Silarsuaq manna aniguissava?

Silarsuup naggatis­saanik oqalun­neq ukiuni kinguaariit ul­lumik­kut inuusut inuuf­figisaan­ni aatsaat taama tusarsaatigaaq. Inup­pas­suit an­nilaangal­lutik isumaqar­put nunarsuaq tamak­kerlugu atomi atorlugu sorsun­nersuak­kut silarsuup naggatis­saa tak­kutis­sasoq. Al­lat isumaqar­put mingutsitsinersuup silarsuaq aserorumaaraa. Sulilu al­lat an­nilaan­ngatigaat aningaasaqar­nik­kut uiver­nersuup inuit im­min­nut akerleriit­torsuan­ngor­tik­kumaarai.

Silarsuaq man­na ilumut aserus­sagami? Taamaap­pal­lu qanoq kinguneqas­sava? Silarsuaq sior­natigut aseror­neqarsimava?

Silarsuaq aserorneqarsimavoq allamillu taarserneqarsimalluni

Aap, silarsuaq sior­natigut aseror­neqarsimavoq. Tamatumani eq­qarsaatigaar­put silarsuaq Noap nalaani ajor­tun­ngorluin­narsimasoq. Biibilimi ima nas­suiar­neqar­poq: ’Silarsuaq taamani it­toq imermit qarsun­neqarluni aseror­poq.’ Aam­malu ima al­las­simavoq: ’Silamiut siul­liit Guutip erligin­ngin­namigit, Noali iluar­nermik oqaluus­sisoq arfineq-pingatsiul­lugu aniguisik­kamiuk, ulersuaq silamiunut iluaatsunut nal­liutip­paa.’ — 2 Pîtruse 2:5; 3:6.

Malugiuk silarsuarmik tamatumin­nga aseruisimaneq qanoq isumaqar­toq qanorlu isumaqan­ngitsoq. Inuiaat nungutin­neqar­neran­nik isumaqan­ngilaq. Noa ilaqutaalu ulersuarmit aniguip­put. Taamatut­taaq nunarsuar­put qilal­lu kusanangaar­toq ul­loriar­pas­sualik ataan­narsimap­put. Nungutitaasul­li tas­saap­put ’silamiut iluaatsut’, pis­sutsit aaq­qis­suus­saanerat ajor­tun­ngorsimasoq.

Noap kinguaavi amerliar­tor­til­lugit silarsuaq al­la pileriar­tuaarsimavoq. Silarsuaq, imaluun­niit pis­sutsit aaq­qis­suus­saanerat, taman­na ul­luvut mak­ku tikil­lugit atuup­poq. Silarsuup tamatuma oqalut­tuarisaanera sorsun­ner­nik, pinerlun­ner­nik nakuuser­ner­nil­lu ulik­kaar­poq. Qanoq pineqas­sava? Ataan­nas­sava?

Silarsuup matuma siunissaa

Noap nalaani silarsuup aseror­neqar­nera eq­qar­tor­neqareermat Biibilimi nangil­luni ima al­las­simavoq: ’Qilaat nunalu maan­nak­kut it­tut  taas­suma oqaasiagut unin­ngagal­lar­titaap­put, ikual­lat­tus­saal­lutik.’ (2 Pîtruse 3:7) Biibilimik al­laqataasut ilaat al­la ilumoor­tumik ima al­las­simavoq: ’Silarsuaq [ul­lumik­kut piusoq] nungujar­tor­poq.’ — 1 Juánase 2:17.

Biibilimi taama al­las­simasoq isumaqan­ngilaq nunarsuaq man­na tum­magar­put qilal­luun­nit ul­loriar­pas­sualik qulitsiniit­toq nungujar­tor­tut, soorlut­taaq Noap nalaani nungus­siman­ngitsut. (Tus­siaat 104:5) Silarsuarli man­na, taas­sumun­ngalu atasut ’qilaat’, tas­sa naalak­kersuisut Satanip sun­nersimasai, aam­malu ’nuna’, tas­sa inuiaat aaq­qis­suus­sat, in­nermil­lusooq aseror­neqas­sap­put. (Juánase 14:30; 2 Korintumiut 4:4) Silarsuaq, imaluun­niit pis­sutsit aaq­qis­suus­saanerat, man­na silarsuup, ulersuup sior­nagut piumasimasup, suujun­naarsin­neqarsimaneratorluin­naq suujun­naarsin­neqas­saaq. Al­laat Jesus Kristusip ’Noa inuutil­lugu’ pis­sutsit eq­qar­torsimavai silarsuup matuma naggatis­saata nal­liutin­ngitsiar­nerani pisus­sanut as­sersuul­lugit. — Matîuse 24:37-39.

Malugisariaqar­tuuvoq Noap nalaanik Jesusip eq­qar­tuinera apustilimi apeq­qutaan­nut matumun­nga akis­sutaanut ilaam­mat: ’Suna tikiuf­fis­san­nut silarsuul­lu matuma naggatis­saanut nalunaaq­qutaas­sava?’ (Matîuse 24:3) Tas­sa Jesusip malin­nit­taasa nalusimanngilaat silarsuaq man­na naggatis­saqar­toq. Siunis­saq taman­na siooragaat?

Naamik, akerlianil­li silarsuup matuma naggatis­saata nal­liutin­ngitsiar­nerani pisus­sat eq­qar­toramigit Jesusip apustilini kajumis­saar­pai qilanaar­nis­saan­nik, ’aniguisin­neqar­nis­saan­ngooq qanil­lim­mat’. (Lúkarse 21:28, NV) Aap, Satanimit pis­sutsil­lu aaq­qis­suus­saaneran­nit taas­suma aqutaanit silarsuarmut nutaamut eq­qis­sineqarfiusumut aniguisin­neqar­nis­saat! — 2 Pîtruse 3:13.

Qaquguli silarsuup matuma naggatis­saa nal­liutis­sava? ’Tikiuf­fis­saminut silarsuul­lu matuma naggatis­saanut nalunaaq­qut’ Jesusip eq­qar­tugaa suua?

’Nalunaaqqut’

Oqaaseq griikerisooq uani ’tikiuf­fis­saq’-mik nutser­neqarsimasoq tas­saavoq pa·rou·siʹa, isumaqarlunilu „najuun­neq“, . . . Tas­sa ’nalunaaq­qut’ takuneqarsin­naaler­pat imaan­ngilaq Kristus tikiutiliivissoq kisian­ni uteq­qereersimasoq najuul­lunilu. Taamaalip­pal­lu tas­sa takus­saanani qilam­mi kun­ngiulereersimas­saaq im­minul­lu akeraasut suujun­naarsingajaleriis­sal­lugit. — sarĸúmersitat 12:7-12; Tus­siaat 110:1, 2.

 Jesusip pisus­saq ataasiin­naq ’nalunaaq­qut’-itut eq­qar­tun­ngilaa. Silarsuarmi pisus­sar­pas­suit eq­qar­tor­pai. Pisus­sar­pas­suit tamak­ku pif­fis­sami Biibilimik al­lat­tut ’ul­lus­sanik kingul­ler­nik’ taasaan­ni pis­sap­put. (2 Timûtiuse 3:1-5; 2 Pîtruse 3:3, 4) Pisut ’ul­lus­sanut kingul­ler­nut’ nalunaaqutaasus­sat Jesusip siulit­tuutigisaasa ilaat sam­meriar­tigik.

’Inuiaat pikit­sit­siumaar­put inuiaqatimin­nut, naalagaaf­fillu naalagaaf­feqatiminut.’ (Matîuse 24:7) Nalitsin­ni sorsun­nerit oqalut­tuarisaanermi aatsaat taama sak­kor­tutigilersimap­put. Oqalut­tuarisaanermik ilisimatooq ima oqarsimavoq: „Sorsun­nersuaq Siul­leq [1914-imi aal­lar­tit­toq] sorsun­neruvoq ’tamak­kiisoq’ siul­leq.“ Sorsun­nersuup Aap­paa suli aseruineruvoq. Sorsun­neril­lu ingerlajuar­put nunarsuarmik aseror­terisuul­lutik. Ilumut, Jesusip oqaasii siulit­tuutaasut ilungersor­nar­tumik eq­quus­sor­put!

’Kaan­ner­suarlu nal­liut­tarumaar­poq.’ (Matîuse 24:7) Sorsun­nersuaq Siul­leq kaan­nersuarmik, im­maqa oqalut­tuarisaanermi aatsaat taama ingasatsigisumik, malitseqar­poq. Aam­mat­taaq Sorsun­nersuup Aap­paa kaan­nersuarmik amiilaar­naan­nar­tumik malitseqar­poq. Pisariaqar­titat inorlugit nerisaqar­neq nunarsuup inuisa aggor­nerisa tal­limaan­nik eq­quisar­poq, ukiut tamaasa meeq­qanit 14 mil­lionit mis­saan­niit­tunit toqus­sutaasarluni. Ilumut, ’kaan­nersuaq nal­liut­tar­poq’!

’Nunalu tamatigut tamaana sajungaar­tarumaar­poq.’ (Lúkarse 21:11) 1914-imiil­li nunap sajun­nerini ajunaar­tut agguaqatigiis­sil­lugit ukiut tamaasa, tamatuma sior­nagut ukiuni hundredelik­kuutaani nunap sajun­nerini ajunaar­tut agguaqatigiis­sil­lugit ukiut tamaasa amerlas­susian­nit quleriaam­mik,  amerlanerup­put. An­ner­tuner­paat ilaan­naat taasin­naavavut: 1920-mi Kinami 200.000-it ajunaarsimap­put, 1923-imi Japanimi 140.000-t mis­singi ajunaarlutil­luun­niit tam­marsimap­put, 1939-mi Tyrkiami 32.700-t ajunaarsimap­put, 1970-imi Perumi 66.800-t 1976-imilu Kinami 240.000-it (imaluun­niit tusarfiit ilaat naaper­tus­sagaan­ni 800.000-t) mis­singi. Ilumut ’nuna sajungaar­tarsimaqaaq’!

’Toqorar­nerlu nalliut­tarumaar­poq.’ (Lúkarse 21:11) Sorsun­nersuup Siul­liup kingunitsian­ngua inuit 21 mil­lionit mis­singi ’Spaniamiut nap­paataan­nik’ toqus­suteqar­put. Science Digest-imi ima al­las­simavoq: „Oqalut­tuarisaanermi al­lamik taama ingasatsigisumik piler­tor­tigisumil­lu toqorar­nersuaqan­ngisaan­narsimavoq.“ Aam­malu taamanimiit nap­paas­suit al­lat, soorlu kræfti, AIDS nap­paalanersuil­lu al­lat inuit hundrede mil­lionilik­kuutaat toqus­sutigisimavaat.

’Iluaat­sulior­nerit amer­liumaar­put.’ (Matîuse 24:12) 1914-imiil­li silarsuatsin­ni pinerlun­niar­neq nakuuser­nerlu nalingin­naaleriar­tuin­narsimap­put. Nunarsuarmi sumi tamaani ul­luk­kul­luun­niit aq­qusinik­kut angalanis­saq toq­qis­sisimanar­tin­neqarun­naaarsimavoq. Un­nuk­kut inup­pas­suit angerlarsimaan­nar­tar­put matutik par­naarsorlugit isuman­naaq­qusersorluarlugil­lu, aninis­samin­nut ersil­lutik.

Aam­ma al­lar­pas­suit ul­lus­sani kingul­ler­ni pisus­satut siulit­tuutigineqarsimap­put eq­quutereersimal­lutil­lu. Taman­na isumaqar­poq silarsuup naggatis­saa qanit­tuararsuusoq. Qujanar­tumil­li aniguisoqarumaar­poq. Biibilimi ’silarsuaq nungujar­tor­toq’ eq­qaaneqariarluni  ima neriorsuuteqar­poq: ’Guutil­li peq­qusaanik naam­mas­sin­nit­toq naas­saan­ngitsumik atas­savoq.’ — 1 Juánase 2:17.

Taamaat­tumik Guutip peq­qusaa, imaluun­niit piumasaa, sunaasoq ilin­niar­tariaqar­par­put malil­lugulu. Taava silarsuup matuma naggatis­saani aniguisin­naas­saagut Guutil­lu silarsuas­saani nutaami pil­luaq­qus­sutis­sat naas­saan­ngitsumik nuan­naarutigisin­naas­sal­lugit. Taamanik­kus­samut Biibilimi ima neriorsuuteqar­poq: ’Guutip . . . qul­liit tamaasa isaan­nit al­lar­terumaar­pai, toqulu peqarun­naas­savoq, aliasut­toqarun­naarlunilu nil­liasoqarun­naarlunilu an­niar­toqarun­naas­savoq.’ — sarĸúmersitat 21:3, 4.

Al­lat taaneqan­ngik­kaangata Bibelimit is­suak­kat tamarmik nutsik­kat kalaal­lisuun­ngor­titat ator­tus­saatitaasut 1900-meersoq, 1936-meersoq 1990-imeersorlu tun­ngavigalugit is­suagaasar­put.

[Qupp. 6-mi suminngaanneernera]

Assit: Tim­misar­toq: USAF photo. Meeraq: WHO photo W. Cut­tingimit. Nunap sajun­nera: Y. Ishiyama, Hok­kaido University, Japan.