“Nipiga naalassiuk, taava Guutigissavassinga, ilissilu innuttarissavassi.” – Jeremia 7:23

Guutimut ikinngutaalertoqarsinnaava?

• 1 Mosesi 22:18; Jaaku 2:23

  Aaperaat Jehovamut ikinngutaalerpoq taassumunnga upperlunilu naalakkami.

• 2 Nalunaarsuutit 16:9

  Jehovap naalattut ikiorumaarpai.

• Tussiaat 25:14; 32:8

  Jehovap ikinngutini ilisimassuseqalersittarpai.

• Tussiaat 55:23

  Jehovap ikinngutini annertoqqusersussavai.

“Jobi tamakkuninnga tamanik pineqaraluarluni ajortuliunngilaq Guutilu assuarliuteqarfiginngilaa.” – Jobi 1:22

Saatanip Jobi qanoq misilippaa, Jobilu sua?

• Jobi 1:10, 11

  Saatanip Jobi namminissarsiornerarlugulu Guutimik asanninnginnerarpaa.

• Jobi 1:12-19; 2:7

  Saatanip Jobip pigisaanit tamanit arsaarinninnera Jehovap akueraa, aamma Saatanip Jobi naalliunnartumik nappaateqalersippaa.

• Jobi 27:5

  Jobip sooq taama naalliunnartunik nalaataqarnini naluaa, aalajaattuarporli.

‘Inuup pigisani tamaasa akigeriaannaasarpai inuunini annaajumanagu.’ – Jobi 2:4

Saatanip qanoq Jehovamut ikinngutaajunnaarsinniartarpaatigut?

• 2 Korinthimiut 11:14

  Saatanip Jehovamut naalanngitsinniarluta salloqqittarniartarpaatigut.

• Ussatit 24:10

  Jehovamut kiffartornissamut ajukkuttutut misigitinniartarpaatigut.

• 1 Petrusi 5:8

  Saatanip persarisarpaatigut.

• Ussatit 27:11

  Jehovamut naalanniarlutit ikinngutaajuarumallutillu aalajangerit. Taava Saatanip sallutuujunera uppernarsassavat.

“Guutimummi asanninneq tassaavoq inassutai maleruaratsigit.” – 1 Johannesi 5:3

Jehova qanoq ikinngutigilersinnaaviuk?

• 5 Mosesi 6:5

  Guuti asallugu ersersiguk. Tamanna naalannissannut iluaqutigissavat.

• Esaja 48:17, 18

  Jehova naalaguk. Tamanna ilinnut iluaqutaajuaannarumaarpoq.

• 5 Mosesi 30:11-14

  Jehovap artukkannik piumasaqarfiginavianngikkaatit tatigiuk.

• Filippimiut 4:13

  Eqqortuliorit, taava Jehovap pisariaqartitannik nakussatsissavaatit.