Sooq toqusarpugut?

’Qat­tuner­ni qooq­qunilu nipaaqaaq; or­pip­pas­suar­ni eq­qis­sinaqaaq; tim­mis­sat eq­qis­siivil­lutik qasuersaar­put. Utaq­qiin­narit! Il­lit­taaq er­niin­naq qasuersaalis­saatit.’ — TYSKEQ TAAL­LIOR­TOQ JOHANN WOLFGANG VON GOETE.

1, 2. (a) Inuk sumik kis­saateqar­til­lugu pin­ngor­tin­neqarsimava? (b) Inuit aap­pariit siul­liit inuuneq qanoq it­toq nuan­naarutigisin­naasimavaat?

GUUTIP inuk pin­ngor­tip­paa naas­saan­ngitsumik inoorusus­susilerlugu. Biibilimi oqaatigineqar­poq ’it­tuin­nar­toqar­nera inuup uum­mataanut tun­nius­simagaa’. (akugdlîs­sup oĸausê 3:11) Guutil­li inuk naas­saan­ngitsumik inoorusussutsimik tuniin­nan­ngilaa, kisian­ni aam­ma tamatuma angunis­saanut periarfissiilluni.

² Siuaasavut siul­liit, Adam Evalu, pin­ngor­tin­neqar­put naam­mal­luin­nar­tumik, isumak­kut timik­kul­lu in­narluuteqaratik. (5 Moses 32:4) Takorlooriaruk an­niaateqar­tuar­nani, nuan­niitsumik siooras­suteqar­nani isumakuluuteqar­nanilu inuuneq! Aam­mat­taaq Guutip inuit paratiisimik angerlarsimaf­filer­pai. Guutip siuner­taraa inuit naas­saan­ngitsumik inuus­sasut, aam­ma nunarsuaq taak­kua kinguaavinit naam­mal­luin­nar­tunit ulik­kaariar­tuaas­sasoq. (1 Moses 1:31; 2:15) Taava sooq toqusar­pugut?

Naalannginneq toqumik kinguneqarpoq

3. Adam Evalu naas­saan­ngitsumik inuus­sagunik susariaqarsimap­pat?

³ Guutip Adam ima peq­qusimavaa: „Naatsiiviup or­pii tamaasa nerif­figisin­naavatit, kisian­ni or­pik ajun­ngitsumil­lu ajor­tumil­lu nalujun­naarutaasoq nerif­figis­san­ngilat, nerif­figigaluaruk­kumi toqus­saatit.“ (1 Moses 2:16, 17) Adam Evalu naas­saan­ngitsumik inuus­sagunik pin­ngitsooratik naam­mas­sisas­saqar­put, tas­sa Guutimut naalat­tariaqar­put.

4. Sooq Adam Evalu ajor­tulioramik Paratiisimi naas­saan­ngitsumik inuusin­naajun­naar­pat?

⁴ Ajoraluar­tumik Adamip Eval­lu Guutip inatsisaanut naalan­ngin­nis­sar­tik qiner­paat. (1 Moses 3:1-6) Taamaalil­lutik ajor­tilin­ngor­put, tas­sami ’ajor­ti tas­saavoq inatsisaan­neq’. (1 Juánase 3:4) Tamatuma kingunerisaanik Adam Evalu naas­saan­ngitsumik inuusus­saajun­naar­put. Sooq? ’Ajor­tip akis­sarsiarititaa tas­saam­mat toqu.’ (Rûmamiut 6:23) Guutip Adamimut Evamul­lu eq­qar­tuus­sut nalunaarutigigamiuk ima oqar­poq: ’Is­sumit pivutit, is­sun­ngus­saatil­lu.’ Taava siuaasavut siul­liit angerlarsimaf­fim­min­nit paratiisiusumit anisitaap­put. Ul­lormi ajor­tuliorfim­min­ni Adam Evalu arriitsumik unitsin­neqarsin­naan­ngitsumil­li toqujar­tuler­put. — 1 Moses 3:19, 23, 24.

’Toqup inuit tamakkerlugit tikippai’

5. Inuit kinguaariit tamarmik qanoq ilil­lutik toqup ataaniiler­pat?

⁵ Maan­na ajor­ti Adamip Eval­lu geniini piiar­neqarsin­naanani ik­kuup­poq. Taamaat­tumik naam­mal­luin­nar­tunik kinguaas­siorsin­naajun­naar­put, soorlu kuitsivik equsimasoq equngan­ngitsunik pilersitsis­sutaasin­naan­ngitsoq. (Job 14:4) Inuit inun­ngor­tut tamavim­mik up­per­narsar­paat siuaasat­ta siul­liit peq­qil­luin­nas­suseq inuunerlu naas­saan­ngitsoq an­naasimagaat, im­min­nut kinguaamin­nul­lu. Apustili kristumiu Paulus ima al­las­simavoq: ’Taamaat­tumik soorlu inuk­kut ataasiusuk­kut ajor­ti silarsuarmut tikiut­toq ajor­tik­kul­lu toqu tikiul­luni, taamalu toqup inuit tamak­kerlugit tikik­kai, tamarmik ajor­tuliormata.’ — Rûmamiut 5:12; naleq­qiguk Tus­siaat 51:7.

6. Sooq toqusar­pugut?

⁶ Ul­lumik­kut ilisimatuut naluaat inuit utoq­qalil­lutil­lu toqusar­neran­nut sunar­piaq pis­sutaanersoq. Biibilimili nas­suiar­neqar­poq ajor­tiliul­luta inun­ngorsimaner­put, siuaasatsin­nit siul­ler­nit aal­laaveqar­toq, tamatumun­nga pis­sutaasoq. Toqugut­tali qanoq pisoqas­sava?

[Atuaqqissaarnermi apeqqutit]