Akissutit sumi nassaassaasut

„Naas­saan­ngitsumik an­niar­titsinermik isumaliutersuut Guutimik pin­ngor­titaminut asan­nit­tumik up­perisamut naaper­tuutin­ngilaq. . . . Ukiualun­nguani kuk­kulut­tor­tarsimanerit pil­lugit, iluarsiniar­nis­saan­nut periarfis­sin­neqar­naniluun­niit, tar­nip naas­saan­ngitsumik pil­lagaanis­saanik up­perisaqar­neq silaqas­sutsimut sumul­luun­niit akerliuvoq.“ — HINDU ISUMALIUTERSOR­TAR­TOQ NIKHILANANDA.

1, 2. ’Inuunerup aap­paa’ pil­lugu isum­mat taama amerlatiginerat eq­qarsaatigalugu apeq­qutit suut piler­pat?

ULLUMIKKUT inup­pas­suit hindu isumaliutersor­tar­toq Nikhilananda isumaqatigalugu naas­saan­ngitsumik an­niar­titaanis­samik ajoqersuut iluarin­ngilaat. Al­lat nirvanamik isumaliutersuut taomil­lu ataasioqatigin­niler­nis­samik isumaliutersuut paasiuminaatsip­paat.

² Taamaak­kaluar­torli Kangiani Kitaanilu up­perisarsior­ner­ni ’inuunerup aap­paa’ pil­lugu isum­mat paatsiveerun­nar­tut, isum­mat tar­nip toqujuitsuuneranik takorluuk­kamit pisut, nas­saas­saap­put. Toqugut­ta qanoq pisoqas­sanersoq paasineqarsin­naava? Ilumut tar­neq toqujuitsuua? Apeq­qutit tamak­ku sumi akis­sutis­sarsisin­naavavut?

Ilisimatuussuseq isumaliutersornerlu

3. Ilisimatuus­sutsip imaluun­niit ilisimatuus­sutsik­kut misis­sueriaatsip toqup kingor­na inuuneq pil­lugu apeq­qutinut akis­sutis­sarsis­sus­sin­naavaatigut?

³ Ilisimatuus­sutsip imaluun­niit ilisimatuus­sutsik­kut misis­sueriaatsit toqugut­ta qanoq pisoqas­sanersoq paasitis­sin­naavaatigut? ’Toqungajan­nermi misigisanik’ aam­ma ’timimit anisimanermik’ oqalut­tuat ukiuni kingul­ler­ni saq­qum­miun­neqar­tar­tut aal­laavigalugit ilisimatuut ilaat toqup kingor­na inuunermik paasiniaaniar­tarsimap­put. Katuullip up­perisarsior­nermik ilisimatuup Hans Küngip oqalugiaatimini „Toqu qaamanermut iser­tarfiua?“-mik qulequtalim­mi tamak­ku ilaat ima oqaaseqarfigisimavai: „Misigisat taama it­tut toqup kingor­na inuunerujun­nar­tumut up­per­narsaataan­ngil­lat. Toqup siorna minutsit kingul­liit tal­limat pineqar­put, toqup kingorna inuuneq naas­saan­ngitsoq pineqar­nani.“ Ima nangip­poq: „Toqup kingor­na inuunerujun­nar­tumik apeq­qut toqup sior­na inuunermut pingaaruteqarluin­nar­poq. Akineqar­tariaqar­poq, nakorsatul­lu ilisimatuus­sutsik­kut akineqarsin­naan­ngip­pat al­lamut akis­sutis­sarsior­tariaqar­poq.“

4. Toqup kingor­na inuuneq pil­lugu takorluugar­pas­suit up­perisarsior­nerit as­sigiin­ngitsut neqerooruutigisaasa akor­nan­ni akis­sutis­sarsinis­satsin­nik isumaliutersor­nerup ikiorsin­naavaatigut?

⁴ Isumaliutersor­nermi? Toqup kingor­na inuunermik takorluugar­pas­suit up­perisarsior­nerit as­sigiin­ngitsut neqeroorutigisaasa akor­nan­ni akis­sutis­sarsior­nitsin­ni isumaliutersor­nerup ikiorsin­naavaatigut? Tuluk isumaliutersor­tar­toq Bertrand Russell oqar­poq isumaliutersor­nik­kut paasiniaaq­qis­saar­nerup ilagigaa „eq­qarsarumatuujuneq“. The World Book Encyclopedia naaper­tus­sagaan­ni isumaliutersor­neq tas­saavoq „paasiniaaq­qis­saar­ner­tut it­toq — akusiuinermik, naliliinermik, nas­suiaanermik eq­qarsar­nermil­lu ilalik“. Inuunerup aap­paa pil­lugu isumaliutersor­nerit as­sigiin­ngitsunik iner­niliif­fiusimap­put. Toqujuis­suseq ilaasa kis­saatigisamik inor­nar­tumik ilaasalu inuup kialuun­niit inun­nguutsiminit pisin­naatitaaf­fianik taasimavaat.

Akissutit atuakkami asseqanngitsumiipput

5. Atuak­kat al­lan­neqarsimasut pisoqaanersaat sunaava?

⁵ Atuagaqar­porli inuuneq toqulu pil­lugit apeq­qutinut pingaar­tunut akis­sutinik ilumoor­tunik imalim­mik. Tas­saavoq atuagaq atuak­kat al­lan­neqarsimasut pisoqaanersaat. Ilaa ukiut 3500-t mis­saan­niit­tut matuma sior­na al­lan­neqarsimavoq. Atuak­kap tamatuma im­mik­koor­tua siul­leq al­lan­neqarsimavoq hindut al­lagaataan­ni, Vedani, tus­siutit un­nersiutigin­nis­sutit pisoqaaner­paat al­lan­neqar­nerat ukiunik hundredelip­paalun­nik sioq­qul­lugu, kiisalu Buddhap, Mahāvīrap  Kungfutsel­lu inuunerat ukiunik tuusintit mis­saan­niit­tunik sioq­qul­lugu. Atuagaq naam­mas­sineqar­poq ukiunik naatsorsuisalerfit­ta kingor­na ukiumi 98-imi, pruf­fiitip Muhamedip islamimik tun­ngaviliinera ukiunik 500-nit amerlanerusunik sioq­qul­lugu. Ilisimas­sum­mik al­lanit tamanit an­nermik aal­lerfis­saq taman­na tas­saavoq Biibili. *

6. Sooq ilimagisin­naavar­put tar­nip suuneranik Biibilip paasitis­sin­naagaatigut?

⁶ Biibili inuiaat oqalut­tuarisaanerat pisoqaaner­paaq pil­lugu atuak­kani al­lani saq­qum­miun­neqar­tunit tamanit eq­qorluar­ner­paanik imaqar­poq. Biibilimi kinguaariit inuit aal­lar­tif­fiat qanorlu ilil­lutik nunarsuarmi maani inuulersimanerat oqalut­tuarineqar­put. Al­laat inuk pin­ngor­tin­neqan­ngik­kal­larmat pisimasut oqalut­tuarineqar­put. Aap, inuk qanoq pin­ngor­tin­neqarsimasoq tar­nerlu sunaasoq pil­lugit atuak­kap tamatuma paasitis­sin­naavaatigut.

7, 8. Toqugut­ta qanoq pisoqar­nis­saa pil­lugu ilumoor­tumik nalerisimaar­nar­tumil­lu akineqarumagut­ta sooq isumal­luarluta Biibilimut saas­sin­naavugut?

⁷ Aam­mat­taaq siulit­tuutit eq­quuteq­qis­saarsimasut Biibilip imarai. As­sersuutigalugu, silarsuarmi naalagaaf­fis­suit Medo-Persia Grækenlandilu qanoq ilil­lutik pis­saaneqalis­sasut qanorlu ilil­lutik ajorsar­titaas­sasut sukumiisumik siulit­tuutigineqarsimavoq. Siulit­tuutit tamak­ku eq­quuteq­qis­saarsimangaarmata isor­nar­torsiuiniar­tut ilaasa pereersimaneran­ni al­laatigineqarsimaneraaner­tik iluatsitsinatik up­per­narsaatis­sarsiorsimagaluar­paat. (Daniel 8:1-7, 20-22) Biibilimi siulit­tuutigineqar­tut ilaat uagut nalitsin­ni sukumiisumik eq­quus­sor­put. * — Matîuse, kapitali 24; Mákorse, kapitali 13; Lúkarse, kapitali 21; 2 Timûtiuse 3:1-5, 13.

⁸ Inuup kialuun­niit siunis­sami pisus­sat taama eq­qoq­qis­saar­tigisumik siulit­tuutigisin­naan­ngilai. Qilam­mik nunarsuarmil­lu Pin­n­ngor­titsisoq ajugaqan­ngitsoq tamanil­lu ilisimasalik kisimi taamaaliorsin­naavoq. (2 Timûtiuse 3:16, 17; 2 Pîtruse 1:20, 21) Biibili ilumut atuagaavoq Guutimeersoq. Atuak­kap taama it­tup toqugut­ta qanoq pisoqar­nis­saa pil­lugu ilumoor­tunik nalerisimaar­nar­tunil­lu paasitis­sin­naavaatigut. Siul­lermik sam­meriar­tigu tar­neq pil­lugu tas­sani qanoq al­las­simasoqar­toq.

[Quppernerup ataani ilanngussat]

[Atuaqqissaarnermi apeqqutit]

[Qupp. 18-mi assiliartaq]

Atuak­kat al­lan­neqarsimasut pisoqaanersaat

[Qupp. 18-mi assiliartaq]

Atuagaq tutsuiginar­tunik nalerisimaar­nar­tunil­lu akis­sutis­salik