Kina silarsuup naalagaraa?

Apeq­qut taman­na inuit ilaasa qular­nan­ngitsumik ima akiin­narumas­savaat: Guuti. Soqutiginar­porli Biibilimi sumiluun­niit al­las­simasoqan­ngim­mat Jesus Kristus imaluun­niit Ataataa silarsuup matuma naalagarigaa. Jesusili ima oqarsimavoq: ’Maan­na silarsuup matuma naalagaa ajat­tor­neqas­savoq.’ Oqaatsinilu ima ilavai: ’Silap matuma naalagaa aggiler­poq soqaranilu uan­ni.’ — Juánase 12:31; 14:30; 16:11.

Tas­sa silarsuup matuma naalagaa Jesusimut akerliusumik inis­sisimaf­feqar­poq. Kinaavamitaava?

Silarsuarmi pissutsit tikkuussinerat

Naak inuit ajun­ngitsus­saq anguniarlugu ilungersorlutik suliniuteqar­taraluaqisut silarsuaq oqalut­tuarisaanermi tamatigut naal­liun­nar­toqar­tuarsimavoq. Inup­pas­suit tamatumin­nga tupisuutigalugu eq­qarsaatigin­nit­tar­tut ilaat pingaar­nerutitamik al­lat­tar­toq, David Lawrence, ima al­las­simavoq: „’Nunarsuarmi eq­qis­sineq’ — inuit tamak­kiusavil­lutik kis­saatigaat. ’Inuit akor­nan­ni piumas­suseq ajun­ngitsoq’ — nunarsuarmi naggueqatigiit tamangajam­mik im­min­nut ajun­ngitsuliorfigeqatigeerusus­seqar­tar­put. Sunaliuna akor­nutaasoq? Sooq uf­fa inuit inun­nguutsimin­nik eq­qis­sinis­samik kis­saatigisaqar­tuusut sorsut­toqaler­nis­saanik aarlerinar­toqar­tuar­pa?“

Im­minut as­sor­tor­ner­tut ip­poq, ilaa? Inuit eq­qis­sil­lutik inuunis­sar­tik kis­saatigisar­paat, amerlasuutigul­li im­min­nut uumis­soqatigiit­tar­put toqoraat­tarlutil­lu — al­laat peq­qaar­neeqisumik. Ajus­sutsimik ingasal­luin­nar­tumik takutitsisimanerat eq­qarsaatigeriaruk. Gasimik ipititsiviit, toqutas­sanik katersor­titsiviit, in­nermik supoorus­suit, napalmbombit ator­tul­lu amiilaar­naqisut al­lat atorlugit naak­kit­taaqalutik an­niar­titsil­lutil­lu toqoraasarsimap­put.

Isumaqar­pit inuit eq­qis­sinermik pil­luar­nermil­lu maqaasisaqar­tut ilumut im­min­ni taama ajor­tigisin­naasut? Suumuna taama amiilaar­nar­tigisunik iliuuseqar­nis­saan­nik imaluun­niit al­latut ajor­nar­tumik  ajor­tuliorusuler­nis­saan­nik sun­ner­tarai? Eq­qarsaatigisimaviuk inun­nik taama peq­qar­niitsigisumik iliuuseqar­titsisar­toq tas­saasin­naanersoq pis­saanilik ajor­toq takus­saan­ngitsoq?

Silarsuup naalagaa kinaassusersineqarpoq

Eq­qoriaaqat­taar­tariaqan­ngilaq, Biibilimimi ersaris­sumik takutin­neqar­poq pin­ngor­titaq takus­saan­ngitsoq silas­soris­soq inun­nik inuian­nil­lu qangarsuaaniil­li pis­saaneqarfigin­nit­tualersimasoq. Ima al­las­simasoqar­poq: ’Silarsuaq iluun­ngarmi ajor­tormiuvoq.’ Biibilimi aam­ma nas­suiar­neqar­poq ajor­toq taan­na kinaasoq: ’Diaavulumik Satanimil­lu taaneqar­toq, inuit najugaan­ni nunalin­nik tamanik tam­mar­titsiniar­toq.’ — 1 Juánase 5:19; sarĸúmersitat 12:9.

Jesusip ilaan­ni ’Diaavulumit us­ser­niar­neqar­nermini’ Satanip silarsuarmut matumun­nga naalagaanera qularutigin­ngilaa. Susoqarsimasoq Biibilimi nas­suiar­neqar­poq: ’Aal­larup­paa qaq­qarsuarmut kingit­torsuarmut, silamiul­lu naalagaaf­fii tamaasa pingaar­torsuus­sutaal­lu taas­sumun­nga qimerloor­tip­pai oqarfigalugulu: „Mak­ku tamaasa ilin­nut tun­niuk­kumaar­pak­ka, nunamut pal­lorfigigum­ma.“ Taava Jesusip oqarfigaa: „Nigorit, Sataniaa!“’ — Matîuse 4:1, 8-10.

Eq­qarsaatigeriaruk: Satanip Jesus usser­niar­simavaa silamiut naalagaaf­fiinik tamanik neqeroorfigalugu. Satanil­li neqeroorutaa ilumut us­ser­nar­torsior­narsimas­sagaluar­ner­pa naalagaaf­fin­nut tamak­kunun­nga naalagaan­ngitsuup­pat? Naamik. Malugis­savat­taaq Jesusip as­sor­tun­ngik­kaa Satanip silarsuup naalagaaf­fii tamaasa pigigai. Taamaalius­sagaluar­poq Satanip pis­saaneqarfigin­ngitsuup­pagit. Taamaat­tumik Satan Diaavulu tas­saavoq silarsuup naalagaa. Biibilimi aam­ma taaneqar­poq ’silap matuma guutianik’. (2 Korintumiut 4:4) Qanorli ilil­luni pin­ngor­titaq ajor­toq taan­na taama pis­saaneqar­tigilersimava?

Aal­laq­qaam­mut Satan tas­saasimavoq in­ngili Guutimit pin­ngor­titaq, Guutil­li atorfia sin­ngagilersimavaa naalagaas­susiatalu eq­qor­tuunera apeq­quserlugu. Pulateriaarsuk atorlugu ar­naq siul­leq, Eva, sal­loq­qit­tarsimavaa taamaalil­lunilu taan­na uialu, Adam, Guutimut naalak­kun­naarsil­lugit im­minut malin­nitsilersimal­lugit. (1 Moses 3:1-6; 2 Korintumiut 11:3) Aam­ma oqarsimavoq Adamip Eval­lu kinguaas­sai suli inun­ngun­ngitsut tamaasa Guutimit tunutsis­sin­naal­lugit.  Taamaat­tumik Guutip Satan pif­fis­salersimavaa oqaatsiminik up­per­narsaaniar­nis­saanut. Taman­nali Satanip sapersimavaa. — Job 1:6-12; 2:1-10.

Satan kisimiun­ngitsoq silarsuarmik pis­saaneqarfigin­nip­poq. Iluatsitsil­luni in­ngilit al­lat ilaat Guutimut pikitsitsinerminut peqataalersis­simavai. In­ngilit taak­ku in­ngilipilun­ngorsimap­put, anersaat Satanimut perlulioqataasut. Taak­ku Biibilimi eq­qar­tor­neqar­put kristumiunut kajumis­saarum­mut matumun­nga atatil­lugu: ’Diaavulup qoqas­siniaraangasi aalajaan­niaritsi, aak uinil­lu paaniagas­sarin­ngin­natsigik, siuler­suisulli naalak­ker­suisullu taarsuul­lu matuma pis­saanilis­sui aner­saallu ajor­tut qilaap ataani.’ — Evfisumiut 6:11, 12.

 Anersaapiluit ajattukkit

Silarsuarmik pis­saaneqarfigin­nit­tut ajor­tut taak­ku aalajangersimap­put inuit tamaasa tam­mar­tin­niarlugit, Guutimut pal­lorfigin­nit­tooq­qunagit. Taamaalior­put ilaatigut toqunerup kingor­na inuunerup ingerlaq­qit­tar­neranik isuma siuarsarlugu, naak Guutip oqaasiani ersaris­sumik al­las­simagaluar­toq toqungasut ilisiman­ngivis­sut. (1 Moses 2:17; 3:19; Hesekiel 18:4; Tus­siaat 146:3, 4; Nalunaajaasup oqaasii 9:5, 10) As­sersuutigalugu, anersaapiluup inuup toqusimasup nipaa ilaarsin­naavaa taas­sumalu eq­qarlii ikin­ngutaaluun­niit oqaluf­figalugit anersaalerisoq imaluun­niit ’nipi’ takus­saan­ngitsumit tutsiut­toq aq­qutigalugu. ’Nipi’ toqusimasuuneraraluar­poq, tas­sar­piaavorli in­ngilipiluk!

Nipi taama it­toq tusas­sagaluaruk­ku uukapaatitaaniaqinak. Qanoq oqarfigigaluar­patil­luun­niit ajat­tus­savat. Jesusitut oqar­niar­na: ’Nigorit, Sataniaa!’ (Matîuse 4:10; Jâko 4:7) Anersaat akor­nan­ni qanoq pisoqar­tar­neranik paasisaqarusul­lutit alaper­naal­lutit anersaapiluit at­taveqarfigisaler­niaqinagit. Taamaalior­neq anersaalerinermik taaneqar­tar­poq, Guutil­lu kif­fani taamaalior­ner­nut tamanut mianersoq­quai. ’Pisus­sanik eq­quiniar­tar­tut, angak­kuar­tar­tut, serrasut, timaajagarsior­tunik anersaanil­lu siulit­tuisar­tunik siunersiuisut toqoreersunil­lu apersuisut’ tamarmik Biibilimi as­suarineqar­put. — 5 Moses 18:10-12; Galâsiamiut 5:19-21; sarĸúmersitat 21:8.

Anersaalerisut in­ngilipilun­nit pis­saaneqarfigineqaler­tarmata taamaalior­neq qanoq ik­kaluar­torluun­niit ingalas­simasariaqar­par­put, aam­ma naak nuan­ner­pasis­sin­naal­lunilu pis­sanganar­pasis­sin­naagaluar­toq. Krystalkuglit ator­nerat, ’anersaamik im­miar­torfim­miit­tumik’ apersuineq, ESP-mut (inuit sianis­susian­nit qutsin­nerusumik paasin­nis­sin­naas­sutsimut) soqutigin­nin­neq, as­satsigut ul­loris­satigul­luun­niit siulit­tuineq tamarmik anersaalerinermut ilaap­put. In­ngilipiluit aam­ma il­luni pulaf­figisamin­ni nipiliorsin­naap­put takus­saasunil­lu pilersitsisin­naal­lutik.

Anersaapiluit inuit ajor­tilius­susiat ator­nerlut­tar­paat atuagas­siat, filmit TV-milu aal­lakaatitas­siat kan­ngunar­tulior­nermik kinguaas­siutitigul­lu iliuutsinik pis­susis­samisuun­ngitsunik imal­lit siuarsar­tarlugit. In­ngilipiluit nalun­ngilaat eq­qarsaatit eq­qun­ngitsut tunuar­tin­neqan­ngik­kunik  puiugas­saan­ngitsumik sun­niuteqar­tar­tut inuil­lu kan­ngunar­tulior­til­lugit — soorlu in­ngilipiluit nam­min­neq iliorsimasut. — 1 Moses 6:1, 2; 1 Tásalûníkamiut 4:3-8; Jûtarse 6.

Inup­pas­suit im­maqa silarsuup anersaapilun­nit naalak­kersor­neqar­neranik eq­qarsaat quias­suaatigis­savaat. Up­perusun­ngis­susial­li tupaal­laatis­saan­ngilaq, Biibilimimi al­las­simavoq ’Satan nam­mineq qaamasup in­ngiliatut pis­suseqar­tuusaar­tar­toq’. (2 Korintumiut 11:14) Sal­loq­qit­taanera an­ner­paaq tas­sa inup­pas­suit up­pilersis­simagamigit nam­mineq in­ngilipilunilu piun­ngil­luin­narlutik. Il­lil­li uukapaatitaaqinak! Diiavulu in­ngilipiluilu piviusuup­put, tamatigul­lu ajat­tor­tuar­tariaqar­patit. — 1 Pîtruse 5:8, 9.

Qujanar­tumik Satanip taas­sumalu malin­nit­taasa suujun­naar­nis­saat qanil­livoq. ’Silarsuaq [pis­saanilit­taalu in­ngilipiluit] nungujar­tor­put,’ Biibilimi taama al­las­simavoq, ’Guutil­li peq­qusaanik naam­mas­sin­nit­toq naas­saan­ngitsumik atas­saaq.’ (1 Juánase 2:17) Anersaat ajor­tut taak­ku sun­nersin­naajun­naar­patigut oqilial­las­saqaaq! Taamaat­tumik Guutip peq­qusaanik ilior­tut akor­nan­niin­niar­ta Guutip silarsuas­saa nutaaq naaper­tuil­luar­toq naas­saan­ngitsumik inuuf­figis­sin­naajumal­lugu. — Tus­siaat 37:9-11, 29; 2 Pîtruse 3:13; sarĸúmersitat 21:3, 4.

Al­lat taaneqan­ngik­kaangata Bibelimit is­suak­kat tamarmik nutsik­kat kalaal­lisuun­ngor­titat ator­tus­saatitaasut 1900-meersoq, 1936-meersoq 1990-imeersorlu tun­ngavigalugit is­suagaasar­put.

[Qupp. 4-mi assiliartaq]

Satanip Jesus silarsuup naalagaaf­fiinik tamak­kunin­nga neqeroorfigisimas­sagaluar­ner­paa pigin­ngitsuugunigit?