, Jehoval­lu Nalunaajaasuisa taman­na inuunermin­ni anguniak­katut pingaar­ner­paatip­paat. — Matîuse 6:33, NW; 2 Timûtiuse 4:2.

• Jesusip kristumiul­lu siul­liit suliaat suna aam­mat­taaq uagut nalitsin­ni suliarineqar­nis­saa siulit­tuutigineqar­pa?

• Jehovap Nalunaajaasuisa oqaluus­sisar­nerat qanoq aaq­qis­suus­saava?

• Suna pil­lugu Nalunaajaasut inun­nut pulaar­taqat­taar­tuar­pat naak amerlanerit soqutigin­nin­ngik­kaluar­tut?

[Qupp. 16, 17-mi assiliartat]

Jehovap Nalunaajaasuisa Guutip naalagaaf­fia nunani as­sigiin­ngitsuni oqaluus­sis­sutigaat

Thailand

Mexico

Holland

Korea

Curaçao

Ghana

England

Australia