Silarsuarmi nutaassami eqqissisimaarfiusumi inuunissaq

Naqitigaaq­qami uani as­siliaq isigin­naar­til­lugu qanoq misigivit? Eq­qis­sineq, pil­luar­neq pigis­saar­nerlu tas­sani takus­saasut erinigin­ngiligit? Qular­nan­ngitsumik erinigaatit. Kisian­nili, pis­sutsit taamaat­tut qaquguluun­niit nunami atuutilerumaar­tut ilimagis­sal­lugu takorluuinerin­naan­ngin­nerluni?

Inuit amerlanersaat im­maqa taama isumaqas­sagaluar­put. Ul­lumik­kut atuk­kat­ta piviusuusut ilaan­naat taas­sagaan­ni tas­saap­put sorsun­nerit, pinerlut­tulior­nerit, kaan­nersuit, nap­paatit utoq­qalinerlu. Neriuutis­saqar­porli. Siunis­sami piumaar­tus­sat pil­lugit Biibilimi oqalut­tuarineqar­poq Guutip ’un­nersuutaa naaper­torlugu ilimagisaqar­tugut qilas­sanik nutaanik nunas­samil­lu nutaamik iluarsuseqarfis­sanik’. — 2 Pîtruse 3:13; Jesaja 65:17.

Biibili naaper­torlugu ’qilaat nutaat’ ’nunalu nutaaq’ tas­saas­san­ngil­lat eq­qor­tumik oqaatigalugu qilak nutaaq nunalu nutaaq takus­saasut. Nuna qilal­lu piviusut pin­ngor­titaap­put naam­mal­luin­nar­tun­ngorlutik, Biibilimilu takutin­neqar­poq naas­saan­ngitsumik it­tuin­nas­sasut. (Tus­siaat 89:37, 38; 104:5) ’Nunas­saq nutaaq’ tas­saas­saaq inuit in­nut­taaqatigiiusut iluar­tut nunami najugal­lit, ’qilas­sal­lu nutaat’ tas­saas­sal­lutik naalagaaf­fik, imaluun­niit naalak­kersuisut, naam­mal­luin­nar­tut qilam­miit­tut in­nut­taaqatigiin­nut nunamiit­tunut naalagaasus­sat. Piviusumul­li tun­ngava up­peris­sal­lugu ’nunas­sap nutaap’, imaluun­niit silarsuup nuan­ningaar­tup nutaas­sap, pin­ngor­nis­saa ajor­nan­ngitsoq?

Puius­san­ngilat nunarsuarmi pis­sutsit pitsaasut pin­ngor­tin­nis­saat Guutip aal­laq­qaataanil­li siuner­tarisimagaa. Inuit aap­pariit siul­liit paratiisimut nunamiit­tumut inis­sip­pai nuan­ningaar­tumil­lu sulias­saqar­til­lugit: „Kinguaas­siorlusi amerliar­toritsi nuna tamak­kerlugu ilis­sin­nul­lu naalatsigitil­lugu.“ (1 Moses 1:28) Aap, Guutip siuner­tarigaluar­paa meeq­qius­sasut kiisalu paratiisi taak­ku najugarisaat nunarsuaq tamaat tamak­kerumaaraa. Naak kingor­natigut Guutimut naalak­kumajun­naaraluarlutik, tas­suunalu takutitsil­lutik naas­saan­ngitsumik inuusus­saajun­naarlutik, taamaat­toq Guutip aal­laq­qaam­mut siuner­taa al­lan­ngor­tin­ngilaat. Silarsuar­taas­sami nutaami piviusun­ngor­tin­neqarumaar­poq! — Jesaja 55:11.

Imaap­poq: Ataatar­poor­taraangavit, oqarlutit Guutip naalagaaf­fia tikiuteq­qul­lugu, tas­suuna qin­nutigisar­pat naalak­kersuisut qilam­miit­tut nunarsuarmiit­tut ajor­tut piias­sagaat silarsuarlu nutaaq naalak­kersulerlugu. (Matîuse 6:9) Qularis­san­ngilar­pul­lu Guutip qin­nutigisaq taman­na akiumaaraa, oqaasianimi neriorsuutigineqar­poq: „l­luar­tut nuna kingor­nutis­savaat najugaqas­sal­lutil­lu tas­sani naas­saan­ngitsus­samut.“ — Tus­siaat 37:29.

Guutip silarsuaani nutaassami inuunissaq

Guutip naalagaaf­fiata nunami pil­luaq­qusaanerit nalis­saqan­ngitsut atuutsilersik­kumaar­pai, suul­luun­niit ajun­ngitsut nunarsuarmi in­nut­taminut aal­laq­qaataanil­li atugas­san­ngor­tin­niarlugit eq­qarsaatigisimasani eq­quk­kumaarlugit. Uumis­suisoqarun­naarlunilu im­mik­koor­titsisoqarun­naas­saaq, kiisalu nunami najugal­lit tamarmik inoqatitik tamaasa ikin­ngutigil­lualis­savaat. Biibilimi Guuti neriorsuisimavoq „Nunarsuarmi tamarmi sorsun­nerit soraarsik­kumaarini“, „inuiaat panamik im­min­nut silugutis­saas­sap­put, sak­kunik atuinis­samut sungiusarun­naas­sal­lutik.“ — Tus­siaat 46:10; Jesaja 2:4.

Taava nunarsuaq tamarmi paratiisitut naatsiiviusutut pis­suseqalerumaar­poq. Biibilimi al­las­simavoq: „Inoqajuitsoq naggorlut­torlu tipaatsus­sap­put. Nuna naasuitsoq qiim­mat­tas­saq naasunil­lunilu. . . . puil­lalerumaarmata er­ngit puilasuitsumi, kuun­nguil­lu kuulerumaarlutik naasuitsumi. Sioq­qat uunaan­naasut imeqafin­ngus­sap­put nunalu imerusut­toq puilasulin­ngorluni.“ — Jesaja 35:1, 6, 7.

Paratiisimi nunarsuarmiit­tumi nuan­naar­nis­samut pil­luar­nis­samul­lu periarfis­saqarluarumaar­poq. Perliler­toqaq-qis­san­ngilaq. ’Nunap naatitas­sani naatip­pai,’ Biibilimi al­las­simavoq. (Tus­siaat 67:7; 72:16) Inuit tamarmik nam­min­neq suliamik kinguneri iluaqutigiumaar­paat, soorlu Pin­ngor­titsiser­put neriorsuisimasoq: „Viin­nequtinil­lu ik­kus­suil­lutik inerititai nerisas­samin­nik. . . . Ik­kus­suis­sanatil­lu takor­nar­tat nerisas­saan­nik.“ — Jesaja 65:21, 22.

Guutip silarsuaani nutaas­sami inuit il­lorsuar­ni inis­siani tat­tuul­lutik najugaqaq­qis­san­ngil­lat, inipalaaniluun­niit aserfal­las­simaqisuni ineqas­saas­sal­lutik, Guutimi oqarmat: ’l­l­luliorumaar­put nam­min­neq inigisas­samin­nik . . . il­lulius­san­ngil­lat al­lamiut inis­saan­nik.“ Aam­ma Biibilimi neriorsuutigineqar­poq: „Sulilus­sin­nas­saan­ngil­lat.“ (Jesaja 65:21-23) Inuit kinguneqarluar­tumik tul­luusimaar­nar­tumil­lu sulif­feqas­sap­put. Inuuneq avaan­ngunas­san­ngilaq.

Guutip naalagaaf­fiata uumasut akun­nermin­ni aam­malu inuit uumasul­lu akun­nermin­ni eq­qis­seqatigiis­simanerat aal­laq­qaataani Edenip naatsiiviani atuus­simasoq atulerseq­qik­kumaar­paa. Biibilimi al­las­simavoq: „Amaq­qup najus­savaa savaaraq, milakulaal­lu savaasaaraq aqupeqatigis­savaa. Us­siup piaraa løvel­lu piaraa mangiaqatigiis­sap­put, nukap­piaran­nguul­lu paariumaar­pai.“ — Jesaja 11:6-9; Hosea 2:20.

Takorlooriaruk! Nunami paratiisiusumi nap­paatit timik­kul­lu in­narluutit tamarmik ajorun­naarsin­neqas­sap­put! Guutip oqaasiatigut qularun­naarsin­neqar­pugut: „Nunatsin­ni ima oqar­toqaq­qis­san­ngilaq: »Nap­parsimavunga!«“ (Jesaja 33:24) ’Guutip qul­liit tamaasa isaan­nit al­lar­terumaar­pai, toqulu peqarun­naas­saaq, aliasut­toqarun­naarlunilu nil­liasoqarun­naarlunilu an­niar­toqarun­naas­saaq, siul­liit peermata.’ — sarĸúmersitat 21:4.

Ilinnut qanoq anguneqarsinnaanissaa

Silarsuarmi iluars­suseqarfiusumi nutaas­sami inuunerup qanoq it­tuunis­saanik Guutip neriorsuutai tusarlugit uum­matik­kut ila kis­saal­lan­nas­susia! Pil­luaq­qus­sutis­sat tamak­kua piviusun­ngor­nis­saat inuit ilaasa pututitsiniutaan­nar­tut isigis­sagaluaraat, Pin­ngor­titsisitsin­nit asan­nit­tumit piviusun­ngor­tin­neqarsin­naanis­saat ingasagineqarsin­naan­ngilaq. — Tus­siaat 145:16; Mika 4:4.

Nunami paratiisin­ngor­tus­sami soraajuitsumik inuus­sagut­ta, soorunami pin­ngitsoorata piumasarineqar­tunik naam­mas­sin­nit­tariaqar­pugut. Ilaat pingaar­nerusoq Jesusip uparuar­paa, Guutimut qinul­luni oqarami: ’Tas­saavoq inuuneq naas­saan­ngitsoq: Il­lit ilisaralutit kisivit ilumut Guutiusutit, aal­lar­tital­lu Jesus Kristus ilisaralugu.’ — Juánase 17:3.

Guutip silarsuaani nutaas­sami inoorusuk­kut­ta, Guutip piumasaa ilin­niaq­qaar­tariaqar­par­put, malit­tariaqarlugulu. Man­nami miserratigineqarsin­naan­ngilaq: ’Silarsuaq man­na pilerinar­tuilu nungujar­tor­put; Guutil­li peq­qusaanik naam­mas­sin­nit­toq naas­saan­ngitsumik atas­saaq,’ aam­malu pil­luaq­qus­sutis­sat Pin­ngor­titsisit­ta asan­nit­tup amerlasuun­ngor­til­lugit tun­niut­tuagas­sai soraajuitsumik nuan­naarutigis­sal­lugit. — 1 Juánase 2:17.

Al­lat taaneqan­ngik­kaangata Biibilimit is­suak­kat tamarmik kalaal­lisuun­ngor­titaq ator­tus­saatitaasoq tun­ngavigalugu Is­suagaasar­put.