Siunissaq nuanningaartoq

’Inuusoq uan­nut up­per­toq kinaluun­niit toqunavias­san­ngilaq.’ — JUÁNASE 11:26.

1. Toqusimasut mil­lionilik­kuutaat avatangiisini qanoq it­tuni makititaas­sap­pat?

INUIT mil­lionilik­kuutaat toqumit makititaagunik nunarsuarmi inoqan­ngitsumi uum­mar­titaanavian­ngil­lat. (apustilit suliait 24:15) Alianaatsunik avatangiisilim­mi uum­mar­titaas­sap­put, inis­saqareerlutik, atisas­saqareerlutik naam­mat­torsuar­nil­lu nerisas­saqareerlutik. Tamak­ku kik­kut isumagereersimas­sagamik­kik? Nunarsuarmi toqusunik makititsineq sioq­qul­lugu silarsuarmi nutaami inuulereersimasut. Kik­kut?

2-4. ’Ul­lus­sani kingul­ler­ni’ inuusut qanoq nuan­ningaar­tumik siunis­saqar­pat?

² Biibilimi siulit­tuutit eq­quus­sor­nerisa takutip­paat pis­sutsit aaq­qis­suus­saanerata matuma ’ul­lus­saani kingul­ler­ni’ inuusugut. * (2 Timûtiuse 3:1) Ungasin­ngitsuk­kut Jehova Guuti inuit akor­nan­ni pis­sutsinut akuliutis­saaq nunarsuarmilu ajus­suseq piiarlugu. (Tus­siaat 37:10, 11; Us­satit 2:21, 22) Taamanik­kus­samut Guutip kif­fai aalajaatsut qanoq pineqas­sap­pat?

³ Jehovap naaper­tuil­luar­tut guutiitsunut peqatigitil­lugit nungutin­navian­ngilai. (Tus­siaat 145:20) Taamaaliun­ngisaan­narsimavormi, nunarsuarlu ajor­tuialeruniuk taamaalior­navian­ngilaq. (Naleq­qiuguk Mosesimik al­lak­kat siul­liit 18:22, 23, 26.) Biibilim­mi atuagar­taani kingul­lermi eq­qar­tor­neqar­put ’amerlangaar­tut kisin­neqarsin­naan­ngitsut, inuiaqatigiit im­mik­kul­lu naggueqatigiis­sut im­mik­kul­lu inuiaasut im­mik­kul­lu oqaasil­lit tamarmik ilaat’. (sarĸúmersitat 7:9-14) Aap, inuit ’amerlangaar­tut’ an­nikil­lior­nar­tus­sarsuarmi silarsuarmik guutiitsumik maan­nak­kut atuut­tumik nungutitsif­fiusumi aniguis­sap­put, Guutil­lu silarsuas­saanut nutaamut isersin­naatitaalis­sal­lutik. Tamaani inuit Guutimut naalak­kusut­tut Guutip inuit ajor­timit toqumil­lu aniguisin­niarlugit aaq­qis­suus­simasai tamak­kiisumik iluaqutigisin­naalis­savaat. (sarĸúmersitat 22:1, 2) Taamaat­tumik ’amerlangaar­tut’ toqun­ngisaan­narsin­naas­sap­put. Ilumut siunis­saq as­seqan­ngitsoq!

⁴ Neriuutip tupin­nangaar­tup tamatuma piviusun­ngor­nis­saa tatigisin­naavar­put? Aap! Jesus Kristusimi oqarsimavoq pif­fis­saq inuit toqusarun­naarfis­saat nal­liuk­kumaar­toq. Ikin­ngun­ni Lazarus toqumit makitin­ngitsiarlugu taan­na Mar­tamut ima oqarsimavoq: ’Inuusoq uan­nut up­per­toq kinaluun­niit toqunavias­san­ngilaq.’ — Juánase 11:26.

Aamma illit naassaanngitsumik inuulersinnaavutit

5, 6. Nunarsuarmi paratiisiusumi naas­saan­ngitsumik inuulerumagaan­ni qanoq ilior­tariaqar­pa?

⁵ Nunarsuarmi paratiisiusumi naas­saan­ngitsumik inoorusus­sin­naavit? Ilaqut­tatit ikin­ngutitil­lu toqusimasut takoq­qik­kusuk­kaluar­pigit? Taamaap­pat Guutip piumasaa siuner­taalu ilin­niar­tariaqar­patit. Jesus Guutimut qinunermini ima oqarsimavoq: ’Tas­saavorli inuuneq naas­saan­ngitsoq: il­lit ilisaralutit kisivit ilumut Guutiusutit, aal­lar­tital­lu Jesus Kristus ilisaralugu.’ — Juánase 17:3.

⁶ Guutip ’inuit tamaasa an­naq­quai sal­lusuis­sum­mil­lu  ilisarsileq­qul­lugit’. (1 Timûtiuse 2:3, 4) Qanoq ilil­lutit al­lat mil­lionilik­kuutaat Guutip piumasaatut iliulereersimasut peqatigalugit nunarsuarmi paratiisiusumi inuusin­naaler­nis­savit ilin­niar­nis­saanut maan­na pif­fis­saavoq. Guuti taas­sumalu piumasaqaatai pil­lugit ilin­niar­nerunis­san­nut Jehovap nalunaajaasuisa nuan­naarlutik ikiorusup­paatsit. Naalagaaf­filersaar­tarfian­nut saaf­figisin­naavatit imaluun­nit adres­sit qup­per­nermi tul­lermiit­tut ilaan­nut al­laf­figisin­naavatit.

[Quppernerup ataani ilanngussaq]

[Atuaqqissaarnermi apeqqutit]

[Qupp. 31-mi assiliartaq]

’Amerlangaar­tut’ toqusariaqas­san­ngil­lat