“Guuti Naalagaq oqarpoq: ‘Iluanngilaq inuk kisimiimmat, ikiortissiussavara taassumunnga tulluartumik.’” – 1 Mosesi 2:18

Ilaqutariittut qanoq pilluarsinnaavisi?

• 1 Mosesi 1:26-28

  Jehovap ilaqutariit siulliit pilersippai.

• Efesosimiut 5:1, 2

  Ilaqutariittut pillualissagaanni Jehova Jiisusilu ilaarneqartariaqarput.

“Tamassi immikkut nuliasi ... asasussaavasi, nuliaasullu uini mianerisussaavaa.” – Efesosimiut 5:33

Uiusoq nuliaasorlu imminnut qanoq pisussaappat?

• Efesosimiut 5:22-29

  Uiusup ilaqutariit akisussaaffigai. Nuliani asasussaavaa, nuliatalu uimi aalajangigai tapersersortussaavai.

• Kolossemiut 3:19; 1 Petrusi 3:4

  Imminut inussiarnerlutillu ajunngitsumik pisussaapput.

• 1 Petrusi 3:1, 2, 7

  Uiusoq nuliaasorlu ataqqeqatigiittussaapput.

• 1 Timotheusi 5:8; Titusi 2:4, 5

  Uiusup ilaquttani pilersortussaavai. Nuliaasup angerlarsimaffitsik ilaquttanilu isumagilluartussaavai.

“Qitornasi narrutsatseqinasigit, perorsartuarsigilli Jehovap ileqqoreqqusai oqaaqqissaarutaalu malillugit.” – Efesosimiut 6:4, NW

Angajoqqaajusut suna akisussaaffigaat?

• 5 Mosesi 6:4-9; Ussatit 22:6

  Meeqqatit Jehova pillugu ilinniartinnissaat piffissaqarfigisariaqarpat. Mikisuuneranniilli naammagittarlutit Jehovamut ikinngutaaleqqullugit ikiukkit.

• 1 Petrusi 5:8

  Meeqqatit kinguaassiuutitigut atornerluiniartunut navianartunullu allanut imminut qanoq illersorsinnaanersut ilinniartikkit.

• Jeremia 30:11; Hebræerit 12:9-11

  Meeqqatit perorsartariaqarpatit, kamallutilli peqqarniitsumilluunniit pinngisaannassavatit.

“Qitornaasusi, angajoqqaasi naalassigit.” – Efesosimiut 6:1

Meeraasusi, sooq angajoqqaassinnut naalattassavisi?

• Ussatit 23:22-25; Kolossemiut 3:20

  Naalannissigut Jehova angajoqqaasilu nuannaartissavasi.

• 1 Korinthimiut 15:33

  Jehovamik asannittunik ikinngutissarsiorit. Taava eqqortuliornissaq sapernannginnerutissavat.