Neriuut qularnaatsoq

„Inuk er­niuniariar­toq suk­kul­luun­niit toqunis­saanut periarfis­saq am­majualersar­poq; periarfis­sarlu taman­na pin­ngitsoorani piviusun­ngorumaar­poq.“ — TULUK OQALUT­TUARISAANERMIK ILISIMATOOQ ARNOLD TOYNBEE.

1. Suna inuup tamatigut akuerisariaqar­tarsimavaa, tamatumalu apeq­qutit suut pilersip­pai?

ILUMOOR­TOQ qulaani eq­qaaneqar­toq kia akerlilersin­naaner­paa? Toqup piviusuunera avaan­ngunar­toq inuup tamatigut akuerisariaqarsimavaa. Asasatsin­nik toqusoqaraangat ikior­tis­saarut­tutut misigisaqaagut! An­naasaqar­neq iluarsineqarsin­naan­ngil­luin­nar­tutut it­tar­poq. Asasat­ta toqusimasut najoq­qiler­nis­saat ajor­nan­ngila? Toqusimasut Biibilimi sumik neriuutis­saqar­tin­neqar­pat? Oqalut­tuaq matuma kingulianiit­toq eq­qarsaatigeriaruk.

’Ikinnguterput toquvoq’

2-5. (a) Ikin­ngun­ni Lazarus toqum­mat Jesusip qanoq ilil­luni ersersip­paa makitin­nis­saanut piumas­suseqarlunilu pigin­naaneqarluni? (b) Lazarusip uum­maq­qin­nerata saniatigut tupin­nar­tuliaq taman­na qanoq kinguneqar­pa?

² Tas­saavoq ukioq 32 u.n.k. Il­loqarfeeq­qami Jerusalemimit kilometerisut pingasutut ungasitsigisumiit­tumi, Betaniami, Lazarus qatan­ngutinilu ar­nat marluk, Mar­ta Marialu, najugaqar­put. Tamarmik Jesusimut qanimut ikin­ngutaap­put. Ul­lut ilaan­ni Lazarus perulul­luni nap­parsimaler­poq. Qatan­ngutaasa Jesus, Jordanip kuus­suata il­lua’tungaaniit­toq, taman­na pil­lugu oqariar­tor­titsivigaat. Jesusip Lazarus qatan­ngutaalu as­sut asavai, taamaat­tumik Betaniamukarluni aal­lar­poq. Aq­qutaani Jesusip ajoqersuk­kani piler­pai: ’Lazarus ikin­nguter­put sinip­poq, tas­sa itersariar­tus­savara.’ Suna pineraa ajoqersugaasa ingerlaan­naq paasin­ngilaat, taamaat­tumik Jesusip toq­qaan­nar­tumik oqarfigeq­qip­pai: ’Lazarus toquvoq.’ — Juánase 11:1-15.

³ Martap tusaramiuk Jesus Betaniamukar­toq, ar­pal­luni parsiar­paa. Martap aliasun­nera takugamiuk Jesus as­sut kil­litsip­poq, imalu neriorsor­paa: ’Qatan­ngutit makis­savoq.’ Martallu akivaa: ’Nalun­ngik­kaluar­para ul­lut naggatis­saan­ni makif­fis­sami makik­kumaar­toq.’ Jesusip akivaa: ’Uanga makis­sutaal­lungalu inuus­sutaavunga; uan­nut up­per­toq naak toqugaluaruni inuus­savoq.’ — Juánase 11:20-25.

⁴ Taava Jesus ilivermukar­poq ujaral­lu ilerrup iser­tarfianut matuusoq peeq­qul­lugu. Nipituumik qinoreerluni oqar­poq: ’Lazarus-iaa, aniit.’ Tamarmil­lu ilerrup tungaanut isigitil­lugit Lazarus anivoq! Jesusip Lazarus makitip­paa — angut ul­luni sisamani toqungasimasoq uum­mar­teq­qip­paa! — Juánase 11:38-44.

⁵ Marta makin­nis­samik neriuum­mut up­pis­suseqareer­poq. (Juánase 5:28, 29; 11:23, 24) Lazarusip tupin­nar­tulior­nik­kut uum­mar­teq­qin­neqar­nera Martap up­per­nermigut nakus­satsin­neqar­neranik inuil­lu al­lat up­per­tun­ngor­neran­nik kinguneqar­poq. (Juánase 11:45) Oqaaserli „makin­neq“ qanor­piaq isumaqar­pa?

’Makissaaq’

6. „Makin­neq“ qanoq isumaqar­pa?

⁶ Oqaaseq „makin­neq“ nutsigaavoq griikerit oqaasian­nit anaʹstasis-imit, toq­qaan­nar­tumik isumaqar­tumit „makeq­qin­neq“. Griikerisuumit hebriiarisuun­ngor­titsisut anaʹstasis nutsersimavaat oqaatsimik hebriiarisumik techījathʹ hammethīmʹ-imik, isumaqar­tumik „toqusunik uum­maq­qitsitsineq“. *  Makin­nerup nas­sataraa inuup uumas­suseqan­ngin­nerminit makititaanera inooriaatsimigul­lu ingerlalerseq­qis­sitaanera.

7. Sooq Jehova Guutip Jesus Kristusil­lu inun­nik toqumit makititsinis­sar­tik sapersaatiginavian­ngilaat?

⁷ Jehova Guuti kil­leqan­ngitsumik ilisimas­suseqarami tamak­kiisumil­lu eq­qaamasin­naas­suseqarluni, nalor­nisiginagu inum­mik makititsisin­naavoq. Toqusimasut inooriaaserisimasaasa — inut­tut pis­susii, inuunerisa oqalut­tuas­sar­taat kinaas­sutsimik­kul­lu ilisar­naataat tamaasa — eq­qaamanis­saat ajor­nakusoor­tin­ngilaa. (Job 12:13; naleq­qiuguk Jesaja 40:26.) Jehova aam­ma inuunermik Pin­ngor­titsisuuvoq. Taamaat­tumik inuk uum­mar­teq­qis­sin­naavaa nutaamik timilerlugu inut­tul­li pis­susitoqaa pigitiin­narlugu. Soorlu Lazarusimut pisimasup takutik­kaa aam­mat­taaq Jesus Kristus toqusunik makititsisin­naavoq makititsinis­samul­lu piumas­suseqarluni. — Naleq­qiuguk Lúkarse 7:11-17; 8:40-56.

8, 9. (a) Sooq toqusimasut makititaanis­saan­nik ajoqersuut tar­nip toqujuitsuuneranik ajoqersuum­mut kat­tutitin­neqarsin­naan­ngila? (b) Suup toqu kipitis­sin­naavaa?

⁸ Biibilil­li makin­nermik ajoqersuutaa tar­nip toqujuis­susianik ajoqersuum­mut kat­tutitin­neqarsin­naan­ngilaq. Toqup kingor­na uumaan­nar­tar­tumik tar­neqarsimap­pat toqujuitsumik, inuit ilaasa uum­mar­teq­qin­neqarlutik makitin­neqar­nis­saat pisariaqas­san­ngik­kaluar­poq. Martap oqaatsimigut ersersip­paa toqup kingor­na al­lami uumaan­nar­tar­tumik toqujuitsumik tar­neqar­neranik up­perisaqar­nani. Up­perin­ngilaa Lazarus anersaat silarsuaan­niilereersimasoq tas­sanilu inooq­qilerluni. Ersersip­paali Guutip toqup sun­niutaanik atorun­naarsitsinis­saminik siuner­taa up­peralugu, ima oqarami: ’Nalun­ngik­kaluar­para ul­lut naggatis­saan­ni makif­fis­sami makik­kumaar­toq.’ (Juánase 11:23, 24) Aam­mat­taaq Lazarus toqunganermini al­lami inuusimanerminik oqaaseqan­ngilaq. Oqalut­tuas­saqan­ngilarmi.

⁹ Taamaalil­luni Biibilimi nalunaatsumik ersersin­neqar­poq tar­neq toqusar­toq, toqumil­lu kipititsisin­naasutuaq tas­saasoq makititaaneq. Kisian­ni inuup siul­liup, Adamip, inuunerata kingor­na inuit toqusimasut mil­liardilip­pas­suup­put. Taamaat­tumik kik­kut makititaas­sap­pat, aam­ma sumi makititaas­sap­pat?

’Iliverniittut tamarmik’

10. Iliver­niit­tut pil­lugit Jesus qanoq neriorsuisimava?

¹⁰ Jesus Kristus oqarsimavoq: ’Ul­lut nal­liuk­kumaar­put, taava iliver­niit­tut tamarmik [Jesusip] nipaa tusarumaar­paat; anil­lutil­lu makis­sap­put.’ (Juánase 5:28, 29) Aap, Jesus Kristusip neriorsuutigaa  inuit Jehovap eq­qaamasai tamarmik makititaajumaar­tut. Inuit mil­liardilik­kuutaat inuusimap­put toqusimal­lutil­lu. Taak­kua ilaat kik­kut Guutip eq­qaamavai makitis­sal­lugil­lu?

11. Kik­kut toqumit makititaas­sap­pat?

¹¹ Jehovamut kif­faasimasut naaper­tuil­luar­tumik inuusimasut makititaas­sap­put. Aam­mali inoqar­poq mil­lionilik­kuutaanik Guutip najoq­qutas­siaanik naaper­tuil­luar­tunik malin­nik­kumanermin­nik ersersitsinis­samin­nut periarfis­saqarsimanatik toqusimasunik. Im­maqa Jehovap piumasaqaatai tusarsiman­ngilaat imaluun­niit pisariaqar­tumik al­lan­nguinis­samin­nut naam­mat­tumik pif­fis­saqarsimanatik. Aam­mat­taaq inuit taamaat­tut Guutip eq­qaamavai taamaat­tumil­lu makititaas­sap­put, Biibilimimi ima neriorsuuteqar­poq: ’Toqusut makik­kumaar­put, iluar­tut iluaatsul­lu.’ — apustilit suliait 24:15.

12. (a) Toqusut makititaaneran­nut tun­ngasumik apustili Johan­nes sumik takorruuisitaasimava? (b) Suut ’tatsimut in­nerusumut igitaap­pat’, taman­nalu qanoq isumaqar­pa?

¹² Apustili Johan­nes makititaasunik Guutip is­siavis­saarsuata saaniit­tunik alutor­naqisumik takorruuisitaasimavoq. Takusani ima al­laaserisimavai: ’Im­mal­lu toqusut im­miniit­tut tun­niup­pai, toqul­lu toqusul­lu inaata toqusut im­min­niit­tut tun­niup­paat; eq­qar­tuun­neqar­pul­lu nungul­lutik suliatik naaper­torlugit. Toqulu toqusul­lu inaat tatsimut in­nerusumut igitaap­put. Tas­sa toqup aap­paa, taseq in­nerusoq.’ (sarĸúmersitat 20:12-14) Eq­qarsaatigeriaruk taman­na qanoq isumaqar­nersoq! Toqusimasut Guutip eq­qaamasai tamarmik ’toqusut inaan­nit’, inuiaat ataatsimut iliveqarfian­nit, aniguisitaas­sap­put. (Tus­siaat 16:10; apustilit suliait 2:31) Taavagooq ’toqu toqusul­lu inaat’ igin­neqas­sap­put ’tatsimik in­nerusumik’ taaneqar­tumut, suujun­naarsitaal­luin­nar­nermut as­sersuutaasumut. Tas­sa inuiaat ataatsimut iliveqarfiat atorun­naas­saaq.

Sumi makititaassappat?

13. Sooq Guutip inuit ilaat qilam­mi makitis­savai, timimil­lu qanoq it­tumik Jehovap taak­ku tunis­savai?

¹³ Angutit ar­nal­lu amerlan­ngitsut qilam­mi makititaas­sap­put. Taak­kua qilam­mi Kristus peqatigalugu kun­ngitut palasitul­lu sulis­sap­put toqul­lu inuit inum­mit siul­lermit, Adamimit, kingor­nus­simasaata kingunipilui aaq­qiif­figeqataaf­figis­sal­lugit. (Rûmamiut 5:12; sarĸúmersitat 5:9, 10) Biibili naaper­torlugu taak­ku 144.000-iin­naap­put, apustilil­lu aalajaatsut nalaan­niil­li Jesus Kristusip ajoqersugaasa akor­nan­ni qiner­neqarsimal­lutik. (Lúkarse 22:28-30; Juánase 14:2, 3; sarĸúmersitat 7:4; 14:1, 3) Makititaasut taak­ku Jehovap ’anersaap pianik timilis­savai’ qilam­mi inuusin­naaq­qul­lugit. — 1 Korintumiut 15:35, 38, 42-45; 1 Pîtruse 3:18.

14, 15. (a) Toqusimasut amerlaner­paar­taat sumi makititaas­sap­pat? (b) Inuit naalat­tut qanoq pil­luaq­qusaas­sap­pat?

¹⁴ Toqusimasul­li amerlaner­paar­taat maani nunarsuarmi makititaas­sap­put. (Tus­siaat 37:29; Matîuse 6:10) Taamanik­kus­samut nunarsuarmi pis­sutsit qanoq is­sap­pat? Ul­lumik­kut nunarsuaq eq­qis­siviil­lior­ner­nik, aam­mik kuisiner­nik, mingutsitsinermik nakuuser­nermil­lu ulik­kaar­poq. Toqusimasut nunarsuarmut taama it­tumut makititaasuugunik pil­luar­nerat sivisual­laar­navian­ngik­kaluar­poq. Pin­ngor­titsisorli neriorsuisimavoq silarsuarmi aaq­qis­suus­saaneq ul­lumik­kut atuut­toq, Satanimit aqun­neqar­toq, ungasin­ngitsuk­kut atorun­naarsik­kumaarlugu. (Us­satit 2:21, 22; Daniel 2:44) Taava inuiaqatigiit nutaat naaper­tuil­luar­tut — ’nuna nutaaq’ — piviusun­ngor­tin­neqas­sap­put. (2 Pîtruse 3:13) Taamanik­kus­samut „oqar­toqas­san­ngilaq: „Nap­parsimavunga!’“ (Jesaja 33:24) Al­laat inuit toqumut siooranerat peerutis­saaq, tas­sami Guutip ’qul­liit tamaasa isaan­nit al­lar­terumaar­pai, toqulu peqarun­naas­savoq, aliasut­toqarun­naarlunilu nil­liasoqarun­naarlunilu an­niar­toqarun­naas­savoq, siul­liit peermata’. — sarĸúmersitat 21:4.

¹⁵ Silarsuas­sami nutaami Guutip neriorsuutigisimasaani qanilaar­tut ’eq­qis­sinangaar­tunik’ atugaqas­sap­put. (tugsiaut 37:11) Qilam­mi naalak­kersuisut, Jesus Kristusip kun­ngioqataasalu 144.000-iusut, inuit naalat­tut naam­mal­luin­nas­sutsimik, siuaasaasa siul­liit Adamip Evallu an­naasimasaan­nik, pigisaqaleq­qik­kiar­tuaar­nis­saat isumagis­savaat. Toqumit makititaasut nunarsuup inuinut ilaalis­sap­put. — Lúkarse 23:42, 43.

16-18. Toqusimasut makititaanerat ilaqutariin­nut tamanut qanoq nuan­naarutaas­sava?

¹⁶ Toqusut makititaanis­saata ilaqutariin­nut nuan­naarutaanis­saanik Biibilip takus­sutis­saqar­tip­paatigut. Takorlooruk uil­lar­neq Nainimeersoq  qanoq nuan­naar­tigisoq Jesusip ilisiar­tor­tut unitseriarlugit er­nituani toqumit makitim­magu! (Lúkarse 7:11-17) Kingusin­nerusukut Galiliiap Tasersuata eq­qaani Jesusip niviarsiaraq aq­qaneq-marlun­nik ukiulik uum­mar­teq­qim­magu angajoq­qaavi ’qiim­matsat­torujus­suusimap­put’. — Mákorse 5:21-24, 35-42, (NV); aam­ma takuk­kit Kun­nginik al­lak­kat siul­liit 17:17-24; Kun­nginik al­lak­kat aap­paat 4:32-37.

¹⁷ Ul­lumik­kut ’sinip­paar­tunut’, toqusimasunut, mil­lionilik­kuutaanut, makititaaneq isumaqas­saaq nunarsuarmi eq­qis­sineqarfiusumi inooq­qiler­nermik. Eq­qarsaatigiuk taman­na Tom­mymut niuer­nermil­lu sulialim­mut, atuagas­siaaq­qami matumani im­mik­koor­tor­tat siul­lersaan­ni eq­qar­tor­neqar­tunut, qanoq nas­sataqas­sasoq! Tommy Paratiisimi nunarsuarmiit­tumi uum­maruni anaanami nalun­ngisaatut pis­sutsini atuin­nas­savaa — nap­paateqar­nanili. Anaanaata at­torsin­naas­savaa, eqis­sin­naas­sal­lugu asan­nin­nerminil­lu ersersitsivigisin­naas­sal­lugu. Angut Indiamiu niuer­nermik suliaqarsimasoq er­nioq­qit­taqat­taar­ner­nut kipif­feqan­ngiusar­tunut pisaritis­siman­ngilaq, Guutil­li silarsuaani nutaami uis­sin­naas­saaq er­ninilu takoq­qil­lugit.

¹⁸ Tar­neq, toqugut­ta qanoq pisoqar­nis­saa makititaanis­samil­lu neriuut pil­lugit sal­lusuis­sum­mik paasisaqar­neq uagutsin­nut ul­lumik­kut inuusunut aam­ma pingaarutilerujus­suuvoq. Qanoq ilil­luni taamaat­toq sam­meriar­tigu.

[Quppernerup ataani ilanngussaq]

[Atuaqqissaarnermi apeqqutit]

[Qupp. 26-mi assiliartaq]

Toqusimasut makititaanerat ataavar­tumik nuan­naarutaas­saaq