Tarneq pillugu sallusuissut pingaaruteqarpoq

’Sal­lusuis­sut ilisaris­savarsi, sal­lusuis­sutil­lu inus­siaajun­naarsis­savaasi.’ — JUÁNASE 8:32.

1. Sooq tar­neq toqulu pil­lugit up­perisar­put misis­sus­sal­lugu pingaaruteqar­pa?

INUUP toqu ’inuunerul­lu aap­paa’ pil­lugit takorluugai up­perisaanit kulturik­kul­lu tunuliaqutaanit an­nerusutigut aal­laaveqar­tar­put. Soorlu paasereerip­put takorluuk­kat as­sigiin­ngitsor­pas­suup­put. Inuit ilaat isumaqar­put aatsaat arlaleriarujus­suarluni er­nioq­qit­taqat­taareer­nik­kut inaarutaasumik angusas­saq anguneqar­tar­toq, al­lal­lu isumaqarlutik ataasiaan­narluni inuunermi siunis­sami atugas­sat inaarutaasumik aalajanger­neqar­tar­tut. Ilaasalu qularin­ngil­luin­nar­paat toqugunik Piviusoq Qutsin­ner­paaq ataasioqatigilis­sal­lugu, ilaat isumaqarlutik nirvanamut an­nguk­kumaarlutik, al­lal­lu isumaqar­put qilam­mut piumaarlutik. Suna ilumoor­pa? Up­perisar­put isum­matsin­nut, iliuutsitsin­nut aalajanger­tar­nitsin­nul­lu sun­niuteqar­tarmat apeq­qum­mut tamatumun­nga akis­sutis­sarsinis­sar­put soqutigisariaqan­ngin­ner­par­put?

2, 3. (a) Sooq tar­neq pil­lugu Biibilimi oqaatigineqar­tut tatigisin­naavavut? (b) Biibili naaper­torlugu tar­neq pil­lugu sal­lusuis­sut sunaava?

 ² Atuak­kat pisoqaanersaan­ni, Biibilimi, inuiaat oqalut­tuarisaanerat inuup tar­niusup siul­liup pin­ngor­tin­neqar­neranit oqalut­tuarineqar­poq. Biibilimi ajoqersuutit inuit isumaliutersuutaan­nik oqalut­tuarsiatoqaan­nil­luun­niit ilaqan­ngil­lat. Tas­sani tar­neq pil­lugu sal­lusuis­sut erseq­qis­sumik nas­suiar­neqar­poq: Il­lit tar­nit tas­saavoq il­lit; toqungasut uumas­suseqan­ngil­luin­nar­put, inuil­lu Guutip eq­qaamasai pif­fis­sami taas­suma aalajangersimasaani makititaajumaar­put. Tamatumin­nga ilisiman­nin­nerit ilin­nut qanoq isumaqarsin­naava?

³ ’Sal­lusuis­sut ilisaris­savarsi, sal­lusuis­sutil­lu inus­siaajun­naarsis­savaasi,’ Jesus Kristus ajoqersuk­kaminut taama oqarsimavoq. (Juánase 8:32) Aap, sal­lusuis­sut inus­siaajun­naarsitsisar­poq. Tar­nerli pil­lugu sal­lusuis­sutip sumit inus­siaajun­naarsip­paatigut?

Siooranermit isumatsannermillu inussiaajunnaarneq

4, 5. (a) Siooraneq suna tar­neq pil­lugu sal­lusuis­sutip peer­tar­paa? (b) Toqusut makititaanis­saan­nik neriuutip inuusut­tuaraq katsorsar­neqarsin­naan­ngitsumik nap­parsimasoq qanoq ilil­lugu sapiis­suseqar­til­lugulu neriuuteqar­tis­simavaa?

⁴ „Inuit amerlanersaasa toqu siooragaat eq­qarsaatiginaveersaar­tarlugulu,“ The World Book Encyclopedia-mi al­las­simavoq. „Oqaaseq ’toqu’ Kitaani taaneqarsin­naajun­naangajas­simavoq,“ oqalut­tuarisaanermik ilisimatooq oqar­poq. Kulturit ilaan­ni inuit toqusoqar­nera oqaatiginiaraangamik­ku taarsiul­lugu oqar­tar­put „peerup­poq“, imaluun­niit „qimagup­poq“. Toqumut siooraneq taman­na iluamik oqaatigalugu tas­saavoq nalusamut siooraneq, inuim­mi amerlanerit toqup suunera naluaat. Toqugut­ta qanoq pisoqas­sasoq pil­lugu sal­lusuis­sut paasigaan­ni toqumut siooraneq peerut­tar­poq.

⁵ Michaelyn 15-inik ukiulik tamatumun­nga as­sersuutis­saal­luar­poq. Taan­na aam­migut kræfteqar­poq toqunis­sanilu nalunagu. Anaanaa, Paula, ima oqalut­tuar­poq: „Michaelyn taamaal­luni oqar­poq toqugaluaruni soqutaan­ngitsoq, nalun­ngin­namiuk toqu atuuk­kal­laan­nar­tus­saasoq. Guutip silarsuas­saa nutaaq taamanik­kus­samul­lu makititaasus­sat as­sut eq­qar­tor­tar­pavut. Michaelyn Jehova Guutimut makititaanis­samul­lu nukit­tuumik up­pis­suseqar­poq. Sun­nguamil­luun­niit qularuteqan­ngilaq.“ Makititaanis­samik neriuutip tamatuma niviarsiaraq sapiitsoq taan­na toqumut ingasat­tumik siooranis­saraluanit aniguisip­paa.

6, 7. Tar­neq pil­lugu sal­lusuis­sutip isumatsan­nermit sumit inus­siaajun­naarsit­tar­paatigut? As­sersuuteqarit.

⁶ Michaelynip angajoq­qaavisa sal­lusuis­sum­mik tamatumin­nga ilisiman­nin­ner­tik qanoq iluaqutigaat? „Panin­nguat­ta toqunera misigisimasatsin­ni alianar­nersaavoq,“ Jeff, niviarsiaq­qap ataataa, oqalut­tuar­poq. „Jehoval­li makititsinis­saminik neriorsuutaa tatigil­luin­nar­par­put, asasat­talu Michaelynip pak­kusimasin­naaleq­qin­nis­saa qilanaareqaar­put. Takoq­qin­nis­saa ilumut qilanaar­naqaaq!“

⁷ Aap, tar­neq pil­lugu sal­lusuis­sum­mik ilisiman­nin­neq qimagaasut neriuutaarul­luin­nar­tutut misiginis­saraluan­nik pin­ngitsoor­titsisar­poq. Soorunami asasamik toquk­kut an­naasaqar­nermi aliasun­neq suul­luun­niit peerluin­narsin­naan­ngilaa. Toqusul­li makititaanis­saan­nik neriuutip aliasun­neq mil­lisis­sin­naavaa oqin­nerulersil­lugulu.

8, 9. Toqungasut pil­lugit sal­lusuis­sut sumut ersinermit inus­siaajun­naarsitsisar­pa?

⁸ Toqungasut pil­lugit sal­lusuis­sutip Biibilimi nas­saas­saasup toqusunut ersinis­saraluatsin­nit aniguisip­paatigut­taaq. Toqusoqar­nerani up­perisapalaanik tun­ngavilim­mik ileq­qulersuuteqar­tar­ner­nut inus­siaataasimagaluar­tut ilar­pas­suisa sal­lusuis­sut taman­na ilik­karsimavaat maan­nalu perloq­qusinerit, naasaat aar­nus­sal­lu isumakuluutigiun­naarsimal­lugit. Siuaasatil­lu uteq­qin­ngin­nias­sam­mata inuusunil­lu akor­nusersuin­ngin­nias­sam­mata saam­marsar­niarlugit akisuunik pil­liuteqar­tariaarus­simap­put. Toqungasut ’sun­nguamil­luun­niit ilisimasaqan­ngim­mata’ ileq­qut taama it­tut iluaqutaan­ngil­lat. — Nalunaajaasup oqaasii 9:5.

⁹ Tar­neq pil­lugu sal­lusuis­sut, Biibilimi nas­saas­saasoq, ilumoorlunilu inun­nik inus­siaajun­naarsitsisar­poq. Maan­nali Biibilip siunis­samut neriorsuutaa al­la sam­milaariar­tigu.

[Atuaqqissaarnermi apeqqutit]

[Qupp. 29-mi issuagaq]

Tar­neq pil­lugu sal­lusuis­sutip toqumut siooranermit, toqusimasunut ersinermit asasatsin­nil­lu toquk­kut an­naasaqar­nitsin­nik ar­torsaatigin­nit­tuar­nis­saraluatsin­nit aniguisip­paatigut