Asasavut qatanngutivut!

600-k­kun­ni Kr.in.si. pruf­fiiti Ezekieli tupin­nangaar­tumik takorruuisin­neqar­poq. Qamutit qilam­miit­tut angisuut Kisimi Oqar­tus­saasumit aqun­neqar­tut takuai. Qamutit ingerlaariaasiat im­mik­kuul­laris­suuvoq. Suk­kasorujus­suarmik ingerlap­put, al­laat al­lamut saak­kaangamik arriil­lineq ajor­put sangunerlu ajorlutik! – Ez 1:4, 9, 12, 14, 16-27.

Takorruugaq taman­na eq­qaasitsivoq Jehovap qilam­mi nunamilu peqatigiis­sor­taasa ilaat qilam­miit­tut ingerlajuaan­nar­neran­nik. Nunarsuarmiit­tum­mi? Ukiumit kif­far­torfiusumit kingul­lermit erseq­qip­poq Jehovap kif­fani nunarsuarmiit­tut aaq­qis­sugaasut aam­ma suk­kasoorujus­suarmik siumukar­tik­kai!

Maani USA-mi Betelimi kif­far­tor­tut Brooklynimiit qul­lersaqarfit­taamut Warwickimiit­tumut, sumiif­fin­nul­lu al­lanut nuun­ner­tik ulap­putigisimavaat. Ilaal­lu Betelimiik­kun­naarlutik al­lanik sulias­sin­neqar­put. Aam­ma nunani al­lani im­mik­koor­tor­taqarfiit ilaan­ni sanaar­tor­nermik, nutar­terinermik, ataatsimoor­titaaler­nermik nuun­nermil­luun­niit ulap­puteqar­put. Il­lim­mi? Nuun­ngik­kaluarlutit qular­nan­ngitsumik al­lanik ulap­puteqarsimavutit.

Nunarsuaq tamak­kerlugu Guutip in­nut­taasa Jehovap peqatigiis­sor­taanik malin­naatigalutik aatsaat taama ulap­puteqar­tiginerat Siulersuisoqatigiit qiim­matsaatigalugulu kil­litsis­sutigingaar­paat. Amerlasuut oqaluus­sisar­tunik pisariaqar­titsisoqarfiunerusumut nuus­simap­put. Al­lat al­lamiutut oqaluus­siniarlutik iliuuseqalersimap­put. Amerlasuut oqaluus­seriaaseq sungiusiman­ngisar­tik misilip­paat. Al­lar­pas­suil­lu kif­far­tor­nermi al­latigut iliuuseqar­nerusimap­put. Kristumiul­lu aalajaatsut tamarmik, utoq­qaat in­narluutil­lil­lu ilan­ngul­lugit, ilumoorfigin­nil­lutik inuunis­samut ‘ar­pat­tuar­put’ – Saatanip sal­lutuneranik qulaaril­lutik Jehovamut kif­far­tor­nermin­ni iliuuseqar­tuar­put! – 1 Kor 9:24.

Qularutigis­san­ngilarsi kajumis­susersi Jehovap maluginian­ngitsoor­navian­ngik­kaa. (Hebr. 6:10) Kajumil­lusi isigin­nit­taaseqar­nersi pis­sutigalugu al­la eq­qaan­ngilavut Aaperaat Saralu. Aaperaat 70-it mis­saan­nik ukioqarluni ilaqut­tani siulersorlugit Kaldæerit il­loqarfian­nit Urimit ungasis­sumut Kana’animut nuup­poq tas­sanilu ukiuni hundredini toqus­si tikil­lugu tupini najugaqarluni. Nulianilu asasani kajumis­suseqangaar­put! – 1 Mos 11:31; ApS 7:2, 3.

Taamatut kajumis­suseqar­pit? Ilis­si ul­luni ar­tor­nar­torsiorfiusuni aalajaal­lusi piner­tusaar­tusi tamas­si, Jiisusip ima peq­qus­sutaatut ilior­pusi: “Aal­laritsi inuil­lu  inuian­nit tamaneersut Ataatap aq­qani, Er­nerup aq­qani anersaal­lu il­ler­nar­tup aq­qani imermut morsutsil­lugit kuinerisigut ajoqersugan­ngor­til­lugit.” – Matt 28:19, NW.

Jiisusip ‘aal­laq­qusineranit’ erser­poq ingerlaqataal­luta iliuuseqar­tariaqar­tugut. Kristusip malin­nit­taasa aal­lus­sil­luarlutik ukiumi kif­far­torfiusumi kingul­lermi qanoq naam­mas­sisaqar­tiginerat takul­lugu nuan­ningaarami! Inuian­ni tamani Naalagaaf­fik pil­lugu nutaarsias­sap nuan­nersup oqaluus­sis­sutigineranik Jehovap pis­saaneqangaarluni pil­luaq­qusisimanera erseq­qil­luin­nar­poq. – Mark 13:10.

Inup­pas­suit tusarlius­samik up­perin­niler­put. Ukiumi kingul­lermi oqaluus­sisar­tut amerlaner­paajugamik 8.340.847-upput, Biibilimil­lu atuaq­qis­saaqatigineqar­tar­tut qaam­mam­mut agguaqatigiis­sil­lugit 10.115.264-iupput. Ersarip­poq qamutit qilam­miit­tut ingerlajuar­tut, ilis­silu siumukar­pusi! Jehova an­nan­nis­samik suli periarfis­saqaral­lar­til­lugu kif­far­torluar­nersi ingerlatiin­narisiuk.

Ukiumut 2017-imut al­las­simaf­fik una as­sut tul­luar­poq: “Jehova tatigiuk ajunngitsuliorlutillu.” (Tuss 37:3) Oqaatsit taak­ku maleruarlugit Jehovamut kif­far­tor­nermi il­ler­nar­tumi ajun­ngitsulior­nik­kut Jehovamik tatigin­nin­nerit ersersit­tar­pat. Eq­qaamajuaruk kisimiin­ngisaan­nar­tutit. Jiisusip oqaasii uku ilumoorluin­nar­put: ‘Takuat, ul­lut tamaasa najor­pas­si silarsuup naggatis­saanut al­laat.’ – Matt 28:20.

Aalajaal­lutit kif­far­tor­nin­ni Jehovamit pil­luaq­quneqar­tuas­sasutit up­peril­luin­narsin­naavat. Iliuuserisin­naasatit amerlagaluar­pataluun­niit iliuuseqar­piarsin­naan­ngik­kaluaruil­luun­niit eq­qor­tumik isigin­nit­taaseqarlutit sapin­ngisan­nik Jehovamut tunisinerit taas­suma pingaar­tis­savaa. Jehoval­lu uum­mataa nuan­naar­tis­savat. (2 Kor 9:6, 7) Taamaat­tumik qinusar­nik­kut, Guutip oqaasianik atuaq­qis­saar­tar­nik­kut, kristumiut ataatsimiin­nerini najuut­tar­nik­kut aam­ma aal­lus­sil­luarlutit oqaluus­sisar­nik­kut Ataatan­nut asan­nit­tumut qanit­tumik at­taveqarluar­tuarit.

Diaavulup pikitsitsisup ajor­tup “pif­fis­sakis­sutsi” naangajalermat sapin­ngisaminik Jehovamut aalajaak­kun­naar­tin­niarluta al­lamut saasar­niarsarivaatigut. (Saqq 12:12) Jehovamut qanimut ikin­ngutaaniar­tuarit, Diaavulul­lu pilersaarutipilui iluatsin­ngisaan­nas­sap­put. (Tuss 16:8) Tamas­si asangaar­pas­si, ul­lunilu kingul­ler­ni mak­kunani Naalak­kap naalagaaf­fianik tapersersuinersi qujamasuutigeqaar­put.

Qatanngutisi,

Jehovap Nalunaajaasuisa Siulersuisoqatigiivi