Qanittukkut naalliunnar­tuerutissaaq!

 Inuunin­ni qular­nan­ngitsumik ima aperisimas­saatit: „Sooq taama naal­liun­nar­toqar­tigaa?“ Ukiuni tusindilin­ni sorsun­nerit, piitsuuneq, ajunaar­nersuit, pinerlut­tulior­nerit, naaper­tuil­luan­ngitsulior­nerit, nap­paatit toqulu pis­sutigalugit inuit naal­liungaarsimap­put. Ukiuni hundredeni kingul­ler­ni aatsaat taama naal­liun­nar­toqar­tigisimavoq. Tamak­ku qaqugumul­luun­niit atuuk­kun­naas­sap­pat?

Akis­sut qiim­maal­lan­nar­toq aap-iuvoq, qanit­tuararsuak­kul­lu tamak­ku atuuk­kun­naas­sap­put. Guutip oqaasiani, Biibilimi, ima al­las­simavoq: „Iluan­ngitsoq er­niin­naq peerut­tus­saavoq . . . Kisian­ni qanilaar­tut nuna kingor­nutis­savaat pil­luangaar­ner­til­lu nuan­naarutigis­sal­lugu.“ Qanoq sivisutigisumik? „Iluar­tut nuna kingor­nutis­savaat najugaqas­sal­lutil­lu tas­sani naas­saan­ngitsumik.“ — Tus­siaat 37:10, 11, 29.

Guutip ajus­suseq naal­liun­nar­tul­lu peer­pagit nunarsuaq paratiisin­ngor­tin­neqas­saaq. Taamanik­kus­samut inuit peq­qil­luin­narlutik pil­luarlutil­lu naas­saan­ngitsumik inuusin­naas­sap­put. Biibilimi ima siulit­tuuteqar­poq: „[Guutip] qul­liit tamaasa isaan­nit al­lar­terumaar­pai, toqulu peeruk­kumaar­poq, aliasut­toqarun­naarlunilu nil­liasoqarun­naarlunilu an­niar­toqarun­naas­saaq.“ — Saq­qum­mersitat 21:4.

Aam­ma toqungasut silarsuas­sami nutaami tamatumani inuuleq­qis­sap­put pil­luaq­qus­sutis­sanik ukunin­nga pis­sarseqataanias­sagamik: ’Toqusut makik­kumaar­put — iluar­tut iluaatsul­lu.’ (Apustilit Suliaat 24:15) Taamaat­tumik Jiisusi pinerlut­tumut peq­qis­simisumut im­minut up­per­nerminik ersersitsisumut ima oqarsin­naasimavoq: „Paratiisimeeqatigiumaar­parma.“ — Lukasi 23:43.

 Sooq naalliunnartut atuutilerpat?

Guutip inuit nuan­ningaar­tumik siunis­saqar­nis­saat siuner­tarip­pagu, taava sooq naal­liun­nar­tut atuutiler­nerat akueraa? Aam­ma sooq taama sivisutigisumik atuup­pat?

Guutip Adami Evalu isumak­kut timik­kul­lu naam­mal­luin­nar­tutut pin­ngor­tip­pai. Naatsiivim­mut paratiisiusumut inis­sip­pai nalerisimaar­nar­tumil­lu sulias­sil­lugit. Biibilimi ima al­las­simavoq: „Guutip pin­ngor­titani tamaasa isigai, takuaalu ajun­ngingaar­tut.“ (1 Mosesi 1:31) Guutimut naalas­simasuugunik naam­mal­luin­nar­tunik qitor­nar­taarsimas­sagaluar­put, nunarsuarlu tamarmi paratiisin­ngorsimas­sagaluar­poq inuit eq­qis­sil­lutik pil­luarlutil­lu naas­saan­ngitsumik inuuf­figisaat.

Guutip Adami Evalu pin­ngor­tik­kamigit piumasamin­nik iliorsin­naatip­pai, taman­nalu tunis­sutaavoq nuan­ningaar­toq. Robot­titut eq­qarsarsin­naan­ngitsutut it­tus­saan­ngil­lat. Guutil­li inatsisaanut naalan­nermik­kut piumasamin­nik iliorsin­naanermin­nik eq­qor­tumik atuinerat pil­luar­tuaan­nar­nis­saan­nut aalajangiisuuvoq. Guuti ima oqar­poq: „Uanga tas­sa [Jehova], Guutit, iluaqutaasunik ilin­nik ajoqersuisoq, il­lit ingerlavigisas­sak­kut ingerlatitsisoq.“ (Esaja 48:17) Piumasamik iliorsin­naanermik ator­nerluineq ajorluin­nar­tumik kinguneqas­saaq inuit Guutimut atanatik inuusus­satut pin­ngor­titaan­ngim­mata. Biibilimi ima al­las­simavoq: ’Inuup ingerlavis­sani nam­mineq aalajangigas­sarin­ngilaa, angalaar­tup aalajangigas­sarin­ngilaa al­lorar­nermi aalajaatsuutin­nis­saat.’ — Jeremia 10:23.

Ajoraluar­tumik siuaasavut siul­liit isumaqarsimap­put Guutimut at­taveqaratik pil­luarsin­naal­lutik. Guutil­li aqutsinera ajat­toramik­ku naam­mal­luin­nar­tuujun­naar­put. Aseroriar­tuler­put naggataatigul­lu utoq­qalil­lutil­lu toqup­put. Taak­ku siuaasarigatsigik naam­mal­luin­nan­ngis­suseq toqulu kingor­nup­pavut. — Romamiut 5:12.

 Kina naalakkersuisin­naatitaava?

Sooq Guutip Adami Evalu piuneerutin­ngilai aap­pariin­nil­lu al­lanik pin­ngor­titsil­luni? Guutip naalak­kersuisin­naatitaanera, tas­sa qilam­mi nunamilu kisimi oqar­tus­saanera, apeq­quser­neqarsimam­mat. Una apeq­qutaagami: Kina naalak­kersuisin­naatitaava, kial­lu aqutsinera pitsaaner­paava? Aam­ma ima aperisoqarsin­naavoq: Inuit ingerlal­luar­nerusin­naap­pat Guutip aqutsineranut naalatsigitin­ngik­kunik? Guutip inuit kif­faan­ngis­suseqarluin­nar­nermik misileraanis­samut naam­mat­tumik pif­fis­saqar­tin­nerisigut aqutsinerminut naalatsigitil­lutik nam­mineerlutil­luun­niit ingerlal­luar­nerus­sanersut inaarutaasumik up­per­narsar­neqar­tip­paa. Politik­kik­kut, in­nut­taaqatigiin­nik­kut, aningaasaqar­niar­nik­kut up­perisarsior­nik­kul­lu aaq­qis­suus­siner­nik Guutip siulersuineranik sumigin­naasunik misileraanis­samut pif­fis­saqarluar­tariaqar­poq.

Taman­na qanoq kinguneqar­pa? Inuiaat oqalut­tuarisaaneran­ni ukiuni tusindilin­ni naal­liun­nar­toqar­nerujar­tuin­narsimavoq. Ukiuni hundredeni kingul­ler­ni inuit aatsaat taama naal­liutsigip­put. Sorsun­nersuup aap­paata nalaani inuit mil­lionil­lit toqutaap­put. Inuit 100 mil­lioninit amerlanerusut sorsun­ner­ni toqutaap­put. Pinerlut­tulior­neq nakuuser­nerlu atugaaqaat. Ikiaroor­nar­tumik ator­nerluineq nunarsuarmi tamarmi ajor­nar­torsiutaavoq. Nap­paatinik kinguaas­siuutitigut tunil­laat­tar­tunik tunil­latsit­tut amerliar­tuin­nar­put. Ukiut tamaasa inuit mil­lionil­lit perlerlutik arlaan­nil­luun­niit nap­paateqarlutik toqusar­put. Ilaqutariit­tut inuunerup ajorsiar­tuin­nar­nera ileq­qus­satigul­lu eriagisat qasuk­karalut­tuin­nar­nerat sumi tamaani takus­saavoq. Nunarsuarmi naalak­kersuisut kik­kul­luun­niit ajor­nar­torsiutit tamak­ku aaq­qis­sin­naan­ngilaat. Taak­kua arlaan­naasaluun­niit utoq­qalineq, nap­paatit toqulu atorun­naarsis­sin­naan­ngilaat.

 Biibilimi siulit­tuutigineqarsimaneratorluin­naq pis­sutsit ul­lumik­kut ip­put. Pif­fis­saq taman­na silarsuup matuma ’atugarliungaarfiusus­sap ul­lus­saanik kingul­ler­nik’ taaneqar­poq. Biibilimilu oqalut­tuarineqar­neratut ’inuit ajor­tut peq­quserlut­tul­lu ajor­tumut nak­kaak­kiar­tuin­nar­put’. — 2 Timotheusi 3:1-5, 13.

Qanittukkut naalliunnar­tuerutissaaq

Nalunan­ngilaq inuit Guutimut atanatik aqutsinermik misileraanerigaluat naggaser­neqangajalersoq. Inuit Guutimut at­taveqar­natik aqutsinerat iluatsis­sin­naan­ngitsoq up­per­narsar­neqarluareer­poq. Guutip aqutsinera kisimi eq­qis­sineqalersitsin­naavoq, pil­lualersitsisin­naavoq, naas­saan­ngitsumik inuuneqalersitsisin­naavoq peq­qil­luin­nalersitsisin­naal­lunilu. Jehovap ajus­susermik naal­liun­nar­tunil­lu akuerin­nik­kal­lar­nera qaangiutingajaler­poq. Qanit­tuk­kut Guuti nunami pis­sutsinut akuliutis­saaq aaq­qis­suus­sarlu man­na naam­maginan­ngitsoq piuneerul­lugu.

Biibilimi ima siulit­tuuteqar­poq: „Kun­ngit taak­kua inuutil­lugit [naalak­kersueriaatsit inuit pilersitaat maan­na atuut­tut atuutsil­lugit] qilaap Guutiata [qilam­mi] naalagaaf­fik qaqugumul­luun­niit atasus­saq pilersik­kumaar­paa, . . . Guutip naalagaaf­fiata kun­ngeqarfiit [naalagaaf­fiit maan­na atuut­tut] al­lat tamaasa aseror­tis­savai suujun­naarsil­lugil­lu, nam­minerli soraajuitsumik atas­saaq.“ (Danieli 2:44) Jehovap kisimi oqar­tus­saaneranik, tas­sa qilam­mi naalagaaf­fik iluaqutigalugu naalak­kersuisin­naatitaaneranik, qutsis­sisitsineq Biibilimi pingaar­ner­tut sam­mineqar­poq. Jiisusip ’ul­lunut kingul­ler­nut’ ilisar­naatit ilaat pingaarutilik ima siulit­tuutigaa: „Naalagaaf­fim­mik iivangkiiliu taan­na silarsuarmi tamarmi oqaluus­sis­sutigineqas­saaq inuian­nut tamanut nalujun­naarsil­lugu, taavalu naggatis­saq nal­liutis­saaq.“ — Mat­thæusi 24:14.

 Naggatis­saq nal­liup­pat kik­kut aniguis­sap­pat? Biibilimi taman­na ima akineqar­poq: „Peq­qusersuitsut nunami najugaqas­sap­put, as­suar­naatsut kisimik tas­saniilis­sap­put. Kisian­ni iluan­ngitsut nunamit piiagaas­sap­put.“ (Us­satit 2:21, 22) Peq­qusersuitsut tas­saap­put Jehovap piumasaanik ilin­niar­tut, piumasaalu maleruarlugit inuusut. Jiisusi Kristusi ima oqar­poq: „Inuuneq naas­saan­ngitsoq tas­saavoq ilin­nik, ilumut kisimi Guutiusumik aal­lar­titan­nil­lu Jiisusi-Kristusimik, ilisiman­nin­neq.“ (Johan­nesi 17:3) Aap, ’silarsuaq nungus­saaq, Guutil­li piumasaanik ilior­toq naas­saan­ngitsumik atas­saaq’. — 1 Johan­nesi 2:17.

Al­lat taaneqan­ngik­kaangata Bibelimit is­suak­kat tamarmik nutsigaq kalaal­lisuun­ngor­titaq ator­tus­saatitaasoq 2000-imeersoq tun­ngavigalugu is­suagaasar­put.