Jesus Kristus kinaava?

„ALLAAT kristumiuun­ngitsor­pas­suit isumaqar­put ajoqersuisorsuusoq ilisimas­susilik. Inuian­nut tamanut sun­niuteqar­ner­paasimasut ilagigaat qularutis­saan­ngilaq.“ (The World Book Encyclopedia) Eq­qar­tor­neqar­toq taan­na tas­saavoq Jesus Kristus, kristumius­sutsimik tun­ngaviliisoq. Kinaasoq nalun­ngiliuk? Taan­na inooriaatsin­nut sun­niuteqar­pa?

Jesusip kif­far­tor­neranut atatil­lugu pisimasut Biibilimi oqalut­tuarisaanermik atuak­kiani sisamani, iivangkiiliunik taaneqar­tuni, al­laatigineqar­put. Oqalut­tuat taak­ku qanoq tatiginar­tigip­pat? Taak­kua misis­suif­figereerlugit oqalut­tuarisaanermik ilisimatooq tusaamasaq Wil­l Durant ima al­lap­poq: „Inuin­naat ikit­tuin­nan­nguit kinguaariit ataasiin­naat nalaan­ni inuusut inum­mik taama malun­naateqarluar­tigisumik taamalu iluarinar­tigisumik ileq­qus­satigul­lu taama qutsitsigisumik ajoqersuutilim­mik, inut­tul­lu qatan­ngutigiius­sutsimik taama isumas­sarsinar­tigisumik takorluugalim­mik oqalut­tualiorsin­naagunik tupin­nas­sagaluaqaaq, iivangkiiliuni oqalut­tuarineqar­tunit tupin­nar­nerungaas­sagaluarluni.“

Jesusili nunani kangil­ler­ni sumiif­fin­nilu al­lani mil­lionilip­pas­suar­nut takor­nar­taal­luin­nar­poq. Ilaasa inuusimanera up­perisimagunaraluar­paat, inuunermin­nili sun­niuteqar­terusus­siman­ngilaat. Al­lat susas­sarin­ngin­nerar­paat taas­sumun­nga ajoqersugaanerar­tut iliuuserisimasaat pis­sutigalugit. Japanimiut ilaat ima oqar­tar­put: ’Nagasakimik, il­loqarfim­mik Japanimi il­loqarfin­nut al­lanut amerlaner­nut naleq­qiul­lugu kristumioqar­ner­paamik, atomimik qaar­tar­tumeerisut kristumiuup­put.’

Nakorsap siun­nersuutai nap­parsimasup malin­ngip­pagit nap­paataanut nakorsaq pisuutis­sagaluar­piuk? Soorunami naamik. Ul­luin­nar­ni ajor­nar­torsiutit qanoq aaq­qin­neqarsin­naaneran­nik  Jesusip siun­nersuutai kristumiuunerar­tuni sumigin­nar­neqar­tuarsimap­put. Kristumiuunerar­tut Jesusip ajoqersuutaanik malin­nik­kuman­ngitsut pis­sutigalugit Jesus itigar­tiin­nar­nagu, soormi nam­mineq taan­na pil­lugu ilin­niaruit? Biibili misis­soruk Jesus kinar­piaanersoq taas­sumalu inuunerit qanoq al­lan­ngor­tis­sin­naaneraa paasiniarlugu.

Jesusip ajoqersuutaa — asanninneq

Jesus Kristus ajoqersuil­laq­qis­suusimavoq ukiut 2000-t matuma sior­na Palæstinami najugalik. Meeraanera pil­lugu ilisimasavut ikit­tuin­naap­put. (Matîuse kapitalit 1 aam­ma 2; Lúkarse kapitalit 1 aam­ma 2) 30-nik ukioqarluni ’sal­lusuis­sut nalunaajaas­sutigis­sal­lugu’ kif­far­tuler­poq. (Juánase 18:37; Lúkarse 3:21-23) Iivangkiiliunik al­lat­tut sisamat Jesusip inuuneranik oqalut­tuar­tut ukiut kingul­liit pingasut af­farlu nunarsuarmi inuunermini tamanut kif­far­tor­nera pingaar­ner­tut sam­misimavaat.

Kif­far­tor­nermini Jesusip ajoqersuk­kani siun­nersor­pai ajor­nar­torsiutit nalaat­tak­katik qanoq ilil­lutik aaq­qis­sin­naaneraat. Suna aaq­qiis­sutis­saanerar­paa? Asan­nin­neq. Qaq­qami oqaluutsimini — oqalut­tuarisaanermi oqaluutsit tusaamaneqar­ner­paat ilaan­ni — Jesusip ajoqersuk­kani tul­lermut asan­nin­nermik ajoqersor­pai. Ima oqar­poq: ’Taamaat­tumik inun­nut qanorluun­niit iliorfigeq­qugus­si ilis­sis­saaq taamatut iliorfigisigik.’ (Matîuse 7:12) Najoq­qutas­saq taman­na ator­tuujuaan­nar­tus­satut taaneqar­poq. ’Inuit’ Jesusip tas­sani eq­qaasai tas­saap­put­taaq qin­ngarsuisut. Oqaluutsimini tas­sani oqar­poq: ’Qin­ngarsor­tisi asajuarsigik . . . qinugin­nit­tul­lu qin­nus­sigik.’ (Matîuse 5:44) Asan­nin­neq taama  it­toq ul­lutsin­ni ajor­nar­torsiuter­pas­suat­ta ilaan­nut aaq­qiis­sutaas­san­ngin­ner­pa? Taama isumaqar­poq hindusior­toq inuiaqatigiin­nul­lu siulersuisoq Mohandas Gandhi. Taan­na ima oqarsimavoq: „Il­lit nunavit uagul­lu nunat­ta Kristusip qaq­qami oqaluutsimini ajoqersuutai malis­sin­naaler­patigik . . . silarsuarmi tamarmi ajor­nar­torsiutit anigor­neqarsin­naalis­sap­put.“ Inuit tamarmik Jesusip asan­nin­neq pil­lugu ajoqersuutaa maleruar­pas­suk, silarsuarmi inuiaat ajor­nar­torsiutaarutis­sagaluar­put.

Jesusip suliaani asanninnera

Jesus oqaluus­sis­sutigisani nam­mineq maleruar­tar­pai. Al­lat soqutigisaat nam­mineq soqutigisaminit sal­liutit­tar­pai asan­nin­ninilu suliamigut ersersit­tarlugu. Ilaan­ni Jesus ajoqersugaalu oqaluus­singaaramik nerinis­sar­til­luun­niit pif­fis­saqarfigisiman­ngilaat. Jesusip ajoqersuk­kani ’qasuersaal­latsiar­tariaqalersut’ takugamigit umiatsiamik inoqan­ngitsumukaqatigai. Inup­pas­suil­li siul­liul­lutik or­nitaan­nut apuup­put. Jesusiusuuguit qanoq qisuarias­sagaluar­pit? Oqalut­tuarineqar­poq Jesusip ’inup­pas­suit takugamigit nal­ligingaalerai’ ’amerlasuunil­lu ajoqersulerai’. (Mákorse 6:30-34) Misigin­neqataangaar­nerata al­lanik ikiuerusulersip­paa.

Jesusip al­lat iluaqutis­saan­nik iliuuserisai anersaak­kut ajoqersuinerin­naan­ngil­lat. Aam­mat­taaq arlaatigut ikiuisar­poq. As­sersuutigalugu if­fianik tal­limaan­nar­nik aalisak­kanil­lu marluin­nar­nik angutit 5000-t (saniatigul­lu ar­nat meq­qal­lu) un­nuler­nera tikil­lugu tusar­naarsimasut nerisis­simavai. Pif­fis­sami al­lami if­fianik arfineq-marlun­nik aalisagaalun­nguanil­lu inuit 4000-t nerisis­simavai. (Matîuse 14:14-21; 15:32-38; Mákorse 6:35-44; 8:1-9) Aap, Jesus tupin­nar­tuliorsin­naas­suseqar­poq.

 Aam­ma nap­parsimasor­pas­suit ajorun­naarsis­simavai, ilaatigut tap­piitsut, tusiat­tut, pupis­sut tusilar­tul­lu. Al­laat toqusut makitis­simavai. (Lúkarse 7:22; Juánase 11:30-45) Pupis­sup ilaan­ni Jesus qin­nuigisimavaa: ’Piumaguit pupeerutis­sin­naavarma.’ Jesus qanoq qisuariar­pa? ’As­sani isatsil­lugit at­tor­paa oqarfigalugulu: „Piumavunga, pupeerugit.“’ (Mákorse 1:40, 41) Jesus taak­kunin­nga ikiuerusungaar­nerminit kil­lin­neqar­poq. Taama it­tunik tupin­nar­tulior­nermigut ajor­nar­torsior­tunut asan­nin­nini ersersip­paa.

Up­per­naap­pa? Malugisariaqar­poq Jesus amerlaner­tigut al­lat isigitil­lugit tupin­nar­tulior­tarmat. Al­laat as­sor­tor­taasa, Jesusimik kuk­kunersiuiuar­tut, tupin­nar­tuliorsin­naanera miserratigisin­naasiman­ngilaat. (Juánase 9:1-34) Aam­mat­taaq Jesusip tupin­nar­tuliai siuner­taqar­put. Guutip aal­lar­titaatut Jesusip kinaas­susersineqar­nis­saanut iluaqutaap­put. — Juánase 6:14.

Jesusip inuunerata ajoqersuutaatalu naatsumik oqalut­tuarineqar­nerisa taas­sumun­nga kajungilersip­paatigut asan­nin­neranil­lu malin­nerusulersil­luta. Taan­naan­naan­ngilarli Jesusip inuunitsin­ni sun­niuteqarfigis­sin­naasaa. Ajoqersuisorsuuin­nan­ngilaq asan­nin­neq pil­lugu oqalut­toq. Paasitip­paatigum­mi inun­ngun­ngik­kal­larami Guutip er­nituatut piusimal­luni. (Juánase 1:14; 3:16; 8:58; 17:5; 1 Juánase 4:9) Aam­mat­taaq inut­tut inooreer­nermi kingor­na piuvoq, tamatsin­nut suli pingaaruteqar­nerusumik. Biibilip takutip­paa Jesus makititaasimasoq, maan­nak­kul­lu Guutip naalagaaf­fiani kun­ngin­ngor­titaasimal­luni.  (sarĸúmersitat 11:15) Jesus oqar­poq: ’Tas­saavorli inuuneq naas­saan­ngitsoq: Il­lit ilisaralutit kisivit ilumut Guutiusutit, aal­lar­tital­lu Jesus Kristus ilisaralugu.’ (Juánase 17:3; 20:31) Tas­sa Jesus Kristus ilisarigaan­ni paratiisimi inuunermik naas­saan­ngitsumik kinguneqarsin­naavoq. Qanoq ilil­luni? Soormi Jesus pil­lugu suli an­nerusumik ilin­niaruit misigalugulu qanoq malin­nis­saanut ’asan­nin­nerata pin­ngitsaaligaatigut’? (2 Korintumiut 5:14) Jehovap Nalunaaiaasuisa nuan­naarutigalugu ikiorumavaatsit. — Juánase 13:34, 35.

Al­lat taaneqan­ngik­kaangata Bibelimit is­suak­kat tamarmik nutsik­kat kalaal­lisuun­ngor­titat ator­tus­saatitaasut 1900-meersoq, 1936-meersoq 1990-imeersorlu tun­ngavigalugit is­suagaasar­put.