“Guuti ajortumik iliunngisaannarpoq, Ajugaqanngitsoq peqquserluttumik iliorneq ajorpoq.” – Jobi 34:10

Sooq silarsuarmi taama naalliunnartoqartigaa?

• 1 Johannesi 5:19

  Saatani Diaavulu silarsuup matuma naalagaraa.

• Oqaluussisartup oqaasii 8:9

  Inuit inoqatimik naalliuutaannut pisuusarput.

• Oqaluussisartup oqaasii 9:11, Testamentitoqaq

  Ilaannikkut inuit nalaatsornikkut naalliunnartunik nalaataqartarput.

• 1 Petrusi 5:7

  Jehovap inuit asangaarpai naalliunnerallu nuannarinngilluinnarlugu.

‘Guutip nalunngilaa isisi uisitaajumaartut Guutisullu ilerumaartusi ajunngitsoq ajortorlu nalujunnaassallugit.’ – 1 Mosesi 3:5

Sooq Saatanip unnerluutiginnissutaa Jehovap sumiginnanngilaa?

• 1 Mosesi 3:2-5

  Saatanip Guuti naalakkersuinerluttuunerarpaa. Inuit isumaqartikkusuppai suut ajunngitsuunerannik ajortuunerannillu namminneq aalajangiisinnaatitaasut.

• Jobi 38:7

  Inngilit millionillit isigitillugit Saatani Jehovamut pikitsitsivoq.

“Inuk ingerlasoq alloriartarnerminik aqutsisinnaatitaanngilaq.” – Jeremia 10:23, NW

Sooq taama sivisutigisumik inuit naalliussimappat?

• Esaja 55:9

  Inuit naalakkersueriaasii assigiinngitsut amerlasimaqaat, inuilli Guuti ikiortiginagu nunarsuarmi kinguneqarluartumik naalakkersuisinnaanngillat.

• 2 Petrusi 3:9, 10

  Jehova erinitsajuitsuuvoq, imminillu ilisarisimannilerniassagatta taannalu Naalakkatsitut qinerniassagatsigu periarfississimavaatigut.

• 1 Johannesi 3:8

  Jehovap Jiisusi aqqutigalugu Saatanip ajortuliaasa kinguneri tamaasa aaqqissavai.

“Ernera, ilisimasuuniarit ... mitallersikka akisinnaaniassavakka.” – Ussatit 27:11

Sooq imminut kiffartoqqulluta Jehovap pinngitsaalinngilaatigut?

• 5 Mosesi 30:19

  Jehovap uagut piumasatsinnik iliorsinnaatippaatigut. Nammineq aalajangersinnaavarput kiffartorfiginiarlugu kiffartorfiginiarnaguluunniit.

• Matthæusi 22:37, 38

  Asanninnerput tunngavigalugu kiffartorfigissagitsinni Jehovap kissaatigaa.