Qinunik­kut piareer­sar­luarit. Im­minut eq­qarsaatiginak tusarlius­sas­san­nik eq­qarsaatigin­nin­nis­samut ikioq­qul­lutit qinugit. Suut pingaar­ner­tut sam­miniar­nerlugit ilisimal­luaruk. Pineqar­toq nam­mineq oqaatsitit atorlugit eq­qar­toruk; naqitani oqaatsit tul­leriiaaq­qis­saarlugit is­suar­naveersaak­kit.

Uum­mam­mit pisumik oqalugit. Eq­qarsaatigiuk sooq tusar­naar­tivit tusarlius­sas­saq tusar­tariaqaraat. Tusar­naar­titit eq­qarsaatigik­kit. Taamaalioruit timik­kut, us­sersor­nik­kut kiin­nak­kul­lu takuneqarsin­naas­saaq ilumoorlutil­lu ikin­ngutin­nersuusutit.

Tusar­naar­titit isigisak­kit. Tusar­naar­tit nak­kutin­ngik­kaluarlugu isaatigut toq­qarlugu isigiuk. Oqalugiar­nermi tusar­naar­tut eqimat­tatut isiginagit ataasiak­kaarlugit qiviar­tak­kit.