Kajuminnermit tunissutitigut aningaasaler­sugaasut

SULINERIT matuma siuliini al­laatigineqar­tut tamarmik kajumin­nermit sulisunit akis­sarsiaqar­neq ajor­tunit suliarineqar­tar­put, taamaalil­luni aningaasar­tuutit sapin­ngisamik ap­pasitsin­neqarlutik. Il­lumit il­lumut angalaarluni oqaluus­sisar­neq atuagas­sanil­lu agguaaneq Jehovap Nalunaajaasuisa kajumin­nermit akis­sarsiaqaratik suliarisar­paat. Tamarmik akilersugas­satik nam­min­neq akiler­tar­paat. Utoq­qaaner­tat ilagiin­nik nak­kutil­liisut ilagiin­nilu kif­far­tor­tut akis­sarsiaqaratik kif­far­tuus­sisar­put. Kif­far­tuus­sinermin­ni aningaasaajaatit tamarmik nam­min­neq akiler­tar­paat.

Siulersuisoqatigiin­ni ilaasut al­lal­lu bibelinik atuak­kanil­lu Bibelimut ilin­niutaasunik piareersaanermik naqiterinermil­lu taamaaqataanil­lu suliaqar­tut tamarmik al­lanik akis­sarsiaqan­ngil­lat kisian­ni akeqan­ngitsumik nerisaqarlutil­lu inigisaqar­put nam­minerisamin­nil­lu pisariaqar­titamin­nut angin­ngitsumik qaam­mam­mus­siaqar­tarlutik. Aam­mat­taaq al­lamik atorfeqaratik nak­kutil­liil­lutik angalasar­tut taama it­tumik isumagineqar­tar­put.

Atuak­kanit atuagas­sianil­lu iser­titat an­nikitsut taamaal­laat ator­tunut, naqiterinermut nas­sius­suinermul­lu aningaasar­tuutit matusar­paat. Aningaasat atugas­sat al­lat tamarmik kajumin­nermit tunis­sutitigut Jehovap Nalunaajaasuisa nam­min­neq tunisinerisigut imaluun­niit kingor­nus­sas­sanik aalajangiinerisigut akiler­neqar­tar­put.

Jehovap Nalunaajaasuisa ataatsimiititsinerini tamani, ilagiis­simin­ni aam­mat­taaq ataatsimeersuar­ner­ni, aningaasanut nak­kaatitsiveqar­tar­poq tunisiumasut nak­kar­titsif­figisin­naasaan­nik. Aningaasanik katersuisitsineqar­neq ajor­poq. Pis­sarsiamik qulerar­terutaanik akileraar­taq­qusaan­ngil­lat ilagiin­nul­lu ilaasor­tatut akilium­mik akileeq­qusaanatik. Soorlu Bibelimi taaneqar­toq, tamarmik uum­matimik pilersaarutigisaan­nik tunisisin­naap­put. — 2 Korintumiut 8:12; 9:7.

• Jehovap Nalunaajaasuisa sulineri tamarmik qanoq aningaasalersugaap­pat?